? Oliy taʼlim, fan va innovatsiyalar vazirligi huzuridagi Talaba va oʻquvchilarning ijtimoiy faolligini oshirish markazi tomonidan «Mushoira» klubi Nizomi rasman tasdiqlandi!

?Hurmatli klub aʼzolari, koordinatorlar ushbu Nizom bilan toʻliq tanishib chiqing❗️

? @Mushoira_klubi

https://t.me/mushoira_klubi

Garasha
(Jizzax viloyatining Forish tumanidagi Garasha qishlog'i)

O, ota makonim go'zal Garasha,
Senga bitsa arzir g'azal Garasha.
Ming yillik tarixi azal Garasha,
She'r bitayin dedim nomingga yarasha,
Parijdan Mehayoming avzal Garasha.

Tabiat in'om etgan mo'jaz qishlog'im,
Tayindur bir kun sog'inib bormog'im.
Kindik qonim to'kilgan aziz tuprog'im,
Ey mening muqaddas Ota makonim.
Adog'i yo'qdir senga bo'lgan ardog'im.

Ota-bobolarim bag'ringda o'sgan,
Viqorli tog'laring  atrofni  to'sgan.
Ulug' Soxibqiron qadam bosgan,
Farzandlaring jonim fido deb yozgan,
Mehri daryo bo'lgan beg'ubor Garasha.

Ko'klamda o'zgacha chiroy ochasan,
Qalbimga nur to'la orzu sochasan.
Hayot maktabisan, bir debochasan,
Sa'dulla Hakimlarni boqqan Garasha,
Xayitmurod otamga yoqqan Garasha.

Kimningdur orzusi kimning armoni,
Sen kimlargadir shifo-u dori,
Asrasin yomon ko'zdan Xudoyim,
Soylari jilolanib oqqan Garasha,
Oqshomlari oy kulib boqqan Garasha.

O'zimcha kuyunib g'amingni yeyman,
Noming bu dunyodan o'chmasin deyman.
Ko'rgim kelaverar, na qilay man...
OTAM bolaligi o'tgan Garasha,
Farzand bo'lay men ham senga yarasha.

2017-yil  
Sirdaryo viloyati Oqoltin tumani

Yulduz Voqqosova Muxtor qizi

Mirzo Ulug'bek nomidagi O'zbekiston Milliy universiteti talabasi
”Mushoira“ klubi loyihasi muallifi