الشاعر قاسم حتروش البلداوي
تنگضي لحد ما أغمّض عيني
Last updated 3 months ago
سيرافقك قلبي إلى اخر العمر
- لطلب تمويل تواصل ← : @ooooow
- قناة التمويلات : @xxxxzz
Last updated 4 months, 3 weeks ago
https://t.me/hjjhhhjjnkkjhgg1234
Last updated 3 months, 2 weeks ago
للكاظم ابلوعـــــــه وحزن ونّـــــوا يشيعه الليله
مسموم مــــــات وبالسجن مو أهله غربه تشيله
أعظم جريمــه الهالزمن بچّــــــت الكون بأسره
عليها بچه أهــــل السمه وفجعت الگلب الزهره
ينصاب موسى بلا ذنب سابــــــــع أنوار العتره
بطاموره ظلمه وبالسجن مــــات وگضه بلا عيله
آه شعظم هـــــــذا الفعل وشعظم هاي الجسره
ينصاب أبن سيد الرسل والصابه أهــل الغدره
وسفه بغدرهم مــــوتته وبغربه يخلص عمره
جرءه وجسـاره هالفعل واللي أمـــــر ياويله
لا أبن يمّه ولا أخـــــــــو من مات وحده ينازع
يتاني الهواشم تحضـــره والبـــاب سجنه يباوع
ومات أبغربته مــن الألم صابر ابـــد مو جازع
مطروح بفـــراش الأجل عيـــــن السمه تبچيله
حماميل شــــالت للنعش والأهله هـــــــوّ أبعازه
رايد عمامه وأخــــــوته رايــــــــــــد إله عكازه
كل آل هاشم لــــو إجت تصبح إلــــــــــه جنّازه
وبهيبه وبعــــــز وبفخر نعــــش الحبيب أنشيله
ما واحد مـــن أهـله حضر ولا حضــرَوْ التوديعه
بس الرضـــــــا بالمعجزه هــــــوّ الحضر تشييعه
ايعينه المـــــــوالي اليتبعه والخلّص مــــن الشيعه
من غسّله ومـــــــن كفّنه ومــــن بده ترابه يهيله
بس الحسيـــــــــن بكربله أيّام محـــــــــــــد شاله
مسلّب وعــاري ومنهشم صدره بفعـــــــل خيّاله
وعالغبره باقي وعالترب متكطعـــــــات أوصاله
وأخته بقـــــــت متلوعه همـــــوم العليها ثگيله
مجروح كل شيعي ويون عالمنتظـــــــــر وغيابه
وبمجلس الكاظــــم إجت تدعيله كـــــــــل أحبابه
ياربي عجّـــــــــل طلعته نتوســــــــــــــلك بعتابه
تنهي غيابـــــــه وغربته يا ربي وتـــــــــشد حيله
الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲
غير مبري الذمه كل من يقرأها بطور الغناء
كل شيعي جـــاك بأحزان للكاظمية أتعنّه
كل عام يــــــــا باب الحوايــــج نسعه
خدّامك وجينـــــــــــه الحضرتك ننعه
بذكرى وفاتك مــــــــــــا تجف الدمعه
تجري على الوجنه تسيل وغيابك ملوعنه
مشّايــــــه نتعنّــــــــــــه إلك مشّايــــه
ونگصد حضرتك وأنت صرت الغايه
وبأسمك ترفـــــــــــــرف وتعله الرايه
مرفوعه بيد الزوّار وترفرف بموكبنه
كل العــــراق اليـــــــــــوم إلك متعني
يعين أمـــك الزهـره اللي تصرخ يبني
وكــــل واحـــــد ينادي مصابك هدني
يابو الرضا يا مسموم بفگدك تره تيتمنه
الما وصل يمّــــــك شي أكيده بروحه
أتعناك مــــــــــن بيته بدموعه ونوحه
ويهجس بگلبه زايــــــــــدات جروحه
ما گدر يحضر هالعام وبگلبه زايد ونّه
من نوصل اليمّــــــك نطب الحضره
لمصيبتك كل فـــــــــرد يلطم صدره
ويشعر بگلبه نـــــار تجوي موجره
وشاجر دليله بلوعات ويعيش أكبر محنه
بلوعاتنه يابـــــــــو الرضا وصلنالك
قرينه الزياره مـــــــــن وگفنه گبالك
وبأمـــــــــــن حسينه وشعرنه بجالك
يالمرقدك يزهي بنور حسينه وسط الجنه
باب الحوايج وأنـــت گاضي الحاجه
