#таълим

ЎҚУВЧИ МАКТАБГА ТЕЛЕФОН ОЛИБ КЕЛИШИ ВА ФОЙДАЛАНИШИ МУМКИНМИ?

ЎЗБEКИСТОН РEСПУБЛИКАСИ ВАЗИРЛАР МАҲКАМАСИНИНГ
139-сонли "ЎЗБEКИСТОН РEСПУБЛИКАСИ ТАЪЛИМ МУАССАСАЛАРИДА МОБИЛ ТEЛEФОНЛАРДАН ФОЙДАЛАНИШНИ ТАРТИБГА СОЛИШ ЧОРА-ТАДБИРЛАРИ ТЎҒРИСИДА"ги қарорига мувофиқ, ўқувчилар қандай ҳолларда дарсда телефондан фойдаланишлари мумкинлиги ҳамда мумкин эмаслиги кўрсатилган.

Таълим муассасасига кириб келишда ҳар бир таълим олувчи, ходим, келувчи ва бошқа шахслар ўз телефони абонентининг чақирув овозини тўлиқ ўчириб қўйиши (телефонни «овозсиз» режимга ўтказиши) шарт. Таълим муассасаларида ўтказиладиган ўқув машғулотлари ва тадбирлар (сафланиш, тарбиявий соатлар, байрам, спорт тадбирлари ва шу кабилар) бошланишидан олдин таълим олувчилар:
🔺телефонини ўчириб қўйиши;
🔺телефонини портфели, сумкаси ва шу кабиларга солиб қўйиши шарт.

Низомга кўра, ўқув машғулотлари вақтида: телефон орқали сўзлашиш ҳамда СМС (ММС) ва бошқа турдаги хабарларни жўнатиш, телефонни стол устига қўйиш, мусиқа, шу жумладан наушниклар орқали тинглаш, сурат ва видео тасвирларни кўрсатишда телефондан фойдаланиш (ўйинлар билан шуғулланиш), тасвир (матн, расм, видеоёзув ва фотосуратлар) кўриш, диктофон, калькулятор, календар, блокнот, ён дафтарча кабилар сифатида фойдаланиш, суратга олиш ва видео тасвирга тушириш, телефон (ГПРС, Блуетоотҳ, Интернет ва шу кабилар) орқали бошқа хизматлардан фойдаланиш таъқиқланади.

Ушбу Низом талабларини бузган таълим олувчиларга нисбатан қуйидаги таъсир кўрсатиш чоралари қўлланади:
✔️огоҳлантириш;
✔️уларнинг кундалик дафтарига ёзиб қўйиш;
✔️ота-оналарини (уларнинг ўрнини босувчи шахсларни) хабардор қилиш ёки тушунтириш суҳбати ўтказиш учун таълим муассасасига чақириш.

Ушбу Низом талаблари бузилган тақдирда таълим муассасасининг ҳар қандай педагог ходими таълим олувчидан телефонни олиб қўйиш, ушбу Низомни бузганлик ҳолати тўғрисида билдиришнома расмийлаштириш ва уни телефон билан бирга таълим муассасасининг директорига ёки директор ўринбосарига, кейинчалик уни ота-оналарга (уларнинг ўрнини босувчи шахсларга) бериш, ушбу Низом талаблари бузилганлиги ҳолатлари тўғрисида огоҳлантириш бериш ҳуқуқига эга.

Ушбу Низом талабларининг ҳар қандай бузилиши таълим муассасасида (факультетда) тузиладиган директор (декан) раҳбарлигидаги комиссия томонидан, синф раҳбари, таълим олувчининг ота-оналари (уларнинг ўрнини босувчи шахслар) иштирокида, шунингдек ота-оналар (талабалар) мажлисида муҳокама қилинади.

Ушбу Низом талабларига риоя этилишини таълим муассасасининг директори ва унинг ўринбосарлари назорат қилади.

