Демак, жавоблар билан танишинг😊**

✅1. Агар сиз 1, 2, 3, 6 ёки 7 ни танлаган бўлсангиз, ўз мақсади йўлида ҳеч нарсадан тап тортмайдиган инсонлар тоифасига кирасиз.

✅2. 11, 12, 18 ёки 19 ни танлаган инсон жуда ҳам очиқкўнгил, ҳамиша инсонларга ёрдам қўлини чўзувчи инсондир.

✅3. 4 рақамини танлаган инсон ҳаётда ҳар қандай қийинчиликка бардошли, омадга эришиш учун ҳар қандай тўсиқларни енга олади.

✅4. 5 рақамини танлаган инсон жуда ҳам хорғин, ҳаётдан чарчаган инсонлар сафига киради.

✅5. 9 рақамини танлаган инсон қувноқ, ўйнаб-кулишни севади.

✅6. 13, 21 рақамларини танлаган инсонлар жуда ҳам камгап, доим ўзининг ички ҳадиклари билан яшовчи инсон.

✅7. 8 рақами остида ўз қобиғига беркиниб оладиган, ўз дунёсида ёлғиз яшовчи инсондир.

✅8. 10-15 рақамини танлаган инсонлар ҳаётда ҳар қандай вазиятга ҳам мослашиб кетаверадиган қулай инсонлардир.

✅9. 14 рақамини танлаган инсон чуқур тушкунликда, қалбига озор етган.

✅10. Одатда 20 рақамини ўзини ҳаммадан юқори қўювчи, ўзига жуда ишонувчи инсонлар танлайди. Улар атрофдагиларни айнан унга қулоқ солишини исташади.

✅11. 16 рақамни танлаган инсонлар ўзгаларга ёрдам бераверишдан чарчаб кетган инсонлар.

✅12. 17 рақамни танлаган инсон эса атрофдагилар меҳрига, эътиборига муҳтож...**t.me/Qutlug_Nigor_Sheriyati

Doʻstingman deb, aldab yurgan dushmanim,
Sinishimni poylab yurgan dushmanim...

✍ Qutlugʻ Nigor

🎤 Qutlugʻ Nigor

t.me/Qutlug_Nigor_Sheriyati

Дўстингман деб, кулиб боқар юзимга,
Бир дардкашдек, қулоқ осар, сўзимга.
Пайтин пойлаб, тупроқ сочар кўзимга,
Дўстингман деб, алдаб юрган душманим,
Синишимни пойлаб юрган душманим.

Ош пиширсам, ёнимдаги парвонам,
Ютуқ ютсам, табриги йўқ хайронам,
Саройим деб қувонганим, вайронам,
Дўстингман деб, алдаб юрган душманим,
Синишимни, пойлаб юрган душманим.

Бемор бўлсам, хол сўрашга сўзи йўқ,
Кўринмайди қораси ҳам, изи йўқ,
Оллоҳимдан, яқин дўстнинг ўзи йўқ,
Дўстингман деб, алдаб юрган душманим,
Синишимни, пойлаб юрган душманим.

Бойлик топсам, пулларимга шеригим,
Боғ яратсам, гулларимга шеригим,
Гар йиқилсам, бўлмай қолар керагим,
Дўстингман деб, алдаб юрган душманим,
Синишимни, пойлаб юрган душманим.

Суйкалади оёғимга, иш тушса,
Жонин боғлар хирмонимга, қиш тушса,
Юзин бурар, бошимга ташвиш тушса,
Дўстингман деб, алдаб юрган душманим,
Синишимни, пойлаб юрган душманим.

Қувонади, кулсам эмас, куйганда,
Юрагим бахт эмас, дардни туйганда,
Худо синовимга бериб қўйганда,
Дўстингман деб, алдаб юрган душманим,
Синишимни, пойлаб юрган душманим!

2024.04.16

✍️ Қутлуғ Нигор

t.me/Qutlug_Nigor_Sheriyati

Biz kutmagan kuz kelib, kutgan bahor qaydasan,
Men sevgan koʻngli toza, shodumon yor qaydasan?!

✍ Qutlugʻ Nigor

🎤 Qutlugʻ Nigor

t.me/Qutlug_Nigor_Sheriyati

Премьера....

