#Шукуҳ

Президентимиз бугун Мудофаа вазирлигининг Марказий ҳарбий клиник госпиталида бўлиб, бир гуруҳ иккинчи жаҳон уруши фахрийлари билан мулоқот қилдилар, байрам билан муборакбод этдилар. Жумладан, Ўрта Чирчиқ туманида яшовчи Муҳиддин ота Дўсанбоев бугун давлатимиз раҳбари билан кўришдилар. Отахоннинг орзуси амалга ошди. Набиралари олий таълим даргоҳига ўқишга қабул қилинди. Олий таълим вазири Конгратбай Шарипов бу ҳақидаги сертификатни Муҳиддин отага ўз қўли билан топширди.

Айтиш жоизки, бугун вилоятимизда 16 нафар уруш фахрийлари истиқомат қилади. Давлатимиз раҳбарининг "Иккинчи жаҳон уруши қатнашчиларини рағбатлантириш тўғрисида"ги Фармонларига асосан, уруш фахрийларига муҳтарам Юртбошимизнинг байрам табриги ва совғаларини топшириш тадбирлари бўлиб ўтмоқда. Бугун вилоят сектор раҳбарлари томонидан мазкур совғалар фахрийларга етказилди.

Хусусан, бугун Ангрен шаҳрида истиқомат қилаётган уруш фахрийлари – Николай Прокошкин, Мария Овасапова, Роза Жаназарова ва Элвира Якименконинг хонадонларида бўлиб, Юртбошимизнинг байрам табриклари ва совғаларини етказдим, самимий суҳбатлашдик.

📱 Instagram | 📱 Twitter | 🌐YouTube | 📱 Facebook| 🕊Telegram

#Hamkorlik

Eksport geografiyasi kengayadi

Bugun Toshkent viloyati hokimi Zoyir Mirzayev O‘zbekistonning chet el mamlakatlaridagi 42 nafar favqulodda va muxtor elchilari bilan zoom orqali muloqot qildi. Muloqotda viloyat hokimi Toshkent viloyatining investitsion salohiyati, kiritilgan investitsiyalar hajmi va chet el kapitali ishtirokida faoliyat yuritayotgan korxonalar to‘g‘risida to‘xtalib o‘tdi.

Shuningdek, Koreya Respublikasi, Yaponiya, Xitoy, AQSHdagi elchixonalar bilan onlayn muloqotda Toshkent viloyatiga elektrotexnika sohasidagi ilg‘or kompaniyalarni jalb etilishiga ko‘maklashni soʻradi.

Ma’lumot o‘rnida, 2022-2023-yillar davomida Toshkent viloyatiga jami 1 milliard 510 million dollarlik to‘g‘ridan-to‘g‘ri xorijiy investitsiyalar o‘zlashtirilgan.

Zoyir Mirzayev Toshkent viloyatida investitsiya salohiyatini yuksaltirish, yirik investorlarni jalb qilish va viloyatda ishlab chiqarilayotgan mahsulotlar eksportining yuqori ko‘rsatkichlarga erishishida elchilarning hissasi ahamiyatli ekanini taʼkidlab, ularga o‘z minnatdorchiligini bildirdi.

📱 Instagram | 📱 Twitter | 🌐YouTube | 📱 Facebook| 🕊Telegram

#Шукуҳ

Бугунги кунда Тошкент вилоятида истиқомат қилаётган муҳтарама аёлларимиз турли соҳаларда фидокорона меҳнат қилишмоқда. Жумладан, раҳбарлик лавозимида 3865 нафари, тадбиркорлик соҳасида 6510 нафари, прокуратура соҳасида 14 нафари, суд идораларида 51 нафари, ички ишлар тизимида 126 нафари, тиббиёт соҳасида 48 минг, қишлоқ хўжалиги соҳасида 22 минг, давлат идораларининг турли йўналишларида 27 минг, таълим соҳасида 30 мингдан зиёдроқ хотин-қизлар фаолият юритмоқда.

