أبواليمه گصد لامه ويهل عبره
يگلها ليش خدچ بيه أثر سطره
ياهو لي جسر يايمه وتعده
أخبريني بجدي المصطفى وفگده
ياخيمة علي ويادرعه بالشده
دحاچيني وانا المظلوم أبوالعتره
سالت دمعة الزهرا الزچيه عليه
وگصدتله تشمه بنحره وتحاچيه
يمه مد إيدك على خدي وشوف شبيه
وانظر عيني من كثرالضرب حمره
أبوعلي
والآذاني موقف يا أبواليمه
محسن من وگع وتگمط بدمه
كل همه يعيش وياك كل همه
ويموت وياك ويطيح وياك لمن تهوى عالغبره
حسين
يمه محسن دم ضلوعي صار إلة تغسيل
وإنت تغسلك الحرةبدموع الليل
حسين يمه محسن داسته الرجلين وإنت الخيل
وآنا ألطم عليكم يبني بالعشرة

يا أسماء
ميرزا عادل اشكناني

يا أسماء
أمّي إذا رأتنا
تُشفى جُروحها .. و تطيبُ رُوحها
**
برجْفة إديهم دگّوْا الباب و طفح يتِمهُم
حسّوْا بأنْ چفِّ الأجَل هالليله ياخذ امُهم

و أسماءِ إجت تلزمهم و تشغلهم بحچيها
و بس شاهدت دمْع الحُسين انفجرتِ ببچيها

لا يحسَّون
بس ما تعلِم شلونْ
تحبس حچِي اللِّسان ..
يطلع حچِي العُيونْ
**
رادت إلى المسجد تردهم لاچن شتردهم ؟!
و أمهم الزهره فاطمة الروح الذي بجسدهم

گالوْا يَـ أسماء أمنا لو شافتنا تنسى همها
و تطيب من اِتْشمنا و احْنا نطيب من نشمها

فُكي الباب
ضلْع الزهره ما طابْ
خلّينا بالونين ..
نعاونها عالمُصاب
**
للحجرة من طبّوا لگوها الزهره خافي ونها
گالوْا عسنها طابت اُمْنا من الكسر عسنها

چانت من صواب الضلع كل ليل ما تنامه
و الحمدُ للهِ اللي مَنْ عالزهرة بالسَّلامة

كافِي نياح
خلّي الزهره ترتاحْ
ما تنطبگّ جفُون ..
المنها حمِلها طاحْ

**
مستقبلة القِبلة لگوها من دخلَوْا عليها
متگبّعه بثوب ابيَض و متوسِّده على ادِيها

رفعْوا غَطاها و شاهدْوا أحمَر جفنها و الخَدْ
( وَ البابُ و الجِدارُ و الدِّماءُ ) كِلها تِشْهَدْ

عدها شهُود
متون من الضّرُب سُود
وديعة أبوها ليش ..
بكسرة ضلِع تُعود

**

من شاهدوها موسَّده ناح الحسَن لجِلها
و حسين ظل يگلّب خدوده على رجِلها

آنا ييمّه وليدچ المذبوح كلّميني
ما صايره لي هسَّه أنادي و ما تِجَاوِبـيـني

فِتحي العينْ
آنا عزيزچ حسين
حِنِّي على الغريب ..
و إنْتِ اُمْ گلْب حنين
**

لهفي عليك أيا علي لما ترى
ضلعان في صدر البتولة كُسّرا

وإلى جدار تنتحي عن غسلها
تبكي تئن لما عليها قد جرى

وتلفّ بالأكفان جسمًا ناحلًا
منه تذوب توجّدًا وتحسّرا

وتقول للحسنين عيناي اأْتِيا
وتودّعا من نورها قبل السّرى

ضمّتهما مذ أقبلا بحنانها
أنّت ودمعٌ كالعقيق تحدّرا

فأتى نداء يا علي ارفعهما
فبكاؤها دمع الملائك فجّرا

وخذ البتول لقبر والدها فقد
تاقت إليه لذا تتوق لِتُقبرا

زهراء تلك أمانة قد أُرجعت
وفراق مَن تهوى عليك تقدّرا

🏴

يا زهراء

شلون راح تنام زينب هالمسه
وعنها راحت امها سيدة النسه
،،،،،،
راحت امها وسافرت درب البعيد
البيت موحش وانهدم ركنه السديد
وتسمع باطرافه ون الما يهيد
الوجه شاحب والشفايف يابسه
،،،،،،،
من وصل للبيت ابوها من الدفن
تلكته ودموعها تصب عالوجن
شلون اعيش وخيم عليها الحزن
تكله امي الهوى الجنت اتنفسه
،،،،،
الهوى امي وبلياها اختنك
وبأسمها الكلب نبضاته تدك
ريت اموت شلون عنها افترك
بقيت وحدي والفلك دار وقسه
،،،،،،
جني بالحره تحاجي الطاهره
روحي لفراگچ ييمه موجره
بغربه جني وليلي صرت مساهره
وب اراضي الحزن جن دهري رسه