Қуёшмидинг қалбимнинг, эритгандинг тафтини,
Ё шаммидинг юзимга, қўйган қайноқ кафтини.
Бугун, ҳудди муз каби, буруштириб афтини,
Мен севган кўнгли тоза, шодумон ёр қайдасан?!

Баҳормидинг йўлимга, тўшагандинг гулдаста,
Ёғду мисол юзимга, югуртириб нурдаста.
Куз каби қовоқ уюқ, нима бўлди бир пасда,
Мен севган кўнгли тоза, шодумон ёр қайдасан?!

Олардингку бир замон, тишларимдан дур териб,
Суянчиғим эдингку, суярдингку қўл бериб.
Нигоҳлар аламзада, қошларингни чимириб,
Мен севган кўнгли тоза, шодумон ёр қайдасан?!

Ўртамиздан не ўтди, нима бўлди бизларга,
Соғинчни бўғизловчи, ўша қайноқ ҳисларга.
Тотли забон йўқолиб, айландикми чирсларга,
Биз кутмаган куз келиб, кутган баҳор қайдасан?!

Мен севган кўнгли тоза, шодумон ёр қайдасан?!

12.11.2024

✍ Қутлуғ Нигор

t.me/Qutlug_Nigor_Sheriyati

Премьера...

Сени кутиб кўзим толди,
Сенинг кўзинг қайларда.
Умид кутиб ухлаб қолди,
Бир қаровсиз жойларда.

Зарра раҳминг йўқми ҳеч,
Инсоннинг боласига.
Қировлар эрта қўнган,
Сочимнинг толасига.

Соат тўхтаб қолдими,
Тун ҳам ўтмоқда секин.
Осмон қулиф солдими,
Қуёш чиқмайди эркин.

Ҳавотир ханжарлари,
Дилга ботиб қолгандек.
Бедор кўзларим ичра,
Тонглар отиб қолгандек.

Тинмай соғинавердим,
Бир бор кулиб келмадинг.
Сени соғинётганим,
Бепарвосан, билмадинг.

Сени кутиб кўзим толди,
Сенинг кўзинг қайларда.
Умид кутиб ухлаб қолди,
Бир қаровсиз жойларда.

11.11.2024

✍ Қутлуғ Нигор

t.me/Qutlug_Nigor_Sheriyati

𝗗𝗘𝗠𝗔𝗞........

📝𝗤𝗨𝗧𝗟𝗨𝗚' 𝗡𝗜𝗚𝗢𝗥

🎙𝗠𝗔𝗗𝗜𝗡𝗔𝗠

t.me/Qutlug_Nigor_Sheriyati

Bir uy boʻlsa, mehring bilan toʻlib-toshgan....

✍ Qutlugʻ Nigor

🎤 Qutlugʻ Nigor

t.me/Qutlug_Nigor_Sheriyati

Премьера...

Бир уй бўлса, деворига гулқоғозмас,
Иккимизнинг суръатимиз чизилсайди.
Сўнг ёнига катта қилиб, тошга ўйиб,
Бу иккиси ошиқлар деб ёзилсайди.

Бир уй бўлса, дарвозаси менга очиқ,
Беркитишга тополмасанг занжирларин.
Ҳовлисида бўлса жаннат дарахтлари,
Ҳар тонг менга териб берсанг, анжирларин.

Бир уй бўлса, гуллар билан тўлиб -тошган,
Ифорлари маст қилсайди, иккимизни.
Яшасайди боғимизда ажиб қушлар,
Булбул ҳар тонг куйласайди севгимизни.

Бир уй бўлса соддагина ва бежирим,
Унда мансаб тарозиси бўлмасайди.
Тут шохига ясатилган арғимчоқда,
Жажжигина фарзандимиз ўйнасайди.

Бир уй бўлса, меҳринг билан тўлиб-тошган,
Кўзгулари муҳаббатни кўрсатсайди.
Шу ховлида сенла ўтса бутун умрим,
Қучоғингда юрагимни тўхтатсайди.

Бир уй бўлса, орзуйимдан бунёд бўлган!
Шу ховлида сенла ўтса, бутун умрим....

✍ Қутлуғ Нигор

t.me/Qutlug_Nigor_Sheriyati

Qargʻamaymiz, ikkimiz aybsiz axir,
Kel, taqdirni bir umr qargʻab oʻtamiz....

✍ Qutlugʻ Nigor

? Qutlugʻ Nigor

? Jamshid

t.me/Qutlug_Nigor_Sheriyati