وين انشد عليك وكلي وين الكاك لان ساكن خيالي وما كدرت انساك
...................................
عشت حال اليتيم بفركتك مولاي كل جمعة التجيني وانة اكولن جاي
عطشان علة شوفك وانت جيتك ماي يـا اول نـبـع للعيـن تـتـلـكـاك
......................................
جبت عمري فقيرك وانه الك محتاج صرت كعبة بخيالي وكمت اطوفك حاج
ملك انت عله عرشك وانت تاج التاج الك خادم صغير وعمري ادور اخطاك
.........................................
فتحت افاقي كلها وكاعد اتنطر اشمن ريحتك يا ريحة العمبر
بلجن ما تردني خالي المنظر متيقن بوجودك سيدي وما شاك
.....................................
كلام هواي عندي وارد اسولف بي تارس هالصدر حسرات ومأذي
اريد انفض كلامي بأذنك ارد احجي واشكيلك مصايب عن الم فتاك
.....................................
فتاك الالم بالروح ومردها بس انت العلاج وغيرك شعدها
تعال اعطف عليها وللفرح ردها بس انت الحنين وروحي الك تهواك
....................................
تهواك وتدور كل كتر عنّك حت لو طيف مر وانه اشبكنّك
واقبل بيك حيل وانه اجلبنّك يسلطان بحياتي ودومي باقي وياك
...................................................
تمت يوم الاحد 26/1/2025 الموافق 25/رجب الاصب لعام 1446 هجري
الزهرائي صباح العزاوي

https://t.me/wx_xx0

قصيدة بعنوان(شوقٌ دفين)

بالبصيرة هواي اشوفك يا إمامي
وكل صُباح يمرني أبعثلك سلامي
يمته اشوفك بالبصر طوّل اعليّه السّفر
يغالي

١_
آنه اشوفك، بالبصيرة، وآنه متلمس وجودك بيد الاحساس
وآنه احسّك، جوّه گلبي، نورك التارس عتمتي ويّه لنفاس

شهگتك مو نفس لا شغلة حيل ابعد
وحـي الـعـشّاك هـذا الينـزل ويصعد

جايب ويا سورة من عالم موازي
سـورة الوجدان أجـراء احـترازي
باقي صابر بالسّور طوّل اعليه السّفر
يغالي

٢_
ارد اكلك، بمنياتي، ارد احضنك حضنت احزام اعله ظهرك
بلكي يطهر، كلشي بيّه، من يلامسني طهورك ويّه عطرك

وانه امنيتي رضاك وكلشي غيره يهون
وتكرمني بدعائك وادري بـي مـضمـون

آنه عايش وب أمل فكرة ظهورك
ارد امهـد سيّـدي لساعة حضورك
يا أمامي المنتظر طوّل اعليّه السّفر
يغالي

٣_
شوگي يكبر، يوم جمعة، وبدعاء الندبة حسراتي ودمعتي
وابقه حاير، خاف اموتن، وبظهورك ما توافق عن رجعتي

الخسارة الكبرى هاي الي احسبلها
آنـه الـنصـرتـك مـولاي اچـلـبـلـهـا

عـلّـكـت آمالي كـلهـا برگبتك دين
لا تخيب امنياتي اعليك الحسين
انت للمؤمن مفر طوّل اعليّه السّفر
يغالي

٤_
وبقدومك، يا إمامي، تشرق اعلينه الارض وبنورك اتشع
واليضدّك، هذا ميّت، سيـفك يلوحه وعلى
الرگبة يوقع

اتـخـايـل مـشـاهـد آنـه بـيـهـا وياك
اقاتل بأمرتك واگطعها روس اعداك

هـذه احلامي وخيالي البيها انته
وانته يا اعظم شعار بگلبي صنته
غايب وتارك أثر طوّل اعليّه السّفر
يغالي

٥_
آنه اسف، واعتذرلك، وجهي اسود من ذنوبي التدري بيها
آنه واحد، بي صلافة، يعرف الشغلة الرديّة ويعتنيها

وارد ارجع ادك بابك سماح اطلب
ابن عاق ورجع نادم يريد ايطب

انت باب الله وابد ميسده بابه
وانت نار وجنّة الله وكل حسابه
شلون ادورك بالدهر طوّل اعليّه السّفر
يغالي

https://t.me/wx_xx0

تمت يوم الثلاثاء 21/1/2025
الموافق 20 ربجب الاصب 1446هـ
الزهرائي صباح العزاوي

البيت الاول من القصيدة
باقي الابيات تباعا
اداء الرادود احمد الكاظمي
كلمات الزهرائي صباح العزاوي

