#musicpalangiskiy
manovni ertalabdan eshitinglar.

i am reincarnated.

Кечмишимдан жонинг оғриса, жоним,
Мен қандай қарайман кўзчаларингга?

#beshyuzqirqbeshinchikun
variant
Osmon – dunyodagi eng issiq koʻrpa.
Osmon – dunyodagi benuqson bunyod.
Osmon – dunyodagi eng shirin durda.
Osmon osmondagi eng yaxshi dunyo.

Osmonni neligin bilmaysiz, esiz.
Siz usiz baxtliroq yashaysiz, menchi
osmonsiz yasholmam, chunki osmon – siz.

Yomgʻir ham yogʻmadi siz ketgan koʻyi,
Halovat topmadi chang bosgan tuproq.
Tugʻyonlar fazomni qizgʻishga boʻyab,
Soʻzimni qizartdi oʻzimdan koʻproq.

Xazontus ichimda gʻimillab sigʻinch,
Qolib ketaverdi choʻkkan tizlarim –
Bir yonim qon boʻlsa bir yonim sogʻinch.
Yuzimda dehqonning chalmoq rizqlari.

Bulutlar xoshiya, osmon sheʼr daftar,
Bunda Oy sarlavha, Quyosh taloshib
Bunda siz imloni buza olmaysiz,
Koʻzlaringiz qalam, yoza olmaysiz,
Xatboshim, soʻzboshim, aziz ishqboshim!
Afsuski osmonni oʻqiy olmaysiz.

Axir bu fojia, axir bu uvol–
Yubkasidan chiqqan ortiqcha ip deb,
Sochlari jonimdek sachroq bir juvon,
Osmonga qaramay yashab yuribdi…

osmon osmondagi eng yaxshi dunyo.

PyD

...Hammasi gʻalati, hammasi oddiy,
Yana koʻz oʻngimda boʻlasan paydo,
Oyning kela boshlar menga hasadi.

pyd

#beshyuzqirqtoʻrtinchikun
calix
sochingning tuguni yechildi,
ochildi afvlashish mavsumi,
eng soʻnggi qasamlar ichildi,
xazonim, mezonim, kuzxilim,
Xudoyim meni ham kechirdi.

kel endi kelmovuq sevgilim!
yoʻlingga bogʻlatay kuylarni,
ohangdan qaynasin xom ilik,
bezatib sogʻinchiq oʻylarni,
iznlaringda oqsin koʻrgilik,

qismat siylamasmi, siylarmi?
bizni chiylamasmi shafaqlar?
biz qay payt sevgiga man edik?
serkek kechmishlarning bagʻrida, oʻsal,
kecha momom yopgan tandir nonidek

yumshoq yanogʻingda toʻlgʻongan boʻsa,
shamolning ortidan ketar ergashib.
labimda uygʻonar dunyolar,
koʻzimda pirpirak qaqshashim,

kel endi kelmovuq sevgilim,
soyalar jismimdan kechdilar,
xayolim chirmovuq sevgilim,
sochingning tuguni yechilar…
kecha bobom yopgan Juma namozdek
eng soʻnggi qasamlar ichilar!

PyD

Bir tutam sochlaring mening qo‘limda,
G’ijimlab o‘paymi, yo tarab-yechay,
Sir deb saqlaganing mening qo‘ynimda,
Sir deb saqlayinmi, yo yelga sochay.

Sochilgan sochingday sochilsa siring,
Anor yuzlaringni kimga tutasan?
O’zing-ku «ularda vafo yo‘q!» deding,
Nimaga ularni tag‘in kutasan?

Ochilgan qo‘ynimda to‘lg‘angan taning
Ko‘ngildan qilcha ham hid yetkazmasa,
Menga yaqinlashma, ay, tirik bo‘sa!
«Sevdim» deganlaring yolg‘ondir sening!..

©Cho'lpon. 1925

Xoʻsh, Navoiyga Choʻlponni almashmasam nima qilibdi?!

#beshyuzoʻttizoltinchikun
huh
Yaydoq nafasingni oʻpgim keladi.
Quchoqlagim kelar hansirashingni,
Poyingga oʻpkamni toʻkkim keladi,
tikilgim keladi hovliqishingga.

Qoshingdan kashtalar keladi bichgim,
Sotilsam kiprigiy rastalaringda.
Essiz, eshitmasa edimi hech kim,
xastarib kuylasam bastalaringni.

Sen magʻz boʻlsang-u, ishq gʻaliz boʻlsa,
Men danak boʻlibon seni yashirsam,
Umrbod qoʻynimda berkitib yursam,
Ayt axir jonginam, qayga qocharsan?*

Oʻrindiq ustida, bogʻda. gullasang.
Tizzangga bosh qoʻyib osmonni emas,
Ixcham iyagingni qilsam tomosha,
koʻzimda mavjlanib yelkansiz kema
Yelkangga bosh qoʻyib seni sogʻinsam…

Sochimda qazgʻoqlab yotsa armonlar,
Cheksiz koʻrilmagan tushlardan keyin
baxtimni qitiqlab ketsa shamollar,
Qaysidir shaharda sen kulasan, Sen!

Qaysidir shaharda sen borsan rosti!
Jilvalar bizimga boʻlsa tasadduq–
Bulutlar qovurgʻa chiqarayozsa
yogʻmurlar toʻxtasa toʻxtamasag-u,

Izgʻirin tunlardan lovullab chiqsak,
Shafaqqa uchrasak chiqib chillamiz.
Biz-ku uchrashmadik, jonginam – qismat.
Xudo uchrashtirsa nima qilamiz?!
Xudo uchrashtirsa nima qilamiz..?!

quchoqlagim kelar hansirashingni…

PyD

Hech soʻramaganman menimcha, bosinglar. Oʻz-oʻzim tushirganman.