ونسأل بجاهـــــــك والنبي ومعراجه
يرجع الغايـــــــــــــب إلنه وبمنهاجه
ليملي الأرض بالخيرات ويرجّع الحگ إلنه
الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲
غير مبري الذمه كل من يقرأها بطور الغناء
من بعد عين أخواني كلشي الدهر راواني
وضيّع جميع أحلامي
بعد المِلَكْ احساسي وبعد الگمر عباسي
ظلمه صفت أيامي
دمعي ما جف ونشف مـن ودعتهم
بليلة العاشر ميبقولــــــــي عرفتهم
مـــن الوداع الصار حسيته البُعدهم
وگلبي حس فراگهــــــم ون الأجلهم
أهل الشرف والغيره يمشون وبقه بحيره
وتكثر عليّه سهامي
وتبقه إلي المآسي وبعد الگمر عباسي
ظلمه صفت أيامي
آه چم لوعه شفت مـــن بعد أخوتي
بنار حرگ خيامنـــــه تمنيت موتي
الشامت العاذل سمع نبرات صوتي
وشفته متشمّت وفرحــــان الشتوتي
ميته ولا يشوفوني من الضيم شاحب لوني
ونوگ الهزل گدّامي
گوّه أجر أنفاسي بعد الگمر عباسي
ظلمه صفت أيامي
عيون ذبلانه وجفن ساهـــــــر ليالي
وجسم ناحل من بعد عــــــز الغوالي
حايـــــــــــــره بين اليتامه والجرالي
والسمه وأهل السمه تبچي عله حالي
اليعرفني تجري دموعه وأهل السمه مفجوعه
تعلم بگلبي الدامي
حملي يهد رواسي وبعد الكمر عباسي
ظلمه صفت أيامي
خيام محروگــــــات وأيتام وأرامل
بالبراري حايـــــــره تريدلها كافل
أتكفلتهم صرت إلهم أبـــــو فاضل
وركّبتهم من سبونـــــــه عالهزايل
طول الدرب أرعاهم وبروحي اتفداهم
رغم الجره وألآمي
تشتت شمل نبراسي وبعد الگمر عباسي
ظلمه صفت أيامي
نزلت للحومه أودعـــــه الأبن أمي
ما عرفته مــن الجروح وزاد همّي
أوگفت أفييله ونظرته جسمه مدمي
ومنّه ماسالم عضو عالغبره مرمي
للمشرعه أتعنيته الكافلي وحارس بيته
ردته يرد لخيامي
يفزع الأعز كل ناسي وبعد الگمر عباسي
ظلمه صفت أيامي
رغم كل هاي المحـــن والهم والألام
تبقه أصعب رحله عندي رحلة الشام
آه چم طفله وطفل عندي مـــن الأيتام
ماتَوْ بظلم وحقد ذول أهــــل الإجرام
منهم مثل رقيه وبّعلبك صفيه
ماتَوْ بجور الشامي
كل ضيم بيه راسي وبعد الگمر عباسي
ظلمه صفت أيامي
ردت كل اخوانــــــــــي يمّي يعتنوني
بأحتضاري ومن أموت تسدلي عيوني
للنعش تتكفله لــــــــــــــــــــو شيعوني
أبو فاضل وابـــــــــــــو اليمه يلقنوني
امنيتي هاي الليله أخواني نعشي تشيله
لو خلّصت أعوامي
وتستقبل اليواسي وبعد الگمر عباسي
ظلمه صفت أيامي
وحدي راح ابقه بغرب تاليها وحدي
لاحبابي ولا هلي لا يمّي ولـــــــــدي
بوحشتي راح اندعي يرجــع المهدي
وتندعوله يـــــــــا نشامه طلب عندي
من مجلسي تدعوله وبنهضته تفزعوله
وتبلّغوا سلامي
هذا الطلب أساسي وبعد الگمر عباسي
ظلمه صفت أيامي
الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲
غير مبري الذمه كل من يقرأها بطور الغناء
كبرج بيا ديــره صاير وين دليني
إلمن أســأل أني حاير وين دليني
محّد أرشدني وأمره حيّرني
كبرج بيا ديـره صاير وين دليني
ويـــــن كبرج يالزجيـه بيا أرض صاير
بالبقيع جـــــــــــوار أبوج ويم أبو الباقر
لو بأرض النجف كبرج يم علي الصابر
لو جـــــــــــوار حسين يَمّه داخل الحاير
بكبرج أني أتحيّرت وين دليني
مـــــا لكيته أتعذّبت وين دليني
زَيّد الحزني وأمره حيّرني
كبرج بيا ديـره صاير وين دليني
