حتى الما أعرفة
يكلي شو تعبان
كَعدنة شكد سوة انه وياه
ولا مرة سئلني
وشافني شبيه
لو يمة وقريب
يملني خلي نكول
بَس المشكلة
ما أشوفة يومية

حنين
وما شفت من عنده حنية
خلگة شطوله ويه الناس
يمي يكول ما بيه
وما چذب
صدك تعبان
يمهم للصبح يسهر
يجيني شلون !
وشاله حيل يوصلني
ويحسبهة عليّ جية

بَس أًوخر عنك
سنينك تطيح
سنين عُمرك
عمري الـ متچيها

تذكر ؟
ولو يمتة أنسن
من كتلك شكد تحب
كتلي بكثر ما على الشجر
تلتم طيور المغرب
بكثر ما هلوكَت
ناس اعلى ناس تجذب
كتلك الطايح بالعشك
لو غرگ بيش يجلب ؟
كتلي اليطب وادي العشك
لازم يطب متوضي
من كون تفهم هلكَثر
جا ليش رايح ؟
جا ليش عايفلك كَلب
صايم عليك وصلة
هو انة من جنت أندعي
ما جنت أفكر بالرزق
بأنسان من باب الله
بس هي هاي المشكلة
زرعك بعينك لو حلة
بچفوف غيرك يثُمر

معلگني خيط
بـ طاسة حِب
أغرك وأرد من حبنا شلب
يكَبرن وأكومن
خيطت بأسمك
شكو بية فتگ

آنه ابن أدم مثلم
اجذب لو كلت سالم
القلق يمشي بـ شراييني
بعد ماعندي
كل طاقة
وصلت وياهم لحدي
يگتلً نفسه بسلاحة
إذا يتحاصر الجندي

آنه تغيرت مو بيدي
مجبور
شفت كَلوبهم محد هَواني
چنت أتمنى واحد
يسأل شبيك
والله لوحَدي ضليت أعَاني
الـ بگلبه حچي
وينام مكَسور
من يكعد يصير
أنسان ثاني .

وجوه مشوهه بـ بالي
الهوى يدخل غرفتي يموت
ضوه أصفر
حَلم ميت شمرته هناك
أحس الـ بيه مو بيه

امس روحَي
أشتهت واحد مزعلها
حنت والمحنة
ما تطيحلها
أمس جثة هنود الروح
تالي الليل
كَبال عيون أهلها
تحترك كلها
أمس حطيتهن
مرسال يم مرسال
وعَاينت لردودك
ما أستاهلها