⛰️ العقيدة فى حياتنا

🪻المُتأمل في فتنة بني إسرائيل في سورة البقرة..
هيلاحظ من تكرار الآيات..
أنها تمثلت في (( الغرق في المادية))
كل حاجة عايزين يشوفوها أو يلمسوها..
مش متصورين إنهم يعبدوا إله بدون ما يشوفوه فعبدوا العجل..
مش متخيلين إنهم يتحملوا تعليمات وتكاليف ثقيلة عليهم من غير ما يشوفوا اللي وضعها..
فقالوا : أرنا الله جهرة!
مش قادرين يتحملوا ياكلوا صنف واحد مهما كان مصدره طاهر، فطلبوا ياكلوا من أصناف الطعام الأرضية المختلفة..
فأمرهم سيدنا موسى يهبطوا لأي بلد فيها المأكولات دي..

وهكذا..

تتوالى مشاكلهم مع التجسيم والمادية..
وفي كل مرة ياخدوا فرصة للإيمان بحق..
يضيعوها.. ‼️

عارفة إنه أمر بعيد شوية..

بس بردوا مشكلة التصوف الحالي والفرق دي كلها.. نابعة من التجسيم..
الرغبة في وجود واسطة مرئية بين الشخص وربنا متمثلة في الشيخ..!

وكل ما الإنسان انحدر أكتر في إيمانه..
هيدوّر على أدوات مادية ووسائط مُختلقة عشان يسند نفسه..
وهو في الحقيقة..
مسنود على وهم..
لن يزيده الاستمساك بيه إلا وهن وبعد عن طريق الإيمان الحقيقي..

#معلمةصفاء 🕊️

🍄🌺 حوار مع ابنتى 🍄🌺

🔵 ماما هو إنت مش راضية تديني موبايل ليه؟
🟨 حبيبتي عندك شك في إننا بنحبك؟؟؟
🔵 لا
🟨 طيب هل تشكي في إننا عوزين مصلحتك ومش عوزين نضايقك أو نخنقك أو نعذبك؟؟؟
🔵 لا ماعنديش شك إنكم عوزين مصلحتي
🟨 طيب تعالي يا حبيبتي هحكي لك حكاية
عارفة جهاز صاعق الناموس والذباب؟
🔵 آه عارفاه
🟨 طيب لو عندك فراشة بتحبيها وبتراعيها ومبسوطة بإنها بتطير حواليك وجذبها ضوء الصاعق
ورايحة ناحيته هتسيبيها؟؟!!!
🔵 لا طبعا هحاول أمنعها لإنها هتموت نفسها وهي مش فاهمة
🟨 طيب ده اللي النبي ‎ﷺ بشرع الله عمله معانا، وده اللي احنا بنعمله معاكم، لا شرع الله فيه عذابنا ولا طاعة الله تخنقنا، بالعكس فيها راحتنا ومصلحتنا
وكذلك يا بنتي احنا عوزين لك الخير والسعادة والنجاة
قال رسول الله ‎ﷺ: (إنَّما مَثَلِي ومَثَلُ النَّاسِ كَمَثَلِ رَجُلٍ اسْتَوْقَدَ نارًا، فَلَمَّا أضاءَتْ ما حَوْلَهُ جَعَلَ الفَراشُ وهذِه الدَّوابُّ الَّتي تَقَعُ في النَّارِ يَقَعْنَ فيها، فَجَعَلَ يَنْزِعُهُنَّ ويَغْلِبْنَهُ فَيَقْتَحِمْنَ فيها، فأنا آخُذُ بحُجَزِكُمْ عَنِ النَّارِ، وهُمْ يَقْتَحِمُونَ فيها). صحيح البخاري، وفي رواية مسلمح: (وأنا آخُذُ بحُجْزِكُمْ عنِ النارِ ، وأنتم تفْلِتونَ مِنْ يَدَيْ)
الموبايل مضيعة لوقتك وممكن يجرك لصحبة سوء تضيعك وفيه برامج الناس بتعرض عليها زينة الحياة الدنيا بشكل مبالغ يخلي أي متابع لها ينقم على حياته ويجحد نعم الله عليه التي لا تعد ولا تحصى ويفضل يلهث ورا المفقود
وفيه وفيه وفيه
فاحنا الموبايل ده لو مش في رضا الله يبقى خلاص
ولما بيكون فيه دورة تعليمية أو درس مفيد بعطي لك تليفوني
وتواصلك مع صديقاتك يكفي من خلال تليفوني
فليه نفتح على نفسنا باب شر؟!!!