بالبقيع قريت أنـــــــي يم حسن كبرج
ومن كصدته ما لكيته واحترت بمرج
أسألج دليني وينــــــــه بجاهج وسرّج
وأنتِ عنـــد الله عظيمه ويعلم بقدرج
بيا مكان مــن البقيع وين دليني
بجاه كل واحد شفيع وين دليني
غيابه عذّبني وأمره حيّرني
كبرج بيا ديـره صاير وين دليني
بيا كتر دليني كبرج مــــــن المعموره
حتى لـــــو بالنوم أشوفه أنتِ مشكوره
أمنياتي أنـــــــــه أزوره وأنظر النوره
ومن أكصده أقره يمّه من الذكر سوره
أرد أزوره للكبــــر وين دليني
ولو مـــــرّه بالعمر وين دليني
جيت متعني وأمره حيّرني
كبرج بيا ديـره صاير وين دليني
الكبرج أتمنّه أشوفــــــــــه مبني ومعمّر
وكبّه مـــــن الذهب فوكه بلونها الأصفر
تشعشع وترشد الزاير من يجي ويحضر
والمآذن بيها يعله الصوت لــــــــــو كبّر
بيا زمن هـــذا أشوفه وين دليني
وأعتني ليمه وأطوفه وين دليني
من صغر سني وأمره حيّرني
كبرج بيا ديـره صاير وين دليني
الزار كبــــــــرج يالزجيه يضمن الجنه
وتنتهي كـــل شده عنده وما تضل محنه
النـــــــــــار متمسّه بمماتــــه تبتعد عنّه
وبالكبر ميمــــــــــره منكر مستحي منّه
بفضل كبرج هذا يحصل وين دليني
وكل عمل من عنده يُقْبَلْ وين دليني
هذا كل ضنّي وأمره حيّرني
كبرج بيا ديـره صاير وين دليني
بأسمج الليلة أنشــــــــــده وأسأل المعبود
ينهي لغياب أبـــــــو صالح إلنه خل يعود
الدنيه وحشــــــه ومظلمه بغيابه للموعود
فرّج غيابه وغربته عدلـــــــــه خل يسود
شوكــــت يلتم الشمل وين دليني
ونلتقــــي أحنه الأمل وين دليني
غيابه يتمني وأمره حيّرني
كبرج بيا ديـره صاير وين دليني
الشاعر
قاسم حتروش البلداوي
خادمكم
أسألكم الدعاء ??????
غير مبري الذمه كل من يقرأها بطور الغناء
على أعتـــــابي جــــــــره مصابي
مــــــــــن الظالم حرك بابي
يبويه اليــــــــوم أسولفلك كل اللي جـــــره بعدك
ويقيني تعلـــــــــم بكلشي وأدري كـل خبر عندك
لكن همّـــــي ردته يروح وإجيتك لايـــــذه بسدك
أفضفض جيت يــم گبرك وأگلّك عالجزه حــــدّك
الما يَــقّــــــنْ ولا آمَـــــــــنْ
بدينك هــــــــذا الأعرابي
عمر جانــــــــي وبلا أنذار جايب زمــــره من ربعه
أوّصل لحـــــدود باب الدار والبابك بـــــــــــده يدفعه
بعد ماگتله هـــــــــذا الباب تعــــرف صاحبه وربعه
لكن مــــــــــــــــا نفع ويّاه وعصرها البنتك البضعه
بــــــده بصفعي وكِسَــــــرْ ضلعي
وأبد مــــــا راعه لحجابي
محسن طيّحـــــــــــه مني بدفع البـــــاب والعصره
ومن طيّحني فوگ الگاع ضلوعـــي كلها متكسره
ردت أنهض مبيّــــه حيل مـــن فيض الدمه اليجره
أوگفت متحديــــــه الآمي بونّه ولــــــوعه وبحسره
ابگلب يرجـــــف ودمه ينزف
من أثر بسماره وصوابي *
أخــــــــذ حيدر يخو حيدر يــــدري بحيدر أموصّه
ضنّه يجبــــــــــــر الكرار عالبيعه أبـــــــــو حفصه
طلعت خلفه الابــــن عمّي ومنطيته ابــــــــد فرصه
وبعد ما عاف داحي الباب لوّعنـــــــــي بالف غُصّه
جــــــــره دمعي وصعب وضعي
امشي بدمـــــي وخضابي
ردلي لكـــــــــــن بسوطه ورّم أيـــــــــدي ومتوني
وبيده سطرني فوگ العين وحمـــــره ضلّت عيوني
وجرّد سيفه مـــــــن غمده ومـــــــدّه عليّه ووخزني
