ለእናት ሀገራቸው ሰማእትነት የተቀበሉትን ፈጽሞ አንረሳም!
ስለሀገር ክብርና ስለሰው ልጆች ነጻነት ሕይወታችሁን ሰውታችሁ፣ አካላቸሁን አጉድላችሁ አንገታችንን ቀና አድርገን በክብር እንድንቆም የከፈለችሁት ዋጋ የእኛም ሆነ የመጪው ትውልድ የሀገር ፍቅር ማስተማሪያ ትምህርት ቤታችን ነው።
ፈጣሪ ሀገራችን ኢትዮጵያንና ሕዝቧን ይጠብቅልን!
እናት ፓርቲ
አዲስ አበባ፣ ኢትዮጵያ
የካቲት ፲፪፣ ፳፻፲፬
????
https://www.facebook.com/105146947885320/posts/483114756755202/

Facebook

Log in or sign up to view

See posts, photos and more on Facebook.

ለመላው የክርስትና እምነት ተከታዮች በሙሉ እንኳን ለብርሃነ ትንሳኤው በሠላም አደረሳችሁ!
እናት ፓርቲ ለመላው የክርስትና እምነት ተከታዮች በሙሉ እንኳን ለጌታችን እና መድኃኒታችን ኢየሱስ ክርስቶስ የትንሳዔ በዓል በሠላምና በጤና አደረሳችሁ በማለት መልካም ምኞቱን ይገልጻል።
የትንሳኤ በዓል ስለሰው ልጆች ድህነት፣ ፍቅር ተወዳዳሪና መተኪያ የሌለው ከፈጣሪ በእርሱ ፈቃድ የተፈጸመ ታላቅ በዓል ነው። የዚህ ታላቅ በዓል የመጨረሻ ግብ የሰው ልጆችን ከነበረባቸው እዳ ነጻ ማውጣትና ዘላለማዊ ድህነት ማጎናጸፍ ሲሆን ጌታ ኢየሱስ ክርስቶስ ለሰው ልጆች ሁሉ ደስታ ይሆን ዘንድ የመጨረሻውን የድህነት ብስራት ያበሰራቸው ብዙ መከራን በፈቃዱ ከተቀበለና ፈተናዎችንም ድል ካደረገ በኋላ እንደሆነ ይታወቃል፡፡
ኢየሱስ ክርስቶስ ይህንን የመጨረሻውን የመከራውን ፍጻሜና የሰው ልጆችን ከእዳ ነጻ ያደረገበት የትንሳኤው ብስራት ከመታወጁ በፊት ብዙ መከራን ተቀብሏል። ከትንሳኤው በፊት ለሰው ልጆች ስንቅ ይሆናቸው ዘንድ በምድር ላይ በቆየባቸው ዘመናት በቃሉም በተግባርም ለዓለም የሚጠቅመውንና የሚበጀውን ትምህርት አስተምሯል፤ የሰው ልጆችን ሀሉ ያለአድሎ ወዶ “እኔ እንደወደድኳችሁ እናንተም ተዋደዱ” በማለት የገረፋትን፣ በጥፊ የመቱትን ፣ በሐሰት የከሰሱትን፣ ያንገላቱትን፣ መከራ ያጸኑበትን፣ የሰቀሉትን ጠላቶቹን ወዶ፣ ይቅር ብሎ አሳይቷል፡፡ የተራቡትን አብሉ፣ የተጠሙትን አጠጡ፣ የታረዙትን አልብሱ፣ የተቸገሩትን እርዱ ብሎ ሰብኳል፡፡
ታዲያ ይህ ለሰው የልጆች ሁሉ በዓለም የተሰበከ ትምህርት የት ሄዶ ይሆን አልግባባ ያልነው? ለምን ሰው ባልእንጀራውን እንደራሱ እንዲወድ ታዝዞ ሳለ የባለእንጀራው ገዳይ ሆነ? ሰው የተራበ እንዲያበላ፣ የተጠማ እንዲያጠጣ፣ የታረዘ እንዲያለብስ ታዝዞ ሳለ ለዘመናት ያፈራውን ንብረት የሚያወድም፣ የሚዘርፈ ለምን ይሆን? ይህ ምን ዓይነት ክፉ አዚም ይሆን?
ብዙዎች በአሰቃቂ ሁኔታ ተገድለዋል፤ ህጻነት ያለወላጅና አሳዳጊ ቀርተዋል፤ አረጋውያን ያለጧሪና ቀባሪ ቀርተዋል፤ ባሎች ያለሚስት፣ ሚስቶችም ያለባል ቀርተዋል፤ መንደሮች ወና ቀርተዋል፣ ከተሞችም ፈርሰዋል። ለምን ይሆን???
የተከበራችሁ የእናት ቤተሰቦችና ደጋፊዎች ይህን ታላቅ በዓል የምታከብሩ የክርስትና እምነት ተከታዮች እና መላው የኢትዮጵያ ሕዝብ ሆይ! ሀገራችን እጅግ አሳሳቢ ደረጃ ላይ መድረሷ የአደባባይ እውነት ነው። ውድ ኢትዮጵያውያን ከገባንበት አዘቅት ለመውጣት በተናጥልም በጋራም ሰከን ብለን የምናስብበትና የትንሳኤውን በዓል ስናከብር የሀገራችንን ትንሳኤ እያሰብን እንዲሆን ፓርቲያችን ጥሪውን ያስተላልፋል።
ውድ ኢትዮጵያውያን ከአኩሪ እሴቶቻችን መካከል አንዱ መከራ እና ደስታችን በጋራ ማሳለፍ ነው፤ ስለሆነም እሴታችሁን አጠናክራችሁ እንድትቀጥሉ እየገለፅን በዓሉ የጥላቻ ትርክቱን፣ ጎጠኝነቱን እና ተረኝነቱን በመዝጋት የኢትዮጵያን የቀደሙ መልካም እሴቶች፣ አባቶቻችን የቆለፉብንን የስልጣኔ በር እና የኢትዮጵያዊ አንድነትን የምንከፍትበት በዓል ያድርግልን። ማስተዋል ፀጋው የሆነ አምላክ በጎሳ ጎርፍ ጅረት ከመትመም እንድንወጣ ማስተዋልን ያድለን።
በወቅታዊ ጉዳዮችም ሆነ በማንኛውም ምክንያቶች በችግር ውስጥ ያሉ ወገኖቻችንን በማሰብ በዓሉን እንድናከብረው ፓርቲያችን ጥሪውን ያስተላልፋል።
ኢትዮጵያዊያን ሃይማኖታዊ በዓላትን በጋራ ተከባብሮ በአብሮነት የማክበር የኖረ አኩሪ እሴት ያለን ድንቅ ህዝብ ነንና ፓርቲያችን ለመላው የክርስትና እምነት ተከታዮች በሙሉ እንኳን በሰላም አደረሳችሁ ይላል።
መልካም የፋሲካ በዓል!
ፈጣሪ አምላክ ኢትዮጵያን እና ህዝቧን ይባርክ!
ምልክታችን በእጅ የተያዘ ቁልፍ ነው፣ ቁልፍን ይምረጡ!
እናት ፓርቲ
አዲስ አበባ

