⚡️ Жүргізуші әйелді ұрған Дархан Ахметжанов 8 жылға бас бостандығынан айырылды.

Алматыда автобус жүргізушісіне соққы жасалғаннан кейін жүргізуші талып қалып, артынша көлік үш адамды қағып өлтірген. Жүргізушіні ұрған жолаушыға қатысты сотта бүгін үкім шығарылды.

Ер адамға екі бап бойынша айып тағылды:

⚠️ ҚР Қылмыстық кодексінің 293-бабы "Бұзақылық";

⚠️ ҚР Қылмыстық кодексінің 351-бабы "Екі немесе одан да көп адамның өліміне әкеп соққан көлікті қауіпсіз пайдалануды қамтамасыз ету қағидаларын бұзу".

Бүгін, 26 сәуірде судья үкім шығарды. Осылайша, сот шешімімен айыпталушы Дархан Ахметжанов кінәлі деп танылып, 8 жылға бас бостандығынан айырылды.

Сондай-ақ сотталушыдан жәбірленуші К.-ның пайдасына 6 397 250 теңге материалдық шығынды және 5 000 000 теңге моральдық шығынды өндіру туралы қаулы қабылданды.
Ал жәбірленуші Б.-ның пайдасына 10 000 000 теңге моральдық шығын өндірілмек.

📱 t.me/askerenews

⚡️ Бишімбаев ісіндегі судья Айжан Құлбаеваны әлдекімдер үркітіп-қорқытқан
Астана қаласының Полиция департаменті судья А.Құлбаеваға қатысты қорқыту фактісі бойынша қылмыстық іс қозғады.
Жоғарғы сот мәліметінше, судьяның ұялы телефонына белгісіз нөмірден қоңыраулар мен қорқыту хабарламалары түскен.

◾️ Қылмыстық кодекстің 407-бабының 1-бөлігі (Сот төрелiгiн жүзеге асыруға кедергi жасау мақсатында соттың қызметiне араласу) бойынша сотқа дейінгі Іс жүргізу басталды.

📌 Судья, жеке қауіпсіздік шараларымен қамтамасыз етілді, дейді соттағылар.

◾️ Сонымен қатар, интернет кеңістігінде жүргізілген мониторинг барысында судьяға қатысты қылмыстық құқық бұзушылық іс-әрекеттері бар көптеген жағымсыз жарияланымдар анықталды.

◾️ Тексеру іс-шараларының нәтижелері бойынша тергеу органы Қылмыстық кодекстің 411-бабының 1-бөлігі (Судьяға жала жабу) бойынша қылмыстық іс қозғады.

◾️ Заң кез келген адамға сот төрелігін жүзеге асыру процесіне, оның ішінде судьяның атына жала жабу немесе қорқыту сипатындағы материалдарды жариялау жолымен, ықпал етуге тыйым салатынын ескертеміз.

📌 Сот билігінің беделін түсіретін әрекеттердің жолы кесілетін болады.

✅️ t.me/askerenews

⚡️Алматыда жер сілкінісі болды: 2 балл

Сейсмобақылау институтының мәліметінше, жер сілкінісі 12 сәуірде сағат 13:13-те болған.

🗣 Жер сілкінісінің ошағы Алматыдан оңтүстік-шығысқа қарай 273 шақырым жерде Қытай аумағында орналасқан – афтершок.
🗣 Жер сілкінісінің энергетикалық класы – 12,5.
🗣 Магнитудасы MPV 5,5. Жер сілкінісінің координаталары солтүстік-батыс бойынша 41,06°. 78,54° шығыс Тереңдігі 5 км.
🗣 Сезілуі туралы ақпарат (MSK-64 шкаласы бойынша): Алматыда 2 балл.

✅️ t.me/askerenews