،،،،،،
يمه انتي العالمه لهاي الاحوال
عشتي مرتين الالم شفت الاهوال
لجن ما جتفوا محمد بالحبال
ولا خديجه البابها الجبت ارفسه

،،،،،،،،،،،
الباب دفعوها وشفت شنهو الجره
صحتي فضه اه ضلعي كسره
وصحت يمه ونار قلبي مسعره
شلون دار الوحي الباطل دنسه
........
حايره وظلت تدك بالراح راح
التفكد امها عليها ما يطلع صباح
وعله ونها كل ملك بالكون ناح
الدهر، سهمه اعله زينب قوسه
،،،،،،،،،
كل طفل يحتاج حضن امه الحنين
منه ياخذ قوته يلاوي السنين
والجره والصار عله ام الحسين
ورثته الحره وكلبها يوجسه
،،،

لو نطالع هالزمن وشما حصل
نشوف زينب هالعزيزة بلا اهل
من بعد طف كربله ضاع الامل
وبصبرها الخدر ظلت تحرسه
، ،
زادت اعله امها العقيلة بالمحن
عكب أهلها شكثر اذاها الزمن
وشافت احسين واله الذاري الجفن

وصدره يا ويلي الحوافر تهرسه
،،،،،،،،،

والاشد من تنسبي لدار اللعين
وتدخل لمجلسه ومجتوفه الليدين
بالعصا تشوفه يطك راس الحسين
اويشتم ب امها وابوها بغطرسه
،،
علي احسان هيچل الكربلائي

