#тескари_ҳақиқатлар Ҳамма китоб ўқийдиган олим: сотка ўйнайдиган дангаса йўқ

Табиий газ вип: ёзи билан ёпилган таппилар бекор…

Светлар ўчмайди: шам ёруғини қўмсайди одам…Шаҳобчаларда навбат йўқ: метан, бензин тиқилиб кетган…

Йўллар яхмалакдек текис: ўнқир-чўнқирлар, ямалар учрамайди…

Институтларда таълим юқори даражада: чет элга қора ишчи етказиб бериш, деган гап йўқ…
Ҳамма бой, меҳнат ва иш билан банд: камбағал, елкасига тўрвахалта осган ишсиз кўринмайди…
@Leyla_Tun_Qizi

Эгилсам, кўп нарсаларга эришиш имконим бор эди:
Тик қолишни афзал билдим…

@Leyla_Tun_Qizi

Қорбобога смс ёздим:
- Ҳурматли Қорбобо, янги йилда қишлоқларга газ, мошинчига бензин, арзон метан бер!

Қорбободан жавоб келди:
- Бор нарсани сўра!

Мен:
- менга кўпроқ пул ва 10 кгга озиш керак.

Қорбобо:
- ўзимдаям шу муаммо!

Мен:
- унда одамлар орасига қайноқ меҳр бер!

Қорбобо:
- Яхшиси, биринчи тилагингни янги йилнинг апрел ойида бераман……. насиб бўлса!

@Leyla_Tun_Qizi

Орқамдан гапирган итларга эмас,
Уларга ишонган қўйларга кулдим.
Хотинсифат бўлиб ғийбатни олар,
Эркакман, деб яна дунё жар солар...🎼

Р/S: конкрет қўшиқ,  қайта-қайта тинглайман шуни. Овозини бадабанг қўйиб, тингланг! 🤟**
@Leyla_Tun_Qizi

Болам-чақам, дея
Оилам, дея…
Умрин “пробка”га қоққан, Ўзбегим

“Метан бўлмаса ҳеч, бензин олай” деб
Жонин заправкада ёққан, Ўзбегим

Тирикчиликмас, Тирриқчиликни
Элдан устун қўйган
казо каслардан -
куйган, тўйган, тилин тийган, Ўзбегим…

@Leyla_Tun_Qizi👇👇

Биринчи топган уч сўзингиз ҳаётингиз ҳақиқатларидир.
Улар қайси сўзлар, комментарияда қолдиринг.

@Leyla_Tun_Qizi

Инновация қиламан, деб ўзингизни тўрт томонга урманг!
Бунинг учун ишлани каллатиш керак😄

P/S: бизни подвалга шуям бўлаверади.

@Leyla_Tun_Qizi

Саҳар соат 04:00. Эшик тақиллаб, язнам(почча) келди. Орқасида ҳассасини дукиллатган опам:

- Эшикни оч, одаммисан, шу пайтгачаям ухлайсанми?-ўқрайди.

-Ҳа, тўғри, одам ухлайди, ман одаммас, чумчуқман чумчуқ,-дедим саломлашиш эсдан чиқиб, эснаб-эснаб.

- Огородга келинглар, деб нақ 560 кишини ичида жар солибсан!

- Оббо, уйқуни белига тепдийз!

Гапим оғзимда қолди. Опам “жим бўл, ҳозир ҳассам боради”,-деди.

Шу опам болалигимизда хивич билан сийларди, энди ҳассачасиниям ишга солмоқчи бўлади😀

Язнам ўзига белкурак олди, менга кетмон тутди. Болаларга супурги.

- Эгилиб-эгилиб супиради қоққан қозиққа ўхшамай,-деди опам.

- Массилама, одамдай ишла,-деди язнам.

- Боринг, хотинчайизга айтинг, нима, ҳамма иш бизгами?-дейман тапчанда ишламай, мушукка ўхшаб қўриб турган опамни кўрсатиб.

Опам кўзини олайтирди.
- Ман молларни соғиб, кўчаларни супириб келяпман, ишла ўзинг,-деди.

- Нима бало, соат 2 да тургандингизми🧐- дейман.

Шу опам бало чиқди-да, борку, 40 йил бурун эрга текканида “қутилдик иш буюришларидан” деб роса қувонган эдик… Баломи? Аввал ўзи иш буюрарди, энди эри билан қўшилишиб, ишлатадиган бўлган.

Бир хаёлим “Борларинг, ана, ҳаммасини ўзларинг қил!”-деб ташлаб қочмоқчи бўлдиму, яна огород ўзимизники экани эсимга тушиб, ичимдан ғудраниб қўйдим. Орқасидан тилимни чиқариб, лабимни буриштириб, ўзимча енгил тортдим😆🤣

…Хуллас, хазонларни кўмиб, ерларни ағдардик. Пишган ғиштдан йўлакчалар қилдик. Токчаларни кўмдик. Гулларни гултувакларга ўтқазиб, зинапояга тердик, исмалоғу глобусли гуллар устидан селлофан тортдик. Насосчаниям селлофанлаб, боғлаб қўйди язнам: худди насос қочиб кетадигандай…

Дарахту кўчатларнинг шохчаларини арралаб, кесиб чиқдик.

- Шохакчаларни олиб кетаман. Тезак ўрнида печда ёқамиз қишда,-деди язнам.

- Ҳо-о, биз одамни одам, шохачани шоакча ўрнида ишлатамиз. Шашликчага ўзимизга керак,-дедим.- огород бизники, хас-хошагиям ўзимизники,-дея баттар қитмирлигим тутиб гапирдим худди ростанам язнам сеткасига солиб кетади, деб ўйлаб🤣🤣

Ҳамма иш якунланди. Ҳаммаёқ шинам. Ужин қилгач, дам олишга кирдик. Ээнди кўзим илинганди, бир пайт опам сапчиб туриб, кетаманни олди. Оббо, нима булар уйқумни бузишга келишиб олишганми?!🤨

- Томийз кетганми, опа?

- Томим эмас, молим кетмасин, дарвозани қулфламабман. Моллар ҳам эсда йўқ, маъраб ётгандир бутун қишлоқни бошига кўтариб..,-деди.

Уйқусиган кўйи бошларим алоқ-жалоқ бўлиб, мен ҳам ноилож турдим.

- Патинкамни артиб қўймаганмидинг, эсинг қаерда?!-деди язнам шу топ.

- Манга нима?!-дедим🤨

- Бўл, сани огородингда лой бўлган, тозала,-деди опам эрчасини гапини маъқуллаб.

- Ҳее, қўшҳўкиз бўлмай кетларинг…-дедим ичимдан ўйланиб.

Опам буни сезди, шекилли:
- Девона бўлибсан, ўзинг ҳўкиз,-деди😂 ва,-бизга кесатиқ қилиб, бутун дунёга жар солгунча, ишинг чиқса, телефон қил,-дея қўшиб қўйди.😃🤣

…Уларни кузатар эканман, опам совқотмасин, деб бошига онамдан қолган рўмолни ташладим. Опам ҳассасини дукиллатганча, худди онамга ўхшаб юриб-юриб кетди…😓

Хуллас, шунақа гаплар

@Leyla_Tun_Qizi

Ёш ўтган сари ташхисчилик қобилиятим намоён бўла бошлаган. Масалан: 35 ёшдан кейин оёқ оғриғига қараб, ёмғир ёғишини, 45 ёшдан кейин бош оғриғига қараб, давлениени, 50 ёшдан кейин подъездларда ўрнатилган камерадек қўшни эшикларга кимлар кириб-чиқишини...…