فدك نحل الزجيه امج ونحلج
مني اكظي العمر أحزن ونحلج
وحك تعبج علا خوانج ونحلج
اغص كلما يسمونج سبيه

وعلي صرخات يازينب صدلها
الحديد التوه متلمع صدلها
إذا رايد تموت بهم صدلها
بغربتها ولاجن هاشميه

يالبارك يزيد اهله وهنها
بسبيج همج عظامي وهنها
لون روحي اذلنها وهنها
ماوفي اللي شفتي من أذيه

(شمس حزنج مالها بكلبي زوال)

هذا يوم الماكو لحضه ارتاحت
الناحله مثل الزجيه راحت
::::::::::::::::::::::::::::::
اليوم يوم التنعت بأم المصاب
وكلشي فاركها عدا الهم والعذاب
العمرها توه خمس أعوام طاب
وسمعت امها وامحمد صاحت
::::::::::::::::::::::::::
يوم زينب يختلف عد الغيور
عينه من كثر البجي عليها تغور
ودمعته تنزل علا خده تفور
شلون دمعه العالهزيله طاحت
:::::::::::::::::::::::::::
عليها الاغتم ونعه وناح وحزن
جنه نايح عالحسين وعالحسن
وشارك المهدي بعظميات المحن
محنة الشام الفرحهم زاحت
::::::::::::::::::::::::::::::
احنا بالمهدي لزومآ نقتدي
وثوب الأحزان علا عمته نرتدي
الماتت وتنشد علام لوحدي
ميته وين اخواني عني راحت
::::::::::::::::::::::::::::::
ام عون كل معصوم كلبه ورمت
والها جم هاشمي عيونه انعمت
مثل السهام العله حسين انرمت
همومها صدور الهواشم لاحت
:::::::::::::::::::::::::::::::::
من الحُسين الذبله فراك العظيد
بالدفن صح انكطع نزف الوريد
بس جرح زينب بقه جنه جديد
بصدره دموم المواجع فاحت
::::::::::::::::::::::::::::::::::
ماكو هم يعله علا هم التنسبي
وهي بت أعظم مره واعظم نبي
الجان مايلفظ اسمها الطالبي
دارت ولفظه الاراذل باحت

هذا من فظل خديجه
صلوات الله عليها

قصيدة لمصاب ام البنين صلوت الله عليها (اوكف على التل) يابشر ياناعي ذيج الفاجعه روح للطف وانعه ام الاربعه اوكف على التل ونادي ياحُسين من المدينه جيتك انعه ام البنين بلكت يكوم ونعشها يشيعه ................................... چن من ام الكمر ماتت وعالطف…

(لجمات الدهر) فاطمه يعني دمع:مثل النبع:دم عالضلع آهٍ اه: بعد ماماتت الزهره انهد حيله علي وصوت آهٍ اه: لجمات الدهر كلها علا دار العافته ركضت آهٍ اه: بواجي أولادها عليها يم كبر النبي وصلت آهٍ اه:وي ثوب الخدر زينب ثيابات اليتم لبست والحزن ناده ليتاماها الينوحون…

الليالي الفاطميه

(اقرب بشر للفاجعه)

اقرب بشر للفاجعه
فضه الوأنهم سامعه
والشايفه اطهر جسد
بالباب رضوا اضلعه

تكول الذي بأسمه نجا ابراهيم من نار
بابه احترك وتجوه بي چف ام الاطهار

نادتهم اني فاطمه
سيدة ارضكم والسمه
عليكم احرج ان تدخلون
داري ولكن دخلوا
وعلا ضربها تجمعوا
ملعون يشدد عزم ملعون

اه من عدها اسمعت
اه منها جا متت
اه ياهظمج صحت

اه ويلا فاطمه
:::::::::::::::::::::::::
شلون اللي ربه بشره
بيحيى النبي ويناطره
منتظره جانت مُحسنا
لكنه طاح على الثره

زكريا كبر العمر وهَنَ اله الْعَظْم
ووهن عظمها فاطمه الضربُ واللطم

من ضربة لقنفذا
حيل البتول نفذا
ودور جسمها علا اليعينه
نادتني فضه اقبلي
سنديني وابني احملي
عيني أنعمت مندله وينه