👉Каналга уланиш:
https://t.me/onlayn_yuridik_xizmat

‼️МАКТАБЛАРДА ЎТ ЁҚУВЧИ ШТАТ БИРЛИГИ ҚАНДАЙ ТАҚСИМЛАНАДИ

Халқ таълими вазирининг 2019 йил 28 декабрдаги 406-сонли буйруғи 1-иловаси билан тасдиқланган “Ўзбекистон Республикаси Халқ таълими вазирлиги тизимидаги умумтаълим муассасалари бошқарув, техник, хизмат кўрсатувчи ва ўқув-ёрдамчи ходимларининг намунавий штатлари”га мувофиқ уй-жой коммунал хўжалик тизимига ўтказилмаган мактабларда иситиш мавсумида (5 ой) ўт ёқувчи лавозими:

• локал иситиш тизимида кўмир, торф, мазут ва ҳоказолар билан иситиладиган ҳар бир қозонхонага ҳар бир ўрин алмашиш иш вақти учун 2,0 бирликдан;

• табиий газ ёқилғиси билан ишлайдиган ҳар бир қозонхоналарда (қозонхона ҳажмидан қатъий назар) ҳар бир ўрин алмашиш иш вақти учун 1,0 бирликдан;

• алоҳида кичик қозонлари билан иситиладиган ҳар бир алоҳида манзилда жойлашган бинолар мажмуасига ҳар бир ўрин алмашиш иш вақти учун қозонлар сони 6 тагача бўлса 1,0 бирликдан, 6 ва ундан ортиқ бўлса, 2,0 бирликдан;

• иситиш печлари орқали иситиладиган мактабларда ҳар 5 дона печ учун 1,0 бирлик ҳисобидан келиб чиққан ҳолда (лекин муассаса учун 0,5 бирликдан кам бўлмаган ҳолда) киритилади.

Сиз билан иш берувчи муддатли меҳнат шартномаси тузган бўлиши керак. Меҳнат шартномасида ходимга маош бериш тартиби ёзилган бўлади. Биринчи навбатда, агар сиз билан меҳнат шартномаси тузилган бўлса, уни ўқиб кўринг. Агар сизда шартнома бўлмаса меҳнат инспекциясига бузилган хуқуқларингиз устидан шикоят қилинг.

👉Каналга уланиш:
https://t.me/onlayn_yuridik_xizmat

#таълим

ЎҚИТУВЧИЛАР МАКТАБГА ХИЖОБДА БОРИШЛАРИ МУМКИНМИ?

Энг аввало, Вазирлар Махкамасининг 2018 йилдаги ДАВЛАТ УМУМИЙ ЎРТА ТАЪЛИМ МУАССАСАЛАРИ ЎҚУВЧИЛАРИНИ ЗАМОНАВИЙ ЯГОНА МАКТАБ ФОРМАСИ БИЛАН ТАЪМИНЛАШ ЧОРА-ТАДБИРЛАРИ ТЎҒРИСИДАги қарорини эслатиб ўтишимиз керак. Низомнинг еттинчи бандига кўра:
Ўзбекистон Республикасида аҳоли турли миллат ва диний конфессиялар вакилларидан иборатлиги ҳамда мажбурий умумий ўрта таълим дунёвий характерга эгалиги муносабати билан ўқитувчиларнинг мактаб формасига турли дин ва конфессиялар хамда турли субмаданиятларга мансубликни акс эттирувчи элементларни (ҳижоб, кипа, кашая, хоч ва бошқалар) қўшишга йўл қўйилмайди.

Шу билан бирга, 2023 ўқув йилидан бошлаб ходимларга истисно тариқасида мактабга оқ ва очиқ рангли рўмол ва дўппида боришга рухсат берилади, дея маълум қилинган. Рўмол орқадан ўралиши керак.

