قەواڵە....

بەڵگە و پێناسەم زوانـــــــی ئەدٚاییـــن
لادەی جه زوانــــــی ئەوجوو گەدٚاییـن

دنیا و مافیهـــــا قــــــــــەواڵەو تۆ بــۆ
زوانت فۆتیـــــــــــــا، باقـــی درۆ بــــۆ

کول چێــــــــو شاریان چیـــروو زوانی
زوان چەتــــــــرەنە دەســــوو ئێنسانی

ئاورا لا نمەدٚەو جـــــــه شۆتی پاکــــی
روە نمـارۆ شۆت وشک، هەم سەرلاکی

زوانــــــی ئەدٚایی بەڵگــەی عوبوورەن
"رێبوار" بێ بەڵگە ڕاش دووری دوورەن
https://t.me/rebvar290198
رێبوار 1402/04/14

راکێ هەواری...

با زانۆ خەڵـــــکوو دێهات و شاری
مەسدوودم کەردەن ڕاکێ هەواری

تا چنـــــــــووری تەڕ نەدٚەو دیاری
تا سووری نەزیـــــۆ گـۆناو هەناری

تا ئاوی دەرا نەقــــــــــرمنۆ واری
تا وەهـــار نەبۆ وەشتەر جه پاری

تا نیاوۆ ئاوات دڵـــــــــەکەو یاری
تا قەران نەبــــــــۆ پێسەو دولاری

تا پەیکـان نەگنــــــۆ وەڵێ قەتاری
تا قاروون نەبــۆ پێسەو هـــەژاری

تا تۆزەش مانـــۆ ڕوەو "رێبوار"ی
تا مانگــه بەر بەی دماو ڕۆجیاری

تا دەســـــێ نەلا پەی ئێستێغفاری
تا نەلاڵیـــــــاوە پەروەردگـــــــاری

مەسدوودم کەردەن ڕاکێ هەواری
مەر وێت کــــــرێڵوو هەواری باری

رێبوار 1403/11/21
https://t.me/rebvar290198

شەوەن،چەنی تۆ شەوبێداریمەن
تۆبه و واوەیلا شیـــن و زاریمەن

استغفــار جه لای خودٚای باریمەن
ئامانەن ئامان زامــــی کاریمـــەن

رێبوار 1403/11/19
https://t.me/rebvar290198

https://t.me/rebvar290198

نامێ شێعرێ: چەرمەڵه
شێعرە و دەنگ: رێبوار
چەپڵەڕێزان: مامۆسا عثمان

چەرمەڵه

دەی دەی دەی ئاما دەوران شێویا
جل و بەرگ چەرمه ،زەردی لێویـا

پاییز هەناســەش بی دما هەناسه
زمسانیچ مەلۆ، ڤەهاریـــچ پاســه

هامن گێرۆوه یاگـــــــــەکێ پاری
مەلۆوه مابەیــن پاییـز و ڤەهاری

ئادٚێ چوار وەرزێ گێڵا پەی وێشا
نه ئەو ڕەنجیـــــا نه ئێدٚ دڵ ئێشا

بەڵام من و تۆ باڵا شـۆخ و شەنگ
نه وەرز، ڕۆبەڕۆ واڕیەیمێ جە ڕەنگ

تا گەرمەن ویروو وێمان کەرمێوه
خاس بلمێ پێشواز وەروێ چەرمێوه

گردٚێمان "ڕێبوار" ڕاو پاییزینمــــێ
چەرمەڵەو ئارۆی،سەوزوو هیزینمێ

رێبوار 1403/10/01
https://t.me/rebvar290198

https://t.me/rebvar290198
شەوەو زمسانی
شێعرە و دەنگ: رێبوار
راکەوت: 1402/09/30 (شەوەو زمسانی)

https://t.me/rebvar290198

نامێ شێعرێ: ڕامه
شێعرە و دەنگ: ڕێبوار