Арслон чорлаганди

Абдулла Орипов

(Эркин Воҳидовга)

Биз ҳам юксакларга тиккандик кўзни,
Бизда ҳам бор эди матонат, бардош.
Арслон чорлаганди қошига бизни,
Лекин қумурсқалар бўлди сафардош.

Жами тирикликка таниш бу хатар,
Қумурсқа яралган ёппа таларга.
Дўстим, алам қилар, арслон бехабар,
Ем бўлиб кетсак шу қумурсқаларга.

1982
*
Шеърга жавоб....

Эркин Воҳидов

(Абдулла Ориповга)

Биламан, азизим, менга ҳам аён,
Қумурсқа зотининг надир ташвиши.
Арслоннинг бошида лек ўзга хаёл
Қумурсқалар билан қанчалик иши?!

Улар еб битирса бизни беомон,
Билмам, ким ғам чекар, ким бўлар мамнун.
Лекин қарсак чалиб, кулар у замон,
Арслоннинг ёнида ўтирган маймун.

✍️Эркин Воҳидов
*
Абдулла Орипов ва Эркин Воҳидов шеърларидан хулоса.

Юксакка тикилган кўзлар нур сочар,
Юлдузлар томондан юраклар қадар.
Зиёси мангулик томон йўл очар,
Сўнмагай минг йиллар ўтса ҳам агар.

Қурт-қумурсқа ўтар бир-бирин талаб,
Арслон қисматин ҳам кўрмоқда гардун.
Лекин, қарсак чалган бўлиб у тараф,
Маймунлар ҳар замон аталар маймун.

Беги Дўст.

**Саёқ...

Уйдан чиқиб, дайдиб кетганни,
Атамишлар бетайин, саёқ.
Тутиб бўлмас ундай инсонни,
Санғиб кетар дуч келса қаёқ.

Эгаси йўқ итдек тентираб,
Ҳар иргада ётиб, туради.
Тутиб олса, итдек хириллаб
Отасига қараб ҳуради.

Кези келса сарқитни ейди,
Улоғишда ўтар ҳар они.
На уйим, на рўзғорим, дейди,
Саёқларнинг бўлмас макони.

На ётарга бошпанаси бор,
Дуч келгандан ейди бир таёқ.
Ўз умрини ўзи қилар хор,
Дайдилигин қўймаса саёқ.

Беги Дўст шеъри.**

**АРЗ ва ТАКЛИФ

Муҳим арзим бор,
Вақтнинг устидан.
Ҳафта, ой - тезкор,
Унинг дастидан.

Кундан-кунга, у,
Шошгани-шошган.
Йилдан-йилга, у,
Ошгани-ошган.

Дақиқа, соат,
Унинг измида.
Камчилик бор-ов,
Механизмида.

Бунга бир мисол,
Ўтди қиш, баҳор.
Бир зумда дарҳол,
Келди ёз такрор.

Ҳа демай ёз ҳам
яширади юз.
Сариқ соч санам,
Бошланади куз.

Ёшлик чоғимда,
"Кун ўтса", дердим.
Қанча умримни,
Шамолга бердим.

Хазондек учиб,
Яйрадим роса.
Сочга оқ тушиб,
Қилдим хулоса.

Энди шиддатни,
Кўтармас юрак.
Таклифим вақтни,
Қадрлаш керак...

Беги Дўст шеъри.**

Умр соати...Дунёда танҳодир умр соати, Бир лаҳза бўлса ҳам тўхтамайди ҳеч.Тугамагунча то умрнинг вақти, "Чиқ-чиқ" - ишлаб турар мудом эрта-кеч.Умр соати бор ҳар бир одамнинг, Тўхтаса - тўхтайди юрак уришдан.Кимдир қўйган куни ёзга қадамни, Дафатан соати тўхтар юришдан.Вайранкор сел каби шиддатла оқиб, Фасллар оралаб ўтмоқда умр.Ёзнинг иссиқ тафти юракни ёқиб, Хазонрез куз томон кетмоқда умр.Лекин, нечаларнинг умр соати, Тўхтади қиш билан куз орасида.Соатлар... вақт, бевақт етиб навбати,Тўхтади кун билан тун орасида... Ҳали ҳамон - "чиқ-чиқ" бермоқда садо,Умр соатимиз ишлаб турибди. Вақтимизни битиб манглайга Худо,Бизни бу ҳаётда ушлаб турибди. Беги Дўст шеъри.

Каландар бахши "Кийик" ривояти

Ассалому алайкум!
Қадрли шеърият муҳлислари!
Ижодимни кузатиб бораётган азизлар!
Шеърларимга фикр билдираётган, ютуқларимдан қувониб табрик ёзаётган қадрдонлар!
Сизларга миннатдорчилгимни билдириб, ташаккур айтаман.
Барчаларингизга соғлик-саломатлик, узоқ умр, кетмас давлат, беғубор бахт тилайман.
Хонадонингиздан файз, дастурхонингиздан барака аримасин. Оилангиз, яқинларингиз, дўстларингиз даврасида, ҳаёт завқидан баҳра олиб, мудом эътиборда, эзозланиб, ардоқланиб, севиб-севилиб, ёшлик, қарилик, кексалик гаштини суриб яшанг. Ҳар кунингиз байрам, ҳар кунингиз шодиёна бўлсин.
Қалбингизни меҳр-оқибат, яхшилик, шеъриятга бўлган муҳаббат туйғуси тарк этмасин.
Мен сизларни яхши кўраман!

