❗️Talabalar uchun qishki ta’til 25-dekabrdan boshlanadi

Barcha oliy taʼlim tashkilotlari talabalari, texnikum, kollej, kasb-hunar maktabi va akademik litseylar oʻquvchilariga joriy oʻquv yili uchun beriladigan qishki taʼtil 2024-yilning 25-dekabridan 2025-yilning 7-yanvariga qadar (shu kuni ham) davom etadi.👉 @hushnudbekreklama 👈

🇺🇿🇰🇬 Abdulla Aripov Qirg‘izistonning yangi bosh vazirini tabrikladi

Telefon muloqoti davomida bosh vazir Abdulla Aripov qirg‘izistonlik mavqedoshi Odilbek Qosimaliyevni ushbu lavozimga tasdiqlangani bilan tabrikladi.

Ma'lumot uchun, Odilbek Aleshovich Qosimaliyev bundan buyon Qirg‘iziston hukumatini boshqaradi.

Kecha, 18-dekabr kuni mamlakat parlamentida hukumatning yangi tarkibi qasamyod qildi.

Qosimaliyevdan oldin 3 yildan ortiqroq vaqt davomida Qirg‘iziston bosh vaziri bo‘lgan Aqilbek Japarov avvalroq lavozimidan ozod qilingan edi.

❓Aqilbek Japarov nima uchun ishdan olindi?

Prezident Sadir Japarov Aqilbek Japarovning ishdan ketishiga ayni paytda mamlakat Soliq xizmati rahbariyati va xodimlariga nisbatan ko‘rib chiqilayotgan jinoyat ishida manfaatlar to‘qnashuvi yuzaga kelishining oldini olish uchun qaror qilinganini aytdi.

Joriy yilning 3-dekabrida Soliq xizmatining poytaxt Bishkekdagi barcha to‘rt tumanidagi bo‘limlarida ommaviy hibsga olishlar o‘tkazilgan edi.

Ma'lum bo‘lishicha, soliq xodimlari korrupsion sxema tuzib, davlat byudjetiga 3,2 mlrd Qirg‘iziston somi miqdorida zarar yetkazgan.

Soliq xizmati aynan sobiq bosh vazir Aqilbek Japarov nazorati ostida edi.

👉 @hushnudbekreklama 👈

Elektromobillarni zaryadlash stansiyalarini tarmoqdan uzishayotgani xabar qilinmoqda. Energetika vazirligi esa raddiya berib, qaysi stansiyani uzishgan bo‘lsa, "Ishonch telefonlari"ga murojaat qilishlarini so‘radi

Bugun ijtimoiy tarmoqlarda hech qanday huquqiy asos ko‘rsatmagan holda elektromobillarni quvvatlash stansiyalarini ham o‘chirib qo‘yish boshlangani haqida xabarlar tarqaldi. Quyi bo‘g‘indagi mas’ullar holatni “tepadan shunday buyruq bo‘ldi” degan jumla bilan izohlayapti, deya yozdi KunUz nashri.

Energetika vazirligi bu kabi xabarlarni inkor qildi. Vazirlikning aytishicha, elektromobillarni zaryadlash stansiyalarini tarmoqdan uzish bo‘yicha hech qanday topshiriq berilmagan.

Shuningdek, vazirlik ekologiyamizni asrashga katta hissa qo‘shadigan elektromobillarni O‘zbekistonda ommalashtirish tarafdori ekanligini ma’lum qilib, elektromobillarni quvvatlash stansiyalarini o‘rnatgan tadbirkorlik subyektlaridan +99871-231-16-61 (ichki 7037, 7046 va 7057) raqamli "Ishonch telefonlari"ga murojaat qilishni so‘radi.

👉 @hushnudbekreklama 👈

♟Hindiston Butunjahon shaxmat olimpiadasida muddatidan avval chempion bo‘ldi. O‘zbekiston esa medal olish imkoniyatini qiyinlashtirdi

Bugun yigitlarimiz ??Xitoy bilan jang qilib, afsuski 2,5-1,5 hisobida mag‘lub bo‘ldi. Dastlab oq donalarda o‘ynagan Nodirbek Abdusattorov amaldagi shaxmat toji sohibi Din Lijen himoyasini yorib o‘ta olmadi. Aksincha, o‘zi qiyin vaziyatga tushib qoldi. Yaxshiki, raqib ham xato qildi va Nodirbek durangni ta’minladi.

Keyingi partiyada Javohir Sindorov teng vaziyatda bittagina xato yurish ortidan ahvolini o‘ta yomonlashtirdi va undan chiqib keta olmay, mag‘lub bo‘ldi.

Butun turnir davomida ishonchli o‘ynagan Shamsiddin Vohidov esa bugun ham juda ishonchli o‘yin ko‘rsatdi va raqibini mag‘lub etdi. Hisob 1,5-1,5 bo‘ldi.

