Юрагимга боқдим, ёнар лолазор.
Кенг дунёга боқдим, ғалвали бозор.
Далаларга боқдим: алдамчи баҳор.
Сен уларга алданиб тўкилма жоним.

Сен учун тўкилиб адо бўламан.
Майсанинг дилида пайдо бўламан.
Ҳатто муҳаббатга Худо бўламан.
Ғурурим, дилимдан тўкилмай турсанг.

Хиёнатнинг қонин ичдим тўкилма.
Жонбахш кечалардан кечдим, тўкилма.
Сирларни тинини ичдим, тўкилма.
Тўкилма, тўкилма, жоним тўкилма.

Бир куни юрагим гуллайди чунон.
Қўлларим иккимас, бўлар ўн миллион.
Барча рақибларим қолур безабон.
Фақат сен дилимдан тўкилмай тургин.

Ҳалима  АҲМАД

P/S Ҳалима Аҳмадни кўпчилик танимайди. Аммо у ёзган шеърлар халқ орасида жуда таниқли. Дардли тароналар бўлган. 21-аср шеъриятини катта қалб эгаси, гўзал шоира Ҳалима Аҳмад ижодисиз тасаввур этиш қийин. Бугунги шеъриятимиз маликаси бўлган Ҳалима опани ижодларига барака, умрлари зиёда бўлсин.**

**•┈❁✿❁┈••┈❁✿❁┈••┈❁✿❁┈•
ҲИКМАТЛИ ФИКРЛАР.
•┈❁✿❁┈••┈❁✿❁┈••┈❁✿❁┈•
-1-

Аллоҳим барча яқинларим ёнимда бўлса-ю сен бўлмасанг қалбимда мен ёлғиз ва нотавондирман.

-2-

Эй ёри илоҳий, мени ақл кўзимни ишқ шароби билан ёшлантирки, сени дийдорингдан бошқа нарсани кўришни орзу қилмасин ҳеч.

-3-

Ҳукмдор ўз туйғулари устидан ҳоким бўлмас экан, жаҳонга «хоқон» бўлишидан нима наф?!

-4-

Миллат ойдини бўлиш учун миллатни ҳаяжонга солиш керак, миллатни хотиржамликка чорлаш эмас. Зеро ҳеч нарса машаққатсиз бўлмайди.

-5-

Теранлик мавжуд эмас экан, фикрнинг оламшумул бўлишига умид йўқ.

•┈❁✿❁┈••┈❁✿❁┈••┈❁✿❁┈•

©  Маҳмуд АБДУЛҲАМИД.**

**БЕРОЛМАМ.

Кўзларингда доим яшайман юпун,
Ҳаёллар сураман, бўламан мен маст.
Ҳаммадан ҳам сенга бўламан яқин,
Сен бўласан менга жоним муқаддас.

Кўп танбеҳ эшитдим ишқнинг дарсида,
Вафо қалъасида сақлаяпман жон.
Худо ҳам жилмайди боқиб аршидан,
Ҳақ мени дийдорга сақлагин омон.

Мени азоблама ҳижронда ортиқ,
Юракдан чиқаргин қўрқув, ҳадикни.
Борлиғимни сенга қиламан тортиқ,
Лек сенга беролмам шармандаликни.

©   Маҳмуд АБДУЛҲАМИД**

??Кўнгил чизгилари. ??

Сарф этмангиз менга, завқли вақтингиз,
Маҳзун юрагимда, кунботар вақти.
Менга муҳим эрур, сизнинг бахтингиз,
Керакмас, шон-шухрат, Сулаймон тахти.

Умрим ўтин бўлиб, ёнди ловиллаб,
Тафтидан ағёрим, исинди шодон.
Овиниб яшардим, баъзида йиғлаб,
Йўлим зулмат эди ҳамда ломакон.

Қалбимда бир учқун чақнар туйқусдан,
Изҳорларим, энди, унутилган туш.
Нени яширарсиз, мен уйқусиздан,
Бедор юрагимда, йиғлаётган қиз.

