#أعلمنك_ثلث_چلمات
انه ام البنين وجيت ..... الليله اتفكد المجلس
حالي حال اي خادم ..... حته اكنس ويه اليكنس
              هايه ام عباس يشهد يومها

&&&&&&****&&&&&&&&&&&&&&

عندي اربع ولد جانو ....   شالو بالشجاعه اعلام
انذرتهم ساعة الصارو .... لحسين السبط خدام
يعني اردن اكللكم ...... شدو للخدامه حزام
زين المنكم اليحضر .... جدام الخدم جدام
خليهم يشوفونك.  ..... الزهره وعلي يسجلونك
تحضر احضر بروحك ... لا تطلع ابد مفلس
       هايه ام عباس يشهد يومها

&&&&&&&&&&&&&&&&&&&&&&&&&&&&&

من تلطم على صدرك .... اوجع ولطم بعبره
وذكر وضع ابوسكينه .... وخيل الداست بصدره
لاتلطم لجل تنشاف ..... الطم خاطر الزهره
واذكر زينب الشافت ..... اخوها منكسر ضهره
صفي نيتك لحسين ...... وذاك الكطع الجفين
وبجي لجبد ابوالسجاد ..... ببروده لمن تحس
        هاي ام عباس يشهد يومها

&&&&&&&&&&&&&&&&&&&&&&&&&&

اعلمنك ثلث جلمات ..... بذنك خلهه ترجيه
وهاي مجربه من ازمان .... وعد كل الحسينيه
حسين اهوى اليعلي الصيت .... حسين الينطي شخصيه
بس حسين راس المال ...... هوى الروح والريه
خيعونك يهالتخدم ..... وعلى حسينك تسلم
يوم الحاطمه ليغاد ..... عيب النار ليك اتجس
           وهايه ام عباس يشهد يومها

&&&&&&&&&&&&&&&&&&&&&&&

انزع منصبك بالباب ....... من تكصد لبواليمه
ماكو سيد وريس ...... كلها سوى بهالخدمه
وياك المنتضر حاظر ..... يبجي وغارك بهمه
لاتضحك ابد وذكر ..... حسينك وذرو جسمه
زينب ركضت بهيمه ..... عليهه حركو الخيمه
مالك بالكلت والكال ..... بالك للحجي تهيس
             هايه ام عباس يشهد يومها

&&&&&&&&&&&&&&&&&&&&&&

انه كل اسم مالي .... لون ماصرت خادمته
اول طبتي ليهم ..... بيده كلبي سلمته
وهذا اسمي انعرف بالكون ...... جي من صدك ناصحته
جاهوى لجلنه احنه ....... قدم للوغى اركبته
انسه العالم بأسره ...... وجبره خاطر الزهره
أيس من جميع الناس.......  بس من عنده لتأيس
             هايه ام عباس يشهد يومهه

الشاعر السيد امين الموسوي
🏴أنت المعزى سيدي يا صاحب الزمان ... عظم الله اجوركم💔

✍️...الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

يا ام البنين

شفتچ بالحلم بس شفتچ چبيره
نظراتچ وآهاتچ مليانه حيره
سولفتيله اهوايه عن هالشعيره

يالكلتي الـما ذايب بالخدمه     
عايش ميّت عايش بس رسمه
الـماباچـــــــي بآخرته ايصير أعمه     
يانعمه وزيديني امن النعمه
ــــــــــــــــــــــــــــــــــــــ
يالكلشي ابهالـمجلس انشوفه ضاوي
واتوجهت وادري وجهچ سماوي
علميني اعله الدمعه واعله النعاوي

اخذيني امن المافهمو نوحي      
وعلميني اشلون ابچي لمذبوحي
ياعشگ الطف ياناي اجروحي      
انتي اُم العبّـاس واُم روحي
ــــــــــــــــــــــــــــــــــــــ
غرگان ابأفضالچ وارجو الزياده
يالدمعي بتسيارچ دين وعباده
كل حزني من حـــزنچ صار امتداده

يا اُم الخدّام اللطّامه      
يالصرتي ابراس الطف اعمامه
يالگلبك ظل عايش بأحلامه     
واحسينچ عالشط طاح إحزامه
ــــــــــــــــــــــــــــــــــــــ
حسراتي ولطماتي باسمچ هذني
قبليهن يا ام العطفه شملني
رازقني بتسبيحي وذاكر جعلني

يم بابچ محتاج الحنيّه       
گالو واشتنطيك البدويّه
گلتلهم مجلس بي لطميّه      
عالمذبوح أقره وعالمسبيّه
ــــــــــــــــــــــــــــــــــــــ
راح احرگ ايامي العُظْم المصيبه
محبوبي ومحبوبچ جثته سليبه
وتلچمـني من اسمع زينب غريبه