وين كلب الام نشد
وين يافضه الولد
وين ماشوفآ بعد
اه ويلاه
:::::::::::::::::::::::::::
انا مثل مريم كلت
ياليت مت وماكنت
من قبل ذا اليوم الذي
حيدر تجتف بي شفت

كف حيدر اللي ينحسب هو كف الله
بأقتاب سيفه انذل بشر قاده وقاداه

جف حيدر اللي رافعه
طه وكبلهم بايعه
جتفوا قبل تغسيل طه
جنها الخليقه تنتظر
موت النبي طول العمر
حتى لعلي توجه اذاهه

ليش اشرف من خُلق
ليش بجف المنطلق
ليش حقه ينسرق
اه ويلا ياعلي
:::::::::::::::::::::::::::::
القرآن كالوا حَسبنا
ولطٰه منعوا حُزننا
جا ماقرو من الحزن
لعيقوب باضت اعينا

احتجوا عليهم بالكتاب اللي قرو بي
من حزنه يعقوب انعمه علا ابنه اليرد لي

يحق لنبي يبنيله دار
بيها يون ليل ونهار
بس مايحق فاطم تقلده
كلما تون تحاربت
هيه لحدما اختلست
من حيدر وضل ينعه وحده

هاذ جزء من الكلام
هاذ الهاظم كل امام
هاذ حزني والسلام
اه ويلا فاطمه

💔لاتنسون المهدي💔

(جمرة كلب علي)

المن تدخل وطه النبي يكوملها حتى يجلها
كامت نوايا اهل الكفر عليها السيوف تسلها
وعتبتها الاملاك السمه تسجد اذا تدخلها
داستها اقدام الرجس والنيه ان تذلها

اصواتُهم علت يافاطمه وإن
وياج انتي بالبيت ابوج ندخل بلا إذن

وشبو نارهم بغضآ
بعلي ومن النبي ثأرآ
وجفوف الطاهره تجون
اويلاه
:::::::::::::::::::::::::::::
اكبرهم علا المصطفى كدما حمل غل گلبه
جي طِلقه امسآ نوه يغتصب حق القربه
وشلون ماحيدر علي تجلى وضهر بي ربه
ابليس ضهر بالذي متن البتول يضربه

بأسم الصحابه كد ما بالخلك غوو
دم فاطمه النزف ماصحه الانغوو

الابليس وتجلى انسان
يضرب فاطمه بعنوان
تريد تعطل الأيمان
اويلاه
:::::::::::::::::::::::::::::
شاء الله والشاءه علي كل الخليقه تنصره
لكنها شاءت واعلنت بغير هذا الزمره
وعدهم عقيده بينت بكسرة ضلوع الزهره
يتأذه كائن من يُكن الينصر علي يتجره

بذاك الزمن صبح اليتوجه علي
عن داره والاهل ينبذ او ينولي

هو الدين والرحمه
علي اليكول عن اسمه
رأسآ ينهدر دمه
اويلاه
:::::::::::::::::::::::::::::
صابر علي ضل عالضلم الحاط بهله وربعه
وجمر الحرك داره وچوه فاطمته كام يجمعه
ويدفنه خاطر لو ظهر المهدي وتحل الرجعه
يطلعه ويشبه وبي يحط الهاجموها البضعه

جمرة كلب علي بيها اذا ضهر
يحركه الظلم علي وَلَده المنتظر

يحركه وينسفه باليم
واللي عليه تتألم
تصيح يخلها من الدم
اويلاه

💔لاتنسون المهدي💔

للفائده
١٠ محاظرات تتكلم عن كيفية
أحياء عاشوراء

(إحنا مانحيي الشعائر هي تحيينا)

محرم (١٤٤٦)

(لاتستغربن)

من كلهم علي السجاد فروا
وفروا والدمع عالوجنه سايح
عاليركض بين الجثث والخيل
صوت ام عون من بين الصوايح
يالتعبان من كثر الدواره
عن حسين بالطف راد رايح
أركض والمجان الينعصر بي
كلبك بي تحصل حسين طايح

