📜القصيدة : يبني الضيعتني بضيعتك
✒الشاعر : كاظم منظور الكربلائي
🔖المناسبة : رثاء القاسم بن الحسن

يبني  الضيعتني بضيعتك مني
دوهني زماني بيك دوهني
🍂🍂🍂🍂🍂
دوهني زماني وتاه مني الراي
يلب حشاي يالمنگطع من حشاي
يماي العين عگبك نزل بيها الماي
ظني چان بيك وخيبت ظني
🍂🍂🍂🍂🍂
ظني خاب يوليدي وگطعت الياس
يعصابة الراس البيك رفع الراس
ينوماس الچسب بالغانمه النوماس
إغتنمتك والمنايه إغتنمتك مني
🍂🍂🍂🍂🍂
المنايه إغتنمتك مني وبعد هيهات
ترد يبني ويرد ليّه زماني الفات
يسباح الچبد عودك تلوى ومات
وساعات المنايه بيك چادني
🍂🍂🍂🍂🍂
چادتني المنايه ومالي حيل الچود
حيلي وياك راح ومن تعود يعود
يعگل الراس وياك العگل مفگود
سودني هوى فرگاك سودني
🍂🍂🍂🍂🍂
سودني هوى فرگاك واختليت
على فراگك يجاسم دم دمع هليت
العمد لو طاح من البيت طاح البيت
وانا بيتي إنهدم وعلى العمد وني
🍂🍂🍂🍂🍂
اونن وانتحب وشجي حمام الدوح
وعلمت الورگ والدلم فن النوح
روحي وياك راحت درد ليّه الروح
لمك آه يروحي شبعدك عني
🍂🍂🍂🍂🍂
عني شبعدك يلبالگلب مرعاك
بايام الحمل گلبي شكثر باراك
يجاسم من عگب حملك ليالي رباك
حاربت الرغد والنوم خلني
🍂🍂🍂🍂🍂
حاربت الرغد يبني ولذيذ النوم
واهز مهدك يجاسم وارجى بيك علوم
وادور يوم بيك وخوش هذا اليوم
صابني النوايب بيه صابني
🍂🍂🍂🍂🍂
صابني النوايب والسهم جراح
لوى هرش الگلب وتگطع السباح
ردت يرتاح گلبي بيك خوش ارتاح
وخوش ذخرتك لعازة كبر سني
🍂🍂🍂🍂🍂
لكبر سني ذخرتك يولدي وارجاك
من تطلع تجيب الموزمه وياك
تسلاني النوايب يولدي وما اسلاك
شلون اسلاك وايامك يذجرني
🍂🍂🍂🍂

السيده الزهراء اتگلم الامام علي في عالم الرئيه

ذبلانه احس مو من بَچي
             أشگد شايل بعينك حَچي

سولفلي وضعك ياعلي
سولفلي وضعك ياعلي

-----------------------------------------------*

أمبين اعليك التعب سولفلي واحچي اهمومك
يالصبرك بـگـد الـزمـن متغيره حـيـل ارسومك
متحمل اجروح وألم اشگد شفت مـن گومك
ابسرعه أحسّك شيّبت يـابـو الحسن مالومك

واضح عله اجفونك سهر
                گلبك حمل فرگه وقهر

-----------------------------------------------*

احزانك مخليه اثـر گـلـي اشفت يالوالي
اهواي احسك منكسر غالي ويحس بغالي
نـاس العليك اتئآمرا صوره الغدرهه ابالي
البابك الجاب الحَطب نفسه الجرح دَلّالي

بأصعب جرح مثلي صرت
                 يوم انعصر صدري وحرت

--------------------------------------------------*

اشگد شايل بصدرك ألم من الأجوك الدارك
عايش وحـيـد بدنيّتك ألمن تـبـث أسرارك
زمرت عصابه الأذتك اصبر يحامي الجارك
اختارلهم الباري الغدر وأنته الأمير اختارك

