Oduu: Magaala Aksuumitti barattoonni hijaaba uffatan gara mana barumsaa akka hin galle dhoorkaman

Naannoo Tigraay godina Giddugaleessaa magaalaa Aksuumitti barattoonni "hijaaba uffatanii gara amana barnootaa akka hin galle dhoorkamaniiiru jechuun gochaan kuni “walabummaa barnootaafi amantaa dhiiba” jedhame.

Barattuun maqaanshee akka hin eeramne gaafatte Addis Standard’tti akka himtetti, gara mooraa mana barnootaa akka hin seene dhoorkamuu himteerti. Murteen kuni mormii kaasuus eerteerti.

Oduu: Mootummaan himata “manneen daldalaa buusii misooma kooriidarii hin kaffalin cufaman" jedhu haale

Naannoo Harariitti “manneen daldalaa buusii misooma kooridarii hin kaffalin cufaman”  himata jedhu haaluun manneen kunneen sababa “dambii ijaarsaa cabsaniif” saamsamuu mootummaan naannichaa ibseera.

Naannichi, ibsa baaseen, manneen kunneen sababa gamoo ijaaramee hin xumuramin keessatti daldala eegaluutiin cufamuu eereera.

Oduu: Manni Marii Abukaatoo Mirga Namoomaa uggurame

Dhaabbanni mitimootummaa Mana Marii Abukaatoo Mirga Namoomaa jedhamu xalayaa Abbaan Taayitaa Dhaabbilee Hawaasa Sivilii guyyaa kaleessaa barreesseen ugguramuu ibseera.

Abbaan taayitichaa tarkaanfii kana kan fudhate himata manni marichaa “kaayyoo ijaarameefii ala ta’e" hojjateera jedhuun ugguruu beeksiseera.

Bulchiinsi #Benishaangul_Gumuz lafa kaaree meetira 50,000 hin misoomne invastaroota irraa deebisee fudhate

Kaabineen Mootummaa Naannoo Benishaangul Gumuz lafa kaaree meetira kuma 50 hin misoomne invastaroota irraa gara baankii lafaatti akka deebi’u murtee dabarseera.

Kaabineen Pireezidantii Naannichaa Ashaadli Haasaniin durfamu invastimantii magaalaa bu’a qabeessa taasisuuf abbootii qabeenyaa damicha irratti hirmaatan hojiitti seensisuufi kanneen lafa fudhatanii hojiitti hin seenne irratti tarkaanfii fudhatamu irratti mari’ateera.

Akka odeeffannoon waajjira komunikeeshinii naannichaa agarsiisutti, abbootii qabeenyaa lafa invastimantii magaalaaf fudhatanii akkaataa waliigalteetiin hin misoomne jiraachuu isaanii irratti xiyyeeffannaan kennamee mari’atame.

Dabalataan abbootii qabeenyaa lafa invastimantii magaalaa fudhatan 80 ol ta’an yeroo gabaabaa keessatti gara misoomaatti akka seenan kaabineen naannichaa dhaameera. Yeroo jedhame keessa gara misoomaatti yoo hin seenne tarkaanfiin akka fudhatamu ibsameera.

Oduu: ‘Mootummaan uummata gidduu walshakkii uumuun walitti bu’iinsaaf kakaasaa jira’ - Paartilee Mormitootaa

Kokasii Paartilee Mormitootaa, #KFO fi #ABO dabalatee paartilee jaha of keessatti hammate ibsa baaseen, "mootummaan waraana akka mala bittaa fayyadamurraa gara itti gaafatamummaa isaatti deebi’ee biyyaa fi ummata badiisa irraa akka baraaru" hubachiise.

Paartileen kunneen ibsa isaaniin, “erga mootummaan badhaadhinaa hundeeffamee kaasee haalli siyaasaa, diinagdee fi hawaasummaa #Itoophiyaa guyyaarraa gara guyyaatti daran hammaataa deeme,” jechuun qeeqan.

