حاول تخلي الستاج يلي بدك تسخدمو كذريعة للفيزا يكون بمشفى حتى يبعتلك رسالة دعوة تكون رسمية نوعاً ما ومقنعة للي عم يقراها.

نصيحة اطلع أعمل تدريب سريري قبل النجاح بUSMLE؟

الستيب هو الخطوة الأكثر أهمية على الاطلاق والاقل تكلفة على الاطلاق بهاد الطريق, وهية الخطوة الأصعب يلي الناس بتترك الطريق كاملا بسسبها. من غير المنطقي تبلش تسعى ورا الخطوة الأكثر كلفة والأقل أهمية.

من المفهوم جداً يلي متحمل التلكفة المادية وحابب يجرب حظو بالفيزا أنو يحاول يطلع قبل النجاح بالستيب، بس يعرف أنو الهدف الرئيسي من الطلعة ساعتها هو الفيزا مو بالضرورة الالكتف.

هل أحتاج لخبرة سريرية مسبقة؟
لا. انت كطالب أجنبي حتكون مهامك بسيطة جدا وطالع تتعلم أصلاً.

هل أحتاج لفحص لغة؟
نعم إذا كنت مقدم عستاج رسمي بجامعة. معظمن بيطلبو توفل ومعظمن بيقبلو بOET بديلاً عنه. أما اذا طالع عن طريق طبيب بشكل غير رسمي مارح يطلبو.

هل أحتاج لأوراق معينة؟
من الوراق يلي عادة بيطلبوها اذا مقدم عستاج رسمي هي لاحكم عليه, سجل لقاحات, كشف علامات, رسالة توصية من العميد مكتوب فيها انك طالب سنة سادسة, تأمين صحي وتأمين malpractice وغيرها.

ستاج كليفلاند كلينيك
مثال عن ستاج رسمي بمكان محترم.
ستاج خارق ومو غالي ولكن صعب الحصول عليه.
القاعدة فيه الرفض للأجنبي لهيك الفرصة أكبر بكتير يلي معو جواز أمريكي أو فيزا سارية المفعول عجواز تاني.
ما بيبعتوا خبر بالقبول أو الرفض لقبل شهر ونص من تاريخ بداية الستاج. بالتالي اذا موقف طلعتك عليه الرفض لح يعرقلك الطلعة.
بيطلبوا فحص لغة (بيقبلو الOET) وStep1.
بيطلبو لاحكم عليه وسجل لقاحات وتوصية عميد وصورة عن الفيزا ووراق تانية. بيقلولك انو منسمحلك تبعت هالوراق لما تنقبل بس احتمال تنرفض كبير اذا ما بعتن من الأول.
بيطلبوا انك تكون سنة سادسة.
بيكلف الشهر الواحد ٤٠٠ وبتدفعن بعدين يا بتنقبل يا بتنرفض, وتجارب القبول الناجحة عادة بكونو مقدمين شهرين وبينرفضو مرة أو عدة مرات قبل ما يجيهم قبول. موضوع بخلي الاعتماد عهالستاج للشخص السوري شبه مستحيل. ولكن مستاهلة محاولة يلي محقق الشروط ومأمن ستاج تاني في حال ما انقبل.
بإمكانك تتواصل مع طبيب هنيك وتحاول تعمل observership وهيك بتخلص من كتير من الشروط والعقبات.

فكرة جيدة اشتري ستاج من شركات تأمين الستاجات مثل AMO؟

هي الشركات سمعتها سيئة جداً.
بتقدم ستاجات قليلة الفائدة وعالية التكلفة, معظمها بتدفع تكلفة الستاج كامل قبل ماتطلع الفيزا وبعدين اذا ما طلعت ما برجعولك المصاري بس ممكن ياجلولك الستاج أو يعطوك تيلي روتيشن.

معظم الستاجات بتكون بعيادات أو مشافي ما فيها برامج إقامة.
كتير أحيان بيكذبوا وبيقلولك المشفى ببرنامج بمشفى كبير وبكون عملياً إما المشفى متعاقد مع المشفى الكبير والستاج مو بالمشفى الكبير, أو (الحالة الأسوأ) بكون الستاج بعيادة خاصة والطبيب بيمر عالمشفى يوم بالأسبوع.

قد تكون رسالة التوصية ضعيفة (ما فيها شي مميز ومبينة تجارية).

في أطباء بقدموا نفس الخدمات بشكل مدفوع من عيادات خاصة بدون تعاقد من هالشركات وهالشي بوفر عليك بس بنفس الوقت فيه كتير من نفس المشاكل, بالذات اذا كان الطبيب عاملها شغلتو وبجيب طلاب كتير. وساعتها رسالة الدعوة حتكون ضعيفة جداً اذا بدك تستخدمها للفيزا.

لا يخلو الأمر من ستاجات جيدة ولكن عليك بالحذر وبرأيي خليها كخيار أخير اذا ما لقيت شي تاني.

نصائح:
لا تعتبر قيامك بالروتيشن ضمان لرسالة التوصية, معظم الأطباء يلي بأمريكا عرب أو أجانب مالن مستعدين يكذبوا مشان يلمعولك صورتك مشان الماتش. ورجيهم اهتمام واصرار ورغبة بالتعلم.

الروتيشن الو فائدة علمية كبيرة حتى لو كان بمكان بسيط. المجتمع الأمريكي كأطباء ومرضى وجالية الأطباء الممارسين هنيك بيختلفو بشكل جذري عنا ومن مصلحتك تحتك فيهم بشكل جيد قبل الماتش حتى ما تفوت عالماتش وانت الشخص الوحيد يلي عم يعاني من صدمة حضارية لأول مرة.

اذا صحلك تعمل روتيشن مع أي طبيب لا تقصر, احتمال كبير تتعلم منو و يخدمك بالماتش ولو ما عطاك رسالة.

