يا رب لا يفرح بنا كل شمات
‏ولا تحمّلنا ما لا نستطيعه

‏يا باسط الأرض وبديع السموات
‏تستر من صدوف الليال الشنيعة

‏ما نطلب ولا نرجي إلا أنت بالذات
‏ونفوسنا ماهي لغيرك مطيعة

‏وإن ضاقت الدنيا علينا سهالات
‏صدورنا من فضل ربي وسيعة

صباح التحطم الذاتي

يعجز الطب في حالة تحطم الأنفس الذاتي
‏سبب صَدم الفتى بأول طموحاته ومسراحه

يا إلاهي جعل حلمي ما يفوته فوته
‏ودي إن عمري يقلّ ولا تقلّ أحلامي

‏السنين تمر وحبال الرجاء مفلوته
‏لاتخليني على قاع الزمان الحامي

‏الحياة اللي مراحلها ماهي مبخوته
‏ياعساها ماتجي خلفي ولا قدامي

‏المواجه بين الأحباب حقّ من الحقوق
‏في نظام الحب والحب فيه أمر ونهي

‏لا تلوم العاشق اللي على شوفك شفوق
‏يا حبيبي وأنت خلّك على ما تشتهي

‏الغلا والحب والشوق من صدري وفوق
‏لا تسولف لي عن الشوق وأمره منتهي

‏الله يسامحك في كلّ حاجه يالسروق
‏قبل حبّك كنت قاسي وقلبي عنجهي

‏جعلني من حبك السرمدي ما عاد افوق
‏خلّ عاد المنطق الزين والوجه البهي

- علي الدعيّه

من غلا سودك.. غرقت بيمّها*

اشتقت لك قبل أجيك وجيت واشتقت لك
البارحة طـــــول ليلي بين هذي.. وذيك!

يا أملح من الدمع وأحلى من الديم
الملح كلّه والحلا في صفاتك

شبيهة الما بالطعم والتقاسيم
أحترت بك ياملحك.. وياحلاتك

أحيا بك إن قلتي بك أموت واهيم
واموت فيك إن قلتي إني حياتك

- رشيد الدهام.

كل الشوارع تمرّك يالحرير الحر
ياتلّ قلبي على لاماك من تالي

صحّيت جمرة وذاب الشمع والسكر
وشلون ما أتذكرك وتمر في بالي؟

ياكثر حبك بقلبي والغرام أكثر
وأتخيل وش كثر أحبك وأنت غربالي

ياخلطة المسك.. والريحان.. والعنبر
الريح تستأذنك يا الطيب الغالي

رح وين ما تشتهي رح قد ماتقدر
أنا أول الناس في قلبك وأنا التالي
والعاشق يعلم الصبّار يتصبر
على الضما لا تغطرس وأشهب اللالي

- نايف صقر.

وكّل أمرك للكريم ويسمح أمرك
‏كل ما دكّت على صدرك روابع

‏وافرد همومك على سجاّد صدرك
‏لا تضيّقها.. وحلم الله واســــــع