*💎تمـيـز بأخــتيارك💎السته الذهبيه
👑افـضـل اللستات في التليجرام👑*

💞تمتع بتصفح أجمل القنوات⇩⇩

╰━─━─━─≪ ஜ▲ஜ ≫─━─━─━╯
للطلب ولاستفسار @wps34 تصــــفح أجـــــمل القنوات⇓⇊💚

🕊🕊🕊🕊🕊🕊**#المدير_ملا_علي_الواسطي

صوت الاحزان الرهيب
اليوم توديع الحبيب
اليوم نكضيه بنحيب
وانا لله وانا لله
///////////////////////
اه يا سيد حسن شمسوي بينه
مصابك بهاه وحزن خيم علينه
اليوم يا سيدنا للتشييع اجينه
وسفه يامن صوتك محلي المدينة

جينه بدموع المصاب
نكتب الجرحك كتاب
يا جرحنه الما يطيب
اليوم نكضيه بنحيب
وانا لله وانا لله
//////////////////////////
سيدي الناس عتنت وتشيل نعشك
والله ما صدكنه يالغالي نخسرك
نشوف كل هاي الأجت كاسرها فكدك
وتبقى يا سيد حسن بينه انت بعدك

صوتك بوسط الضمير
خالد اليوم المصير
حتى لو حل المشيب
اليوم نكضيه بنحيب
وانا لله وانا لله
///////////////////////////
يا شهيد الامه والامه امتثالك
وجرح غزه الما رحل ضل اعله بالك
هزتك غيرة علي وموتك حلالك
السكوت اعله الظلم مو من فعالك

حشمت غزه عليك
والاطفال مچلبه بيك
وانت ظنك ما يخيب
اليوم نكضيه بنحيب
وانا لله وانا لله
//////////////////////////
اليوم نكضيه بدمع ونئيس احنه
ما يطيب الفكدك وينزف جرحنه
والله يا سيد حسن هالمحنه محنه
متنه من موتك لچن صوتك صرحنه

صوتك وصوت الأذان
يبقى ما دام الزمان
ونور وجهك ما يغيب
اليوم نكضيه بنحيب
وانا لله وانا لله
/////////////////////////
#قطعا سننتصر بنصر الله
عباس حسن العتابي

يوم الوداع اليوم
ترحل واضل محروم
بويه يا بويه
/////////////////////////
يا بويه انه حسين وبحالي تدري
شح مني صبري
من الحزن صوت الدمع بعيوني يجري
شح مني صبري
موتك خطف روحي واخذ وياه عمري
شح مني صبري
من بعد عينك راح اشوف هموم دهري
شح مني صبري

شحال اليشوف هموم
ترحل واضل محروم
بويه يا بويه
////////////////////////////
يا وحشة فراكك عمر منين ابدي بيها
واصبر عليها
شحال اليتامه التنتظر جية وليها
واصبر عليها
بعدك تضل ابلا سند ياهو اليجيها
واصبر عليها
تناديك بويه ياعلي وتسمع بچيها
واصبر عليها

هاي اليتامه تحوم
ترحل واضل محروم
بويه يا بويه
////////////////////////////
معشر يتاماك اعتنت ترفع ايادي
بسمك تنادي
اشلون انسفك دم الوصي بسيف المرادي
بسمك تنادي
دمع اليتامه اعله الوجن والحزن بادي
بسمك تنادي
يالكاطع اجذور الشرك يا اخو الهادي
بسمك تنادي

راسك يسيل ادموم
ترحل واضل محروم
بويه يا بويه
///////////////////////////
يا بويه بعدك ننحسب احنه اليتامه
أوضح علامه
والحزن يسكن بالأثر دار الامامه
أوضح علامه
يابو الحسن شوف الحسن دمعه يتهامه
أوضح علامه
وزينب تصيح وتنتخي تكوم بسلامه
أوضح علامه

امرك امر محتوم
ترحل واضل محروم
بويه يا بويه
///////////////////////////////
العيد اجه وموتك اجه وابعدنه عنه
وشتد المنه
يالما كمل صومك بعد چم يوم منه
وشتد المنه
يا عيد جاي المن بعد هايج حزنه
وشتد المنه
هالمره نتعايد حزن ونجرها ونه
وشتد المنه

موت وحزنه يدوم
ترحل واضل محروم
بويه يا بويه
//////////////////////////////
(يا أمير المؤمنين يا علي ابن ابي طالب سلام الله عليك يا مولاي)
#عباس حسن العتابي