واليجــــــرّد يبويه السيف نيته يعنـــــــــــي يذبحني
يــــــــوم الباب مـــــــن أسباب
حــــــرگ أمخيّم احبابي *
على فـــراش المنيه ابقيت وابد مــــــا فارگت بيتي
ضلوعـــــي أمكسره وگوّه أتنفّس هـــــــــــوه ريتي
وجسمي ناحـــــــل وتعبان الصلاتي أوگــف امنيتي
وگمت كــــــل ساعه أتمنّه تحضر ساعــــــة منيتي
شفـــه جروحي بنزع روحي
وساعـــــة دفني بترابي
ناره أموجــــــــــــره لليوم مــــــــا خمدت أبد ناره
كــــــــــل فتره علينه أتوج بيد أحفــــــاده وأنصاره
يرب ونريــــــــــــد مهدينه الغابــــــــت عنّه أخباره
تعجّـــــــــــل بأمره وتعيده حتــــــــــى يطلب بثاره
امن التعــــــــدّه وجزه حـــــــدّه
وعـــــــاده الديني وكتابي
الشاعر
قاسم حتروش البلداوي
خادمكم
أسألكم الدعاء ??????
غير مبري الذمه كل من يقرأها بطور الغناء
يا طيب وبلسم لجروحي بدموعي جيتك وبنوحي
من سامره بلوعه وحسره
بدموعي جيتك وبنوحي
من سامــــــــــــــــــره جيتك معتني يمّك
بلوعه وآه گلبــــــــــــــي اللي حمل همّك
دربي تيهيته مـــــن أفـــــــــــــــل نجمك
مــــــــن گالَوْ غبت مصيوب كل جسمك
بداء وعلّه ما عرفوها وأدري العتره ما نصفوها
أهل الغدره بلوعه وحسره
بدموعي جيتك وبنوحي
أمشي معتنيك ومــــــــــــــا نشف دمعي
خطواتي چبيـــــــــــره ومختلف وضعي
دربـــــــــــــــــي عليك كلّه أنحب وأنعي
لأن گالولـــــــــــي ميّت وصلت السمعي
گالولي ميّت من جيتك وموسّد يا خويه لگيتك
فوگ الغبره بلوعه وحسره
بدموعي جيتك وبنوحي
يـــــــــــــــــــــا سبع الدجيل الگلبي فتيته
مــــــــــــــن يمّك صرت والجسمك لگيته
مرمـــــــــــــــــــي عالوطيه صابته منيته
بيديه بعباتي خويـــــــــــــــــــــــه غطيته
ثوبي من أجلك شگيته ودمعي أرخصته وما غليته
الأبن الزهره بلوعه وحسره
بدموعي جيتك وبنوحي
بيدي أتكفّلت يـــــــــــــــــا خويه تغسيلك
وگبرك مــــــــــــــن حفرته گلبي يبچيلك
واريــــــــــــــــــت الثرى يالمنهدم حيلك
والهادي أبونــــــــــــــــــــــه يمّي يبچيلك
دمعي ودمعاته وآهاته بانت بيها كل لوعاته
ايعجّب صبره بلوعه وحسره
بدموعي جيتك وبنوحي
مأتم عالگبر يــــــــــــــــــــا خويه سوّينه
آنه أوّالــــــــــــــــــــــدي والأجلك أبچينه
تلاوه مــــــــــــــــن الذكر وبأسمك قرينه
وفتره مــــــــــــــن الزمن يم گبرك أبقينه
ما عفناك وعنّك رحنه همنه چبير ولجلك همنه
المدمع جمره بلوعه وحسره
بدموعي جيتك وبنوحي
عيّن والدي يـــــــــــــــــــــــم الگبر خادم
يقرالك ذكـــــــــــــــــــــــــر يستقبل الوادم
كل واحــــــــــــــــــد يزورك يا وگت قادم
ويحفظ للگبر مـــــــــــــــن جور كل ظالم
يم گبرك ضل وما عافك وعاش بخير وجود الطافك
طيلة عمره بلوعه وحسره
بدموعي جيتك وبنوحي
عشنه أيّـــــــــــــام صعبه وبالوصف مرّه
بغياب العزيـــــــــــــــــز ويوسف الزهره
يرب عيده علينـــــــــــــــــه والأمر يسره
وأنهي غربتـــــــــــــــــــه وغيابه لتأخره
يارب نعلم كلشي بأيدك ومن مجلسنه هذا أنريدك
عجّل بأمره بلوعه وحسره
بدموعي جيتك وبنوحي
الشاعر
قاسم حتروش البلداوي
خادمكم
أسألكم الدعاء ???????