الموضوع عشوائي كتير وفيه عوامل متداخلة لا تحصى, لهيك كل حالة الها دراسة خاصة فيها بس بشكل عام اياك والتسرع بهالموضوع وتسويف المواضيع الأهم يلي هي بشكل رئيسي نجاحك وتفوقك بالستيب.

كيف بحصل فرصة ستاج عن طريق التواصل مع الأطباء؟
المعظم بيقول أنا ما بعرف حدا بأمريكا وبالتالي صعب جيب روتيشن عن طريق معارف. وهالحكي صحيح, الموضوع صعب حتى لو عندك معارف, لأن مو كل الأطباء حتى لو كانوا معارف عندهم القدرة أو الرغبة يسمحولك تداوم معهم بمشافيهم وعياداتهم.

حتى لو ما بتعرف طبيب قريب الك وممارس بأمريكا. بلش بسؤال الأقارب عن أي حدا بأمريكا, وبعدين تواصل مع هالشخص وطلوب منو يوصلك بالأطباء يلي بيعرفن هنيك.

سآل الأطباء الموجودين ببلدك, حتى لو ما اختصوا بامريكا احتمال كبير يكون عندن زملاء هنيك.

احتمال كبير أول شخص بتسالو يكون ما بيحسن ياخدك روتيشن معو بس حاول تطلب منو يوصلك بحدا تاني وهيك حتى الله يجمعك بالطبيب يلي مستعد يبعتلك دعوة تعمل معو روتيشن.

أما طريقة التواصل مع أطباء ما بتعرفهم وما بيربطك فيهم شي أبدا عن طريق السوشال ميديا فهي أقل فائدة وممكن تنجح بس أنا شخصيا ما أمنت ولا ستاج بهالطريقة.

حاكي الأطباء قبل بفترة منيحة من الوقت يلي ناوي تجي فيه (٦-١٢ شهر).

ما تكلفة الالكتف؟

فرصة التدريب السريرية نفسا قد تكون مجانية وقد تتراوح بين 1000-5000$ بالشهر.
السكن بين 500-1500$ بالشهر.
احتمال تحتاج سيارة 500-1500$ بالشهر.
تكاليف طيران 100-200$ كل مرة بدك تطير من ولاية لولاية.
تكاليف تانية 100-500$ بالشهر
أحيانا المشفى بأمنلك سكن ضمن التكلفة أو بمبلغ بسيط إضافي, بالتالي بتحسم هالكلف من الميزانية.
بالمجمل المجال واسع جداً وبدك دراسة مفصلة للميزانية قبل ما تطلع.

تكلفة السكن وبقية التكاليف بتزيد كل ما قصرت مدة السكن. بالتالي يلي عندو ستاجات بأماكن مختلفة رح يتكلف أكتر من يلي مستقر بنفس المنطقة لفترة طويلة.

أنا طلعت وكان معي مبلغ محدد بس يخلص ماعت فيني كمل ورح انزل.. فاقتصدت على جميع الأصعدة وتكلفت بالجانب المنخفض من هالمجالات بما لا يزيد عن 2000$ بالشهر.

على خلاف المعروف, الكلفة هية أسهل شي بهالطريق حتى ليلي خلفيتو المادية ضعيفة. بس تكون متوكل وعامل جهدك وخطتك واضحة في ألف طريق تأمن المبلغ ومارح تندم عالموارد يلي ضاعت, رح تكسب خبرات وتفتح فرص بتعوضك أكتر بكتير ان شاء الله.

ممكن ادخل عالماتش بدون الكتف؟

انت بحاجة رسائل توصية, ممكن تجيبها من بلدك الأم وممكن تأمنها من telerotations (ستاج عن بعد بتعملو وانت ببلدك).
مو نصيحة لأن معظم البرامج بتعطيها قيمة قليلة لهي الستاجات. في بعض المشافي عاملة برنامج telerotation وعلى كلامن بيعطوك رسالة قوية وبدون ما يذكرو هالكلمة بالتحديد "telerotation".

برامج الريزيدينسي بتطلب عادةً 2-3 شهور خبرة سريرية بأمريكا, و2-3 رسائل توصية منها كحد أدنى. وبعضهم بيقول بشكل صريح أنو ما بيقبل رسائل من خبرات ريسرش. وفي برامج بتقول أنو الخبرة السريرية مفضلة بس مو اجبارية.
مافي شي مستحيل, واذا بتحسبا صح أكيد بتحسن تجرب تفوت عالماتش بدون ما تعمل ستاج, بس مالها حالة مثالية.

ما الأفضل, اطلع على الكتف ولا على ريسرش؟

رسائل التوصية أهم بكتير من خبرة الريسيرش أو عدد الأبحاث المنشورة, بالذات للاختصاصات غير التنافسية متل الباطنة. المشكلة أنو فيزة الأبحاث J1 فرصتها بالقبول أكبر من الفيزا السياحية B2/B1. بالتالي الريسرش صاير لتأمين فيزا أكتر من كونو مشان الريسرش نفسو, وبامكانك لما تنقبل بالريسرش تطلع وتعمل ستاج بأوقات مستقطعة او قبل ما تبلش ريسرش (مسمحلك تطلع قبل بشهر), بس حيكون الموضوع أصعب ويفضل تكون عم تدور عستاج بشكل متزامن مع بحثك عن فرصة ريسرش لأن ال2 بياخدو وقت وجهد.

غالباً الطبيب المشرف عليك بيعطيك رسالة توصية, بس رسائل التوصية غير السريرية أحياناً ما بكون الها قيمة كبيرة إلا اذا كانت من باحث معروف. عكل حال طلوب من المشرف تعمل معو ستاج وممكن يوافق وبتنحل المسألة.

يلي حاليا بالسنة الأخيرة ومقدم ستيب فكرة جيدة يجرب حظو بفيزا سياحية عستاج لأن أصلا موضوع الريسرش ما بينفتحلك لتتخرج.

