الشاعرة الملة ام هجران العمارچيه
الشاعرة الملة ام هجران العمارچيه
صاحبة ديوان صبر العقيلة.
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 7 months ago
Last updated 1 month, 3 weeks ago
فزاعية ... حال ام البين بعد رحيل الامام الحسين واخوته سلام الله عليهم اجمعين ( ماخلي ماي بعيني )
كون البچي ايرد المشو
ماخلي ماي بعيني
لو ادري بعتابي نفع
ماخلي ماي ولادمع
ضعن النشامه مارجع
واغيابهم يعميني
مابيه حيل اغيابهم
فدوه رحت لرگابهم
شالوا وسدو بابهم
يادارهم عازيني
يادار وني اشمالچ
ايسي واگطعي امالچ
امنين اجيبه اهلالچ
وبعازته امخليني
واليوم روحي بعازته
حسين توجع فرگته
لو بشروني برجعته
افرح وابطل اونيني
لو رد ابطل نوحي
وافرح وابشر روحي
صارن اهواي اجروحي
وبس شوفته اتداويني
بس شوفته الگلبي دوه
وحسين اعز من الهوه
ماخله بعيوني ضوه
ولاواحد يدليني
ياهو اليدليني الدرب
ماشوفن وحالي صعب
والبين حاربني حرب
كلساع ويبچيني
✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر
 ...لطمية للسيدة زينب عليها السلام …](/media/attachments/amh/amhejran12345/17483.jpg)
#حصريا ...لطمية للسيدة زينب عليها السلام وماجرى على مرقدها من الأعتدائات الصهيونيه في هذه الأيام ( حال الضيم )
زينب گلبهه اليوم ممرود
ومتونهه من الحبل سود
انهض وحاميهه يموعود
ردوا عليها اعداكم اردود
( النزلة )
حال الضيم ... زينب حالهه اليوم
سل السيف يبن العسكري وگوم
سل السيف واتعنه الگبرها
يبن العسكري ولاتعتذرها
زينب بالهضم خلص عمرها
من الضيم گلبي اتصيح مالوم
حال الضيم ... زينب حالهه اليوم
من الضيم گلبي اتصيح تعبان
شنهو العطلك عنهه يريسان
شلون تعوفهه مابين عدوان
مسبيه وعليهه الظالم يحوم
حال الضيم ... زينب حالهه اليوم
مسبيه وعليهه النذل يفتر
شيردون منهه الله واكبر
عباس البطل راسه تطبر
عنهه ابعيد مايدري الجيدوم
حال الضيم ... زينب حالهه اليوم
عنهه ابعيد مايدري الكفلهه
امهدم حيلهه ومايل حملهه
يبن العسكري گوم افزع الهه
تهمل عينهه ولاضاگت النوم
حال الضيم ... زينب حالهه اليوم
تهمل عينهه وماتگدر اتنام
زينب وحداها البين بالشام
وابن ايزيد اجاها محزم احزم
بيش اتزامطه وميت المظلوم
حال الضيم ... زينب حالهه اليوم
بيش تزامطه وميت وليهه
والملعون يتهدد عليهه
مو بس هاي واكثر صار بيهه
ضربوها بقذايف زمرة الشوم
حال الضيم ... زينب حالهه اليوم
بالصاروخ ضربوا مرقد ام عون
من الله ورسوله مايخافون
يبن العسكري گوم اگلب الكون
تنصر عمتك واجب وملزوم
حال الضيم ... زينب حالهه اليوم
✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر
لطمية ختامية لنهاية العزاء من ديوان معاني الحزن الجزء الثاني ( عوانه ولطم زين )
الزهره اتريد ... عوانه ولطم زين
لمصاب الحسن وامصاب الحسين
وللعباس ضل بدون چفين
وراسه بالعمد مطبور نصين
عمت عين السهم صاباه بالعين
زينب صبحت بين الملاعين
اتلم اطفال واتباري النساوين
وين تبات مهجومه الصواوين
محد گالهه شعندچ تحشمين
تصيح بصوت يخواني الشياهين
للجلسات راحت والدواوين
يگلهه ايزيد چا ذيچ الزلم وين
رضوا للشام مسبيه تطبين
هضمنهه وعمنهه امصايب البين
وخلت عالرمل واحد وسبعين
حيل اوياها الطمي لاتبردين
لطمنه اسنين مارجعوا الميتين
باچر بالگبر وحدچ تضلين
ماواحد يسمعج من تصيحين
بس واحد يحضرچ من تخافين
يحضرج حيدر الكرار ابو حسين
( حتى الجوه الگاع يصيح ادخيلك حيدر )
✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر
قال الأمام علي عليه السلام : ضع ثلاث في ذهنك
لاراحة في الدنيا
ولاسلامة من كلام الناس
ولانجاة من الموت
صدق امير المؤمنين
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 7 months ago
Last updated 1 month, 3 weeks ago