يا سيد حسن ثارك امانه
بركاب الحشد واهل الديانه
دمك ما برد واليوم الوعد
بركاب الحشد واهل الديانه
///////
ثارك بالعهد ذمه بركبنه
يالموتك كلف كلش نكبنه
بيدك حاربت كلمن سلبنه
والهذا السبب موكب نصبنه

موتك مولدك هاي البدايه
للرادو يظنون النهايه
صوتك ما خمد واليوم الوعد
بركاب الحشد واهل الديانه
////////
دمك من نزف للثوره كاتب
لا لهل الظلم واهل النواصب
صوتك كل وكت بالحك يطالب
للمسلوب حقه وعند غاصب

غزه تحزمت بسمك هممها
وصروح الكفر دمك هدمها
والشاهد مهد واليوم الوعد
بركاب الحشد واهل الديانه
#لنصر الله
#قطعا سننتصر بدماء الشهداء

جرح فكدك صعب هيهات يتعوض
خبر موتك الصدمه البلنفس تعرض
ناديت الحسين بقلبك المهموم
لذالك مثل صدره صدرك نرض رض
ما هانت عليك الحره يسبوها
ولا نامت عيونك من يضربوها
لذالك جرح غزه وشعبك المظلوم
عله نعشك ذكرى للتاريخ خلوها
يا كسرة ظهر للشيعه وتضل ثار
يا وارث شجاعة جدك الكرار
خليت عله بالك غزه والايتام
ما عدهم مناصر وانت الهم دار

للشهيد السعيد حسن نصرالله

مسلم ما سمع
حميده تصيح ومهب الريح ما وصل خبر
بويه بيا وضع
شكثر تانيت صحت ياريت ما عندك سفر
ليل ليل لو مر فلا انامه
ليش ليش ماترجع بسلامه
مسلم ما سمع
؟؟؟؟؟؟؟؟؟؟؟؟؟؟؟؟؟؟؟؟؟؟؟
الكوفه من الوطن كلش بعيده
وما تعرف خبر مسلم حميده
بس تذكرت كلمه حجاها
بيها تخيلت كطعو وريده
ذكرت من شبكها بكل حنانه
ودعها وصبح فارغ مكانه
هنا نزلت صدك دمعة جفنها
وعليها الحزن حدد سنانه

يا حركة قلب
حميده تكول عليه يطول بالفركه العمر
وللبيت منطب
حزن واهات وسكم حسرات ما عندي صبر
راح راح بويه وامل حياتي
طاح طاح بيتي وكرب مماتي
مسلم ما سمع
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لمن ايست صارت حزينه
وزغرت بالنظر عدها المدينه
كامت تلتفت وتحسب يعود
ويسر القلب بأقرب ضعينه
شافت وادم وكسرت قلبهم
سألوها برغم حالة تعبهم
طفله وتنتظر وتريد ابوها
بلكت صدفه ومرافك دربهم

نادوها بحزن
ودمعهم ساح الوضعها الشاح برسوم القهر
للوالد تحن
وتدير انظار تريد اخبار من درب السفر
وين وين راح الابو وتركها
صار صار من فتره ما شبكها
مسلم ما سمع
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
موت الوالد البنته مصيبه
بعده من الاهل تصبح غريبه
عاشت هالوضع بالهم حميده
ومنها تعالت الصرخه العجيبه
لو شافت ابو ويحظن بناته
تتمنى الابو يعيد الحياته
وتركض بالأمل وتشوفه حاضر
وتخلص من حزنها ونايباته

عاشرت الحزن
ومصايب هاك الم فركاك ذابحني ذبح
وقليبي اليحن
يريد علوم عليك اليوم وي طرت الصبح
نار نار تسعر وسط دليلي
موت موت لو جن عليه ليلي
مسلم ما سمع
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
طفله وشافت الوادم اجوها
وبمصاب العزيز يصبروها
صاحت عمي يحسين ودمعها
يجري من الالم لفراك ابوها
صاح الها ابوج انه وحميده
باسة يمنته وشمت وريده
وشمت ريحة فراك بعباته
وصاحت عمري بعدك ما اريده

خذني الكربله
يعمي وياك اموت هناك وياك اندفن
والراحو هله
يصيح بصوت اريد الموت ما ريد الحزن
روح روح لا تعتقد تعوفك
ماي ماي وبكل عطش تشوفك
مسلم ما سمع
////(((((((////////
#الشاعر عباس حسن العتابي

مشايه مشايه خل نرفع الرايه
ومن كل بلد نطلع لحسين مشايه
____
خل ننتكل ونشد عزم باذل النيه
ونتعنه من ارض الوطن للغاضريه
انه وهلي وكل اخوتي نطلع سويه
وجيراني كالو ننتكل هاي المسيه