متى أبدأ في محاولة الحصول على فرصة تدريب سريري والتخطيط للموضوع؟

يفضل بعد تقديمك لStep1 وقبل ما ناوي تسافر ب6-12 شهر. يفضل تخلص Step2 قبل ما تطلع.

ما قيمة فرص التدريب في المشافي الجامعية / المشافي الخاصة التعليمية / المشافي الخاصة / العيادات الخاصة؟

الحصول على قبول صعب وبخلي اختياراتك محدودة. نصيحتي انو تقبل فوراً اذا تحقق عدد شروط:
التكلفة معقولة
الطبيب حابب يخدمك ويكتبلك رسالة قوية
الطبيب بيتشغل بمشفى وحيكتبلك الرسالة من عنوان المشفى. العيادة الخاصة مرتبة تانية.
أو اذا تحقق هاد الشرط بمفردو: انت موجود أصلا بالمكان مشان ستاج تاني ورح تعمل هاد الستاج بين ستاجين او بوقت مستقطع, بالتالي مالك خسران شي أكيد عملو.

عميل قد ما بتحسن ستاجات وبالنهاية انت بتختار أقوى التجارب وبتاخد منها رسائل توصية وبتسجلها بطلب الايراس لما تقدم عالماتش.

الخبرة السريرية في الولايات المتحدة (الستاجات)

الخبرة السريرية الأمريكية (US Clinical Experience) أحد أهم العوامل المطلوبة للاختصاص في أمريكا. بتاخد المرتبة التانية بالأهمية بعد النجاح والتفوق بالامتحانات. محاولة الحصول على فرص للتدريب السريري للأجانب موضوع متعدد الجوانب وفيه عوامل متداخلة كتير متل نوع الخبرة السريرية, موضوع الفيزا, التكاليف, والعقبات التانية. الموضوع عشوائي بشكل بيصعب طرح تجربة بتخلص الموضوع بشكل معمم. أما ما يلي فهو تجربتي الشخصية وما تعلمته من الخوص بهي المعركة.

ما الفرق بين الElective وال Observership؟

المعنى اللغوي لElective هو "اختياري" والقصد فيها لما نحكي عن التدريب السريري هو "الستاج الاختياري" يلي مالك مجبر فيه من قبل الجامعة يلي مسجل فيها. بيعملا الطلاب الأمريكان كجزء من تحضيرهم للماتش حتى ما يكون تدريبهم محصور بمشافي محددة فقط.
أحيانا نحن كأجانب منطلق هالمصطلح على فرص التدريب يلي بتشتغل فيها بإيدك وما بتتفرج بس (يعني hands-on) ولكن المصطلحين مو مرادفين بالضرورة.
المفروض انو الالكتف يعطيك تجربة مماثلة لتجربة الطالب الأمريكي, يعني بتكون عندك مسئوليات حقيقية وبتتعلم أكتر. والمفروض تكون مسجل عليها بشكل رسمي من موقع المشفى ودافع رسوم تسجيل وهالقصص. ولهيك كتير ناس بتشوف الالكتف كقيمة أعلى ومفيدة أكتر للماتش.

أما الObservership فهي انك تروح وتتفرج عالطبيب وتمشي معو متل ظلو (shadowing) وتتناقشو بالحالات وتجاوب أسئلتو. والأمريكان كمان بيعملوها أحياناً بس هون مو مشان يتعلمو بالضرورة ولكن مشان كمان يتعرف عالمشفى والفريق عسى ينقبل معهم لما يقدم عالماتش. عادة ما بكون عندك مسؤوليات أبدا وشغلتك تتفرج وتسال وتناقش بس.

الحقيقة أنو هي المصطلحات مطاطة جدا ومالها قاعدة, بعض الجامعات ما بتقدم elective أصلا للأجانب وفرصة التدريب السريرية الرئيسية عندن هية observership ومع هيك الموضوع رسمي وفيه دفع وشروط.

والelective كمان مو شرط يكون عندك مهام ورح تتفرج متلك متل الobserver. كتير من الستاجات المعمولة للأمريكان ما بكون للطلاب فيها دور وبيقعدو بيتفرجو.

نصيحتي هية انك ما تجيب سيرة هالمصطلات واستخدم مصطلح clinical rotation وخلي تفاصيل الستاج يلي حتكتبا بسيرتك ويلي حيكتبا الطبيب برسالة التوصية تحكي عن تجربتك.

هل فعلا الObservership لا قيمة لها؟

طبعا الها قيمة.. حتى نفهم جواب هالسؤال لازم نعرف الهدف من طلعتنا بالأصل. الهدف الرئيسي هو الحصول على رسالة توصية لتخدمك بالماتش. وفي أهداف تانية متل انك تعمل علاقات اجتماعية, تقوي سيرتك الذاتية, وغيرها. رسالة التوصية بتتكون من:

الهيئة المصدرة (المشفى/العيادة/الجامعة) ولي بعبر عنها راس الرسالة (letterhead).
مؤلف الرسالة يلي هو الطبيب يلي اشتغلت معو
محتوى الرسالة, يلي عادة بيتضمن مهامك ضمن الستاج وكيف كان أدائك

بالتالي, لازم تلاحق هال3 عوامل قدر المستطاع, وانك تعطي الأهمية الأكبر لمحتوى الرسالة, لازم يكون الطبيب عم ينصح فيك بشكل مستميت ويذكر تفاصيل عن شخصيتك وأدائك وأحداث الستاج. رسائل التوصية كلها عمليا عم تمدح بالطالب, فالطريقة الوحيدة تميز نفسك انو الرسالة تكون مفندة تفاصيل ومقنعة للشخص يلي عم يقراها.

أكيد اذا كان مصدر الرسالة جامعة أو مشفى معروف فهالشي بضيف قوة للرسالة, بس اذا كان محتوى الرسالة عادي ومتل أي رسالة, قد يضرك هالحكي وما يفيدك.