ادري بسهر ليلـك يـمـر
          حسره وحزن صار العمر

-------------------------------------------------*

حاچيني يالحچيك نده بعدك احس ماطايب
ياحيدر اشسوه الزمن گلبك وراسك شايب
احچيلي بغيابي الجره جاي وعَبرتك جايب
أمحدّب اشبيه الظهر حيلك نَحـيـل وذايب

ماچن علي وليث الحرب
               وچان المَثل بي ينضرّب

--------------------------------------------*

الزادو اجروحك تـره اهـل الـحـقـد ادريهم
الشيّبو گـلـب النبي اسـود يـضـل ماضيهم
اصحاب السقيفه والفتن ايعينك الله اعليهم
مابيهم العنده وفه وقـطـرت رحـم مابيهم

الهم صفه نقض العهد
                بابك عله الخانوا شهد

------------------------------------------------*

✍خادم الزهراء (ع)
الشاعر رعد الجريخي

گوم لمك يالمدلل كوم مـــــــــن نوم الترب
گلب ماعنـــــدي يتحمل يبني شلعان الگلب
درب صاير للحوافر شنهي چا ضـــاع الدرب
ليش اخوتك ماهي يمك ليش شو كلها غرب
كوم مــو شليت گلبي حسين گوم
دوم مالايــــگ عليك المــوت دوم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يبو ريــج الماتبلل ليش نومـــــك مــو عدل
ليش فوگ الرمل نايـــــــم والرمل ماينحمل
ليش راسك موش فوگك ليش راسك ينعزل
ليش هاي الخيل يبني ادوس فوگك هل شكل
وين يمه تريـد بيــــك الخيـل وين
زيـــن حسبالي ولكيتك ماهو زين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ابني لو ابن ابني هـــــــــذا الذابحينه تحيرت
من السحگ زغران يبني تگول عبد الله صرت
مره ماتعرف بزرها حچيلي هاي بيا وكــــت
گمت بس حسبالي ابنك عله طولك مـن كمت
لون ماخليت بيه حسين لـــــــون
ساعه اكولن عبد هذا وساعه عون
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
انته تدري البزر غالي وماكــــو اغله من البزر
اشـــوه لو مكسور ضلعي حول الگلبي الكسر
يامره الشافــــــــــت ابنها مثني فوگاه الشمر
وموش بس هدومه صارن حتئ شيباته حمر
هاي شيخلصها بالله اليـــــوم هاي

#تراث
(للقاسم عليه السلام)

آيبني شگـول اعليك آيبني
دولبني زماني بيك دوليني
ـــــــــــــــــــــــــــــــــــــ
دولبني زمان بيك ياسلوه
شلون انساك ونسه أيامنه الحلوه
اشهل بلوه المثلها ما جرت بلوه
آيبني العند الموزمه ذنبي
ــــــــــــــــــــــــــــــــــــــ
تذب البيك تسعه امن الشهر شالت
اونالت من ثجيل الحمل ما نالت
أمك جابتك يمدلل او حالت
اويوم البيه صرت ياشبل شيبني
ــــــــــــــــــــــــــــــــــــــ
شيبني اصيارك والهدم حيلي
هز مهدك يشمامه او سهر ليلي
منك حرمت امك ليش ياويلي
آخر ما گلت حقها او تطالبني
ــــــــــــــــــــــــــــــــــــــ
اطلبك سهر ليلي والمنازع ذاك
اطلبك باللبن من درَّتي الغذاك
نسيت ارباك يا جاسم نسيت ارباك
يمدلل سگمني ارباك وتعبني
ـــــــــــــــــــــــــــــــــــــ
تعبني وسگمني او غير اللوني
على صدري ربيت او مر على امتوني
حسبت احساب وحسابي طلع دوني
على راسي ابيوت امشيده تبني
ــــــــــــــــــــــــــــــــــــــ
تبني البيت لامك والجعيده امك
تصاحبني وتجيب الواجب ابصمك
ريت الگبر ضمني قبل ما ضمك
الموت الموت يبني اوياك يرغبني
ــــــــــــــــــــــــــــــــــــــ
يرغبني الكبر سني او شوفي ازهيد
حيلي راح مني والجريب ابعيد
يبني من تجي الشبان يوم العيد
صار النوح يوم العيد يطربني
ــــــــــــــــــــــــــــــــــــــ
يطربني العزه والنوح بالهجري
يفي الصيف يا عذب الهوه اليسري
اخذني الكبر منحيه الضهر تدري
ابذلة كبرتي يبني تسيبني
ــــــــــــــــــــــــــــــــــــــ
تسيب امك يجاسم من بعد عدها
عين الله على العريس واحدها
تريد اتناشدك تگعد او ناشدها
تگلك باليسر منهو اليرچبني
ــــــــــــــــــــــــــــــــــــــ
يبني الفاجدات اكثرهن امخلفات
ماتدري تموت ام الولد لو مات
يبني ارباي وينه او سهر ليلي الفات
يبني ليش ماتگعد تحاچيني

