صباح الحرية 💚💚

اكيد اخدتو عطلة طويلة وتحررتو وروقتو كلكن😂💚
رح نرجع اليوم لهمتنا وشغلنا ودراستنا.. والفحص رح يتاجل باذن الله ف لهيك ماتاكل هم الاسبوع يلي راح، وكفي معنا عالخطة بشكل نظامي

طلاب ١٥/١٠ مخلصين المنهاج ف كفو بالمراجعة، وهي ريكورد المراجعة يلي شرحتلكن فيه عنها:
https://t.me/Dr_Saaty/723

طلاب ١٥/٩ عليكن الفصل ١٠ كيميا

بالتوفيق جميعاً 💚💚

صباح الحرية هو صباح الخير 💚💚
الشبيحة اللي كانو يقولو الأسد او نحرق البلد طمنونا عنكن؟
يلعن هالعيلة النجسة اللي باعت البلد
الوجهة القادمة لازم تكون القرداحة لنلعن روح حافظ وسلالتو ✌️

صباح الخير ❤️

في حدا محدد كلشي اسئلة دورات افكارها خارجية او مو مذكورة بشكل واضح بالكتاب ؟
او بشكل عام اسئلة الدورات يلي صعبة..

عم نخطط لمشروع رح يفيد الدفعات القادمة كتير 😁

يلي محددهن او عم يحددهن حاليا خلال دراستو او قادر يحددهن خلال مراجعة المادة
يتواصل مع الدكتور فؤاد رجاءً @DrFouadd

صباح الخير ❤️❤️
اليوم عنا تبديل بين البيولوجيا والكيمياء

بس نحنا خالصين مادة الكيميا كلها، ف اليوم رح نبلش بالمراجعة..

اذا ملاحظين نحنا خلصنا المادة وراجعناها مرة سريعة من قبل وهلق رح نراجعا بتركيز اكبر 😂❤️

يعني يلي ماشي معنا عالخطة رح تكون هي تالت مرة يدرس فيها المادة، وباسبوع المادة بيصيرو ٤ مرات 🔥

تخيلو اننا درسنا وحدة من اكبر مواد التحضيري ٤ مرات وختمناها وفصفصنا نكشاتها ودوراتها سوا !

هلق بالمراجعة، حاولو تركزو عالافكار يلي ماقدرتو تركزوها منيح بالوجه الاول للدراسة، والدورات يلي خربطتو فيها اذا معلمينها بشي طريقة رجعو حلوها

شوي ورح يوصلكم ريكورد مفصل عن خطة المراجعة ❤️

ملف حلول المذاكرة ❤️❤️

يعطيكن العافية دكاترة بري 10 ❤️

معكم الدكتور يحيى الساعاتي، خريج كلية الطب البشري بجامعة دمشق ومدرس مادة كيمياء لطلاب السنة التحضيرية من 7 سنين.

طبعاً يمكن قسم كبير منكم عرفني من خلال الجلسات التعريفية تبع الفريق او من زملائه بالدفعات الماضية، بس حبيت عرفكم بنفسي مشان الاشخاص يلي هلق فاتو على جو التحضيرية ?

? نحنا ان شاء الله رح نبلش دراسة مادة الكيمياء وفق خطة 15/9 (الموجودة بالصورة) ?
لهيك اي شخص حابب يبلش معنا يحفظ صورة البرنامج عنده .. نحنا محددينلك كل أسبوع (يومين دراسة) شو الكمية اللي لازم تخلصها

?اذا لسا ما شفت الفيديو التعريفي تبع المادة؛ ف بنصحك تشوفو.. هو فيديو هام جداً صورته جديد هالسنة

كل سنة بتكون علامة الكيمياء هي اقل علامة عند الطلاب بين المواد الخمسة؛ والسبب انا شارحو بالفيديو التعريفي وعاطيكم الحل، ف اسمع النصيحة من هلق مشان تبلش صح، وقبل ما يفوت الآوان:
https://www.youtube.com/watch?v=xLGB1vcpOMc

?وختاماً بحب فائلكم انو مادة الكيمياء هي أمتع مادة بالتحضيرية، بشرط تفهمها صح وتمشي معنا بدون ما تقصر وتراكم، والبرنامج مريح جداً وفيه ايام للترميم، ومرتبين الفصول ترتيب منطقي ومتدرج بالصعوبة، وهي ميزة برنامجنا الاساسية ❤️

?قناتي على التلغرام رح ينزل عليها اختبارات وملاحظات علمية ونكشات مهمة بأيام دراسة المادة، وفحص الكيمياء بالذات قسم كبير منه نكشات لهيك لا تنسى تنضم للقناة لانو انا عم جهزك وخليك تتعود على كل النكشات الصعبة:
T.me/dr_saaty

موفقين وانا جاهز لأي سؤال ❤️

طلابنا الاكابر ❤️

وصلتني كتير رسائل عن خوف من نسيان بعض المعلومات المتعلقة بالكيميا من البكلوريا، او ضعف تأسيس بالمدرسة بشكل عام.. كون المادة معلوماتها متعلقة الى حد كبير بمعلومات المدرسة

انا مبلش معكم بأول فيديو بالكورس بتعريف عن مصطلحات قديمة مرت معكن بالمدرسة، كنوع من التأسيس والتمهيد ❤️?

وبما انو كيمياء التحضيرية متعلقة بشكل كبير بالبكلوريا والثانوي .. ف ضروري تكون عرفان هدول المصطلحات ?‍↕️

• خلال الكورس اي شي رح ينشرح من الصفر بغض النظر عن مستواك السابق..

لهيك لا تخافو مارح نقصر عليكم ابداً .. الشرح بيراعي كل المستويات ❤️

?هي رابط الفصل الاول (تصوير جديد هذه السنة) لتشوفو كيف الشرح من الصفر تماماً ولحتى تحضرو التأسيس والتمهيد:
https://www.youtube.com/playlist?list=PLQ4yTXP-Zi1cbADlrQTjJ2wamhoMyHR8S

?طريقة الاشتراك بالكورس الالكتروني بإمكانكم عن طريق المكاتب:
https://t.me/Pre10Med/1624

وهاد غروب النقاشات اي حدا عندو سؤال فيه يتفضل يسأل ونحنا جاهزين:
https://t.me/Dr_saaty1

? د. يحيى الساعاتي || الكيمياء الطبية

مرحبا يا دكاترة ❤️

رح نبلش بخطة دراسية سوا قريباً ورح تكون بدايتها ب15/9..
بهالكم يوم بتنزل مشان تبلشو تحسبو حسابكن

? حالياً يلي عليك تعمله لحالك انو تبلش تتعرف على المادة بشكل عام.. اول شي تشوفو هو الفيديو التعريفي لمادة الكيمياء.. صورته جديد هالسنة، وفيه ملاحظات جديدة مهمة عن فيديو السنة الماضية:

https://www.youtube.com/watch?v=xLGB1vcpOMc

? رح تلاقو فيه تعريف عام عن المادة وعن مستوى اسئلتها وكيف تتعامل معها خلال السنة.. بالاضافة لاغلب المشاكل يلي بيواجها الطالب خلال دراستها مع طريقة حلها ❤️‍?

? الكيمياء مادة ممتعة جداً ورح تلاحظو هاد الشي بس تبلشو دراسة، ولكن الأهم انو تحط رجلك صح وتبلش صح، وقتا رح تستمع فيها كتير ..

احضرو فيديو المقدمة وسجلو كلشي ملاحظات مشان تضل محفورة ببالكن

بالتوفيق ❤️‍?