وكإجابة عالسؤال, كلمة observership الاحتمال الأكبر انو ما تنذكر بالرسالة أبدا ولا بأي مكان تاني, والطبيب يلي عم تشتغل معو بيعرف انك بحاجة رسالة قوية ورح يكتبلك ياها اذا كان حابب يخدمك, ورح يخليك تعمل مهام ولو بسيطة لحتى يقدر يكتبلك رسالة قوية متل يلي بياخدها الأمريكي. بالتالي نزاع المصطلحات هاد (Elective vs. Observership) تفرغ من محتواه وقيمتو وما لازم ياخد حيز كبير بتفكيرك.

اذا كنت غير متخرج ما نوع الفرصة السريرية يلي لازم اسعى وراها؟

كتير electives بيطلبو انك تكون بالسنة الأخيرة من الجامعة, وعادة الإثباتات يلي بيطلبوها مو كتير صارمة. المشكلة انو معظمهم في الهم application fees بمئات الدولارات وبعد ما تدفع يا بتنقبل يا لا وبعدين بتدفع التكلفة كاملة (يلي بتكون بالآلاف).

في بعض الفرص رخيصة وفي استثنائات لكل قاعدة. بس المشكلة انو يلي موضمنان الفيزا وبدو يدفع كمان مشان الستاج وقد يدفع لعدة ستاجات حتى ينقبل بواحد منهم عم يحمل حالو خطر مركب فوق استطاعة معظم الطلاب.

VSLO:
اتفاقية تبادل طلابي بتسمح لطلاب الطب يعملو ستاجات بأماكن منيحة وبأسعار معقولة. مارح احكي كتير عليها لأنها مو متوفرة لأي جامعة سورية. وهالشي بيحدد كتير فرص الستاجات يلي كتير أحيان بتطلب تكون جامعتك مشاركة بالاتفاقية.

فبالنهاية الحل الواقعي انك تحاول تطلع بدون ما تدفع عن طريق التواصل مع دكاترة وطلب الموضوع منهم شخصيا, وغالبا مارح تفرق معك كتير بالنهاية.

السنة الثالثة. لكل قاعدة استثناء, والخطر موجود مع كل قرار تتخذه, ولكن الهدف من طرح الموضوع هو توضيح الحجم الحقيقي للخطر وكيفية التعامل معه بحكمة.

هل يمكن تقديم الفحص الوطني بدون دراسة بالاعتماد على التحضير للUSMLE؟هنالك فرق شاسع بين أسلوب التحضير لامتحانات الجامعة ضمنا الفحص الوطني وبين أسلوب التحضير لفحص الستيب.

كمية المعلومات التي يجب حفظها لمواد فصل واحد من سنة جامعية واحدة قد تضاهي جميع المعلومات المطلوبة لفحص ستيب ١ من حيث حجم المادة الدراسية. فما بالك بالفحص الوطني الشامل لجميع مواد السنوات السريرية. صعوبة التحضير للستيب تكمن في وجوب الفهم العميق ثم الحفظ المتمكن للمعلومات والمحافظة عليها جاهزة للاستخدام في أي لحظة. قد تستخدم معلومات متعلقة بالقلبية والهضمية والصدرية والدموية في آن واحد في حل سؤال واحد من أسئلة ستيب بشكل صحيح. بالتالي, المعلومات التي تبدوا سطحية وسهلة بميزان المواد الجامعية ستصدمك بامتناعها بسبب درجة الفهم المطلوبة والقراءة المترابطة للمادة العلمية الواجبة عند التحضير للستيب. ولكن عندما تعود للقراءة في المادة الجامعية ستحس بنفس الصدمة من كمية جهلك النسبية على الرغم من تحضيرك لسنين لأحد أقوى امتحانات التعديل الطبية, وستصعق من المعلومات البصمية الواردة والمطالب بها من ذوي الاختصاصات الطبية المؤلفين للأسئلة الامتحانية الجامعية, الذين قد لا تلومهم فقد تكون تلك المعلومات مهمة في ممارسة اختصاصهم. بالإضافة, المادة العلمية في جامعاتنا تدرس باللغة العربية, فلم يخبرني أحد أن “الفصال العظمي” هو نفسه Osteoarthritis.
مع توضيح التحديات المتعلقة بكل من الطريقين, ومع إدراك أن كليهما بمفرده جدير باستهلاك وقتك كاملا وإشغالك إلى أقصى الحدود, تبدو مهمة الجمع بينهما مع تحصيل علامة جيدة في كليهما مهمة مستحيلة على الطالب العادي.

مع صدور نتيجة الامتحان الوطني لسنة ٢٠٢٣ التي أشاد الطلاب بصعوبتها وبخلوها من أسئلة الدورات, لم أفاجأ على الاطلاق أن جميع زملائي الذين نجحوا بامتحان USMLE واحد أو الامتحانين حصلوا على علامة تفوق ٨٠٪ دون أي دراسة تذكر. وكان المصدر الوحيد المستخدم هو الدورات السابقة وبالأخص الحديثة منها دون الرجوع الى أي من النوط أو المراجع المقررة.

في تجربتي في التحضير للوطني, خصصت قرابة الأسبوع الواحد لكل كتلة, مررت فيها على أسئلة الدورات الحديثة (ما بعد ٢٠١٧). عدم تكرار أسئلة الدورات في دورة ٢٠٢٣ لا يعني أن دراسة الدورات لم تكن مفيدة, بل كان الغرض منها ملئ بعض الفراغات المعرفية وتدريب مهارة حل الاسئلة البصمية وال"الشلف" بشكل مدروس.