يا باب فاطم لا طُرقتَ بخيفة للشيخ محمّد حسن آل سميسم

مّن مبلّــع عنّـي الزمـان عتـابـاً * ومُقــرّع منّـي لــه أبــوابــا

يا ويـح دهـري راح ينـزع للأسـى * من بعـد ما ذقـتُ النعيـم شـرابـا

دهــرٌ تعامـى عـن هُــداه كأنّـه * أصحـاب أحمـد أشركوا مُـذ غابـا

نكصــوا علـى الأعقاب بعد مماتـه * سيـرون فـي هـذا النكـوص عقابا

يا بــاب فاطـم لا طُرقـت بخيفـةٍ * ويدُ الهــدى سدلـت عليـه حجابـا

أوَلـسـت أنـت بكـل آنٍ مهـبـط * الأمـلاك فيــك تقبَّـل الأعتـابـا

أوْهاً عليـك فمـا استطعـت تصدَّهـم * لما أتـوك بنـو الضـلال غضابـا

نفســي فـداك أمـا علمـتَ بفاطـمٍ * وقفـت وراك تـوبّـخ الأصحـابـا

أوَ ما رقـقـتَ لضلعـهــا لما انحنـى كســراً وعنه تزجـر الخطّـابــا

أوَ مـا درى المسمـار حيـن أصابها * مـن قبلهـا قلـب النبـي أصابــا

عتبي علـى الأعتـاب فيهـا محسـن * مُلقـىً ومـا انهالـت عليـه ترابـا

حتـى تواريـه لأن لا تسـتحـق الـ * أقـدام منـه أضـلعـاً واهـابـــا

هـو أوّل الشـهـداء بعـد محـمّـدٍ * ويرى المصاب على الصواب صوابـا

ما اسطـاع يدفـع عـن أبيـه واُمّـه * فمضـى لأحمـدَ يشتكـي الأصحابـا

لمـا عــدوا للبـيـت عـدوةَ آمـنٍ * من ليـث غابٍ حيـن داسـوا الغابـا

لـو ينظرون ذُبـاب صـارم حيـدر * لـرأيتـهـم يتطـايـرون ذُبـابــا

لكنّهـم علِـمـوا الوصـيـة أنّهــا * صارت لصارمــه الصقيـل قِرابـا

فهناك قـد جعلـوا النّجاد بعُنـق مَـن * مدّوا لـه يـوم « الغـديـر » رِقابـا

سحبـوه والـزهراء تعــدو خلفــه * والدمــع أجرتـه عليـه سحـابـا

فدعتْهـم خلّـوا ابـن عمـي حيـدرٍ * أو أكشفـنَّ إلــى الدعـاء نِقابــا

حـاربـتـم البــاري وآل نبـيّــه * وعـصيتُـم الأعــواد والمحرابــا

ونكـثتـُـم كثمـود ، هـذا صـالـحٌ * لِـمَ تسحبــون الصالـح الأوّابــا

رجعـوا إليـهـا بالسـيـاط ليُخمـدوا * نــور النّبــي الساطـع الثـقّابـا

فتهـافـتـوا مثـل الفـراش ونـوره * قـد صار دونهـم لهــا جلبـابــا

ضلع واحد يا علي وهد حيلك
چا ضلوع حسين شتسويلك

ضلع واحد تعرفه منهو الضلع
گلب من ركن الهدايه منشلع
الرسول بفاطمه ظل منفجع
ينده بصوته علي يناديلك

شرد اسولف عالجره ولفاطمه
من عصره الباب وبسهمه رمه
طاحت عل الگاع مخضوبه بدمه
الك تنظر فاطمه تربيلك

الك تنظر عينه ام الحسن
والدموع اتفيض مزنه من الجفن
تصح ياويلاه من اهل الفتن
تصيح ياحيدر علي وتشكيلك

بين ضلع الزهره واضلوع الحسين
شلون طحنته العده والمجرمين
نفس ذيچ الخيل خيل الظالمين
ونفس وجه ابن الدعي يربيلك

ضلع اول منكسر من البتول
ونفس مجرى الدم يادم الرسول
يوم طاح حسين وابين الجتول
صاح ربي مو اضلع افديلك

الك ياربي نذرت انه الحياة
ومايهمني اللي جرى من الجناة
علمتني العفه والدين وثباة
مثل ضلع امي ضلع احنيلك

ابو علي السعيدي

النظرة الاخيرة تحچي انكساره
وي ام الحسين حيدر تباره
ودعتج الله يأكبر خسارة

ماتت فاتحة العينين رادت من علي تشبع
عليها مقرب آذانه بلكي آخر نفس يسمع
يطلع مال حيل يشوف وگلبه يگله لا تطلع

مروتج يفاطمته وهله
مروتج علي من يبقى اله
مروتج بعد وكت اعله فرگتنه
.
راحت بس لا تنحچي
راحت شيفيد البچي
راحت وما راحت محنتنه

________
جفون ام الحسين غمضها بيده
الأقرب من الروح صارت بعيدة
يا جرح الفراگ هد الصميدة

يواسي بگلبه ويعاتب فاطمتك مشت چنها
رديت الشمس بيدي وما اگدر اردنها
خيعونك يچفي شلون عندك طاقة تدفنها

بيدي ادفنت عشگ الگلب
بيدي وهلت فوگه الترب
بيدي الفقار يعاتب شبيدي

غربة گبرها ومنفرد
غربة بلا فاطمتي ارد
غربة ابد مو هذا تعويدي
_____

مضيع علي عيون چانت تلمه
وظل منها احاديث تفرحه وتألمه
حافظها با الصوت ما ناسي كلمة

اليهضم حيدر وياذيه مَهَر أم الحسن درعه
دلالة شگد قهر بيها يا گلب الذي يجرعه
بضعة من النبي جانت ومن فاطم علي بضعة

بضعة وطن شايل وطن
بضعة علي وام الحسن
بضعة وحلم ما بارح عيونه

وتالي ويه دهه الظالمه
تالي علي بلا فاطمة
تالي بنعش فاطم يشيعونه
_________
ثالث سبط جان همها وحلمها
ابني النطرناه مات بألمها
اختلطن على الباب دمه ويه دمها

المحسن واجه المسمار گبل امه ولگه حتفه
الغيور الما رضى يعبرون دمه يضيع يا وسفة
الهضيمة الجاني ما مجهول وهاي التهضم وكلفة

كلفة قتل أم وإبن
كلفة ترى حچاية وإن
كلفة الوصية وصبري طاوعها

المُحسن جزائه إنسا إله
المُحسن بداية كربله
المُحسن بحضن الزهرة ودعها
________
ظل عطر السنين باقي اعله اديه
وثمنطعش عام خلصن سوية
يا گلبي شتريد آنه شبديه

