МАЛІТВА

Мы здалёку ўбачылі свабоду
I яшчэ не вырваліся з пут…
Божа,
Не дабаў майму народу
Пошасці,
Няпраўды
I пакут.

У чужым нялюдскім землятрусе
Хіба ў нечым мелі мы віну?..
Божа,
Адвядзі ад Беларусі
Здраду,
Вераломства
I вайну.

Смутнаю парою нелюдзімай,
Калі ўсё вакол ідзе на злом,
Божа,
Захіні маю Радзіму
Мудрасцю,
Спакоем,
I цяплом.

©Генадзь Бураўкін

Telegram

МЕНСКРАЗАМ!

30 траўня - Дзень памяці Генадзя Бураўкіна. Уладзімір Някляеў пра Генадзя Бураўкіна: “Ён быў чалавекам ня толькі з паэтычным, але і з палітычным мысьленьнем. Балюча перажываў сваю незапатрабаванасьць як дзяржаўнага дзеяча. І не з-за асабістых амбіцыяў —…

30 траўня 1999 у падземным пераходзе на Нямізе адбылася трагедыя - масавая цісканіна. У гэты дзень, на Тройцу, на беразе Свіслачы адбывалася свята піва і прымеркаваны да яго канцэрт гурту «Манга-Манга». Раптам пачалася навальніца з буйным градам. Каля двух з паловай тысяч маладых людзей паспрабавалі схавацца ад непагадзі ў падземным пераходзе. У выніку цісканіны загінула 53 чалавекі, сярод якіх было 40 дзяўчат. Большасць загінулых - маладыя людзі ў веку ад 14 да 20 гадоў. Больш за 150 чалавек атрымалі розныя раненні.

У 2002-м годзе на месцы трагедыі быў усталяваны мэмарыял у выглядзе 53 руж, раскіданых па прыступках, а таксама маленькая капліца з металічнай плітой унутры, на якой высечаныя імёны загінулых. Уладзімір Жбанаў прысвяціў гэтай трагедыі сваю скульптуру «Дзяўчынка з парасонам», усталяваную ў Міхайлаўскім скверы. Той моцны лівень нібыта пашкодзіў і парасон бронзавай дзяўчынкі

«Трагедыя на Нямізе» — кніга, выдадзеная праз год. Яе аўтары — Таццяна Равяка і Паліна Сцепаненка. Цяпер набыць кнігу нельга, недаступная яна і ў інтэрнеце.

Сваякі загінулых вінавацяць улады і міліцыю, многія кажуць, што цісканіну справакавалі некалькі невядомых маладых людзей, якім удалося пазбегнуць пакарання. Улады настойваюць, што гэта збег акалічнасцяў.

Была заведзеная крымінальная справа паводле артыкулу «халатнасць». Падазраванымі былі начальнік грамадзкай бяспекі ГУУС Менгарвыканкаму В.Русак і начальнік аддзелу масавых мерапрыемстваў М.Кандрацін. Але ў 2002-м годзе старшыня суду Цэнтральнага раёну Пётр Кіркоўскі перакваліфікаваў абвінавачванне на артыкул, які не прадугледжвае адказнасці за гібель людзей і спыніў справу ў сувязі са сканчэннем тэрміну даўніны.

Супраць гарадзкіх уладаў, радыёстанцыі «Мір» і прадусарскага цэнтру «Клас-клуб ДК» (яны адказвалі за арганізацыю і бяспеку на свяце піва) неаднаразова падаваліся судовыя пазовы. Усе яны былі адхіленыя.
ᅠ
@menskrazam_info

Telegram

Менск Разам | Media

Учора каля «Амбасады вольнай і дэмакратычнай Беларусі» (Арт- праект) у Бэрліне павішавалі з Днём народзінаў шчырага патрыёта Беларусі, беларускага гісторыка з Падляшша прафесара Алег Латышонка
«Гісторыю сапраўды у нас скралі, але дарма вінаваціць за гэта палякаў і расейцаў, бо зрабілі гэта яшчэ у пачатку 16 га стагодьдзя літоўцы; і ня Вільню яны у нас скралі, а Полацк. Паляк на літоўскіх паслугах Мацей Стрыйкоўскі  толькі распаўсюдзіў літоўскую ману, а расейцы усё паўтаралі за ім. Стрыйкоўскі сымбалічна  «выслаў» Рагвалода й Рагнеду з Полацка ў Пскоў, як быццам у Полацку такіх і ня было. Замест Рагвалодавічаў у Полацку на два зьлішкам стагодьдзі расселіся нейкія Мінгайлы ды Гінвілы. А ў часы феадалізму пазбаўленьне народу дынастычнай традыцыі абазначчала пазбаўленне дзяржаўнасці: Няма дынастыі, няма дзяржавы. Лёгка далося гэта Стрыйкоўскаму, бо і Полацка тады не было – растаптаў яго Іван, тыран маскоўскі. Сэрца Беларусі спынілася, пачаўся доўгі летаргічны сон. (А. Латышонак «Нацыянальнасть - Беларус», «Доўгае вяртанне у Полацк» ст. 668-669.)

«Русский мир» сканае хутка, а Беларусь непазьбежна стане часткай Захаду." (А. Латышонак)

**Разам да вызвалення Бацькаўшыны!

Жыве вольная Беларусь⚪️❤️⚪️!
Слава Ўкраіне💙💛!
Ізраіль пераможа🇮🇱!**

#МыРазам

Telegram

Менск Разам | Media

ДАКТРЫНА
(хавайцеся ў бульбу! час прыйшоў)

Грамадзянін, жыві, не трусь
І шчыра вер ты у краіну.
Бо прад'явіла Беларусь
Сваю ваенную Дактрыну.

То вам не цацкі на вяроўцы!
Тут Хрэнін нам не дасць схлусіць.
Вусаты распавёў кіроўца,
Як хутка НАТУ будзем біць.

Лупіць іх будзем у хвост і грыву!
І збройных нашых не стрымаці!
Возьмем Берлін мы і Мальдзівы,
Усіх пераможам, вашу ж маці!

Мы новай ядзернаю зброяй
Так прыгразім, што хоць трымайся!
Мы ўсіх навокал запалохаў,
Заставім разам выбачацца.

Ад НАТЫ зберажом Расію
Шчытом ад пятак і да плеч.
Распавядаў дыктатар сівы,
Вайскоўцы нашы – шчыт і меч!

Калі ж адкінуць грозны хрэні,
Няма, на сам рэч, дуракоў.
Першым у Маскву зліецца Хрэнін…
За ім Вальфовіч, Кубракоў.

Пішу я гэта трохі з боллю.
Так усіх тыран паспеў дастаць,
Што ў Беларусі з хлебам-соллю
То НАТА будуць сустракаць.

©️ Максим Перепелица