علميني اشلون ابچي شلون انعه      
وبالــمجلس اصبح خيط ابشمعه
منتظره بعـاشوراء الفزعه     
وآنه اترقب مـن جُمعه الجُمعه

#العبدالحسيني_محمدالجماسي
🏴أنت المعزى سيدي يا صاحب الزمان ... عظم الله اجوركم💔

✍️...الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

[[💔أم البنين ع تخاطب الحسين ع💔]]

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

المنع نفسه عليك حسين٠٠٠٠ياماي؟

وگبل يومك يريته يصير٠٠٠٠٠يومي

چفي إعليك حد الموت٠٠٠٠٠٠٠يومي

متت وعيوني صوب الغاضريه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

يمن گلبي سواد عليك٠٠٠٠٠٠٠٠لابس

حتلو أربعه ضحيت٠٠٠٠٠٠٠٠٠٠لابأس

ماونيت ألهم ابد ٠٠٠٠٠٠٠٠٠٠ لا بس

ونيني ونوحي لوليد الزچیه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

لغيرك لا يون الگلب .......... لا حن

وعسى يومك يبعد الروح ...... لاحان

من جبلن ضعونك سود .......... لاحن

صحت يحسين گد ما صوت بیه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

حسرتي حسرة ام واحد ....... لها راح

مشى وبعده فلا تحصل .... لها راح

گمت هالراح اصفگنه ......... لهالراح

و چانون النوایب هاج بيه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

جرح فرگاك ضل ثابت .........ولا زال

ولساني يلهج بذكرك. .......... ولازل

مشيت ودمعي ضل يجري ..... ولازال

ويضل يجري لحد يوم المنيه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

تهدم كلشي ياعالم ...........بنيناه

وحگه يموت من يفگد ......... بنيناه

بعد لالا تناديني أم .......... بنيناه

تذكريني بليوث الغاضريه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

مشو عني الأحبهم .......... وألاودهم

ومدري شأنسه حبهم ......... وله ودهم

ودهم رجعه مدري ........... وله ودهم

أضل أعله الدرب عيني ربيه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

خادم خدام أم البنين (ع)
جهاد البصيراوي🏴أنت المعزى سيدي يا صاحب الزمان ... عظم الله اجوركم💔

✍️...الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

قصيدة منبرية اساسية
ذكرى استشهاد الامام الحسن العسكري (ع)

بعد اهدعش من الظهور               يبدي الامام الغائب
العسكري بأبنه اصبح فخور        ضل للأمور الصاحب
يعني يمشي وكَلبه مرتاح
تعبه لا بالمهدي ماراح
                                             ضل للأمور الصاحب
....................................................................
هيه هاي احله امنياته               وجانت اكثر من حلم
توصل المهدي الامامه                 ويبتدي عصر العلم
اشكَد خفاه من الاعادي                 بالحروب وبالسلم
من اجل شيعة محمد                        دينهه  ما ينثلم
هَم شيعته بوجوده ينزاح
تعبه لا بالمهدي ماراح
                                             ضل للأمور الصاحب
....................................................................
مرت اسنين العقيده                ماتحس طعم السلام
من كثر ما حاربوهه                   تحتظر وي كل امام
مره سيف ومره بالسم             والسجون اكبر ضلام
واستلمهه المهدي لكن                  يبقه غايب عالانام
ومايعيش ابعمره الافراح
تعبه لا بالمهدي ماراح
                                                ضل للأمور الصاحب
....................................................................
ثار الحسين ومصابه                           والقيام بمأتمه
من إمام الثاني عاشت                     هالقضيه المؤلمه
وجوهر الثار العقيده                   اتضل قرون القادمه
العسكري سلمهه لبنه                وروحه صعدت للسمه
روحه فاضت والعطر فاح
تعبه لا بالمهدي ماراح
                                                ضل للأمور الصاحب
....................................................................
صله اعله جثته المنتظر         وادموعه تجري عالخد
فكَد الابو جداً صعب                      جمر الكَلب مابرد
سافر حنانه ومايرد                           للمكَبره وابتعد
جبده مسموم المصابه                 كَلب مهدينه انمرد
بالصلاه صوت النعش صاح
تعبه لا بالمهدي ماراح
                                                ضل للأمور الصاحب
....................................................................
احتوت سامرا جثته               يم علي  الهادي اندفن
باب رحمه لليكَصده                   فاتح ابواب الصحن
زيارته من وكت موته                 بدت من ذاك الزمن
تربت القبر الشريفه                       وطن للماله وطن
صيته عالي وعمره ماطاح
تعبه لا بالمهدي ماراح
                                                ضل للأمور الصاحب

الشاعر ياسر العارضي✍️.....الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام ??⚘? ..........?‍?.....................?