المرحوم
عبد الامير الفتلاوي

جروح السبي..

ياخويه عالنـوگ .. طبينه للسـوگ
مـن لـمت الناس .. دلالي محـروگ
وبالعـلويات  ..  كـلهم شمات
………………………

يخويه حسين شحچيلك  من دار الوكت بيه
من ذبحـوك يبن امي  خـذتـني الناس مسبيه
اني ام الخــدر زيـنب  الما شـافـو طـرف لـيه
بيا شـيمـة عـرب يحسين  تركب هـزله علويه

بت حامي الجار .. وبيه الوكت دار
وبالهيمه يحسين .. اركض من النار
واشبع طيحات .. كـلهم شمات
………………………

اني ام الخـدر ياحـيـف  المـحـد شـاف اليه اخـيال
اني ام الـدلال الچـان  العـرب بـي تـضرب الامـثـال
بـين الخـيل بـين النوگ  امشي ويـاي غـربه ارجال
وراسك يمـشي عالي وياي  بس فوك الرمح ينشال

او ويانه عباس .. هم يمشي بس راس
بـلا رايـه ويـاي .. ولا سيـفـه لا طـاس
الكـافل من مات .. كـلهم شمات
………………………

وطبـيـنـه بـهذيـچ النـوگ  ويخـويـه النـاس ملـتمه
مستحـيه واگـول اشلـون  هـذا السوگ اطب زحمه
والـتـمشي بضـوه العباس  بمـصابـيـح المـدن تعـمه
المتعلمه عله حچي حسين  بذنها اترن صفت شتمه

تلـگـونه بطبـول  .. ومراگـص اخيول
وغمضنه العـيون .. شنحچي شنگول
ونجر حسرات .. كـلهم شمات
………………………

شحـچـيـلك شـسـولفـلك  طبـيـت وذهـيلـه الراي
زلـم نسـوان مـتحضرين  يحـسين الشماتـه هواي
الحچي بوجهي الأسمعنه ضعـفين انحچه بمگفاي
شـي بحـجـار طـگـونـه  وشـي دارو الحــار المـاي

بنظرات العـيون .. ياخويه يحچـون
بت فاطمه هاي .. واسمع يشـتمـون
صعبه حچايات .. كـلهم شمات
………………………

وحـتى اطفـالهـم خويه نسمـعـهم يشتـمونه
ومن فوگ السطوح هناك  ابكلشي يشمرونه
بشوارع ضيگـه مزدحـمه متعـمدين  مشونه
مهـضومات مكـسورات  كـل الناس شافـونه

ما بيـن الفروع .. مشونه ونلـوع
وراسك عالرماح .. ويانه مرفوع
وبينه الطگات .. كـلهم شمات
………………………

وعگب ذاك الحصل بالسوگ  يبن امي ادخلت ديوان
مـتحضريـن الي الشمـات  شـفـت كـل القـصر ملـيان
نصارى وعـرب بيه ويـهود  بـزلـم مـتروس وبنسوان
واني ابـيـن هـاي النـاس  وحـيده ومـا الـيه اخــوان

ربات الخـدور .. طبن للقـصور
ماعدنه وليان .. ذبحها عاشور
وبالمسبيات .. كلهم شمات

الشاعر عقيل الحسناوي..