Ҳамма учун виждон эркинлиги кафолатланади. Ҳар бир инсон хоҳлаган динга эътиқод қилиш ёки ҳеч қайси динга эътиқод қилмаслик ҳуқуқига эга. Диний қарашларни мажбуран сингдиришга йўл қўйилмайди.

Лекин “Виждон эркинлиги ва диний ташкилотлар тўғрисида”ги Қонуннинг 14-моддаси 5-бандида белгиланган қоидага мувофиқ “Ўзбекисон Республикаси фуқароларининг (диний ташкилотларнинг хизматидагилар бундан мустасно) жамоат жойларида диний либосларида юришларига йўл қўйилмайди”.

Вазирлар Маҳкамаси ҳузуридаги Дин ишлари бўйича Қўмита ибодат либоси тушунчасига расмий изоҳ берган. Унга кўра, Ислом динида махсус “ибодат либоси” мавжуд эмас ва Ислом дини талаб қиладиган аёллар ёпиб юриши лозим бўлган кийимни муслима аёллар ҳар доим, ибодат пайтида ҳам, ундан бошқа пайтда ҳам кийиб юриши мумкин. Демак, хижоб диний либос эмас.

Мактабга шаффоф рангли рўмолни орқадан ўрашга 2023 ўқув йилидан бошлаб рухсат берилган.

Ўзбекистон Республикаси Конститутсиясининг 35-моддасига кўра, ҳамма учун виждон эркинлиги кафолатланади. Ҳар ким хоҳлаган динга эътиқод қилиш ёки ҳеч қайси динга эътиқод қилмаслик ҳуқуқига эга. Диний қарашларни мажбуран сингдиришга йўл қўйилмайди.

Ўзбекистон Республикасининг амалдаги қонун ҳужжатларида ишхоналарда, олий таълим муассасаларида ва умуман жамоат жойларида рўмол ўраб юришни (ҳижобда бўлишни) тақиқловчи нормалар мавжуд эмас.

Шунингдек, Ўзбекистон Республикасининг “Виждон эркинлиги ва диний ташкилотлар тўғрисида”ги Қонунининг 6-моддасига биноан Ўзбекистон Республикаси фуқаролари динга муносабатидан қатъи назар қонун олдида тенгдирлар. Расмий ҳужжатларда фуқаронинг динга муносабати кўрсатилишига йўл қўйилмайди.

Юқоридагилардан келиб чиқиб шуни айта оламизки, фуқароларнинг динга муносабатига қараб уларнинг ҳуқуқларини ҳар қандай чеклаш Жиноят кодексининг 141-моддасида назарда тутилган жавобгарликни келтириб чиқаради.

Жиноят Кодексининг 141-моддасига кўра, жинси, ирқи, миллати, тили, дини, ижтимоий келиб чиқиши, эътиқоди, шахсий ёки ижтимоий мавқейидан қатъи назар, фуқароларнинг ҳуқуқларини бевосита ёки билвосита бузиш ёки чеклаш ёхуд фуқароларга бевосита ёки билвосита афзалликлар бериш — базавий ҳисоблаш миқдорининг эллик бараваригача миқдорда жарима ёки уч йилгача муайян ҳуқуқдан маҳрум қилиш ёхуд уч юз соатгача мажбурий жамоат ишлари ёки икки йилгача ахлоқ тузатиш ишлари билан жазоланади.

Агар сизга шундай босим ўтказишса, улардан ёзма тушунтириш сўранг. Ёзма хулоса холат бўйича юқори турувчи органга мурожаат қилишингиз учун асос бўлади.

👉Каналга уланиш:
https://t.me/onlayn_yuridik_xizmat

ФЕРМЕР ҲЎЖАЛИГИ РАҲБАРИ ЕРИНИ ҚАЙТА ИЖАРАГА БЕРИШ ОРҚАЛИ ҲУҚУҚ ВА МАЖБУРИЯТЛАРИДАН ТЎЛА ОЗОД БЎЛИШИ МУМКИН.