يگلبي اتصبر مروتك بداعة فاطمة اتصبر
ومن ترتل القرآن أعبر سورة الكوثر
أعطيناكَ بس يارب قتلها الشانئ الأبتر

ويلي يچفّي شوگفه
ويلي كلت روحي الافه
ويلي شأصبر عتبتي انداست

بابي مع كل العتب
بابي خذلت بيه شعجب
بابي عفتها وخلفك اتحامت

السيد أنور الموسوي

يا أُمَّ عاملةٍ .. أُمَّ المُوالينَ
فاستنزلي فوقنا الزيتونَ والتِّينَ

لُذنا بِجذعكِ حيثُ الريحُ عاصفةٌ
وما لنا غيركم يا آلَ ياسينَ !

في مولد الصدِّيقة الصغرى مولاتنا زينب الكبرى نتضرع إلى الله بجاهها عنده أن يفرّج عن شيعة آل محمد بالإمام المهدي من آل محمد (عجل الله تعالى فرجه).

#مولد_العقيلة_ص
#اللهم_عجل_لوليك_الفرج
#علي_عسيلي_العاملي

كـفكفْ دمـوعَكَ واعـلنِِ الأعـيادا
فـرحـاً فـمـولدُ زيـنـبٍ قـد عـادا

عادَت بنا الذكرى… برغمِ جراحِنا
وجـــبَ الــسـرورُ مـحـبةً وودادا

رغــمَ الأسـى ولأجـلِ آلِ مـحمدِ
نُـحـي لـبـنتِ الـمـرتضى مـيلادا

مـولاتَنا الـحوراءُ… يـا بـنتَ العُلى
بـوركـتِ مَـجـداً خـلَّـدَ الأمـجادا

مرحى بـمقدَمِكِ الـمُعظَّمِ سـيرةً
أورتْ يَـــراعَ الـمـادحـينَ زنـــادا

أمَّ الحـسينِِ… كفـاطمٍ لـمحمدٍ
تـكفي الـمريدَ إلـى عـلاكِ مرادا

بـشرى لـنا صِـدقُ الولاءِ بحبِّكم
وببغضِنا في المبتدى مَن عادى

صـلَّى عـليكِ اللهُ يـا ابـنةَ حيدرٍ
والـمـؤمـنـونَ جمـاعـةً وفرادى

✍️ سالم

علي علي علي علي.. علي علي علي علي.. علي

__

تحير الشجاعة يا علي بوصفك
بس قادة يسطر بالحرب چفك
بكل المعارك ما رمش طرفك... علي علي

منو مثلك منو منو
كفو حيدر كفو كفو

علي القانع.. علي القالع

علي نهر .. علي گمر .. إلى الأبد.. علي الفخر
علي رمز.. علي حرز.. علي الصدر.. علي العجز

علي علي علي علي

__

كل العمر يابه الحسن صِمته
وياهوه مثلك ينسمع صمته
وخيبر زغيره صارت بـصمته.. علي علي

تفر بيدك فلك فلك
والك يحظر ملك ملك

علي القادر.. علي الصابر

علي النصر.. علي الضخر.. هوه الهوه.. وضوه البدر
إلى النحل.. عُقد يحل..علي أبو.. أبو الفضل

علي علي علي علي

__

جودك يحيدر وين أكو منه
اول خليفه بابه يتحنه
ما رحت نزلت يمك الجنه.. علي علي

كرم چفك كرم كرم
يسع عطفك امم امم

تضل واحد.. تضل قائد

على الزمن.. يبو الحسن.. إلى المحب.. صرت وطن
على الشدد.. منو الي.. فقط فقط.. علي علي

__

شباچك أحلى من الگمر وصفه
نسمة هواك لكل مرض وصفه
من الماي أنقى وأطهر واصفه.. علي علي

علي الأول علي علي
علي الأخر علي علي

قبل كلشي.. وبعد كلشي

أرض سمه.. لبو الحمه.. علي كفو.. لفاطمة
الأمر إله.. على المله.. نرتّله.. كــبسمله

علي علي علي علي

__

ما اريد عمري يا علي بدونك
من فدوه اروح لنظرة عيونك
خليني دوم ويه اليخدمونك.. علي علي

أنه ابابك عبد عبد
إذا أرحل أرد أرد

أضل يمك.. هوه اشتمك

تضل أسد.. على الشدد .. علي تجي.. على الوعد
تضل امل.. يمستهل.. إلى البشر.. طف نزل

علي علي علي علي

مصطفى الشافعي