ليلة العاشر

تعبني يـــــــوم العاشر اهواي
ومنهد امــــس ماشاربه الماي
شحجيلك عله الصار يحسين
بمتوني ســــوط وجمر جواي

انه الجان مـــــــــــحد شايف اخيالي
صرت  مسبيه امشي ودمعتي اتلالي
رحت عل ناكه بس  النفس ينجر اخ
اخ  الشام صار  الـــــــــــشام  جتالي

للسوك من طبوني يحسين
   تضحك عليه الناس صوبين
   كام الوجع ينشاف بالعين

ويلاه يبن امي  ويلاه  يبن امي
ــــــــــــــــــــــــــــــــــــــــــــــــــــــــــــــــــــــ

ما انــــــــــــدل وجيتك بلا حيل
وجدمي يتــــــــــــعثر بالمجاتيل
لمن وصــــــــــــلت وشفت نحرك
دايس البوسه مــــــراكض الخيل

بوسة امــــــــــــي دايس فوكها الحافر
ادنيت ارد اشـــــــــمك كلبي ضل حاير
من كل كتر  طـــــعنه وجرح صاير بيك
عمت عيــــــــــني عليك بحالك شصاير

ياخوي يامــــن فدوه الـ اسمك
   لومه الســــــــــتر بعباتي المك
   مثل البــــــــذر طشرو جسمك

ويلاه يبن امي   ويلاه يبن امي

ــــــــــــــــــــــــــــــــــــــــــــــــــــــــــــــــــــــ

خلــــــــــــيني اكلك ياضوه العين
صعبه الركـــــــض للمثلي يحسين
امجــــــــــلبه ابعباتي النار وركض
افــــــــــتر ادور عـــــــــل نساوين

من شــــــــــــبو النار ابوسط ديوانك
علي طالت يحــــــيف اذراع عدوانك
اكعد ياكلـــــيط الساده شوف شصار
هامت بالبــــــــراري حسين نسوانك

ياهضــــــــــــمت الهضمه يخوتي
ياحيف والله انســـــــــمع صوتي
اتمنيت انـــــــــا بهل ساعه موتي

ويلاه يبن امي   ويلاه يبن امي

ــــــــــــــــــــــــــــــــــــــــــــــــــــــــــــــــــــــ

انه اخــــــــــــت المخوفها الرجال
  مالايكه بجــــــــــــفوفي الحبال
امشي بمــــــــــــرام الحادي ضليت
ودخل الســــــــــــوك ودمعي همال

من اذكر طبــــــــــــتي للسوك يبن امي
مثل حركـــــــــت اخيامي يحترك دمي
ابــــــــــاوع راسك عله الرمح ينفخ نار
من تســـــــــمع ابشامت يلفض ابأسمي

صـــــــــعبه  عليكم  هاي صعبه
   امشي ويــــــــوادم كلها ويغربه
   ديوانهم فشله مــــــــــــن اطبه

ويلاه  يبن امي  ويلاه يبن امي

ــــــــــــــــــــــــــــــــــــــــــــــــــــــــــــــــــــــ

ماجانــــــــــت عله البال هايه
نســــــــوانكم تطـــــــلع سبايه
وجتالـــــــكم نمـــــــشي برايه
وجــــــــدامنه شــــــكو الرايه

هضموني وغــــــــلاتك خويه هضموني
اول تالي انــــــــــــه انطك عله امتوني
انه اخت الكــــــــــفيل المايعرف الخوف
يزعل  مــــــــــن  يشوف الدمعه بعيوني

فشله يخـــــويه طبتي للسوك
وطـــــرف العبايه بنار محروك
من اونيني   طك الشيب بالنوك