**Фестивал илҳомлари!

ҚЎШРАБОТИМ!

Елдек шошиб бахши келди,
Селдек тошиб бахши келди,
Юртлар ошиб бахши келди,
Қутлай сени - Қўшработим!

Қалдирғочдай қанотинг ёз,
Бахшиларни бағрингга бос!
Бўлди гўзал суҳбат-у соз,
Қутлай сени - Қўшработим!

Эргаш Жуманбулбул ўғли,
Улуғ шоир - қалби чўғли,
Ётган жойи нурга тўлди,
Қутлай сени - Қўшработим!

Боболаринг тоғдан тушди,
Момоларинг куби пишди,
Боғларингда тутлар пишди,
Қутлай сени - Қўшработим!

Улоқ чопди чавондозлар,
Патир ёпди сарвинозлар,
Жаранг сочди хуш овозлар,
Қутлай сени - Қўшработим!

Ёмғир ёғди - селлар оқди,
Салқин ҳаво дилга ёқди,
Қуёш ҳам сен томон боқди,
Қутлай сени - Қўшработим!

Қўрғон қишлоқ - маҳаллангда,
Байрам бўлди қир-далангда,
Тилга тушган шу паллангда,
Қутлай сени - Қўшработим!

Куйга қалби уйғунларга,
Адрас кийган сингилларга,
Завқ улашдинг кўнгилларга,
Қутлай сени - Қўшработим!

Яхшиларинг элга қайтди,
Бахшиларинг элга қайтди,
Булбулларинг терма айтди,
Қутлай сени - Қўшработим!

Бахтга тўла хонадонинг,
Нонга тўла дастурхонинг,
Етмиш элга етди шонинг,
Қутлай сени - Қўшработим!

Юртга қайтган тож-у тахтдан,
Элга қайтган оқибатдан,
Айирмасин шундай бахтдан,
Қутлай сени - Қўшработим!

Куйлай сени - Қўшработим**!

Беги Дўст.

**Кўнгилдаги саволларга,
Кўнгилдаги жавоблар.

- Умр нима?

- Умр бизга Алоҳга ибодат қилиб, Пайғамбарларга саловат айтиб, имонни пок тутиб, эл-у юртга хизмат, одамларга яхшилик қилиб яшаш учун ато этилган имконият.

- Ўлим нима?

- Аллоҳ яшаш учун тақдиримизга битган кунларнинг сўнги лаҳзаси.

- Жаннат нима?

- Умрини яхшилик ва савоб ишларга бахшида қилган, тили билан дили бир инсонларнинг дўзах азобидан ҳоли яшайдиган уйи.

- Тили билан дили бир дегани нима дегани?

- Тилида Аллоҳ деб, амалда кўнгли тусаган ишни қиладиган, гапирган сўзига амал қилмайдиган, икки юзламачи, риёкор кишиларга ўхшамайдиган, гапирган гапи бажарган амалига тўғри келадиган инсонларнинг гўзал адабига нисбатан айтиладиган эътироф.

- Ўлимдан қўрқмайдиганлар борми?

- Дунёда ҳеч нарсадан қўрмайдиган шерюрак баҳодирлар кўп.
Ёниб турган олов ичига кирадиган олов қалб ботир инсонлар бисёр.
Лекин, ҳеч ким олов ичида ўлишни истаб оловга ўзини урмайди. Вазият тақозаси шунчаки ўлиш учун эмас, кимгадир ёрдам бериш учун мардларни жасоратга ундайди. Улар ҳам инсон яшашни исташади.
Ўлим гўзал, ўлимдан қўрқманглар деб даъват қиладиганлар қўлига оғу тўла пиёла тутиб кўринг-чи, олиб ичармикин?..

Беги Дўст.**

**Ака!!!

Тафти офтоб мисол меҳри борим бор,
Сўзларида сирли сеҳри борим бор,
Жигарларга дилда фахри борим бор,
Суянсам суёвчи тоғим акам бор!

Бир эди биз ётган бешикларимиз,
Онамдан эшитган қўшиқларимиз,
Ёшликда ўйнаган "ошиқ"ларимиз,
Суянсам суёвчи тоғим акам бор!

Яшинчоқ ўйнадик азим тоғларда,
Қувлашиб қувнадик насим боғларда,
Юракни ғам босган нурсиз чоғларда,
Суянсам суёвчи тоғим акам бор!

Улғайдик отамдан тинглаб достонлар,
Қувонсак қучдилар бағри осмонлар,
Эй, дўстлар - қадрдон, азиз инсонлар,
Суянсам суёвчи тоғим акам бор!

Ҳар маҳал, ҳар жойда қўллайди - Ака,
Укалар бахтини ўйлайди - Ака,
Отадай ҳаётга йўллайди - Ака,
Суянсам суёвчи тоғим акам бор!

Беги Дўст сарғайиб сўлмайди - Ака,
Суянсам суёвчи тоғим акам бор!**