كعدية بعنوان (عِبرة) وهي رسالة توعوية
لكل المعنيين في الساحة الحسينية وسلطنا
الضوء على بعض السلبيات الموجودة
نسأل الله ان يوفقنا واياكم لاحياء امر
محمد وال محمد صلوات الله وسلامه عليهم،

اسمع زين هذا حسين
هـذا الـينطي الـكـل العالم مايحتاج الناس
هذا الضحى بدمه الدينه وطاح ويا عباس
اسمع زين

اسـمـعو يهل الـمآتـم هـل رسـالة وركـزو بيها
تضحيات الطف چبيرة واجب اعلينه انوعيها
الحسيني عِبرة ياخذ مـو فـقـط عَبرة يبچيها
كـون الـتزامـه يـمـيّزه
نيته السليمـة اتـحفزه
موش الرياء ال بالعزه
والمظاهر يمتطيها

بذمتك دين فعل الشين
لاتـلچم بـجـروح الـعترة بـفـعـالك يفلان
حسينك صار لمنهج جده يالخادم قربان
اسمع زين

احضر وقيم المجالس بس مجالس بيها فكرة
تطرح الچلمة السليمة وتمزج العَبرة وي عِبرة
واتـرك الـطـشة واهـلهـا والا مـلا فـلان يـقـره
مذمومة كل هاي السنن
مـامـش وراهـا الا الفتن
خل مجلسك لام الحسن
اخلص النية تحضره

يجلي الرين من الصوبين
لو صار المجلس عالفطرة بي روحيه هواي
انـت الـفـايز يابـو الـمـوكـب تـتسجل وفاي
اسمع زين

باللطم عوف المناصب والا باول جوكه تظهر
وانت ابو الموكب لزوما والا توكف جوه منبر
وهذا وخره وذاك اطرده والقضية زادت اكثر
بـعـض الـكـلام اليـنـطـرح
البعض النواصب بي مدح
لـزهـرة سـبــبـتـو الـجـرح
وهل مصيبة هاي اكبر

هل اثنين چن ركنين
الشاعر والرادود امحاسب عالچلمة التنكال
واليسمع خـل ياخـذ عِبـرة من هاي الامثال
اسمع زين

لختلاف الويه ربعـك واخـتـلافـك ويـه زايـر
انـت ياخـادم اعـبـره مـو تـسـوّيـهـا عـشـايـر
زحمة من حسين واخجل يمته تهتز الضماير
اتـرك خـلافك من اجل
مولاك ابو اليمه الاصل
ولـخاطره طيح الفصل
واترك افعال الضراير

والچفين وسهم بعين
قدمهن عـباس الخاطر مـولاه ومولاك
شتقدم هاي بميزانك وانت تفوز هناك
اسمع زين

وانت يالرادود افهم واعرف ابمعنى القضية
مـو عـلى حساب المصالح تكسر الضلع بأذية
ويـاحـزب يـدفعـلك اكـثر ادّفّع اباب الزچية
بـسمارك اقوى بهل وضع
والـبـاب تـشـلـعـها بـدفـع
وضـلـوع تـكـسر مـوضلع
لا تكول آنه اشعليه

تشب نارين بضّلعين
ضلع الزهرة وضلع المهدي راعي الهذا الثار
لتـبيع آخـرتك بالدنيا وتـخـذل حامي الجار
اسمع زين

https://t.me/wx_xx0

تمت يوم الخميس 5/12/2024
الوافق 5 جمادي الاخر 1446 هـ
الزهرائي صباح العزاوي

كشرو انياب الحقد وبكل وضوح
وبيّن المضموم عدهم للعلن
ضجّة صارت عالاسم ادلب تصيح
غيرو اسم الزهره مرّيد الفتن
هي هاي الخصلة عدهم من زمان
من عهد اول نذل حرف سنن
هو دار الزهرة بالنار احركو
النوب اسمها بمسجد الهم مرتكن
وعندي رؤية بهل امر بيها اختلاف
لحادثه الصارت وراها ام الحسن
سمت الجامع بسمها الغاية هاي
تكشف المضموم وتبين العفن
وهو هذا الي حصل وبسرعة صار
نكشفت الجيفة وصدك فاح النتن
والحقيقة نقش اسمها يضل طهور
وزحمة يبقه بنص نجاستهم رهن
رجعت وشالت اسمها من المكان
وصّلت النه الرسالة بهل ثمن

الزهرائي صباح العزاوي
https://t.me/wx_xx0