Илгари "Фермер хўжалиги тўғрисида"ги Қонуннинг 4-моддасида фермер хўжалиги бошлиғининг ҳуқуқларини бошқа шахсга ўтказиши таъқиқланади, деган банд бор эди. Фермер хўжалиги рахбарлари фақат ерни иккиламчи ижарага, 1 йил муддатга бериши мумкин эди. Лекин хозирда бу банд олиб ташланган ва ерни қайта ижарага беришга ҳам рухсат берилди.

Ушбу қонуннинг 16-моддаси ҳамда Ер кодексининг 24/5-моддасига кўра, қишлоқ хўжалигига мўлжалланган ер участкасининг ижарачиси ижарага олиш шартномаси бўйича ўз ҳуқуқлари ва мажбуриятларини ер участкасидан асосий фойдаланиш мақсадини ўзгартирмаган ҳолда(эътибор беринг, қайта ижарада ижарачининг хуқуқлари ва мажбуриятлари тўлиқ бошқа шахсга ўтади, иккиламчи ижарада эса, ижарачининг ҳуқуқ ва мажбуриятлари сақланиб қолинган ҳолда маълум муддатга бошқа шахсга ўтади), ер участкасини ижарага олиш шартномаси муддати доирасида бошқа шахсга ўтказиши (қайта ижарага бериши) мумкин.

Бунда:
ижарага олувчи ер участкасидан камида уч йил ўзи фойдаланган бўлиши шарт, мазкур муддат ер участкасига бўлган ижара ҳуқуқи давлат рўйхатидан ўтказилган пайтдан эътиборан ҳисобланади;

юридик шахсларга электрон онлайн-аукцион, очиқ электрон танлов ёки танлов ўтказмасдан давлат органларининг қарорларига кўра тўғридан-тўғри ижарага берилган ер участкаларига бўлган ҳуқуқлар ва мажбуриятларни бошқа шахсга ўтказишга (қайта ижарага беришга) ер участкасига бўлган ижара ҳуқуқи давлат рўйхатидан ўтказилган пайтдан эътиборан беш йилдан кейин йўл қўйилади.

Қишлоқ хўжалигига мўлжалланган ер участкасига нисбатан ҳуқуқлар ва мажбуриятларни бошқа шахсга ўтказиш (қайта ижарага бериш) белгиланган тартибда давлат рўйхатидан ўтказилиши лозим.

Давлат рўйхатидан ўтказилгандан сўнг қайта ижарага бериш натижасида вужудга келган ижара ҳуқуқи рўйхатдан ўтказувчи орган томонидан ер участкасининг ижарага олувчиси ўзгарганлиги тўғрисидаги ахборот (ҳуқуқни давлат рўйхатидан ўтказиш учун асос бўлган ҳужжат илова қилинган ҳолда) тегишли туман (шаҳар) ҳокимлигига электрон тарзда юборилади.

Сиз ерингизни қайта ижарага бериш орқали ерга бўлган хуқуқларингизни тўлиқ бошқа шахсга топширасиз ва сизда у ерга нисбатан ҳеч қандай ҳуқуқ ва мажбурият қолмайди.

?Каналга уланиш:
https://t.me/onlayn_yuridik_xizmat

#пенсия_нафақа

⁉️Савол: Ассалому алайкум аёллар имтиёзли шартлар асосида 50 ёшида нафақага чиқишида декрет даври иш штатидан ажратилиб ташланадими (масалан менинг мехнат штат даврим 31 йил ёшим 50 да декрет даврим тўрт ярим йил) имтиёзли нафақага чиқишимга 4,5(тўрт ярим) йилни ажратиб ташлалади шу тўғрими маълумот берсангиз.Олдиндан рахмат.