ووين مازاد الألم يعني سال هنانه دم
كلب الحُسين
وتعني عثرات الركض هنا توسدها الأرض
وجه الحُسين
:::::::::::::::::::::::::::::::::::
انوب بصوت يائس من علا التل
تطلع وي نبرته هموم واحزان
َصاحت ياسكينه ويا خواتي
يربات الخدر ياشرف عدنان
كل مجان بيه الخوف يكثر
عن عباس هذا بعيد المجان
وكل مجان بيه يبين الشيب
دورنه تحصلن بي الذرعان

والمجان اللي الظهر ينوجع بيه انكسر
ظهر الحُسين
ومن تحسن بالضياع واضيعتي هنا بأنفجاع
صاح الحُسين
:::::::::::::::::::::::::::::::::::
ولو ردتن تعرفن وين المچان
البي مكطوع نحره ومات الأكبر
مايتيه مجانه لأن بي
هظم من باقي المجانات أكثر
وين دموع اكو هواي من الحسين
معناها ابنه جسمه هنا موذر
ولاتستغربن لو شفتن الموت
يمه علا الحسين الموت هم مر

وراح تلكلجن أثر عالترب ممتد قمر
ويمه الحُسين
ويجرح الجن عاطفه صدا علا الدنيا العفه
من الحُسين
:::::::::::::::::::::::::::::
والرايد يحير يرد للخيام
يعاين للعليل شلون حاله
شال الضيم كله وهو باقي
وسط النار محد فزع شاله
كلما وحده منجن تعثر يصيح
عمي اعذرني ياراعي الكفاله
ريت السهم ماخذ عيني مثلك
ولا شوف الطفل يسلب دلاله

الحيره كلها بخيمته علا اخته وعمته
وعلا الحُسين
امي ماجاباتني ليت صاح من انا بجيت
ابن الحُسين

?لاتنسون المهدي?

(عنبر التاريخ)

بميثم التمار ردت من انتخيت
عقده بلساني يحلها جنونه
حل عقدته وزرع بلساني اعتقاد
يحجي عن حيدر لما يكطعونه
وكال صب الزاد فوك المائده
والمايعجبه يكوم عن ماعونه
كُل حُسن الظن باليوالي علي
وكُل سوء الظن باليبغضونه
النواصب جيفة التاريخ اكيد
وعنبر التاريخ اليوالونه
بكد بغض كلبه لعلي كل ناصبي
عليه حر جهنم يزودونه
كالسجود لأدم البيعه لعلي
امر بي طاعة الرب مرهونه
استحبوا الكفر عالأيمان اكيد
والعمى على الهدى اللي ينكرونه
علي يبيض وجهك كبال الاله
وغيره وجهك باجر يسودونه
علي المات بحبه هذا افظل قتيل
في سبيل الله غدآ يلكونه
هو ماي الله العذب والمؤمنين
بي فقط ماي الله اليشربونه
موش بس احنا نبينه بكبره جان
يقترب لله بولا هارونه
حبب النه المرتضى الرب الرحيم
وكرهانه بالعصاة الدوَنه
اليحملون العرش حيدر مدد
كون ماصاحو ولا يحملونه
الصلاة الواجبه تسمت صلاة
جي بوصل المرتضى مقرونه
بعلي لو مامرتبط بيت الله جان
ما أمرهم بالحج يطوفونه
كل نبي ومرسل وناصح للعباد
هو حليه وقوته ومضمونه
نعم الله اوصاف حيدر والله كال
ابد خير النعم ما تحصونه

روي عن الإمام الرضا (صلوات الله عليه) قال:
مثل المؤمنين في قبولهم ولاء أمير المؤمنين
في يوم غدير خمّ كمثل الملائكة في سجودهم لآدم؛
و مثل من أبي ولاية أمير المؤمنين
في يوم الغدير مثل إبليس.

إقبال الأعمال - ل السيد ابن طاووس
الجزء الثاني _ الصفحه٢٦٢