الكاظم رساله افهم شنو مغزاهه
كافره و بنص الدين خلاهه

شنو تفهم من مره تطب للامام تريد تغويه
والامام ساجد ما شافها من اجت ليه
گللها الجايه بي غلط وانصحچ تتركيه
توبي لذنبچ وهارون عوفيه
ارجعي لربچ وهو يسمع التگوليه
كولي يا علي وضلي هواي ناجيه

طب للسجن هارون وجان مخربط النيه
كال الشغله الردتها چنها مگضيه
فتح باب السجن شاف المره علويه
وسترها اكثر من امه الي زنت وي ميه
وتكول ربي اغفرلي وتوب عليه
وتبچي على عمة الكاظم المسبيه

الكاظم رساله افهم شنو مغزاهه
كافره و بنص الدين خلاهه

السيدة رقية عليها السلام

شفت راس ابوي واتحسر دموعي
بعد رقت حنانك طفو شموعي
شالوني عن راسك لكن بلا روح
تره يابويه وياك اروح

كلمة اموت وياك
منو الطبقها غيري وين
بس اني صعب فركاك
راح ورحت وي الحسين

بقصة علي وي فاطمه رساله عظيمه
المره عدها عفه والرجال ابو الشيمه
علي جان لفاطمه مثل غيمه
يعني رجال يصرف ع البيت ويديمه
وفاطمه جانت لعلي مثل خيمه
يعني مره تلزم البيت وفهيمه
اليمشي بمزاجه ومره تعيش دور الحليمه
يعيشون بذل وبيتهم مثل الهجيمه
تعلم من اهل البيت العيشه الكريمه
الرجال عنده كرامه ومره عدهه قيمه

يا رسول الله زوج النور من النور ( زوج فاطمه من علي ) ❤️

صاحو منو؟ وصحت الغريبه
صاحو تنسبي هاي العجيبه

استحي من نظرات الاجانب
شماته ويا ابا الفضل مو مال اعاتب

وشمر سباني وشتمني
وبذبحكم ياخويه هضمني
ترضاني اركب الهزيله
صعب السبي ومابيه حيله

كلما اون يطكني الشمر ويكثر احزاني
افكر هواي والتفكير اذاني
شوكت نرتاح ونعوف البجي
يحسين الشام تره هواي بجاني

حينما تقره روايات عن اهل البيت وانت تقرا يجب ان تعرف جميع ما يخص هذه الروايه كمثال تخيل وانت تقرا روايه للامام الصادق قراتها دون ولم تطبقها هنا تخيل الامام ينظر لك ويقول ما فائدة تقرا الروايه دون ان تطبقها تخيل انك وانت تقره هنالك معجزه في الروايه ولكنك لم تعرفها هنا تخيل الامام وهو كيف يراك تقرا الروايه ولم تصل للمعجزه ولم تعرفها وغيرها من الامثال لذلك اقرؤا روايات اهل البيت بتمعن وافهموا ما تقرؤون

هذا الشعر قديم ❤