ياحسين انصارك. يا حسين انصارك

نحن انصار العقيله
بينه شاب وبينه شايب
راضعين الحب رضاعه
وشفنه بالحب العجايب
واليحبك يوصل الله
وكلبه بسمك كله ذايب
كبلك احنه بالمنية
لازم انام ابترايب

يا حسين انصارك يا حسين انصارك
..... 
ما يهمنه جيش اميه
اشما كثر يكثر غرامك
احنه ما عدنه كلام
وكل كلام يضل كلامك
كلشي لجلك خالق الله
كلشي الك يبقه بمرامك
الله خالقنه اعله مودك
ياحسين انصد سهامك

يا حسين. انصارك. يا حسين انصارك

.....
حاجي زينب  مانجافي
والغدر مو من طبعنه
كٓلهه لازم تدري بينه
حب علي هوه الجمعنه
من سمعنه منه خافت
كلنه بللنه دمعنه
الوادم ادور غنائم
واحنه بس حبك طمعنه

يا حسين انصارك. يا حسين انصارك
.........

عيونك القبله ونصلي
والخيم صارت مساجد
دمنا لعيونك محنه
لا نبيع أو لا نزاود
وانته تدري ما نعوفك
وانخلقنا للشدايد
هذا عهد الحب عهدنا
دمنا لحروفك قصايد

يا حسين انصارك يا حسين انصارك

........

انجمعنه بحبك انته
كلمن بحبه وقراره
الخنصر بجفك يلمنا
وباجر تصير المناره
سيد الحب والهواشم
جتك جفوف الغياره
كلنا يم زينب حمايه
وننتظر رهن اشاره

يا حسين انصارك يا حسين انصارك

#قصائد_محرم_2024

هلا بمسلم من دخل وادي القتال
بقت بس الخيل تمشي بلا رجال
ايـدوّر الـشـجـعـان ويدور الثگال
شـردت الـفـرسـان من شد النزال

هـذا ابـن عـم الـگـمـر طـبّـاها
الكوفة غصّت بالجثث خلّاها
الـگـاع باجـسـاد الزلم غطّاها

حرب حرب .. بيده دگ اطبولها
عـمّـه عـلـي .. الـمـادرت گـلّـولها
ردت زحف .. من يمينه افحولها

@@@@@@@@@@@@@

زغرت الكوفة وبقه العسكر ينوح
ايـشـمّـر بفرسانهم فوگ السطوح
مـن تـدوّر بالـزلـم مـاتـلـگـه روح
ويـن يـشـرد جيشهم منّه ويروح

الـسـاتـر الله مـن يشد احزامه
الشاف مسلم ماتعينه اجدامه
جـابـهـم مـثل اليمشّي اغنامه

غضب غضب .. نازل بـكـوفـانـها
مــن ارتـجــز .. دنّـگـت فـرسانها
مهرة الحرب .. بيده كض اعنانها

@@@@@@@@@@@@@

شـاردة الـخـيّـالة گـدّام الـسـفير
والـيـطـب للكوفة بالطلعة يحير
عـلـي قـتّـال الـعـرب عَمّه يصير
يعني مسلم لو غضب نار وسعير

سـرفـن الذرعان واعلن يومه
والشـجاع البيها ذب اهدومه
اثـگال ردّت بالحرب مهزومة

زعل زعل .. كـلـها ردّت هـاربـة
رجّف زلم .. فدوة اروح لشاربه
چنّه الگمر .. ياجيـوش تحاربه

@@@@@@@@@@@@

الشاف مسلم بالحرب صابه الذهول
هـذا مـسـلـم لـو عـلي الشافه يگول
هـذا مـسـلـم لـو رجع فحل الفحول
حسين ودّه الموت الاحمر لو رسول

بالـبـيـوت امـشـرّد الـخـيـالــة
الحرب مسلم من تشد تحلاله
بلايـه راس ايـرجّـع الـيـدناله

هجم هجم .. الكوفة بيهم چافية
ذاك الجمع .. مـابـقـت بـي عافية
وذيچ الزلم .. مـنّـه ردّت حـافـية