ويلاه يبن امي   ويلاه يبن امي

ــــــــــــــــــــــــــــــــــــــــــــــــــــــــــــــــــــــ

حسين عبد الزهرة الدراجي

حادي النوگ ساگ النوگ مدري وين منواها.
وانه اوياي بس ايتام يالعباس تراضاهه.
……………………………………………
هاي ابياوكت عباس
زينب ع الهزل تركب
وانته افياي جنت الهه
يالبيك الوصف يتعب
هذا وذاك شافاهه
اليمهه الليل يتحجب
مشدوده ابحبال الايد
تمشي وراسهه امترب
هذا الحال يالكفال دمع العين سلواهه.
وانه اوياي بس ايتام يالعباس تراضاهه.
..................................
من جلجل عليه الليل
زادت ونت اطفالي
ذيج اتصيح يابويه
وهاي اتصيح يالوالي
طيره ابلاغصن ضليت
ويمي ايحوم جتالي
لا اكدر احط بالكاع
ولاابقى ابسما العالي
حيلي راح دون اجناح روحي الموت وافاهه.
وانه اوياي بس ايتام يالعباس ترضاهه.
………… .…………………………… .
خد امي انسطر عباس
وانه السوط بمتوني
خلف الباب عصروهه
وانه ابنار حركوني
شحجيلك بعد ياضيم
والله اعداك هضموني
من گد التعب يااخوي
فوگ النوگ نوموني
خويه النوم تعرف وين عيني اعله الهزل جاهه
وانه اوياي بس ايتام يالعباس تراضاهه
………………………………………………
لوعندك بقت انفاس
هسه وتلتقي بيه
يالعباس بالعباس
لازم تنشد اعليه
متغيره الرسوم اهواي
واسمي صار مسبيه
الاسود جان ابيض صار
وحتى اعيون ماليه
لختك شاب جفن العين يوم الراح رجواهه
وانه اوياي بس ايتام يالعباس ترضاهه
……………………………………… .
اذاهه البعد ياخوي
روحي اعليك معتاده
عفتك ع النهر مطروح
وسهم حسين بفاده
وبس الروس ويانه
فوگ ارماح مياده
تتنادس عليه الناس
شوفو عمت الساده
هاي ام عون جن يحجون راحو وين ولياهه
وانه اوياي بس ايتام يالعباس ترضاهه
…………………………
خادم اهل البيت ،حسن فالح المياحي،

انسبي والغربه تحدي اضعوني
والهضم غير ارسومي ولوني
..................

جابني العباس من ارض الوطن
ورايته ترفرف عله روس الضعن
بجاله جت مدلله ودار الزمن
واخذ مني الغالي نور عيوني
.....................

الزمن مايرحمني واني بت علي
انسبي وبيد الغرب وليه انولي
امن الشماته گلبي ونه يعتلي
من بعد حامي الخدر يحدوني
......................

بيه يحدون الأمر هذا عجيب
وناكتي هزله وحبلهه بجف غريب
إسهام هذا الدهر بگليبي تصيب
بت محمد جن ولا عرفوني
.....................

الطف اخذ من عندي اخوتي والاهل
كسر ضهري والدمع مني همل
ماشفت من دنيتي غير الوجل
والسبيه كامو ينادوني
........................

آنه زينب آنه بت حامي الدخيل
صرت من ضيم اليسر امشي واميل
امگيدين اجفوفي بجفوف العليل
ومن يجرون الحبل يآذوني
...................

شفت بعيوني الجره بأرض الطفوف
اخواني كلهم ذبحوهم بالسيوف
روسهم برماح كدامي تطوف
اوياي من بلد البلد ودوني

محمد هادي العقابي

كلبي ما ينساهم. وروحي دوم وياهم
شيبت يدروني.  من كثر فركاهم
عذبوني.  عذبوني

الغالي غالي اشما بعد ما انسه عطره
مدري ليش ايزيد شوكي من اذكره
الفارك احبابه صحت بله اشيصبره
فاركيت العاشروني احله عشره
من جفوني احبابي.  محد الدك بابي
يازمن بجفاهم.  ما يطيب اصوابي
ودعوني.  ودعوني
*
كاعد اعله الباب وبشوكي انتظرهم
للنجف كل ما احن ضليت امرهم
لحضه عن البال ما راحت صورهم
صرت مثل العود يا ناس بهجرهم