ابوذيات نعي للحسن العسكري عليه السلام

اله ثغر الفرح مايوم               بَسَم
وضعف عوده صفه ينلظم      بسم
حسافه العسكري ياناس       بالسم
يذبل جبده ويلاكَي المنيه
........
تره اليجري اعلبو المهدي           جرا من
الطغاة على الاذه اجتمو                جراماً
من سمو ابو القائم                     جرا من
جبده الدم على اشفافه النديه
..........
الزمن مايرحم الزينين            يو جار
وصديقه ايصير كلمن شين      يوجار
العدو ابجبدة ابو المهدي          يوجر
نار السم  يخليهه سريه
..........
غالي العسكري  وهيهات        ينذل
ومو جَن ليل بعده ايصير       ينذل
عوف الحسن  صحنه بصوت ينذال
خلو مرقده انواره زهيه

ياسر العارضي✍️.....الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام ??⚘? ..........?‍?.....................?

الامام الحسن العسكري عليه السلام

اليحزن علية ويسچب العبره
تحضرله امي فاطمه بگبره
واضح جوابي
اليبچي لمصابي
تحضرله امي فاطمه بگبره
...........

آنه ابو القائم المهدي يالموالين
بلا ذنب ظلموني اتباع الشياطين
ألحزَن لجلي وذكرني بدمعة العين
لاشك تحضره بوفاته ام الحسين

محفوظة عند الزهره كل دمعه
تتحوّل بگبرك غداً شمعه
اسمه بكتابي
اليبچي لمصابي
تحضرله امي فاطمه بگبره
...........

آنه ياشيعه الحسن يامن تسمعون
عن مدينة جدي بعدوني اليبغضون
لأرض السامره وعشت كل عمري محزون
بدار عسكر راقبوني وبيها مسجون

حقداً بني العباس ظلموني
عن اهلي والاحباب بعدوني
كلمه عله بابي
اليبچي لمصابي
تحضرله امي فاطمه بگبره
...........

آنه نور الله اليشع برضه وسمائه
وانه من نسل النبي روحه ودمائه
اصطفاني الخالق بأمره ورضائه
من بعد عاشر ولي احمل لوائه

حُجّه عله خلقه الله خلّاني
ادّيت حقّه رغم عـدواني
حاسب حسابي
اليبچي لمصابي
تحضرله امي فاطمه بگبره
...........

بياذنب اول شبابي حاربوني
بأرض سامره ومتت من سمّموني
من حياة المهدي ابني احرموني
ذاب چبدي بالسموم وعذّبوني

ابني الامام المهدي فارگته
ياوسفه خمس سنين عاشرته
غاب بغيابي
اليبچي لمصابي
تحضرله امي فاطمه بگبره
...........

اليذكر مصابي ويواسيني بعزيّه
باجـر يشـــاهـــدنـي يمه بالمنيّه
وفاطمه تحضر اله وحامي الحميه
بالگبر ميشوف سوء ولا اذيّه

كلمن حِزن لجلي وبچت عينه
اشفعله ونطي اجره بيمينه
اليذكر شبابي
اليبچي لمصابي
تحضرله امي فاطمه بگبره

سيد زيد الفحام
____✍️.....الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام ??⚘? ..........?‍?.....................?

استشهد الامام الحسن العسكري ع
.
الحسن  مضلوم  واويلي
:::::-----::::: 
عمت عيني يغالي حيلي هديته
على فراك وهجر لا وين تاليته
ويكلبي  للدفن  بجفاك  وديته
الحسن فركاك عذبني واخذ حيلي
.:::::-----:::::
الحسن مضلوم يا عالم مثل جده
صبري اعليك يصعب ينوصف حده
يغايب طال صبري شكثره يا بعده
عليك ابجي نهاري ومانمت ليلي
:::::-----:::::
وصبرنه اهوايه لاجن مانفع  ذره
شكثر ون بدليلي صار  والحسره
كلب مكسور تدري الكلب شيجبره
على الي جان كل الوكت يوحيلي
:::::-----:::::
ذبل عود العمر  والحيل  مترادي
عله امصاب الامام وخلفت الهادي
عله حزني بقيت ونفس محتادي
سوالف وي وحشتي وليل تحجيلي
:::::-----:::::
نعصر كلبي مثل عصرات باب امك
اسولف  بالحلم لمن خلص  نجمك
يوحيلي بحلات انوم اشوف اسمك
اشوفك وي خيالي وكمت توميلي
:::::-----:::::
الزمان  شلون ضالم غيير  الواني
اخذ من الغوالي الوحدي  خلاني
ويا دمي التعيش بوسط شرياني
ها يا عيني  دم ومو دمع سيلي
:::::-----:::::
حسن صالح العيساوي✍️.....الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام ??⚘? ..........?‍?.....................?