🟨 عارفة يا حبيبتي
🔵 نعم يا أمي
النبي ‎ﷺ عرفنا إن فيه فتنة رهيبة هتحصل واحنا بنستعيذ منها يوميا اللي هي فتنة الدجال
أيوة عارفة التفاصيل ما احنا قرينا كتاب أحداث النهاية
تمام
فاكرة الرجل العاقل هيعمل ايه في أهل بيته واللي بيحبهم؟؟
هيربطهم
ليه؟؟ عشان ما ينجذبوش للفتنة وينخدعوا بالدجال
فاللي بيحب أهله هيربطهم عشان ما يخسروش دينهم
قَالَ رَسُولُ اللَّهِ ‎ﷺ : " يَنْزِلُ الدَّجَّالُ فِي هَذِهِ السَّبَخَةِ بِمَرِّقَنَاةَ ، فَيَكُونُ أَكْثَرَ مَنْ يَخْرُجُ إِلَيْهِ النِّسَاءُ ، حَتَّى إِنَّ الرَّجُلَ لَيَرْجِعُ إِلَى حَمِيمِهِ وَإِلَى أُمِّهِ وَابْنَتِهِ وَأُخْتِهِ وَعَمَّتِهِ ، فَيُوثِقُهَا رِبَاطًا ، مَخَافَةَ أَنْ تَخْرُجَ إِلَيْهِ ) صحيح الإمام أحمد
فما تزعليش منا يا بنتي لما نمنعك عن الفتن دي يا حبيبتي عوزين نصبر على الدنيا وشهواتها وموعدنا حوض النبي ‎ﷺ يا بنتي
الجنة غالية والله هيهدي اللي جاهدوا فيه
وهيأمن اللي اعتصموا بيه.

#دشيمامشرف

انت بتشتريله لعب كتير اوي
انت مدلعاه
هو حركته كتيره كده ليه
ده رهيب كل حاجه بيفتحها ويقلب فيها زعقي فيه
وحتي في الحضانات
ده بيزهق من اللعبه وعايز اللي بعدها علي طول
مشكلته انه طول الوقت لازم تشغليه في حاجه ياما هيعمل حاجه غلط ويبهدل الدنيا
انت شكلك اتبهدل اوي بعد الولاد فين ساره بتاعت زمان
كتب ايه اللي بتجيبيها لطفل عنده سنتين ومش بيعرف يقرا اصلا
-----------------------------------
الاطفال كلها عندها رغبه رهيبه للتعلم من خلال اكتشاف البيئه اللي حوالليها بس لما نتكلم عن الطفل الحساس بمستوي دكائه ده اعرفه اننا بنتكلم عن أضعاف ده في طاقه حب التعلم والاكتشاف عارفه انه ساعات في البيت بيقعد هادي يلعب عادي بس بره البيت طول ما في حاجات جديده حوالليه مش بيبطل فرجه وملاحظه ولعب وبيغرق في الاكتشاف لدرجه انك لو ندهتي عليه مش بيرد من كتر استمتاعه وغرقه في اللعب
وساعتها الام بتبقي قصادها طريقين خاصه قبل ما يكمل ٧سنين
يااما تحتوي الذكاء ده وتنميه وتستحمل النقد اللي برضه هيحصل لو عملت العكس وهيطلبوا منها تشغل وقته وحرام عليها وكده 😊
يااما تكبته وتحبس الطاقه دي وتستحمل بقي الشقاوه المدمره والعصبية وقله الثقه في النفس اللي ممكن يعاني منها طفل حساس بسبب عدم شعوره بالتفوق والتميز اللي ربنا خلق فيه كل المقومات عشان يوصلها وحقه علينا إننا نساعده
الأيام دي عدت وكبر وعقل
والطاقه المدمره اتحولت لمهارات وقدرات وبقت بتخرج في مكانها الصح
امبارح كنت متنحه وهو واقف بيشرح ميكانيكا إنسان آلي بيخرج الألغام من بطن الارض وهو فاهم كل حاجه صغيروكبيره
رغم انه أصغر الاطفال سنا بس الشغف هينط من عنيه شغف للعلم بعد ما كان شغف للعب
اللعب مهم جدا للاطفال
اكتشاف البيئه المحيطه والحاجات اللي بيجري يفتحها ويلعب فيها ويبوظها لانه معندوش خبره انها ممكن تبوظ اهم من طموحات الام في بيت محسوك مفيهوش طفل بيكتشف
اهتموا بأول خمس سنين اوي
ميهمكوش من حد
مرحله وهتعدي وهيعقلوا
وافتكري زي ما انت دلوقتي متضايقة من البيت المقلوب والالعاب المكسرة في كل مكان والفرهده اللي انت فيها من الخروج والفسحه هتخلص وهيجي مكانها طفل عاقل وسوي وذكي وهتفتكري الأيام دي وتضحكي ♥️
بجد فخوره انك ابني وبجد بحبك من قلبى❤

قصص الحيوان فى القرءان pdf.pdf

*? مسابقة أسئلة المولد النبوي*

*? س1: كم مرة احتفل النبي صلى الله عليه وسلم بيوم مولده؟*

*? س2: من هم أشهر الصحابة الذين أقاموا الاحتفال بالمولد النبوي؟*

*? س3: في أي الأماكن احتفل الصحابة به؟*

*? س4: ما أشهر الحلوى التي كانت تقدم في ذلك اليوم؟*

*? س5 :ماهي الأناشيد التي كانت تردد في ذلك اليوم؟*

*?شرط المسابقة :*

أن تكون الإجابة من القرآن أو السنة أو أقوال الصحابة أو حتى التابعين..

*فإن لم تجد الإجابة ولن تجدها فأخبرني بالله عليك من أين أتيت بهذه البدعة (بدعة الاحتفال بالمولد النبوي)