من نروح انزورهم.  ليش سكته اكبورهم
واحنه ردنه نكلهم.  ظلمه ضلت دورهم
ما يجوني.  ما يجوني

انه كل دورت سنه ابجي عليهم
وللنجف لازم اروح وامشي ليهم
انه حيل ارتاح لو مريت بيهم
بحركه انعه اعله الكبر كل ما اجيهم

فاركوها ديارهم.  وبيه تسعر نارهم
بالمكابر نامو.   وضيعيت اخبارهم
فاركوني.   فاركوني

حكي انوح اعله المشو وعميها العيون
اشلون اللنودهم يخلونه ويروحون
كون كل مغرب ولو لحظه تمرون
اشلون ذيج بيوتهم صارت يشوفون

يالخذيتو العافيه.    اجروحكم ما شافيه
ليش بجيتوها.   العين جانت غافيه
ضيعوني.  ضيعوني
**
كلشي من بعد المشو بالدنيه ماريد
لازم اغبش للنجف كل ما يجي العيد
صحت شيفيد العتب يا ناس شيفيد
اخ يا روحي تحن للرايح بعيد

الجان مثل اخيالي.  اهواي عذب حالي
محتفظ بهدومه.   بيها عطر الغالي
والجفوني.    والجفوني

تمت
تحسين الخفاجي

يقاروره

يقارورة دمه الغالي على احبابي انشغل بالي اراقب واني حذره الرسايل كلهه خطره

اول مراسيل الحزن نسمة هوا جايبهه لي مخنوك اجى بصدري النفس شميت بي ريحة هلي من والدي جايب عطر مو ذاكه عطره الاولي بيه ريحة الفاكد ولد يمكن مشى الأكبر علي

يقاروره واخاف اني تجرحيني بخير ثاني واموتن قطره قطره الرسايل كلهه خطره

ثاني رساله من السفر مكتوبه لي بقطرة دمه كالتلي عطشان الورد مات الندا ويشرب عظما عبدالله مو ذاك الطفل جن والدي الشايل سمه اترف قرابين العشق راد لحبيبه ايقدمه

رسمتيلي يقاروره مهد خالي بحضن صوره اثر دم اعله صدره الرسائل كلهه خطرهثالث مكاتيب البعد هذا صعب واكثر خطر يحجيلي سالوفة سمه ملثومه ويطيح الكمر من يحضن بروحه الجرف يشبه نهر حاضن نهر مو ظهر ابويه المنحني ظهر الزمن كله انكسر

لقاه كاتب على جروحه غلاة اخته مثل روحه وطلب زينب تعذره الرسايل كلهه خطره

اما الرسالة الرابعة لونج يقاروره اختلف لون الدمى تحول الى حنة عريس ابلايا جف والدته ينزف رادته زقوه على جروحه ونزف صورة بدر ينزف ضوه صورتي الاحساسي ورجف

انه وروحي وخناجرهه مثل رمله ومشاعرهه الحجر بالنوح أفطره الرسايل كلهه خطره

لحظه واوصل من الهجر اصعب مراسيل الالم شكلك يقاروره اختلف صار اسود وقلبي انصدم مستغربه وفكري الذهل حزنج على رموشي الرسم ليل الله باحضائج نزل لو هذا دخان الخيم

جمر غربه وحرق خيمه وانه بعيني الدمع غيمه

مطر وخدودي صحره الرسايل كلهه خطرهو آخر رساله من النحر قلبت موازين الزمن قارورة الدم امثلت واتبدت وفاض الوطن صدرك عليه حافر فرس وخدك بالرمال اندفن وصفولي بجروحك شمس وجروحي ما يتوصفن

على جروحك كمر غافي وانه بروحي النجم طافي طفى العالم بأسره الرسايل كلهه خطره