والينه والينه يشد العزم بينه
ويتكون المجمع لحسين مشايه
_
طول الدرب نمشي وتحيينه المواكب
والمهدي لا شك حاضر ويانه ويراغب
من كل كتر نسمع بصرخات العجايب
كل الهلأ ويا مرحبه بجية الحبايب

شرفونه شرفونه للموكب امشونه
بطول الدرب نسمع لحسين مشايه
__
من كل فرع نسمع هلا بيكم يزوار
تمشي الك يا سيدي من كل الاعمار
كلشي بطريقك مختلف ملفت للأنظار
راياتك ترفرف أمن بجفوف الاحرار

والباقي والباقي كل شعبك عراقي
وبيك العزم يرفع لحسين مشايه
__
تخسه العجاب السبعه من هاي الملايين
والله من كد العزم ما ترمش العين
وهاي الجموع التعتني لا تسأل منين
مسراها من البيشه حد ما توصل حسين

مولانه مولانه وتفضل ويانه
وكل الحجي الينبع لحسين مشايه
___
#عباس حسن العتابي
درب الزياره واهل الكرم

زينب الله يعينح بفكد الحبايب
زينب الله يعينح بهاي المصايب
يا غريبه بلا عشيره
----------------------------------
زينب الله يعينج ويجبر مصابج
عالمصايب والعذاب الي جرالج
بجسم الحسين شحصل محد حجالج
وبعد عباس الكفل ياهو البقالج

اشفتي من هذا الزمن غير النوايب
زينب الله يعينح بهاي المصايب
يا غريبه ابلا عشيره
-----------------------------------
ادري متي بكربله وبيوم عاشر
شفتي الحسين ونده هل من مناصر
تحيطه الاف الصفوف من العساكر
ومن وكع داست على صدره الحوافر

صحتي خويه حسين ما بين الاجانب
زينب الله يعينح بهاي المصايب
يا غريبه بلا عشيره
-----------------------------------
وشتحملتي بعد من جور اميه
الشمر واكف وبحقد ينظر سبيه
شكلتي من شتم علي وسب الزجيه
وروع الاطفال راواها المنيه

هذا واكثر بعد شفتي من العجايب
زينب الله يعينح بهاي المصايب
يا غريبه بلا عشيره
-----------------------------------
حرك الاخيام وبعد ضرب الحراير
زينب بهذا الوضع شنهو الي صاير
حشميتي وصحتي بس ماكو ضماير
وادري جانت كربله عميه العشاير

وانتي وحدج بيها ما عندج كرايب
زينب الله يعينح بهاي المصايب
يا غريبه بلا عشيره
-----------------------------------
#عباس حسن العتابي

اشراف المدينه           راحو بالضعينه
محد ضل الي            راحو كل هلي
           راحو بالضعينه
&&&&&&&&&&&&&&&
هاي انه العليله وهذا حالي
راحو كل هلي ومحد بقالي
راحو بالظعن غالي ويغالي
ضليت انتظر وحسب ليالي

ضليت انتظرهم       ونشد عن سفرهم
وينك يا علي            راحو كل هلي
            راحو بالضعينه
&&&&&&&&&&&&&&&
راحو والصبح نوخ ظعنهم
وانه بدمعة العين انظر الهم
شيصبره القلب لو ضيعتهم
حيل انه خفت من هم سفرهم

راحو ما خذوني           المن ودعوني
واظلم منزلي               راحو كل هلي
            راحو بالضعينه
&&&&&&&&&&&&&&&
بويه حسين اخذني وياك اخذني
ناديته ونحب والصدره ظمني
صد ليه بحزن يرجع وعدني
وبلهفة فكد طول يشمني

ظماني اعله صدره       بس خانكته عبره
وبفراكه ابتلي             راحو كل هلي
              راحو بالضعينه
&&&&&&&&&&&&&&&
من ظمني كلت ما ظن يجيني
ويرد بالظعن وتشوفه عيني
ادري شما بعد يكثر ونيني
ويهيج ابالم شوكي وحنيني

يا موت اليجيني            ويغمضلي عيني
بفراك الولي                  راحو كل هلي
               راحو بالضعينه
&&&&&&&&&&&&&&&
هسه انه الزمن شمسوي بيه
ومن راحو هلي اشر عليه
خلاني ابجي والدمعه جريه
والفراك الاهل اصفك بديه

يادهري البعدهم            شيوصلني الهم
ودموعي تهلي              راحو كل هلي
                 راحو بالضعينه
&&&&&&&&&&&&&&&&&
#الشاعر عباس حسن العتابي
قصيدة/للعليله فاطمه بنت الحسين عليه السلام