‏بعد وجهك غدت كل الوجيه اللي لمحت أغراب
‏تجعّد خاطرٍ ما تمحي البسمة تجاعيده

‏يلومون الغصن لا أقفى اليباس بلبسه الجذّاب
‏وش ذنب الغصن؟ وكفوف الخريف تحب تجريده

‏حبيبي طارت أحلام الصبا ذاك النهار أسراب
‏شعور المنجرح يصعُبْ على الجرّاح تحديده
— سعود مهدي

ياما عطيت القِدم لمتوهات الطريق
وياما عطتني اللّيال الغبر مرسولها

وياما هقيت إني الناجي وصرت الغريق
والناس لولا التجارب ضاعت عقولها
— ناصر مناحي

حبيبي جعل باقي للسنين الماضية معواد
لو انها فكرةٍ في حاضرك ماهيب مطروقه
— مشاري محمد

على إنّي قبلك أمِلّ الرتابة، وأكرَه المعتاد
أنا وجهك لو أملّ البلد، والنّاس.. ما أملّه
— محمد السلطان

ضحكتك يا ملح اللّيَالي، والأيّام
والله ما أدوِّر فـ الخلايق عوَضها
— محمد السلطان

من أوغل فالحقايق وأنصدم فالواقع المشؤوم
ما عاد يفكّر يسولف لأحد.. بأصغر تفاصيله
‏— عبدالعزيز العبلان

شجاعٍ حذف لك بندقه والرصاص يثور ولا تذبحينه عقب ما سلّم سلاحه — صالح النشيرا

هزيع الليل وش خلى النجوم من النجوم تغار؟
‏سقى الله لحظةٍ بمشاهد محياك مبخوته
— ‏خالد العراك

مصير العاشق اللي قبّل ديارك جدار جدار
تعوضه طلتك عن صورةٍ في البال منحوته
— خالد العراك

وأنا قلبي وطن أرضه سماك وبيته الكرّاس
جبينك شمسه فصبح الوله وجروحك شعوبه

أنا قدّامك اخترني حبيبك قبل كل الناس
أو إني مثل عشاقٍ هَووّ رمشك وضاعوا به!
— بندر المحيا