‼️Жавоб: "Фуқароларни давлат пенсия таъминоти терисида"ги қонуннинг 12-моддасига кўра, охирги иш жойидан қатъи назар, қуйидагилар ушбу Қонуннинг 7-моддасида белгиланган ёшни(яъни аёллар учун умумий пенсия ёши 55 ёш) 5 йилга қисқартирилган ҳолда пенсия олиш ҳуқуқига эга бўладилар:
а) уруш ногиронлари ва уларга тенглаштирилган шахслар;
б) меҳнат шароити зарарли ва оғир ишларда тўлиқ иш куни давомида банд бўлган ходимлар:
эркаклар — иш стажи камида 25 йил бўлиб, бундан камида 12 йилу 6 ойи кўрсатиб ўтилган ишларга тўғри келган тақдирда;
аёллар — иш стажи камида 20 йил бўлиб, бундан камида 10 йили кўрсатиб ўтилган ишларга тўғри келган тақдирда.

Меҳнат шароити зарарли ва оғир ишларда — эркаклар камида 6 йилу 3 ой, аёллар камида 5 йил — ишлаган ходимларга пенсия ушбу Қонуннинг 7-моддасида назарда тутилган пенсия ёши эркакларнинг бундай ишдаги ҳар 2 йилу 6 ойи учун ва аёлларнинг бундай ишдаги ҳар 2 йили учун 1 йилга қисқартирилган ҳолда тайинланади;
з) болаликдан ногиронлиги бўлган фарзандларнинг оналари уларни саккиз ёшгача тарбиялаган бўлса — иш стажи камида 20 йил бўлган тақдирда. Башарти, аёл ўгай ўғил ва ўгай қизни улар 8 ёшга тўлгунига қадар камида 5 йил тарбиялаган бўлса, пенсия тайинлашда улар ҳақиқий фарзандлар билан тенг равишда ҳисобга олинади;
к) ногиронлиги бўлган болалар учун ихтисослашган таълим муассасалари, “Меҳрибонлик” уйлари, ҳарбий академик лицейлар, тарбия колониялари ўқитувчилари — махсус иш стажи камида 25 йил бўлган тақдирда
л) ихтисослашган тиббий муассасаларнинг шифокорлари ва ўрта тиббий ходимлари — махсус иш стажи шаҳарчалар, қишлоқлар ҳамда овулларда камида 25 йил ва шаҳарларда камида 30 йил бўлган тақдирда
м) қарияларга, ногиронлиги бўлган шахсларга ва ёлғиз фуқароларга хизмат кўрсатишда бевосита банд бўлган ижтимоий ходимлар
эркаклар — махсус иш стажи камида 25 йил бўлган тақдирда;
аёллар — махсус иш стажи камида 20 йил бўлган тақдирда.

Шунингдек, ушбу қонуннинг 37-моддаси ж-бандига кўра, бола 3 ёшга тўлгунча болани парваришлаш таътилларида бўлиш вақти, лекин ҳаммасини жамлаганда кўпи билан 6 йили иш стажига қўшилади. Лекин бу имтиёзли стажга эмас умумий стажга қўшилади. Агар сиз ушбу қонуннинг 12-моддасида кўрсатилган имтиёзли пенсияга чиқиш учун махсус иш стажидан кам стажга эга бўлсангиз, 50 ёшингизда чиқа олмайсиз. Лекин сизни 4.5 йиллик стажингиз умумий стажга қўшилади.

Масалан, 12-модданинг л - бандида ихтисослашган тиббий муассасаларнинг шифокорлари ва ўрта тиббий ходимлари имтиёзли равишда 50 ёшда пенсияга чиқиш учун ушбу ишда шаҳарларда камида иш стажи 30 йил бўлиши кераклиги кўрсатилган. Агар шундай жойда 31 йил ишлаб, орада 4.5 йил декретда ўтирган бўлсангиз, пенсияга имтиёзли чиқолмайсиз. Сабаби 4.5 йиллик декрет даври умумий стажга қўшилади, махсусга эмас. Бундай пенсия учун 30 йил маҳсус иш стажи керак.

