Ең аўыр жазаға ҳүким етилсин —
Түсинилмеўге!
Адамлар ишинде жалғыз қалдырың,
Арзыўларын бир-бир өлтириң,
көндириң усылай жасаўға  —
әсте...

Гөззал Жумамуратова

@sheksizlikler

Түннен нур сорадым,
Айынан басқа.
Кимнен не сорадым,
Пайымнан басқа?!
Қудайдан сорадым, сорайбериппен,
Басым ҳәр айланып тийгенде тасқа.

(Нәпсиме шақырық: Ҳәддиңнен аспа!)

Гөззал Жумамуратова
18.11.2023@sheksizlikler

Мына журналист мағлыўматты аўызеки (слуховой) алған, шамамда. Сөзлерге толық түсинбесең жазылғанын сора, көрсейш?‍♀ (китапты қолына бир алса болып тур!) Китаптың "сыртын" оқыса да болып тур!!!

200 ге шыққан Әжиниязды Жуманияз қылғанға күйип отырсақ 35 ке толған тилимиз (*тил бийлик) мынаяқта....

Редактор деген штат , жәмәәт бар ма екен өзи еле?! Мәмлекетлик каналлар-аў тағы бәри)))

Арал қурымады, оны қуртты. Солай тилимиз де өлмеди, өлтирип атырмыз!!!

@sheksizlikler

Дос болыў ҳәммениң қолынан келмес.

Қаймығыўды билмес жаўҳардың жүзи,
Темир тыйықлардың, қалтырар дизи,
Сайрам-сайрам болып қалғандай изи,
Мәрт болыў ҳәммениң қолынан келмес.

Бул ушын ең ағла сезимлер керек,
Ɵзгеде жоқ тақат-төзимлер керек,
Көзлерге жас алып езилмек керек,
Яр болыў ҳәммениң қолынан келмес.

Аўыр кешер оның жоллары жүдә,
Арзыр дейди жанды әйлеўге пидә,
Бираз бәлент пәрўаз гәплер бийҳуўда,
Дос болыў ҳәммениң қолынан келмес.
Халила Дәўлетназаров@sheksizlikler

Көп сораўлары унады, жуўапларын... көрерсиз-дә!

Қарақалпақстан радиоканалы "Ғәрезсизлик мениң өмиримде" еситтириўинде мийманда болған едик (26.08.2024)

@sheksizlikler

Túrklerdiń bul frazası (bálkim naqılı) unap qaldı:

"Balıq ushıwģa, qus júziwge májbúr emes".

@sheksizlikler