غير مبري الذمه كل من يقرأها بطور الغناء
قائد ثورة أيران شايل راية الإيمان
صواريخه من سجيل هوّ يزيل إسرائيل
قائد الشيعه
من سنه مرت علينه حرب شفنه بلا هواده
عالشعب الأعزل بغزه والعدو بيها تماده
يقتل يفجّر بأهلها وساكته أهل السياده
أستنكار ماكوا ولا شجب التطبيع خافَوْ ينسحب
والكرسي منهم ينسلب المنهم أنسلبت الأراده
وسفه هاي العربان وگفت خلف الشيطان
الويل إلهم كل الويل هوّ يزيل أسرائيل
قائد الشيعه **
دمّر المعتدي بغزه كل معالمها ومحاها
المساجد والمدارس والمشافي كلها دمرها وغزاها
وينظر العالم بأسره هالمآسي وما نهاها
بس الشعوب الصابره بأفكارها متحرره
طلعت لجلها ثايره وما سمع واحد نداها
شفناهم بالبلدان تطلب حق الأنسان
تتظاهر صبح وليل هوّ يزيل أسرائيل
قائد الشيعه *
شيعة الكرار وگفت وعملت بمنهج وليها
ودعمت الهاي القضية رغم كل المر عليها
وقدمت كلشي الأجلها وگفت أبعز تشتريها
المحور وگف وگفت شرف ولون اليعاديها إنخطف
يعرفونه يوصل للهدف إبكل حروبه الدخل بيها
شيعة حيدر شجعان ميهمهم أي عدوان
تتوارث جيل الجيل هوّ يزيل أسرائيل
قائد الشيعه *
وفه حزب الله بوعوده وحسن نصر الله رعبهم
من ضرب أهداف إلهم وصوّبه بدقه الهدفهم
جن جنون اللي يضدّه وصار بس هوّ قصدهم
من صوّبه السيد حسن أرض وسمه لجله حزن
ومجلس عزائه بكل وطن نصبته الشيعه بگلبهم
يضرب صار بلبنان يومية هالعدوان
غاراته مثل السيل هوّ يزيل أسرائيل
قائد الشيعه *
من العراق الحشد طيّر طائراته وبده الواجب
وصاب أهداف بعمقهم ما وگف كدامه حاجب
واليمن هذا الفدائي سوّه بأفعاله العجايب
من بعد ما سد البحر بضرباته موتهم قهر
وشوّفهم الموت الحمر الما يعرفون العواقب
يرميهم بصواريخ يشهد إلها التاريخ
أحسن من أهل النيل هوّ يزيل أسرائيل
قائد الشيعه **
وعد صادق بده السيد من أرض أيران ناصع
ضرب بي وجبه أولى وصابهم بعض المواجع
وثاني ضربه من ضربهم دمّر البعض المواقع
بالثالثه يصير الحسم وجيش الظلاله ينهزم
وتفرح ربع باب العلم أمن الفرح تجري المدامع
من تنصاب الأهداف تفرح كل الأشراف
وينغث كل واحد ذيل هوّ يزيل أسرائيل
قائد الشيعه
من صحن معصومه نطلب ينصر الشيعه وجمعها
ويخذل أسرائيل خذله هيه وأمريكا وربعها
ومايبقي أثر إلهم. يزيحها هيه وطمعها
ويظهر الإمام المنتظر الينهي المواجع والقهر
ويحاسب الچفه سطر فاطمه الزهره الزچيه
ويجبر الكسرة ضلعها
الشاعر
قاسم حتروش البلداوي
خادمكم
أسألكم الدعاء ???????
غير مبري الذمه كل من يقرأها بطور الغناء
Last updated 3 months ago
سيرافقك قلبي إلى اخر العمر
- لطلب تمويل تواصل ← : @ooooow
- قناة التمويلات : @xxxxzz
Last updated 4 months, 3 weeks ago
https://t.me/hjjhhhjjnkkjhgg1234
Last updated 3 months, 2 weeks ago