الشاعرة الملة ام هجران العمارچيه
الشاعرة الملة ام هجران العمارچيه
صاحبة ديوان صبر العقيلة.
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 3 months ago
القناة الرسمية لشبكة ملازمنا كل مايحتاجه الطالب.
((ملاحظة : لايوجد لدينا اي حساب تواصل على تلكرام ولا نقوم بنشر اعلانات في القناة))
Last updated 4 days, 21 hours ago
لطمية لرجوع السبايا الى ديار الامام الحسين عليه السلام على طور بالعباس احلفنك يالحسين (اجيت اتسامر اوياكم)
اجيت اتسامر اوياكم يالاحنان
وگلبي ايريد ملگاكم يالاحنان
اجيت الداركم يهل الحميه
لنهه امكدره وظلمه وخليه
چانت عامره وبيكم زهيه
ماواحد گعد ينشد عليه
منكم ماردت كلشي يالاحنان
اشوف اوجوهكم وامشي يالاحنان
يگضي الحيل فرگاكم يالاحنان
گلبي ايريد ملگاكم يالاحنان
ماينراد فرگاكم گضاني
چنت بجالكم مرفوع شاني
تالي البين دولبني وسباني
اخذكم من اديه وماخذاني
ضل ديوانكم خالي يالاحنان
چان بصيتكم عالي يالاحنان
وين البين وداكم يالاحنان
گلبي يريد ملگاكم يالاحنان
وين البين وده ارسومكم وين
مشتاگ الگلب وتفرفح العين
هاي الدار ضلت بس حياطين
مو شهرين مرن چنهن اسنين
كل ضيم الدهر شفته يالاحنان
كون بكربله ميته يالاحنان
عدله اشلون بجفاكم يالاحنان
گلبي يريد ملگاكم يالاحنان
عدله اشلون مدري اشلون عدله
حملت المابشر يگدر يحمله
جمره اصوابكم بضلوعي خله
عنكم لو نشد وافد شگله
بالتربان شو نمتو يالاحنان
اعاتبكم ولاگمتو يالاحنان
ماارهم بلياكم يالاحنان
گلبي ايريد ملگاكم يالاحنان
ماارهم بلياكم تعرفون
ياريع الگلب ياشوف العيون
اجو خطاركم عنكم ينشدون
چا شحچي وشگلهم ترسو الكون
بالميدان والحومه يالاحنان
عفت اهل الشيم نومه يالاحنان
بالطف ضيعناكم يالاحنان
وگلبي يريد ملگاكم يالاحنان
✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر
Telegram
الشاعرة الملة ام هجران العمارچيه
خادمة اهل البيت ع الشاعرة الملة ام هجران العمارچيه صاحبة ديوان صبر العقيلة.
لطمية لرجوع السبايا الى دار الامام الحسين عليه السلام (الدار حسين)
الدار حسين شسوين اجيتي
شسوين اجيتي
ظلمة وخاليه وبيهه شلگيتي
شسوين اجيتي
ياهو اليفتح الباب ... واهل الدار غياب
يالوليان ناديتي وبچيتي
شسوين اجيتي
يالوليان صحتي الضيم يكتل
مدري اشلون اشوف الدار وادخل
روحچ گاضيه والعين تهمل
من افراگ خوانچ گضيتي
شسوين اجيتي
من افراگهم مهدوم حيلچ
يازينب والف ونه بدليلچ
عافچ ليش واتعذر كفيلچ
اشلون اينام ماگال انسبيتي
شسوين اجيتي
ماگال البطل وحدچ رجعتي
شفتي الدار ظلمه وانوجعتي
لاحس لانفس بيهه سمعتي
اهواي اسباع بالطف ضيعيتي
شسوين اجيتي
اهواي اسباع ضيعتي ونشامه
چا شيفيد نوحچ والملامه
مايدرون بمتونچ علامه
ومايدرون بالسوط انوليتي
شسوين اجيتي
ياندمه وحسافه السوط لاحاچ
مثل امچ يتيمه البين خلاچ
ظلمه الدار تنعه الدار وياچ
تنشد عن ابو اليمه شحچيتي
شسوين اجيتي
تنشد عن اخوچ حسين داره
ميت لو عدل عندچ اخباره
لو مذبوح وعياله يساره
مصيبه امصيبته منهه شنسيتي
شسوين اجيتي
✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر
Telegram
الشاعرة الملة ام هجران العمارچيه
خادمة اهل البيت ع الشاعرة الملة ام هجران العمارچيه صاحبة ديوان صبر العقيلة.