Чирчиқ шаҳридаги «Кимёгарлар» кошонасида вилоятнинг асосий байрам дастури бўлиб ўтди. Айни пайтда вилоятимизнинг барча шаҳар ва туманларида, қишлоқ ва маҳалларида тантанали маросим, байрам дастурлари давом этмоқда. Бугун марказий хиёбонлар, аҳоли дам олиш масканлари, кўнгилочар манзиллар меҳмонларни кутиб олишга шай. Байрам шукуҳи вилоятимиз бўйлаб кезиб юрибди.

Байрамингиз муборак бўлсин муҳтарама онахонлар, азиз опа-сингиллар!

#Расмий
#билдириш

Ҳарбий бўлишни ният қилган ёшларни мулоқотга таклиф қиламан!

Ҳурматли ёшлар! Сизнинг ҳарбий хизматчи бўлиш, Ўзбекистон Республикаси Қуролли кучлари сафида хизмат қилиш ниятингизга кимлар ёки қандай омиллар тўсиқ бўлмоқда? Баъзида ҳарбий хизматга боришнинг қинғир йўллари, усуллари ҳақида гаплар қулоққа чалиняпти. Шу масала ҳақида сизнинг дангал фикрингиз, аниқ таклифларингизни кутаман.

Мен Ватанимиз ҳимоячиси бўлишни ният қилган мард ва жасур йигитлар билан очиқ мулоқотга тайёрман. Ҳурматли ота-оналар, сиз фарзандингизни армияга юборишда қандай тўсиққа дуч келдингиз? Келинг, шу ҳақида очиқчасига гаплашамиз.

Бугун бўлиб ўтган ҳарбий-маъмурий сектор йиғилишида мазкур масалага оид дастлабки, хулоса ва фикрлар, шунингдек,  мутасаддиларнинг изоҳларини эшитдим. Асосий ишларимиз ҳали олдинда. Жорий йил 17 февраль куни шу масала бўйича ота-оналар ҳамда ёшлар билан учрашиш, мулоқот қилишни режалаштирдим.

Ҳарбий бўлишни орзу қилган, ноаниқ сабабларга кўра армияга боролмаётган Тошкент вилояти ёшларини, ота-оналарни бу учрашувга таклиф қиламан.  Мулоқот 17 февраль куни 10:00 да Нурафшон шаҳридаги "Нурафшон бизнес сити" дирекцияси биносида бошланади.

Мулоқотда қатнашинг, фикр ва таклифларингизни билдиринг.

Зойир Мирзаев,
Тошкент вилояти ҳокими

Рўйхатдан ўтиш учун телефонлар:
**71 232 80 49
99 766 79 09
99 306 30 10

📱 Instagram | 📱 Twitter | 🌐YouTube | 📱 Facebook| ✉** Telegram

#Кун_тартиби

Ҳарбий хизматга бориш учун бугун йигитлар қандай қийинчиликка дуч келаяпти? Халқ орасида юрган турли гап-сўзлар қанчалар асосли?

Ҳарбий-маъмурий сектор раҳбари сифатида, бугун мана шу масалалар юзасидан масъуллар билан фикр алмашдим. Амин бўлдимки, бу борада ҳали кўп ишларни амалга оширишимиз керак. Ёшлар Ватанга хизмат қиламан, Ўзбекистон армияси сафида бўламан, деб орзу қилиб турганда, бу йўлга тўғаноқ бўлаётган ёқимсиз иллатларга қарши қатъий курашамиз.

Youtube👈

Facebook👈

https://t.me/Mirzayev_Zoyir

#Қутлов

Азиз ватандошлар! Устозлар ва пиру бадавлат нуронийлар, мунис опа-сингиллар ва ака-укаларим, дўсту қадрдонларим!

Сизларни Янги йили йил билан чин қалбимдан табриклайман. Эндиликда тарихга айланиб бораётган 2023 йил манзараларини кўз олдимга келтириб, барча-барчангизга чуқур миннатдорлик билдиришга ўзимни бурчли ҳисоблайман.

Муҳтарам Юртбошимиз бошлаб берган тарихий ислоҳотларни жорий этишда ҳамиша сизларга суяндим ва бундан кейин ҳам шундай бўлади. Сизларга соғлик-саломатлик, бахту саодат тилайман!

Янги йилингиз қутлуғ бўлсин!

Ҳурмат билан,
Зойир Мирзаев