قد يبدو الحديث متناقضاً, فما ذكرته سابقاً من اختلافات وصعوبات صحيح, ولكنه يرسم صورة غير كاملة للواقع, صورة تعاكس ما يجب استنباطه من تجارب من وازن بين التحضير للستيب واجتياز الامتحانات الجامعية. ما يشرح التناقض الواسع هو ببساطة أنك في اجتيازك للامتحان, أي امتحان, لست في معركة مع واضع السؤال بالضرورة, بل إن منافسك هو الطالب الذي يجلس بجانبك ليجتاز الامتحان معك. وعلامتك بالامتحان تعكس بشكل جزئي ترتيبك ضمن دفعتك. وبشكل تقليدي, مجمل ما يفعله الطلاب للتحضير للوطني هو محاولة “بصم” كل ما يعترض طريقهم من المصادر التقليدية (النوط وبعض المراجع) وتلك مهمة صعبة جداً, فسوف ينتهي بهم المطاف بالتخمين في كثير من الأسئلة, تماما كما تفعل أنت, وقد تتفوق عليهم بقدرتك على المحاكمة السريرية والتمكن من الأساس الطبي. أي أن أفضل وسيلة للتحضير للوطني لمن يريد علامة جيدة (٨٠-٩٠٪) هي بإدراك أنه سيلجأ لل"تشليف" بكل الأحوال ومحاولة التفوق في هذه الطريقة, وأن الوقت المصروف على الدراسة من المصادر التقليدية قد يكون وقت ضائع بشكل كبير ولا يحقق زيادة محسوسة في النتيجة, بل من الأفضل استثماره ببناء أساس طبي قوي من مصادر ذات جودة عالية.

إذا النجاح بهذه الطريقة يعتمد بشكل كامل على التخمين العشوائي؟على الإطلاق.. قد يبدو ما تدرسه للتحضير للستيب سطحياً في بعض الاحيان مقارنةً بمقررات الجامعة, ولكنه بالمجمل أهم ما يجب أن يعرفه أي طالب طب, وبالنتيجة أهم ما يمكن لواضع السؤال أن يستخدمه كمادة لوضع الأسئلة. معظم الأسئلة تحوم بشكل أو بآخر حول نفس العناوين المهمة, مع ورود عدد من الأسئلة غير المهمة (من وجهة نظر الستيب) وبعض الخيارات غير المعروفة لك، حتى ضمن الاسئلة المهمة، وهنا موضع التخمين. بالإضافة لذلك, واضع السؤال ليس محترفاً بإخفاء نواياه, أي أنه في كثير من الأحيان يكون الجواب واضحاً من شكل السؤال أو شكل الإجابات فقط. بالتالي، ونظراً لكل ما سبق, إن دربت نفسك على التركيز على المعلومات المحورية التي درستها من مصادر الستيب (التي لا يستهان بها), واستخدمتها للمناورة والتخمين أحيانا, والاستفادة من شكل السؤال أحيانا أخرى, سينتهي بك المطاف غالباً بعلامة ممتازة, وهو ما حصل مع جميع من أعرفهم من من اجتاز الستيب. وبهذا توفر السنة الأخيرة بشكل كامل لدراسة الستيب وبنفس الطريقة يمكنك توفير السنوات الجامعية كلها، وهو ما فعلته شخصياً بدءاً من الفصل الثاني من

ومشان اذا رسبت وهوة منجحك ما تروح تخربلو بيتو او ما شابه. بشكل عام يلي حاسس كتابتو منيحة ممكن يوفر المبلغ ويورجي الرسالة لناس اخدين الفحص واذا ناجحة يتوكل. مع أو دون ما يعتمد على OET online او الخدمات المشابهة, مع اني لقيت ال feedback تبعن مفيد نوعا ما.

Speaking:

هالقسم بينعمل بالبيت قبل او بعد الفحص الفعلي, انا عملتو قبل بيومين. هوة عبارة عن roleplay على جولتين مع ممثل (وليس مع المصحح). هالمقابلة مسجلة وبتنعرض على لجنة بتقوم بالتصحيح. هالجماعة معظمن موجودين باستراليا لهيك توقع التوقيت يكون فايت بالحيط (حسب مكان تواجدك). الفحص بينعمل على زوم وبيعطوك رابط الموعد لما تحجز.

لازم تكون بغرفة مرتبة وعلى كومبيوتر بمواصفات معينة موجودة عالموقع مع ويكب كام قوية لان بدها تسمحلو يقرا المعلومات على باسبورك يلي بتكون مكتوبة بخط صغير. ممنوع حدا يكون معك بالاوضة او يفوت لعندك. وبخلوك تفتش حالك وتورجيهم جيوبك وتحت البنطلون وهالحكي يلي نفسو بالبرومترك تبع الستيب. حتى بيطلبو منك مراية (ما جبت مراية انا) والشاشة التانية ممنوعة ففكيناها وضبيناها بالخزانة. وخلاني حرك الكمرا وورجيه ورا الكوبيوتر والكيبورد وهالحكي. ما بعرف شو كان بدو يساوي لو الويب كام ملزوقة بالكومبيوتر. طبعا اكيد الانترنت بدو يكون خارق واذا بتفصل كذا مرة بيلغو الفحص وبيطلبو منك تحجز مرة تانية.

التمثيلية بتتضمن انو الممثل يلعب دور المريض او والدو\المسؤول عنو. قبل ما تبلش التمثيلية معك وقت مستقطع ما محسوبة علامتو بيسالك فيه عدة اسئلة لكسر الجليد ومشان تاخد راحتك. بعدين بيعطيك كرت مكتوب عليه السؤال. بكون عليه الشي المطلوب منك كطبيب بهالحالة. قبل ما يبلش الفحص طلب مني الممثل انو اذا عندي أسئلة عن الحالة اسالو. (كان ابنو هوة المريض ومعو التهاب حلق وبدو يعطيه مضادات حيوية وانا هدفي اشرحلو الحالة وليش مافي داعي للمضادات) انا سالتو شو لازم يكون اسمك هون وشو اسم الولد واذا هوة مذكر او مؤنث, وجاوبني. هالشي ريحني باني حسنت اتخيل انو الحالة واقعية وجاوبت كان هاد مريض فعلي قدامي. الوقت محدود جدا لهيك حاول تكون مخطط كمية الاهتمام يلي بدك تعطيها لكل قسم وما تسترسل كتير. بساعدك انو تستخدم الورق الفاضي يلي بيمسحولك فيه برسم خطة سريعة وتاخد وقتك كامل بالتفكير قبل ما تبلش المحادثة (بيعطوك دقيقة). انا بوحدة من التمثيليتين ما كملت المطلوب مني وبظن راحت عليي ال A لهالسبب

التدريب بكون انك تجيب واحد أجنبي أو لغتو منيحة, او حدا اخد هاد الفحص شخصيا, وتدرب معو عالعينات يلي عالموقع الرسمي. وكمان لاحظت انو في تساهل بالتصحيح من ناحية النجاح بس التميز صعب.

