https://t.me/rebvar290198

نامێ شێعرێ: چەرمەڵه
شێعرە و دەنگ: رێبوار
چەپڵەڕێزان: مامۆسا عثمان

چەرمەڵه

دەی دەی دەی ئاما دەوران شێویا
جل و بەرگ چەرمه ،زەردی لێویـا

پاییز هەناســەش بی دما هەناسه
زمسانیچ مەلۆ، ڤەهاریـــچ پاســه

هامن گێرۆوه یاگـــــــــەکێ پاری
مەلۆوه مابەیــن پاییـز و ڤەهاری

ئادٚێ چوار وەرزێ گێڵا پەی وێشا
نه ئەو ڕەنجیـــــا نه ئێدٚ دڵ ئێشا

بەڵام من و تۆ باڵا شـۆخ و شەنگ
نه وەرز، ڕۆبەڕۆ واڕیەیمێ جە ڕەنگ

تا گەرمەن ویروو وێمان کەرمێوه
خاس بلمێ پێشواز وەروێ چەرمێوه

گردٚێمان "ڕێبوار" ڕاو پاییزینمــــێ
چەرمەڵەو ئارۆی،سەوزوو هیزینمێ

رێبوار 1403/10/01
https://t.me/rebvar290198

https://t.me/rebvar290198
شەوەو زمسانی
شێعرە و دەنگ: رێبوار
راکەوت: 1402/09/30 (شەوەو زمسانی)

https://t.me/rebvar290198

نامێ شێعرێ: ڕامه
شێعرە و دەنگ: ڕێبوار

رامه

چەنی وێت بەردەنات پەی کۆ خەیاڵی
خەیاڵم هەرکــــــۆ مەیلت بۆ مەماڵـــی

بەخێڵیــــــم بەردەبێ ساحیـو دڵا، زوو
واتەبێم خەیاڵــــــــــــی بێ دڵ نمازوو

خەیاڵ و دڵ دەشتەشا گێـــرتەبێ وەر
رووبه سارای بێ درەخت دوورە سێوەر

شەرتەبۆ دەشتـــــه گێروو وەر داخەنە
گەورەیی هەن وارەنه نیــــەن شاخەنە

درەختــــی پەڕ سەمەر مەدٚیەورە واری
مەبـــۆ دەرسێوە ژیـــــــوای "ڕێبوار" ی

دەبا هەمتــــەر نەلۆ ڕای بێ شــــەقامه
کەرگه هێڵه بەرۆ بێ هێــــــــــــــڵەڕامه

رێبوار 1403/09/09
https://t.me/rebvar290198

قەوڵت دا واتت بێ تۆ مـــــــەحاڵەن
بێ تۆ ژیوای من مـــــــەحاڵەن تاڵەن

دوورەکێم! دووریت جە سەرم زاڵەن
مەجنوونت نەجدش گێرتەن عەواڵەن

https://t.me/rebvar290198
رێبوار 1403/09/04

https://t.me/rebvar290198