? Universitetimizda xalqaro ilmiy-amaliy konferensiya bo'lib o'tdi

? Mavzu: "Yangi O'zbekistonni rivojlantirish sharoitida davlat ekologik funksiyasining nazariy-huquqiy asoslarini takomillashtirish masalalari"

? Konferensiya atoqli olim, yuridik fanlar nomzodi, professor Maxmud Kamaladdinovich Najimov xotirasiga bag'ishlandi. U davlat va huquq nazariyasi rivojiga ulkan hissa qo'shgan.

? M.K. Najimov nafaqat davlat funksiyalari bo'yicha ajoyib tadqiqotchi, balki ko'plab olimlar uchun ustoz ham bo'lgan. Uning ilmiy merosi yangi avlod huquqshunoslariga ilhom berishda davom etmoqda.

? Konferensiya yakunida universitet veb-saytida "Huquq ilmi fidoyilari" ruknini yaratish va unda universitetimizning mashhur huquqshunos olimlari haqida ma'lumotlarni joylashtirish to'g'risida qaror qabul qilindi.

#Konferensiya #Huquq #Fan #Xotira

Toshkent davlat yuridik universitetida tashkil etilgan Ilmiy maslahat kengashi adliya sohasida innovatsion tadqiqotlar olib bormoqda. Huquqiy madaniyatni yuksaltirish va yangi yechimlar yaratish yo‘lida birga! ?? #TDYU #Huquq #IlmiyKengash

Bugun Toshkent davlat yuridik universitetida 14-yanvar - Vatan himoyachilari kuni va O'zbekiston Qurolli Kuchlari tashkil etilganining 33 yilligi munosabati bilan bayram tadbiri bo'lib o'tdi.

Tadbirda universitetimiz jamoasi va harbiy xizmatchilar ishtirok etdilar. Universitet rahbariyati nomidan barcha harbiy xizmatchilarni ushbu qutlug' ayyom bilan samimiy tabrikladik.

Vatan himoyachilari kunining ahamiyati, yurtimiz tinchligini asrash va xalqimiz osoyishtaligini ta'minlashdagi xizmatlari uchun harbiy xizmatchilarimizga minnatdorchilik bildirdik.

Vatan himoyachilari - tinchligimiz posbonlari!

? Universitetimizda haftalik treninglar yakunlandi!

Joriy haftada universitetimizda o‘qituvchilarimiz uchun maxsus treninglar tashkil qilgan edik. Ushbu treninglar davomida pedagoglarimiz yangi bilim va ko‘nikmalarni egallab, ta’lim jarayonini yanada rivojlantirishga qaratilgan samarali usullar bilan tanishdilar.

Bugun mazkur treninglar o‘z nihoyasiga yetdi va barcha faol ishtirokchilarga sertifikatlar topshirildi. Yana-da quvonarlisi, o‘qituvchilarimiz treninglarni ijobiy baholab, o‘z fikr va takliflarini bildirishdi. Bu esa bizni kelgusida bunday tadbirlarni yanada takomillashtirishga ilhomlantiradi.

Ishonchimiz komilki, ushbu treninglarning samarasi tez orada ta’lim jarayonida o‘z aksini topadi. Talabalarimiz ham o‘qituvchilarimizning yangi yondashuvlarini his qilib, ta’lim sifati oshganini sezishadi.

Yangi bilimlar – yangi marralar sari! ?

*? Toshkent davlat yuridik universitetida atoqli huquqshunos olimlarning nomlarini abadiylashtirish ishlari davom etmoqda!*

Toshkent davlat yuridik universitetida huquq sohasi rivojiga ulkan hissa qo‘shgan olimlar va yuridik soha arboblarini yod etish hamda yosh avlodni ularning ilmiy merosi bilan tanishtirish maqsadida tizimli ishlar olib borilmoqda.

Ana shunday ezgu tashabbuslarning biri sifatida atoqli olim, akademik Xoji-Akbar Rahmonqulov tavalludining 100 yilligi keng nishonlanadi va universitetimizda uning nomi bilan ataluvchi maxsus auditoriya tashkil etiladi. Bu auditoriya nafaqat akademik Rahmonqulovning boy ilmiy va pedagogik merosini o‘rganish uchun, balki yosh yuridik kadrlarni tarbiyalashda ilhom manbai bo‘lib xizmat qiladi.

Akademik Xo‘ja-Akbar Rahmonqulov O‘zbekiston huquq maktabining rivojida muhim o‘rin tutgan, milliy huquqshunoslik fani rivojiga beqiyos hissa qo‘shgan shaxsdir. Ushbu tashabbus universitetimizda ilm-fan an’analarini davom ettirish va yosh avlodni huquq sohasiga bo‘lgan qiziqishini oshirish yo‘lidagi navbatdagi qadamdir.

Yurtimiz huquq sohasining rivoji uchun fidokorona xizmat qilgan ulug‘ olimlarimizni yod etish va ulug‘lash barchamizning burchimizdir!