من مزايا الفحص عالكومبيوتر أنو فيك تعمل نسخ ولصق. هالموضوع مفيد بالقراءة والكتابة لأن فيك تنسخ المفردات والجمل الصعبة وضمنا عنوان مستلم الرسالة ومن هالنحو, وعملية اللصق بتسرع العملية. حتى بالقراءة لما تملأ الفرغ لازم يكون الكلام متل مو مذكور بالنص بالحرف لهيك النسخ بريحلك بالك. على ما أذكر جربت طريقة النسخ عن طريق الماوس وعن طريق الكيبورد (Cntrl + C) وحدة منهم بس زبطت مو متذكر أي وحدة.

) وبالنهاية بتحط النصايح الخاصة فيك وشو المطلوب من الدكتور يلي عم يشوف الحالة (عادة بكونو ذاكرينلك هالمعلومة بنص السؤال)

الcharts الطبية بكون فيها اختصارات كتير ولغة غير مترابطة لحتى يكتب الدكتور بسرعة. الهدف هون ببساطة انك تفك الاختصارات وتربط بين العبارات.

طول جسم الموضوع (من عدا الحباشات تبع العنوان والdear dr. / sincerely الخ.) لازم يكون 180 - 200 كلمة

شكل الموضوع موجود بالعينات بس بما اني كنت شخصيا محتار بالبداية رح حاول لخصو هون مع الانتباه عالفراغات/الأسطر الفاضية:

اسم المستلم كاملا مع Dr
شغلتو (مثلا cardiologist)
المكان يلي بيشتغل فيه من عيادة او مشفى
العنوان باختصار (ممكن بس اسم المقاطعة)

التاريخ تبع الرسالة (منشأ الفحص من أستراليا ولكن ما حيحاسبوك اذا بلشت باليوم-نظام استرالي- او بالشهر-نظام امريكي-) بس استخدم يلي بدك تستخدمو بكل الرسالة

هون بتحط RE: وبعدا اسم المريض كاملا وبعدا فورا أو بتنزل سطر بتضيف تاريخ الولادة للتاكيد (DOB: dd MONTH yyyy)

هون Dear Dr. مع الاسم الاخير فقط للدكتور

هون الغرض من الرسالة باختصار (تحويل مريض بتاريخ كذا والمطلوب كذا) جملتين مو اكتر

بتبلش سرد التاريخ المرضي بما يتناسب مع الحالة يلي بتهمك وبتسلسل زمني

بتكمل التاريخ المرضي وممكن تضيف الريسك فاكتورز متل التدخين والكحول والسمنة والتاريخ العائلي والسوابق المرضية. او ممكن تحط هدول لحالن بباراغراف مستقل.
أخر باراغراف مهم بتكتب فيه شو صار اخر الشي مع المريض واستدعا التحويل.

بتحكي بجملة وحدة او 2 شو المطلوب من الطبيب المحول اليه وبتشكرو.

هون بتحط Yours sincerely (مع او بدون فاصلة)

هون بتحط Doctor (الطبيعي يكون مذكور اسمك الاخير بس هون ما لازم تذكرو والله أعلم لانو فحص)

طريقة التدريب: فتاح العينات يلي ناشرينها عالموقع, قبل ما تشوف الاجابة, حاول تكتب اي شي من يلي بتعرفو وحسب ما قريت عن المطلوب بشكل عام, بعدها طلع عالعينة يلي هنة كاتبينها (بتكون بنفس الPDF) وقارن مع يلي انت كتبتو. مو غلط ابدا تنسخ عبارات ومصطلحات منهم وتصير تستخدمها. الحقيقة انو هي الطريقة الأسرع انك تنجح بهاد القسم. بيبقى انو يكون عندك طريقة لربط تاريخ المريض بالشي المطلوب من الرسالة وتذكر التسلسل الزمني. يمكن تفكر انو اذا عملت rephrasing للشي المكتوب بالnotes تبع المريض قبل ما تكتبو بالرسالة بتتحسن علامتك. هالحكي مو دايما صح, لان كلما كتبت من مخك اكتر اتحمال تخبص اكتر وتبعد عن الموضوع. لاحظت انو بهمن بالتصليح النضافة من الاخطاء القواعدية واللغة الصحيحة وبسامحوك اذا قلدت الصيغة يلي هنة كاتبينا بالnotes اذا كانت مناسبة للسياق اللغوي.

أنا حتى اتاكد من اني بنجح بالكتابة كانت الطريقة الوحيدة اني اشترك مع OETonline (للتوضيح هي شركة خاصة ومالها علاقة رسمية بالفحص) وبتكلف 60 دولار تقريبا لأصغر خدمة بقدموها يلي هية تصحيح 3 رسائل. والجماعة بطولو وممكن يطولو كتير, اكتر من اسبوع. الشب يلي كان عم يصححلي اسموNathan (ما بنساه). نيمني لقبل الفحص بيومين (اسبوع تاخير من اول رسالة بعتلو ياها يلي كنت كاتبا تجربة ومالي مركز فيها, بس كانت منيحة نوعا ما). وقال C+ وعطاني feedback. انا هون فورا كتبت وحدة تانية وبعتلو ياها وقلتلو يستر على عرضك فحصي بعد يومين. هون وعدني انو يصلحلي ال3 قبل فحصي, وصححلي التانية وكمان C+ وبعلامة اقل. أنا استغربت وصرت اتدرب بمواضيع من الموقع الرسمي ل OET وبعتتها لناس اخدين الفحص من قبل وقالولي بتنجح بعلامة عالية. هون اطمنت وبعتت اخر موضوع للأخ Nathan ووصلني صباح الفحص (علامة C+ بس احسن من يلي قبل) وقال انا واثق بقدرتك عالنجاح. انا طنشتو ورحت عالفحص.