( جرح المهدي )
أستشهاد الامام الحسن العسكري
……………… .............................،……………

المهدي شنهو اليوم حاله
هـم سـرح للطـف خـياله
من بده ايصلي اعل ابوه •• ذكر جده السلبوه

……………………………………………………………..

او يلمهدي مولود الحزن • توم و تربّه ابمهده
معصور گلبه امن انولد  • اهوايه الجروح العنده
فارگ ابوه امـن الزغـر  • ما شبع حضن و كعده
عيـن اتهمل للعـسكري • و عين المصيبة جده

من گعد يم والده و غمضله عينه
ذكر جـده اعل لتراب امگطعينه

اندار وادموعه اتجاره
الكـربلـه ايأدي الزياره
السلامُ اعل الولوه •• ذكر جده السلبوه

……………………………………………………………

و الوالـده حـضّر چـفن • و للـغسل مـايه ايديره
بعيـونه مـوج امن الدمع  •  و اباله ميـت حيره
مـن كربله انعرضت اله • صـورة مآسـي اچبيره
صورة جسد عاري الهدم • ملموم فوگ احصيره

غسّـلنه اسـيوفهم  مـن فـيض دمـه
والتچفنه اسهام منثوره اعل جسمه

اه يا جدي و رضيعه
يا ورد فـارگ ربيـعه
حلم ماي وما سگوه •• ذكر جده السلبوه

……………………………………………………….

مـن سـمع صـوت العايله • يبچن بنات الزهـره
ببيوت مامونه وحرس • اهل الچفافي الخضره
للتل سـرح يـم عمته • عل راس تشـبچ عشره
لو بالحـبل يعـثر جدم  •  لـو يلّسـع بالجـمره

المهدي زينب عمته اتعيش ابكيانه
ايگله كـون اسـياطهم  بمـتوني آنه

وحگ عباسچ و چفه
على ثارج عيب اغفه
ثار ضعن الي سبوه •• ذكر جده السلبوه

……………………………………………………………

مهدينا يشعر باليتم • مـن شال ابوه ايشيعه
مهيوب وآلاف البشر • اتسلّم عليه مـجتمعه
اتراواله ايتام وركض • عدهم غزيره الدمعه
لا خيل ترحم لا بشر • سوط وشتيمه وصفعه

ازغار و انثرت نثر فـوگ البريه
ذكر جده الباقر او جوية رقيه

ليل وحشه ودمع طفله
ذكر جـوع و ناگه هـزله
وعد عمهم ما نسوه •• ذكر جده السلبوه

……………………………………………………………

سامره راجت بالحزن • على العسكري مفجوعه
و جنازته ابعلـو النجـم •  بيد الخلـگ مرفـوعه
بفكاره لن منظر جسد • عاري و فتات اضلوعه
طاحنته خـيل ابلا رحـم • اثار بيـه مـطبوعه

الشمس تصهر والرمل حباته جمره
ابلا دفـن ايـام مـحـد  حـفـر گبره

المهـدي فاتحتين عنـده
العسكري وحسين جده
وبدمعكم شاركوه •• ذكر جده السلبوه

…………………………………………………………..

المهدي لا مانسي ابد . عاشور كل ايامه
معرض صور للفاجعه . يبدي العرض جدامه
صورة رمح شايل ضوه . عينه اعله نار اخيامه
صورة مره امضيعه الخدر . تركض تلم بيتامه

وصورتين اكباله ينعرضن سويه
الخرابه واذن مجروحه الرقيه

صوره الها النوح كله
طفل وسط الرگبه نبله
اه عبدالله اذبحوه •• ذكر جده السلبوه

………………………………………………………………
✍️ ( سيد خضر الزاملي )✍️.....الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام ??⚘? ..........?‍?.....................?

الهي بحق هذا اليوم وبحق مصاب الامام العسكري ارحم قلب أمامنا الحجة وخفف المه??
ــــــــــــــــــــــــــــــــــــــــــــــــــــــــ

نعي + ابوذيه للحسن العسكري (ع)

على امصاب الحسن هالليله مهدي اينوح
الله ايساعده ومتحير  بأمره

الحسن مسموم ودموعه عليه انهار
ويناظر ابوه بعده بزغر عمره

خل انساعد المهدي بدموع العين
وخل ننحب على المسموم وبعبره

اخذ من الزمن حكمه وعبره
ودوس اعله الجرح لجله وعبره
الحسن هاليله انحبله وعبره
بدليلي وتستعر هاي المسيه

شاعر اهل البيت (ع)
رياض الرسل الجابري
✍️.....الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام ??⚘? ..........?‍?.....................?

بذمته يحذف اسم الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام ??⚘? .........?.?‍?.....................?