قصـيدة للمشايه
مانعوف حسين،،،، طول اعمارنه
رحنـه مشاية وقفلنه اديارنــه
ــــــــــــــــــــــــــــــــــــــــــــــــ
رحنه مشاية وقفلنه ابيوتنه
ويعتلي هذا النداء وصوتنه
مانعوف حسين والحد موتنه
نعاهد الزهره وعلي كرارنه/
ـــــــــــــــــــــــــــــــــــــــــــــ
نعاهد الكرار حماي الحمه
والنبي وبنته الوديعه فاطمه
والله مانگطع عزاه وماتمه
ومن نصيح حسين تبرد نارنه/
ـــــــــــــــــــــــــــــــــــــــــــــــ
من نگول حسين يبرد كل جمر
هوه عزنه والتچيه والضخر
يوگف النه اعله السراط وبالحشر
يگول ربحان اليودنه وزارنه/
ــــــــــــــــــــــــــــــــــــــــــــــــ
ايگول ربحان اليجينه بدمعته
زايد ومشاي وترف رايته
من بعيد امي الزچيه نادته
ياهله ومية هله بخطارنه/
ـــــــــــــــــــــــــــــــــــــــــ
صاحت امن بعيد يامية هله
بكلمن اتعنه واجانه الكربله
اتگول زينب وين سبع المرجله
خل يگوم يشوف شنهي اخبارنه/
ـــــــــــــــــــــــــــــــــــــــــــــــــــــ
خل يگوم يشوف اجينه شحالنه
حيل مابينه ونجر بذيالنه
ليش نايم عالشريعه اهلالنه
ليش من ايده انسلب بتارنه/
ــــــــــــــــــــــــــــــــــــــــــــــــ
انوخذ سيف الشفيه ورايته
عالنهر ياحيف فلت خوته
جيت انشده اشلون صارت هامته
البين طشرنه شيلم طشارنه/
ـــــــــــــــــــــــــــــــــــــــ تمت
ديوان سفرة العطاء /ج ٨
للشاعره أم ريام دخيل الركابي
غير مبري الذمه من يمسح اسم الشاعرة او ينسب الرثاء لشخص اخر
تم بعون الله وتوفيق اهل البيت ع إصدار
#ديوان_قربان_الطف_ج_١٥
#خاص بإبي الفضل العباس والإمام الحُسين (ع).
#يحتوي_على كل ما تحتاجه الملا الحسينية بالمجلس(قصائد بمختلف الألحان الثقيل والجنوبيات والفزاعية الخفيفة واحاديث ونعي وهوسات وختاميات)
يطلب من مكتبة دار الأمير?
+9647809626793
خادمة اهل البيت ع
الشاعرة العلوية مريم النور.