?Каналга уланиш:
https://t.me/onlayn_yuridik_xizmat

ВАҚТИНЧА МЕҲНАТГА ЛАЁҚАТСИЗЛИК НАФАҚАСИ ҚАНДАЙ ҲОЛДА ТЎЛАНАДИ? ТЎЛАМАСЛИК УЧУН АСОСЛАР БОРМИ?

Ўзбекистон Республикаси Вазирлар Маҳкамасининг 31.05.2024 йилдаги 314-сонли "Айрим турдаги нафақаларни тайинлаш ва тўлашни тартибга солиш чора-тадбирлари тўғрисида"ги қарорининг 2-бандига кўра, вақтинчалик меҳнатга лаёқатсизлик нафақаси — вақтинчалик меҳнат лаёқатини йўқотиш билан боғлиқ касаллик вақтида (шикастланишда), санаторий ва соғломлаштириш муассасаларида даволанганда, касалланган оила аъзосини парваришлаш зарур бўлганда, карантинда, сил ёки касб касаллиги туфайли вақтинча бошқа ишга ўтказилганда, меҳнат лаёқатини тиклаш ёки ясама аъзо (протез) қўйдириш учун реабилитация муассасаларига ётқизилганда ходим меҳнат мажбуриятларини бажара олмаганлиги учун иш берувчилар томонидан тўланадиган кафолатли қўшимча тўлов ҳисобланади.

Қарорнинг 19-бандига кўра, Вақтинчалик меҳнатга лаёқатсизлик қуйидаги даврларга тўғри келганда нафақа тўланмайди:

✔️иш ҳақи сақланмаган таътил;
✔️иш ҳақи қисман сақланадиган таътил;
✔️болани парваришлаш бўйича таътил;
✔️иш вақтинча тўхтатилган (иш ҳақи сақланмаган вақтда);
✔️ходим ишдан (лавозимдан) четлаштирилиб, иш ҳақи тўлаш тўхтатиб қўйилганлиги сабабли ишламаган;
✔️ҳарбий ўқув ёки текширув йиғини;
ишлаб чиқаришдан ажралмаган ҳолда ўқув юртларида таҳсил олиш муносабати билан берилган ўқув таътили вақтида.

24-бандига кўра эса, ходимларга вақтинчалик меҳнатга лаёқатсизлик нафақаси қуйидаги миқдорларда тўланади:

а) умумий иш стажи 8 йил ва ундан ортиқ бўлган ходимларга ҳамда 21 ёшга етмаган чин (сағир) етимларга ўртача ойлик иш ҳақининг 80 фоизи миқдорида;
б) умумий иш стажи 8 йилгача бўлган ходимларга ўртача ойлик иш ҳақининг 60 фоизи миқдорида.

?Каналга уланиш:
https://t.me/onlayn_yuridik_xizmat

*❗️2024 YILGI QO‘SHIMCHA DAM OLISH KUNLARI BELGILANDI*

? Prezidentning 22.12.2023 yil kuni PF-213-son tegishli Farmoni qabul qilindi.

➖ Farmonga ko‘ra, 2024 yilda quyidagi qo‘shimcha dam olish kunlari belgilandi:

✅ ish haftasining turidan qat’i nazar barcha xodimlar uchun:

➖ 22 mart – juma;
➖ 11 aprel – payshanba;
➖ 18 iyun – seshanba;
➖ 3 sentyabr – seshanba;
➖ 31 dekabr – seshanba.

✅ 6 kunlik ish haftasida ishlaydigan xodimlar uchun:

➖ 2 yanvar – seshanba;
➖ 23 mart – shanba;
➖ 12 aprel – juma;
➖ 31 avgust – shanba;
➖ 30 dekabr – dushanba.

✅ 2024 yilda 5 kunlik ish haftasida ishlaydigan xodimlar uchun ko‘chirilgan dam olish kunlari quyidagicha:

➖ 6 yanvar – shanba kunidan 2 yanvar – seshanba kuniga;
➖ 13 aprel – shanba kunidan 12 aprel – juma kuniga;
➖ 14 dekabr – shanba kunidan 30 dekabr – dushanba kuniga.

