" عليك أستلذ الشّوف ‏وأخايلك وأرعاك
‏وأحب السوالف يوم تطريك و تجيبك "

ليه انت بالذات لا مريت في بالي
انسى جميع الناس
و اسّرح بطاريك

المفروض كلمة «وينك» تكون ضمن معاني الشوق ماهي للإستدلال على المكان
‏عمومًا أنت وينك ؟

في غيابك لك محبه ولك شوق وونين
وفي حضورك شف عيوني كلامي ما يفيد

يمكن يضيع الشوق في داخل إنسان
و يمكن يضيع إنسان من كثرة الشووووق

لو أتوب من الذنوب اللي جنت الأيام ضدي
‏ماقدرت أتوب عن ذنبٍ يعن القلب صوبه
‏كيف أتوبك يا اجمل ذنوبي؟
‏وأوقف عند حدي وأنت ذنبٍ لا غفره الله ولا عنه توبه

خل الكلام يموت في صدري
‏ماودّي أجرح ليلك الهادي

‏أنا وصلت لـ مرحلة مدري
‏اللي بعَدها كل شيء عادي

شلون بشرح لك اللهفه بـ قلبٍ شغوف
‏وأنت المشاعر من أولها إلى أخيرها
‏ٰ
‏لد النظر في عيون اللي يحبّك و شوف
‏أشياء واجد بتعرف ويش تفسيرها
‏ٰ
‏ماهو ضروري أحبك تنقرى بـ الحروف
‏عيون الأحباب تغني عن تعابيرها

أحس إن المحبة إذا ما تحتويها اللهفه ما هي حقيقة و ما أعرف أقيس المحبة بصدقها إذا ما بها لهفة ، لهفه الحضور , لهفه الكلام ، لهفه المشاعر ..
‏كما قال أبو نوره بـ مقياس اللهفة
"جيت قبل العطر يبرد قبل حتى يذوب في صمت الكلام"