ወድ የእናት ፓርቲ አባላት

@enatparty @enatparty ለሁሉም በማጋራት ወዳጅነታችንን እናብዛ!

የእናት ፓርቲ የሬድዮና ቴሌቪዥን የአየር ስዓት ድልድል መርሀ ግብር

በቀን 14 አማራ ሬድዮ ከቀኑ 6:00 ስዓት
በቀን 14 ኦሮሚያ ሬድዮ ከቀኑ 7:00 ስዓት
በቀን 14 አማራ ቴሌቪዥን ከምሽቱ 2:00 ስዓት
በቀን 15 ኢቲቪ ዜና ከምሽቱ 2:00 ስዓት
በቀን 15 ኦሮሚያ ቴሌቪዥን ማታ 2:00 ስዓት
በቀን 15 ደቡብ ቴሌቪዥን ቀን 7:00 ስዓት
በቀን 15 ፋና ሬድዮ ጠዋት 2:00 ስዓት
በቀን 15 ደቡብ ኤፍኤም ማታ 2:00 ስዓት
በቀን 15 ሐረሪ ኤፍኤም 101.4 በአማርኛ፣ኦሮምኛ እና ሐረሪኛ ከቀኑ 5:00 ስዓት ስለሚተላለፍ እንዲከታተሉ ተጋብዘዋል።

እናት ፓርቲ
አዲስ አበባ

የከፍተኛ ትምህርት ተቋማት ተማሪዎች የመራጮች ምዝገባን አስመልክቶ ከኢትዮጵያ ብሔራዊ ምርጫ ቦርድ የተሰጠ መግለጫ

የኢትዮጵያ ብሔራዊ ምርጫ ቦርድ የከፍተኛ ትምህርት ተቋማት ተማሪዎች የመራጮች ምዝገባ በኢንተርኔት እንደሚከናወን ማሳወቁ እንዲሁም ይህንን ሂደት ለፓለቲካ ፓርቲዎች ማቅረቡ እና ምክክር እንደተደረገበት ይታወሳል። በዚህም መሰረት የከፍተኛ ትምህርት ተቋማት ተማሪዎች ለሚቀጥሉት 15 ቀናት እስከሚያዝያ 26 ቀን 2013 ዓ.ም ድረስ ከዚህ መግለጫ ጋር ተያይዞ በሚገኘው እንዲሁም በብሔራዊ ምርጫ ቦርድ ድረገጽ እና በማህበራዊ ገጾቻችን በሚገኘው ማስፈንጠሪያ (ሊንክ) በመጠቀም መመዝገብ የሚችሉ መሆኑን እንገልጻለን።

የፓለቲካ ፓርቲዎች፣ ሚዲያዎች እንዲሁም ከፍተኛ ትምህርት ተቋማትም ይህንን የኦንላየን ምዝገባ ለተማሪዎች የማስተዋወቅ የተለመደ ትብብራችሁን እንጠይቃለን።
የመመዝገቢያ ሊንክ - http://www.nebe.org.et/ovrs

ኦንላይን የመራጮች ምዝገባ ስርዓት መምሪያ https://drive.google.com/file/d/1ZH3rlNvGKgiRGbf6goB_09dZ_XC5k3ZL/view?usp=sharing

የኢትዮጵያ ብሔራዊ ምርጫ ቦርድ
ሚያዝያ 12 ቀን 2013 ዓ.ም