بالفحص كتبت بشكل اسوأ من يلي كتبتو بفترة التحضير (الكتابي بيجي بعد القراءة والسماع بنهاية الفحص وكنت تعبان) وجبت اعلا بكتير (B). بس مع هيك كانت علامتي بالكتابة اسوا من بقية الأقسام. بظن هالحكي طبيعي لان هون بدهم شكل معين للموضوع الو علاقة برسائل التحويل وبالمعية بقيسو بقية قدراتك اللغوية بالكتابة بشكل سطحي. صعب الواحد يتميز عن غيرو برسالتو الا بالنضافة من الاخطاء. لهيك بظن يلي عم يصحح ما بحط فوق النجاح بكتير الا اذا انفلج بالرسالة. وأظن بحاولو ما يرسبو حدا الا اذا كمان كانت فاشلة. الناس يلي عم ترسب عادة عم ترسب بالقراءة مو بالكتابة. باختصار لاحظت انو ما بحطو علامات عالية ولا واطية. بما انو المطلوب هو النجاح (C+) ما بنصح الا بالتدريب على عدة رسائل (عشرة مثلا) وغالبا حتكون جاهز. (هالحكي مع العلم انو التصحيح في الو سستم معين ومو معتمد بشكل كلي على مزاج المصحح)

بالنسبة لجماعة OET online اتضح معي انو الغلط من عندن (او عند Nathan شخصيا). تصحيحو ظالم نوعا ما وكمان العلامة يلي بيعطيها اقل من ما يبدو معك من سياق الفيدباك (يلي هوة كمان بقدملك ياه). انا بظن هنة بقولو الاحسن يرسب عندي وما يرسب بالفحص.

تجربة OET:

تعريف بالفحص:

هو فحص لغة مشابه للتوفل والايلتس ولكن أسهل بقليل. الهدف منه تقييم اللغة الطبية ولكن يحتاج الى اتقان اللغة بشكل عام.

يتكون من أربع أقسام: سماع, قراءة, كتابة, وقسم مستقل للمحادثة.
العلامة من 500
النجاح من أجل الماتش 350+ (B) في كل قسم عدا الكتابي (قسم واحد أقل من 350 لازم تعيد الفحص)
من الشائع انو يلي بجيب تحت ال350 يقدم على اعادة تصحيح لأن احتمال تتعدل العلامة بدون ما يعيد الفحص (من عدا الكتابي بكفيC+ , 300, ما كنت بعرف هالحكي وعرفتو من فترة قريبة)

يمكن إجراء الفحص على الورق, على الكومبيوتر في المركز, أو على الكومبيوتر في البيت (بلدان محددة فقط لا تشمل سوريا)
التكلفة حوالي 590 دولار استرالي (حاليا390$ بس كان اكتر من هيك عوقتي لان كان الاسترالي غالي)

صلاحية الفحص بعد النجاح: سنتين

الاستخدامات: أصبح يستخدم لجميع الطرق (باثويز) اللازمة للحصول على ECFMG Certificate بعد الوباء, ويمكن يلغوه بالفترة القادمة ولكن المتوقع أن يتم الاعلان عن ذلك قبل فترة جيدة بتسمح بتغيير الخطة إن لزم.
يمكن الاستعاضة عن التوفل به عند التقديم على فرص تدريب سريري ببعض المشافي التي تطلب فحص لغة اجباري.

تجربتي بالفحص بتبدأ بفهم طبيعة الفحص. الهدف منو قياس تمكنك من الانكليزي بشكل عام والانكليزي الطبي بشكل خاص, لهيك الشخص المتمكن مالو بحاجة دراسة كتير لهالفحص. والشي يلي بحدد هالموضوع , متل اي موضوع, هوة الفحص التجريبي. في منهم 4-5 على الموقع ولكل الاقسام.

أصعب شي بالفحص بالنسبة الي كان التعرف عالفحص وفهم مداخلو ومخارجو. لهيك الهدف من هالتجربة حاول انقل يلي فهمتو ( ولو كان بسيط لقصر فترة التحضير) لحتى يلي بدو يختبر يبلش فورا بدون فترة حيرة طويلة.

قبل بشهر ونص بلشت بالتعرف عن طريق أني اخد اسسمنت reading و listening نجحت فيها وبعدا نيمت الموضوع شهر لبين ما عرفت لوجستيات الحجز والامتحان. حجزت بولاية تانية لان الولاية يلي كنت فيها ما فيها اي مركز امتحاني. وحاكيت ناس هنيك حتى يعرفوني عالمنطقة واستضافوني عندن فترة التحضير (الله يزيهم الخير), يلي كانت كلها اسبوع تقريبا.

الفحص في جزء منو Speaking بينعمل اونلاين (بالبيت) لهيك عند الحجز لازم يكون عندك set-up مناسب لهالموضوع من حيث سرعة الانترنت والكومبيوتر والويب كام. بسوريا في معاهد بتحجزلك غرفة مع انترنت سريع بفترة الفحص (عم احكي عقسم المحادثة فقط هوة يلي بينعمل بالبيت, بقية الفحص مو ممكن بسوريا وما بتحسن تعمل OET @ Home بسوريا حسب ما سألتهم وجاوبوني). أنا فضلت أعملو بأمريكا (لما كنت هنيك) لاخلص من هالسيرة كلا و عملت الSpeaking عالPC تبع الشخص يلي كان مستضيفني.