Oxirgi partiyada Nodirbek Yakubboyev qora donalarda og‘ir bahsni o‘tkazdi. Partiya davomida ikkala tomondan ham xatolar ko‘p bo‘ldi. Eng qizig‘i, dastlab Nodirbek matonat ko‘rsatib, mag‘lubiyatli pozitsiyada sabr bilan himoyalandi va farzinni ham qurbon qildi. Shundan so‘ng raqib ham birin-ketin xato qila boshladi va vaziyat tenglashdi. Nodirbek h3 orqali ruhni qurbon qilishni topganida o‘yin durang bo‘lar edi. Balki topgandir ham, lekin negadir bu yurishni qilmadi. Balki oltin medal uchun bizga durang emas, faqat g‘alaba kerakligi uchun tavakkal qilgandir, kim bilsin. Bu tavakkalchilik ortidan raqib boshqa xato qilmadi va yakunda Nodirbek mag‘lubiyatini tan olishga majbur bo‘ldi.

Shunday qilib, yigitlarimiz medal olish uchun imkoniyatni qiyinlashtirdi. Oltin va kumush medal ololmasligimiz aniq, nazariy jihatdan bronza medali uchun imkon bor, ammo bu ham qiyinroq.

Ertaga oxirgi turda barchasi hal bo‘ladi.

Erkaklar o‘rtasida ??Hindiston terma jamoasi muddatidan oldin chempion bo‘ldi. Ular bugun kimsan ??AQSh terma jamoasini ham mag‘lub etishdi va oltin medalni kafolatladi. Hindlarning oltin avlodiga qoyil va tasanno!

Qizlarimiz esa bugun ???????Angliya ustidan 3-1 hisobida ishonchli g‘alabaga erishdi. Nodira Nodirjonova hamda Umida Omonova raqiblarini taslim etgan bo‘lsa, Afro‘za Hamdamova hamda Nilufar Yakubboyeva durang qayd etdi.

? @hushnudbekreklama ?

⚡️Qoraqalpog‘istonlik yoshlar uchun qo‘shimcha qabul kvotalari tasdiqlandiPrezidentning 2022-yil 31-avgustdagi PF–213-son Farmonida qoraqalpog‘istonlik yoshlar uchun qo‘shimcha kvota ajratilishi belgilangan.

✅ Mazkur Farmon ijrosi yuzasidan Davlat qabul komissiyasining navbatdagi bayoni bilan qoraqalpog‘istonlik yoshlar uchun tumanlar kesimida tarmoq sohalari bo‘yicha oliy ma’lumotli kadrlarga bo‘lgan ehtiyojni inobatga olgan holda, bakalavriat ta’lim yo‘nalishlariga bazaviy to‘lov-kontrakt asosida 10 mingta qo‘shimcha qabul parametri tasdiqlandi. Bunda ajratilgan qabul parametrlarining:

10 mingta qo‘shimcha qabul parametri – kirish imtihonlarida 56,7 ball va undan yuqori ball to‘plagan, lekin talabalikka tavsiya etilmagan abituriyentlar hisobidan shakllantirildi.

??‍? Qo‘shimcha qabul parametrlari doirasida talabalikka tavsiya etilgan qoraqalpog‘istonlik yoshlar tavsiya etilganlik holatini my.uzbmb.uz sayti orqali shaxsiy kabinetidan bilishlari mumkin.

? Shuningdek, oliy ta’lim muassasalariga tanlov qaydnomalari yetkaziladi.

? @hushnudbekreklama ?

❗️ Chirchiq, Sirdaryo, Sangzor, Zarafshon, Norin, Qashqadaryo va Surxondaryo daryolari o‘zanlaridagi noruda materiallarni qazib olishga muddatsiz moratoriy joriy etiladigan hududlar chegaralari tasdiqlandi

Bu haqdagi Hukumat qarori qabul qilindi.

✅ Bunda moratoriy tatbiq etiladigan daryolar hududlari chegaralariga daryo o‘zanlari, ularning sohilbo‘yi mintaqalari va suvni muhofaza qilish zonalari kiradi.

☝️ Tegishli tashkilot va hokimliklar daryolarning moratoriy tatbiq etilishi belgilangan hududlarida daryo o‘zanlarini tozalash va noruda materiallarini qazib olish ishlari to‘xtatilishini qat’iy nazoratga oladi.

✔️ Daryolarning moratoriy tatbiq etilishi belgilangan hududlarida joylashgan qum-shag‘al qazib oluvchi hamda qayta ishlovchi tadbirkorlar tog‘ va tog‘oldi hududlarga yoki ushbu hududlarning yaqinida joylashgan kichik sanoat zonalariga ko‘chiriladi hamda ularga noruda materiallarini o‘z ichiga olgan yer qa’ri uchastkalaridan foydalanish huquqi “E-auksion” orqali rasmiylashtirib beriladi.

? @hushnudbekreklama ?

Telegram

Huquqiy axborot

#Қонунчиликдаги\_янгиликлар ***❗️***Норуда материалларни қазиб олиш бўйича мораторий татбиқ этилган ҳудудларнинг чегаралари белгиланди “Норуда материалларни қазиб олишга мораторий жорий этилган сув ҳавзалари ҳудудларининг чегараларини белгилаш тўғрисида”ги Ҳукумат…