https://t.me/mariamalnoor1988
بسم الله الرحمن الرحيم
اللهم صل على محمد وال محمد
اصدارات الشاعرة ام هجران العمارچية الجديده لشهر محرم الحرام ٢٠٢٤
١- ديوان (( خيمة الخدام )) والذي يختص بما يلي :
الجزء الاول : خاص بالهلال والمسير والنزول ووداع ام البنين ع
الجزء الثاني : خاص بالعليله ع
الجزء الثالث : خاص بمسلم بن عقيل ع والانصار
الجزء الرابع : خاص بأولاد مسلم ع والرضيع ع
الجزء الخامس : خاص بالعباس ع
الجزء السادس : خاص بالقاسم بن الحسن ع وعلي الاكبر ع
الجزء السابع : خاص بليلة الوداع ويوم المصرع
الجزء الثامن : خاص بليلة الوحشه وسبي الكوفه والدفنه
الجزء التاسع : خاص بسبي الشام والسيده رقيه ع والامام زين العابدين ع
الجزء العاشر : خاص بالامام الحسن والاربعين ورجوع السبايا الى المدينه ووفاة الرسول ص
يتضمن كل مايحتاجه المجلس من قصائد ثقيله وسريعه وحماسي وفزاعي ومربع وشده
ونعي بأطوار متعدده وابوذيات
اضافه الى الهوسات المتنوعه
٢- ديوان ((هوسة وميدان)) يختص بالهوسات بكافة اطوارها يتضمن مايلي :
الجزء الاول : من الهلال الى يوم القاسم بن الحسن ع
الجزء الثاني : من يوم القاسم بن الحسن ع الى مسير السبايا الى الكوفه
الجزء الثالث : من مسير السبايا الى الكوفة الى وفاة الرسول ص
٣- ديوان (( الناعي والناعية )) ويختص بالنعي بجميع الحانه واطواره يختص بما يلي :
الجزء الرابع : من الهلال الى ليلة الوداع
الجزء الخامس : من مصرع الامام الحسين ع الى وفاة الرسول ص
الجزء السادس : للامام الحسن ع والامام زين العابدين والسيدة رقية وحال العقيله ع عند رجوعها للديار وغير ذلك
٤-ديوان (( عطر المجالس )) والذي يختص بالمحاضرات المنبريه المتكامله مع مجالس النعي ويتضمن مايلي :
الجزء الخامس : من الهلال الى اولاد مسلم ع
الجزء السادس : من العباس ع الى الدفن
الجزء السابع : من الدفن الى وفاة الرسول ص
٥- ديوان (( دليل الرحمة )) يختص بالاحاديث المختصره والنعي ويتضمن مايلي
الجزء الثامن : من الهلال الى الوداع
الجزء التاسع : من المصرع الى الاربعين
الجزء العاشر : الاربعين والرجوع للمدينة ووحشة الديار وملاقاة ام البنين ع مع العقيله زينب ع
الجزء الحادي عشر : للأمام الحسن ع والأمام زين العابدين ع والرسول ص
٦- ديوان (( الفزاعية الحسينية )) الجزء السابع من مصرع الأمام الحسين ع الى رجوع السبايا الى ديار المدينة
اضافة الى ديوان ((ايات الشهادة)) لشاعرة اهل البيت ام غصون العمارچية
الجزء الثاني والعشرون : من الهلال الى ليلة الوداع
الجزء الثالث والعشرون : من المصرع الى وفاة الرسول ص
تصدر الدواوين حصريآ من مؤسسة دار الامير للطباعة والنشر والتوزيع وتتوفر في جميع مكاتب المحافضات والاقضية
واسأل الله ان يوفقنا واياكم لخدمة محمد وال محمد ( اللهم صل على محمد وال محمد )
سوف يصدر عن قريب. ديوان طف الزهراء خاص لابا الفضل العباس
محزن منبرك وامكدر القرآن
ومچفيه الدلال وينحب الديوان
حسافه ايغيب شخصك ياچبير الشان
( مكسورين اعليك اليوم حسين وزينب )
وآماماه ?? وآعلياه ??