Listening: A, B, and C.
A: املأ الفراغ بكلمة او جملة قصيرة
B: اختيار من متعدد
C: اختيار من متعدد
Overall: هاد القسم بعتبرو شخصيا أسهل قسم وصعوبتو الوحيدة انو ما لازم تشرد, لازم تحل السوال وانت عم تسمع والتركيز عهالشغلتين مع بعض صعب شوي. باقسام الاخيرة بيقلولك اقرا قبل ما يعطوك السماعي وهاشي بساعد بس مو بشكل كامل لسببين. أول سبب انو الوقت ما بكفي تقرا كلشي بتمعن, وتاني سبب هوة حتى لو قريت بدك ترجع تقرا لتتاكد انو تفكيرك صح وتختار الاجابة لي بدن ياها. اذاحسيت حالك شردت وضيعت اسبق لقدام سوال وضحي بالسوال يلي قبلو مشان ما يروح عليك القسم كلو. انا ما صار معي هالشي بالفحص مع اني كنت خايف منو, كنت مركز منيح بالسماعي وجاوبت كلشي تقريبا..

Reading: A, B, and C.
A: فيه اسئلة املأ الفراغ وفيه اسئلة بدك تحدد فكرة معينة بأي قسم من النص موجودة
B:اختيار من متعدد
C:اختيار من متعدد
Overall:
المشكلة الاكبر بهاد القسم هية الوقت,لهيك التدريب على الموقع الرسمي عن طريق العينات يلي فيه ولازم تركز انك تخلص عالوقت. أناعملت عدة اسيسمينتس ولما لقيت حالي عم جيب بين35-40 من أصل 42راح التوتر باتجاه هاد القسم. أظن انك بحاجة ٣٠-٣٢ جواب صح لتحصل علامة النجاح بس مافي شي رسمي.

Writing:
هاد كان أكتر قسم بدو شغل لان بيحتاج شوية تدريب ومالو مرتبط بشكل كامل بقدرتك عالكتابة الابداعية بالانكليزي.
القسم هون بدهم ياك تكتب referece letter بتحول فيها مريض من عيادة/مشفى/دكتور ل عيادة/مشفى/دكتور تاني
شغل مخيلتك وتخيل الاحتمالات الممكنة
أنا شخصيا اجاني واحد بدو ينقل مكان سكنو وانا طبيبو الرئيسي وبدي حولو من عيادة غدية متابعتلو السكري تبعو لعيادة قريبة على بيتو الجديد.

بيعطوك النوتس تبع المريض بشكل charts وبكون فيها معلومات المريض مختصرة وكاملة. بدك تختار الشي يلي بهم الحالة يلي عم تحول المريض فيها.

المطلوب تحكي عن سبب التحويل, وتاريخ المريض بالتسلسل الزمني وحسب الشغلات المهمة لالك نظرا لغرضك من الرسالة (اذا عم تحولو مشان DKA صارت معو, بتذكر الشغلات المرتبطة فيها متل تاريخ السكري وكيف تطور وعلاجو الدوائي, الخ..

وصولك لأمريكا لا يعني بشكل تلقائي تحسن اللغة, أكيد رح تتعلم بشكل أسرع بكتير بسبب إحاطتك بأجانب وعامل الضرورة, ولكن مع غياب النية احتمال تتم لغتك متواضعة سنين طويلة ويوجعك راسك بسبب هالموضوع.

التسجيل الصوتي والسماع من الطرق الجيدة لتحسين النطق والمحادثة بشكل عام.

محادثة الأجانب ما عاد موضوع صعب بوجود الانترنت ومن الوسائل هي discord وبعض التطبيقات يلي بتوصلك بأجانب مقابل انك تعلمن عربي متل Tandem.
المشكلة انو كتير اجانب (أمريكان بالذات) كانو يرسبو بالانكليزي بالمدرسة ومو شرط تتعلم منهم بنفس جودة تعلم من محتوى مشغول عليه بشكل سابق (محاضرات, وثائقيات, الخ).
حاول تختار الشخص الفصيح وتحكو بسياق علمي ان امكن حتى تستفيد من اللغة الرسمية مو بس اللغة الشائعة.

لا تقنع حالك وتقول (انا انكليزيتي منيحة), من مصلحتك انك تقنع حالك انها مو منيحة حتى تتم عم تحسن, والسؤال الصح هو"هل صارت انكليزتي جيدة بما فيه الكفاية لأتفوق عغيري من الأجانب (غير الأمريكان) بالماتش؟"

أهمية اللهجة: اللهجة الجيدة عامل إيجابي (بسبب ندرتها) وبحبوها كتير. اللهجة السيئة (المثال الشائع لهجة بعض الهنود) مالها عائق كبير (بسبب شيوعها) بس المهم يكون في فصاحة واستخدام صحيح للقواعد والمفردات, ساعتها اللهجة موضوع ثانوي. النصيحة انك تشتغل عاللهجة بحيث ما تكون تقيلة وتحكي بشكل انيق, لانو موضوع مع الوقت مالو صعب وبساعد.

الشخص يلي مالو حاطط ببالو السفر اكيد لسا ينصح يشتغل عاللغة بنفس الجهد او جهد اكبر لان محا يكون حواليه عوامل مساعدة متل يلي ساكن ببلد متحدث باللغة. الانكليزي هي لغة العلم حاليا وللاسف لح يتعذب يلي ما بيشتغل عليها وين ما راح.

الدراسة باللغة الانكليزية (من مصادر متل UW, BnB, AMBOSS) رح تحللك موضوع اللغة الطبية وبالبداية صعبة بس بتتعود عليها بسرعة.

تجربة الOET ثانوية ومافيها شي مميز, التحضير الو هو تقوية المهارات ال٤ بشكل رئيسي (عالمدى الطويل) والتدريب عالفحص نفسو بشكل ثانوي قبل الفحص بفترة وجيزة, ورح احكي عليه ببوست قادم.