ــــــــــ

‏زعلان لو مشتاقلك بيش أبدي
بفراگ وجهك لو معزتك عندي
يوميه أطلع صورتك وأصفن بيك
من وجهك أتخيل ملامح كلشي
هذا الهوه هَم ماله داعي بلياك
الـ عَ المشنقه ماشاف خنگه بگدي
بعدك كِرهت عيوني من شفت الناس
- كلمن حبيبه ويا وأنه الوحدي
تفكيري بيك وبيش جاي تفكر
وضَل بالي يمك ماعرف بالك وين
والناس وأنتَ وذكرياتك ضدي
أكتب رساله وچني أحسك تقره
وأخذ من أفكارك شراح تردلي ؟
واكتبها بأيدي وارجع أكتب ردي
- وچي حافظك وأعرف شوگت تنام
أسكت وأكولن نام وماودي .

ــــــــــ

‏ذكرياتَك ما عفتها
والأريدك ماتت بشفتي
بكثر ما رددتها
فكرة النسيان صعبة
شِلون هيچ إستوعَبتها!
آني من گتلك نسيتَك
بس گلِت ما طبقتها
تدري صحّاني غيابَك
والحياة بعدَك شفتها
القوة مِـن أتحدى رُوحِي
بأُغنية نغنيها چنة
وما اتأثر نفس ماچنت بوقتها .

ــــــــــ

ياهو اليرجعلي عُمر
ضيعتة عَ الـ ما يسوة !
ياهو اليعوضني صبر
مرمر أيامي الحلوة
يا ناس گَلبي المنكسِر
مو مال أگولن فدوة .

ــــــــــ

‏ردت أفتهم ليش اختلَف ؟
مو هو گايلي وحلَف مَيعيش لحضة بدوني .. ساعتها
حيل تعلقت والله أحلىٰ مِن عندة شفت
بَس كلبي غَش عيوني
بمراية اصفٌن وأنتبه شو مختلف ؟
هذا الوجه واتردَد امشي ببيتنة
يجوز اهلي ميعرفوني !
ومرات احتاج العتب
بَس قررت ماعاتبة..
وأصعب احاسيس البُعد
مِن يمشي وابقىٰ مراقبة
چِنه مثل ماي وهوىٰ
حالة صداقة وحُب سوة
وهسه اني واحد منهدم
فاگد حبيبة وصاحبة .

ــــــــــ