@@@@@@@@@@@@

ياهـلـه بـسـبـع الهواشم ياهله
احـنـه مـن بابه نـطـب لكربلة
هلا بـحـلّال الشدد والمعضلة
هلا بچف احسين يوم الزلزلة

هوّه لاهل البيت منطي احچاية
إتـسـجّـلـت كـل الـمـواقف هايه
مـسـلم من احسين جايب راية

نـعـم نـعـم .. يدري موت وجايهم
راد العطش .. مـاشرب من مايهم
لموته مشه .. ولا ميمشي برايهم

@@@@@@@@@@@@@

محمد جبر الدراجي

https://t.me/lirdaa

لا زلت الـــغريب الما
تشبه غربتك غربه
اليمشي من الـ..ـخيم للموت
وبناته امچلّبه ابگلبه

وياهو الأعجب هناك .. صبرك لو جمالك

جروح .. وحر وتراب .. وعطشان الجمال
عيون .. بيهه احزان .. ماكو بأي خيال
تعيش .. بنصهه احلام .. ماي لهالزغار
يصير .. كلشي يصير .. بس حلمك مُحال

أُم رضيعك ترتجيك
وانت ياهي اصعب عليك
من الضمه يموت بإديهه لو يذبحونه بإديك

ومن شلته نام .. طير الحمام
وروحك نادتك
مابي حياة .. عبد الله مات
رده لخيمتك
_____
طف ثاني بهذاك الطف
عيالك من توادعهه
مشيت ومن .. على امتونك
تتناثر مدامعهه

امنازَع طلعة الروح .. طالع من خيامك

آه .. شگد مفجوع .. وصابر ع البلاء
مشيت ..وحَسبَك چان .. رب الكبرياء
منين .. ما تندار .. مظلوم و غريب
مصاب .. الصار اوياك .. بچاهه السماء

سهله لمن تنوجع
تبچي وتصب الدمع
لكن الأصعب غيور وتصبر شما تنفجع

فاحتَوََشُوك .. و نَكَّسُوك
مجروح الگلب
السبع الشداد .. من الجواد
طاحت ع الترب
___
حنانك جِربه واتبدت
وطفوله تريد ذرعانك
عطشانه لأمانك گوم
مطّر غيمة احضانك

طرفك من اجه السيف .. ظل يربي لعيالك

الطاح .. وعنده اخدور .. هم ترمشله عين
اتگوم .. اتريد اتگوم .. وحيلك ما يعين
شلون .. المثلك صار .. مهتوك الخباء
وصوت .. اتسمعه يصيح .. خويه يا حسين

خويه نومك لا يطول
الحگ اخدور الرسول
ان كنت حياً فادرك اهلك هجمت اعلينه الخيول

گمت وهويت .. وگمت وهويت
وسلمتو الأمر
الموقف يصيح .. انت الذبيح
وهي اعلى اليسر
..
رعد غني الدراجي

الوجود
.
انه أمن اشتاكلك اقراك والكاك
واكتبلك سوالف كلبي التخص

وما احتار من ابديلي موضوع
اكولن ياحسين واشمر الشص

وما مدعي بيها وياك مولاي
لا والله بخدمتك حيل مخلص

بوكت جانت الناس ادور اسماء
انه بكل عزه لطام بالنص

الطملك صدك مو بس احر ك ايد
ما متباجي باجي متعب الفص

روحي الماتهم بالموت والناس
بس الخدمتك الكاهه تحرص

الهدوء البيها يشبه هدوت الموت
وبس يوصل عزاك تكوم تخبص

بيني وبين نفسي أمن التقي وياك
كلبي أمن الحزن بحجايته يغص

ما دورت مره اعله اسمي ينكال
امضيع اسمي مثل ما ضايع اللص

انه هذا الحجي ماكوله والله
بس كلته لان ادريك ترخص

انه ماعندي شي وياك مو زين
واتباهه لان كل الحجي ينص

الجنحه بغربتك وتريده ميطيح
بعد ميطيح لو كل الحجي يكص

.
يا ابا عبد الله الحسين
على العهد

السلام عليكم ورحمه الله وبركاته تم حذف حساب الفيس بوك والوات ساب فقط التلي يشتغل