✏️ Demak, ushbu farmon xamda 2023 yilgi dam olish kunlarini belgilashga doir o‘tgan yilgi Prezident farmoniga asosan, barcha hodimlar yangi yil arafasida ketma-ket 4 kun dam olishadi:

➖ 30 dekabr — shanba;
➖ 31 dekabr — yakshanba;
➖ 1 yanvar — dushanba;
➖ 2 yanvar — seshanba.

Murojaat uchun: https://t.me/imomalituev_officialhttps://t.me/onlayn_yuridik_xizmat

Telegram

𝙄𝙢𝙤𝙢𝙖𝙡𝙞

https://t.me/onlayn\_yuridik\_xizmat

⚡️Barcha fuqarolar uchun kerakli ISHONCH RAQAMLARI
➡️ O‘zbekiston Respublikasi Prezidentining virtual qabulxonasi – 1000;

➡️ O‘zbekiston Respublikasi Sudyalar oliy kengashi – (71) 215-73-08

➡️ O‘zbekiston Respublikasi Oliy Sudi – 1090; (71) 239-02-74

➡️ O‘zbekiston Respublikasi Bosh prokuraturasi – 1007;

➡️ O‘zbekiston Respublikasi Ichki ishlar vazirligi – 1102;

➡️ O‘zbekiston Respublikasi Adliya vazirligi – 1008;

➡️ O‘zbekiston Respublikasi Sog‘liqni saqlash vazirligi – 1003;

➡️ O‘zbekiston Respublikasi Iqtisodiyot va moliya vazirligi – (71) 203-00-50;

➡️ O‘zbekiston Respublikasi Investitsiyalar, sanoat va savdo vazirligi – (71) 238 50 50;

➡️ O‘zbekiston Respublikasi Maktabgacha va maktab ta’limi vazirligi – (71) 202 09 09

➡️ O‘zbekiston Respublikasi Oliy ta’lim, fan va innovatsiyalar vazirligi – 1006, 55-520-08-08 (198, 199, 200, 201)

➡️ O‘zbekiston Respublikasi Kambag‘allikni qisqartirish va bandlik vazirligi – (71) 203 01 41

➡️ O‘zbekiston Respublikasi Qurilish va uy-joy kommunal xo‘jaligi vazirligi – (71) 210-11-04

➡️ O‘zbekiston Respublikasi Yoshlar siyosati va sport vazirligi – (71) 239-24-52

➡️ O‘zbekiston Respublikasi Bosh prokuraturasi huzuridagi Majburiy ijro byurosi – 1107.

❗️Ushbu ma’lumotni saqlab qo‘ying, juda ko‘p kerak bo‘ladi.

Murojaat uchun: https://t.me/imomalituev_official

https://t.me/onlayn_yuridik_xizmat

Telegram

𝙄𝙢𝙤𝙢𝙖𝙡𝙞

https://t.me/onlayn\_yuridik\_xizmat

334 nafar shaxs afv etildi

Prezident Farmoniga ko‘ra, jami 334 nafar shaxs afv etildi.

Amnistiya va afvning bir-biridan 10 ta farqi

Batafsil o'qish

Murojaat uchun: https://t.me/imomalituev_official

https://t.me/onlayn_yuridik_xizmat

✳️Bugun barcha xodimlar, hattoki 0.5  yoki 0.25 stavkadagilar ham ish (smena)dan kamida 1 soat vaqtli ketadilar va ish haqi kamaytirilmaydi.

(Asos Mehnat kodeksining 187-moddasi)

Murojaat uchun: https://t.me/imomalituev_official

https://t.me/onlayn_yuridik_xizmat

Telegram

𝙄𝙢𝙤𝙢𝙖𝙡𝙞

https://t.me/onlayn\_yuridik\_xizmat