Oduu: Hiriira naannoo #Amaaraatti gaggeeffameerratti haleellaa boombii raawwatameen lubbuun namaa darbuu jiraattonni himan

Hiriira uummataa naannoo Amaaraatti guyyaa kaleessaa taasifamerratti haleellaa boombii magaalaa #Baahirdaar, #Waldiyaa fi #Dabra_Birhaanitti raawwatameen lubbuun nama tokkoo darbuufi namoonni biroo madaa’uu jiraattonni Addis Standard’tti himan.

Jiraataa magaalaa Waldiyaa maqaansaanii akka hin eeramne gaafate Addis Standard dubbise tokko hiriira guyyaa kaleessaa raawwatamerratti boombii darbatameen namoonni madaa’an jiraachuu dubbateera.

Oduu: #Masriin si'a lammataaf meeshaalee waraanaa gurguddoo gara #Somaaliyaa ergite

Dooniin fe’umsa waraanaa Masrii kaleessa Fulbaana 22, 2024 meeshaalee waraanaa gurguddoo fi farra xiyyaara waraanaa fe’e buufata doonii #Moqaadishoo gahuu qondaalli Somaaliyaa beeksisan.

Ministirri Ittisaa Somaaliyaa Abdulqaadir Mohaammad Nur fuula X isaanirratti dooniin meeshaa waraanaa fe’e kun buufata doonii Moqaadishoo gahuu suuraa waliin mirkaneessaniiru.

Bobbiin meeshaa waraanaa kun Manni Maree Nageenyaa #UN uggura meeshaa waraanaa Somaaliyaa irratti kaa’e ture Muddee 2023 erga kaase booda “isa guddaa” ta’uu miidiyaaleen biyyattii gabaasaniiru.

Oduu: #Afrikaan Mana Maree Nageenyaa #UN'tti "bakka bu’ummaa sirrii” akka argattu #Itoophiyaan irra deebiin gaafatte

Mana Marii Nageenyaa Dhaabbata Mootummoota Gamtoomanii keessatti Afrikaan bakka "bu’ummaa sirrii ta’e" akka argattu Itoophiyaan irra deebiin gaafatte.

Itoophiyaan gaaffii kan kan dhiyeessite yaa'ii Dhaabbata Mootummoota Gamtoomanii 79ffaa Niiw Yoorkiitti taa’amaa jirurrattii haasawaa Ministirri Dhimma Alaa Taayyyee Atsqasillaasee taasisaniini.

Murteen mana maree nageenyaa dabarsu kamiyyuu dantaa Afrikaa ilaalcha keessa kan galche akka ta’u gaafachuu odeeffannoon Ministeera Dhimma Alaa irraa argame mul'isa.

Oduu: Dhaabbata Mootummoota Gamtoomaniitti Afrikaan “bakka bu’ummaa sirrii” akka argattu Itoophiyaan irra deebiin gaafatte
Mana Marii Nageenyaa Dhaabbata Mootummoota Gamtoomanii keessatti #Afrikaan bakka "bu’ummaa sirrii ta’e" akka argattu #Itoophiyaan irra deebiin gaafatte.
Itoophiyaan gaaffii kan kan dhiyeessite marii Dhaabbata Mootummoota Gamtoomani 79 Niiw Yoorkiitti taa’amaa jirurrattii haasa’a ministeerri dhimma alaa Taayyyee Atsqasillaasee taasiseeniidha. Itoophiyaan gaaffii walfakkaataa waltajjiilee biroo garaagaraarratti gaafachaa turuun ni yaadatama.
Murteen koreen nageenyaa dabarsu kamiyyuu dantaa Afrikaa ilaalcha keessa kan galche akka ta’u gaafachuu odeeffannoon ministeera dhimma alaa baase agarsiseera. Akkasumas, biyyoonni addunyaa hiyyummaa dhabamsiisuuf kutannoodhaan akka hojjatan ambaasaaddarichi gaafateera.