Ёмғир бўлиб ёғай, кулбангизга мен,
Тирмалаб ташлайман деразангизни.
Сиз эса осуда, олаяпсиз тин,
Тушингизда кўриб, мовий денгизни.

Кўкда порлар юлдуз, севгимдир азал,
Буни тушунмайсиз, ҳеч қачон бироқ.
Сизни ўзимданда, кўраман абзал,
Аммо қисматимиз, муросасизроқ.

©  Маҳмуд АБДУЛҲАМИД

ДИҚҚАТ, ЭЪЛОН!

Ёш ижодкорларнинг анъанавий Зомин семинари ҳудудий босқичларига старт берилади. Республикамизнинг турли жойларида ижод қилаётган 18 ёшдан 30 ёшгача бўлган ижодкорларни семинарнинг ҳудудий босқичида иштирок этишга чорлаймиз!
Семинар 7 та:
? Назм;
? Наср;
? Драматургия;
? Бадиий публицистика;
? Бадиий таржима;
? Болалар адабиёти;
? Адабий танқид
йўналишида ўтказилади.
Семинарда қатнашиш истагида бўлган ёшлардан Ёзувчилар уюшмасининг ўзлари яшайдиган (доимий яшаш жойи бўйича) ҳудудий бўлимларига паспорт нусхаси ҳамда ижодий ишларини (20 саҳифадан 40 саҳифагача, биринчи саҳифасида муаллиф исм-шарифи, телефон рақами ёзилган ҳолда) файл папка ҳолатида ёки электрон тарзда юборишлари сўралади.
Ижодий ишлар 2024-йил 1-апрелдан 15-апрелгача қабул қилинади.

Андижон вилояти 93 258 40 05 Барно Солиева
Бухоро вилояти 94 325 10 10 Суҳроб Ҳамроев
Фарғона вилояти 99 796 19 08 Бекзод Ғофуров
Жиззах вилояти 93 650 39 14 Нилуфар Алламуратова
Хоразм вилояти 93 749 72 66 Шоира Шамс
Наманган вилояти 90 275 65 06 Гулчеҳра Зокирова
Навоий вилояти 93 460 45 30 Ҳулкар Гаппарова
Қашқадарё вилояти 99 151 06 29 Даврон Султонов
Қорақалпоғистон Республикаси 91 384 36 60 Муборак опа
Самарқанд вилояти 93 992 10 64 Зуҳра Эшонқулова
Сирдарё вилояти 93 323 20 31 Норниса Қосимова
Сурхондарё вилояти 99 957 71 22 Музаффар Қурбонов
Тошкент вилояти 99 484 83 34 Зоҳиджон Олов
Тошкент шаҳри 91 667 51 77 Масиҳуллоҳ Мадаминов

Ассаламу алайкум! Хайрли кун.

Мен ҳам Зомин ҳавосида улуғ устозлар билан ижод қилиб, Ўриклисой сувларидан илҳом олган ижодкорман!

• Жиззах вилояти Зомин тумани “Ўриклисой” оромгоҳида Ўзбекистон Республикаси Президенти Шавкат Мирзиёев ташаббуси билан ҳар йили Республика ёш ижодкорларининг Зомин семинари бўлиб ўтади. Унда Республика бўйича вилоятлараро саралаб олинган 70 га яқин ижодкор 7 та йўналиш бўйича Ўзбекистондаги энг истеъдодли шоир, ёзувчи, таржимонлар томонидан маҳорат дарслари олади.

⛰️Семинарда малакали устозлардан ўз соҳангиз бўйича маслаҳат оласиз. Ижод намуналарингизни текширтириб, тақриз олиш, ижодда яна ҳам гуллаб-яшнашингиз учун имконият беради. Семинар давомида энг фаол ижодкорнинг китоби “Ижод” фонди томонидан бепулга нашр этилади. Агар сиз ҳам 18 ёшга тўлган ва 30 ёшдан ошмаган бўлсангиз албатта семинарда қатнашиб кўришингизни маслаҳат бераман. Семинар ўтказилиш тартиби ва қабул қиладиган шахслар ҳақида тўлиқ маълумотни каналга илинаман. ?☺️

@Mahmud_Abdulhamid