✍ الملة ام هجران العمارچية
الدنيه اعليك مرتجه وفلك صاير
ياحر يالمخوف الحاط والطاير
حسافه اتشيل وتخلي الحسن حاير
( بديار النيبه اليوم البين امچودر )
✍ام هجران العمارچيه
لطمية للأمام علي عليه السلام (( خلاني غريبه ))
غريبه البين خلاني غريبه
كل يوم ويوگعني بمصيبه
اخذ مني الزچيه ... وحماي الحميه
وضلت دمعة عيوني سچيبه
غريبه البين خلاني غريبه
كل يوم وغدرني البين غدار
شفت ضلع ام حسن صوبه البسمار
وعالهامه انطبر والدي الكرار
ضلت خاليه وتنعاهم الدار
عافوني يتيمه ... واسحل بالهضيمه
خلص وكت المحنه اشلون اجيبه
غريبه البين خلاني غريبه
خلص وكت المحنه وراح كلشي
كون يصح بديه اوياهم امشي
يگلي البين بالهضمات بلشي
ومن نوحي عليهم طاح رمشي
مافليت نوحي ... ذوله اعزاز روحي
چنت بجالهم ياناس هيبه
غريبه البين خلاني غريبه
چنت بجالهم هيبه واميره
للهم والحزن خلوني اسيره
حگي من اون واحتار حيره
صدگ ثاري الدهر ماعنده غيره
فرهد مني الاحباب ... ثاري البين سلاب
جمر افراگهم يسعر لهيبه
غريبه البين خلاني غريبه
نار افراگهم ماطفت تسعر
بعد شيريد مني البين يفتر
شحمل يامصيبه الله واكبر
عيني مساهره وحالي تغير
افز بليل مانام ... گلبي يصيح محتام
اگولن وينهم طالت الغيبه
غريبه البين خلاني غريبه
اگولن وينهم محد رجعلي
نامو عالرمل بالمگبره اهلي
چا ياهو اليعدله ومال حملي
لاتبچين شو محد يگلي
محد گال اسكتي ... من هلت دمعتي
وين الطاهره وليث الكتيبه
غريبه البين خلاني غريبه
من ديوان مسلوب العمامه جزء العاشر
لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر
نوحية للأمام علي عليه السلام ( وين اتريد )
وين اتريد ياحامي الحميه
اتصيح ام البنين بهالمسيه
لاتمشي بعجاله وريض النه
المن ضالين اوياك اخذنه
ياعزنه وضمدنه وتالي اهلنه
وسور بيوتنه المادام فيه
اتصيح ام البنين بهالمسيه
سور بيوتنه المادام ضله
يومك مانريده ولانقبله
بنص اگلوبنه چويات خله
ونار امصيبتك ضلت سريه
اتصيح ام البنين بهالمسيه
نار امصيبتك ماطفت تسعر
وراسك بالسجود اشلون ينطر
من سابع سمه جبريل كبر
حيدركم وگع ياجعفريه
اتصيح ام البنين بهالمسيه
من سابع السمه الناعي ينادي
حيدر بالفرض صابه المرادي
الله ايعين ابن عمك الهادي
والله ايساعد الزهره الزچيه
اتصيح ام البنين بهالمسيه
الله ايعين ابن عمك وبته
صاحو ليش ياظالم طبرته
اليوم الدين بچفوفك هدمته
وطشر هامته اصواب المنيه
اتصيح ام البنين بهالمسيه
سيفك صوب الكرار والدين
اجه من الدار حافي ويركض حسين
بويه ايصيح يابويه طحت وين
اجروحك والألم ذبهن عليه
اتصيح ام البنين بهالمسيه
جروحك والألم بيه عساهن
يازينب واختهه الضيم اجاهن
ياريتك عدل بويه وتراهن
اخلافك ينسبن بالغاضريه
اتصيح ام البنين بهالمسيه
لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر
Telegram
الشاعرة الملة ام هجران العمارچيه
خادمة اهل البيت ع الشاعرة الملة ام هجران العمارچيه صاحبة ديوان صبر العقيلة.
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 3 months ago
القناة الرسمية لشبكة ملازمنا كل مايحتاجه الطالب.
((ملاحظة : لايوجد لدينا اي حساب تواصل على تلكرام ولا نقوم بنشر اعلانات في القناة))
Last updated 4 days, 21 hours ago