يجيك الليل .
يشبه سيرة الموت .
تگعد .
وأنتَ تنزف من الأحلام
وبسجنك الغيرة
بتهمة الليش
ويجيك الشوگ
يشبه حُكم الإعدام
ماتدري إعلى ياهي وياهي تنلام
تطلع روحها من تحچي الأقلام
تنسى شلون
انتَ بكُلشي موجود
حتى بضحكتك صايرتلك إلهام .

مو كُلها تنذل بالبجي
ولا كلها تَشبه حالي
بَجي المسافر بي نفع
وبَجي الطفل ع الأم طبع
بس انتَ نزلت الدمع
من أبو الخشم العالي .

موكلت بل تابوت نتمدد ثنين؟
شو هسه تسأل الجيران
هالميت منين !

هنيالكم يا بعد روحي صدك هنيالكم .
ابالي تتمشون ليل ويالنهار
عاد خلوني ثواني ابالكم .
الميل يوصل لل12 وانا ابدي اميل
الدينا ليل شوصلاني لبابكم .
جيت اعاتبكم واحس روحي استحيت
يله عوفنه لمهم شخباركم .

_

فضت لو بعدها طلابتـة وياي
وگت ماعندي اضيعة وگلبي خلصان
بـلانـي الله بگلب يتنفس وداع
مزاجي ومالي خلگ بـ بعض الاحـيان ما اشوفك شلون براسي اخـليك
محـط بس للنوارس راسي عـنوان .

جاملتك عطف
تعرفني ما محتاج
"ألمثلك وأليشبهك مالهُم داعي"

جنح بية انكسر
و الثاني مخلوع
و طرت كوة علعناد اليكرهون
بس اسمك نهر و الماي مكطوع
و انا على الجرف الهث بالعيون .

ياهو انتَ أجيب الروح يمك
واذلها؟
عيوني من تطيح
ما ادنكلها .