聽日係6月4號 我哋一齊為豐臣秀賴默哀

聽日係6月4號 我哋一齊為豐臣秀賴默哀

了解咗武士嘅架構之後，我哋係時候講返正題：彌助係咩人呢？

彌助，佢只係戰國時期嘅大名，亦即係大家熟悉嘅第六天魔王－織田信長嘅家臣。你冇睇錯，只係家臣，因為彌助冇被賜姓所以根本就唔算係武士，更加唔洗講武士係一個貴族階，喺織田信長麾下嘅時間得1581年3月至1582年6月間嘅年幾。此後去向不明。而彌助係點樣出現喺日本，我哋可以喺一本喺1627年寫嘅《日本教會史》入面見到佢係由一個意大利傳教士喺印度帶入日本嘅奴隸，而范禮安喺1581年3月27號參見織田信長嘅時候，佢都有隨行，但係出生葡屬東非（而家嘅莫桑比克）嘅彌助究竟係喺莫桑比克直接帶嚟定係印度帶嚟日本，由於范禮安喺印度留過好長時間，冇辦法肯定，文獻亦再冇任何記載。

係，雖然織田信長似乎幾鍾意呢位黑人家臣，更甚者諗住封佢做城主添，之不過最後眾多武士反對下，織田信長都只係畀咗把刀仔佢傍身帶喺身邊做侍衞，都係冇賜任何姓氏，區區家臣又何談武士呢？

關於彌助仲有兩個傳聞，第一，織田信長啱啱買彌助嘅時候，就評論呢個人有十人之剛力，同埋牛一般黑的身體，仲因為未見過呢種膚色嘅人仲以為佢係墨水染成嘅，帶佢去沖涼，後來先發現水光閃閃先信。第二，就係喺1582年6月明智光秀發動嘅本能寺之變，包圍信長駐紮嘅本能寺。當時彌助似乎都喺度，信長自殺之後，去大仔織田信忠所在嘅二條新御所報信並支援。後來彌助戰敗投降，畀光秀旗下嘅武士捉住咗，而呢個時候，光秀認為，黑人只不過係動物，不明事理，更何況仲唔係日本人，所以不必處死，所以放咗佢一馬，將其釋放並送往京都嘅南蠻寺安置，又有講法話明智光秀不想處彌助，才諗出呢個理由留其性命。另外，都有觀點認為，本能寺之變當日二條新御所附近根本冇關於黑人嘅記錄，彌助嘅講法可能唔可信。

其實講到尾，佢用黑人做主角點解會畀人鬧好簡單，就係用一個唔係武士嘅人去做武士仲要死雞撐飯蓋話佢係武士 叫彌助解放日本，試問一個小小嘅帶刀侍衞點樣拯救戰國時代嘅亂局 就連織田信長都做唔到，彌助何德何能呢？

shit