“O‘quvchi o‘rtog‘im, ma’luming bo‘lsinki, man har vaqt saning ko‘nglingga qarab jinnilik qila bermayman; qalam degan narsa ham o‘qlog‘i emas”, – Julqunboy (Abdulla Qodiriy), 1923-yil.

@qodiriy130

“O‘zini bilmagan o‘zgani bilmas” so‘zi turmush onasining dard chekib tuqqan to‘ng‘ich o‘g‘lidir”, – Shilg‘ay (Abdulla Qodiriy), 1925-yil.

@qodiriy130

“So‘z so‘ylashda va ulardan jumla tuzishda uzoq andisha kerak. Yozguchining o‘zigina tushunib, boshqalarning tushunmasligi katta ayb”, – Abdulla Qodiriy, 1925-yil.

@qodiriy130

“Turklik olamining miyasini aylandirgan masalalardan biri va birinchisi imlo sayosatidir”, - Julqunboy (Abdulla Qodiriy), 1922-yil.

@qodiriy130

“Yaxshiliqqa o‘rgangan bir banda osonliq bilan o‘z yaxshilig‘ini qo‘ymaydir. A, yomon-chi, Xudo panoh bersun, it suyak chaynamasa, tishi qichiydir”, - Eski shayton (Abdulla Qodiriy), 1924-yil.

@qodiriy130

“Hoy, o‘rtoq! Yaxshi onglaki, matbuot dunyosida kulgandan kulish qonuni hali ham bor”, – Julqunboy (Abdulla Qodiriy), 1924-yil.

@qodiriy130

“Men o‘zim ishyoqmas dangasaman. Buning ustiga bir oz va’darakligim ham bor. Tajribalik kishilarga ma’lum bo‘lsa kerak, aksar yalqovlar o‘zlari uchun foydalik bo‘lgan ishlarga dangasalik qilib, foydasiz bo‘lgan ishlar orqasinda umr o‘tkazalar”, – Julqunboy (Abdulla Qodiriy), 1920-yil.

@qodiriy130

“Madaniy xalqlar o‘zlarining eng kichkina qishloqlarinda ham bo‘lmag‘anda bir-ikki qiroatxona bo‘lindiralar, katta shaharlarinda, albatta, yigirma-o‘ttuz qiroatxonalari bo‘ladir”, - Juboy (Abdulla Qodiriy), 1920-yil.

@qodiriy130

“Ko‘rmaysizmi, o‘zgarishka yettinchi yil, hamon bir charxni aylantiramiz, hamon bir so‘z va bir qadam ustida jonbozliq qilamiz. A, yetti qironning biri bo‘lg‘an matbuotimiz bir so‘zni uzun bir muddat chaynaydir, g‘ajiydir. Subhonolloh!..”, - Eski shayton (Abdulla Qodiriy), 1924-yil.

@qodiriy130

“Istatistikasi bor bir millat oynasi bor bir qavm demakdir. Oynangiz qo‘lingizda bo‘lsa, shubha yo‘qki, diydori sharifingiz sayxonidagi barcha qing‘ir-qiyshuqliklarni ko‘rarsiz”, – Julqunboy (Abdulla Qodiriy), 1924-yil.

@qodiriy130