السلام عليكم ورحمه الله وبركاته 1-جروب التسجيل لكورس الدكتور نجيدة وكيفية الحصول علي خصم خمسين في المية https://t.me/cjdidfrndjdjdj 2-محتاج نكون تيم الفترة الجاية ان شاء الله بحيث تكون المواضيع في القناة اكثر تنظيما طبعا انا حابب اني اعمل سلسلة بودكاست…

شباب اكتر من 40 واحد بعتولي في عشر دقايق اللهم بارك يعني متوقعتش كدا ابدا ربنا يبارك فيكم
طيب عشان بس يكون الموضوع اكثر تنظيما لان اكيد في ناس هتبعت تاني كتير
فانا هعمل فورم للتسجيل بحيث يبقي موجود فيه الاسم ويوزرنيم التواصل واي اللي حابب تساعد فيه ومقترحات حابب تقدمها بحيث نكون افضل ان شاء الله تعالي
فمحدش يبعتلي دلوقتي وانا هعمل الفورم ان شاء الله وانزله هيسهل عليا وهيكون منظم اكتر باذن الله
انا شيلت اليوزر فوق عشان صدعت من كمية الرسايل😂
جزاكم الله خيرا

السلام عليكم ورحمه الله وبركاته
1-جروب التسجيل لكورس الدكتور نجيدة وكيفية الحصول علي خصم خمسين في المية
https://t.me/cjdidfrndjdjdj
2-محتاج نكون تيم الفترة الجاية ان شاء الله بحيث تكون المواضيع في القناة اكثر تنظيما
طبعا انا حابب اني اعمل سلسلة بودكاست مستمرة زي اللي عملتها مع الدكتور نجيدة فوق في القناة اللينك هنا (دوس علي الخط الازرق)

عشان انا جهزت الفترة اللي فاتت دي حجات حلوة لموضوع البودكستات اللي ناوين نعملها هنا في القناة من كاميرا واضاءات ومايك بحيث نضمن جودة صورة وصوت وكل حاجة باذن الله وتكون حاجة حلوة ومقبلوة باذن الله تعالي وان شاء الله اصورلكم الحاجة عشان تظبطولي سيتب حلو بقا😂
ودا سبب تاخير البودكستات اللي فاتت مع الدكتور احمد خالد والدكتور حازم +انهم اشتغلوا خالص الفترة اللي فاتت
اللي مستعد انه يساعد سواء في تفريغ اللقاءات او المونتاج او التنظيم او اي حاجة شايف نفسه حلو ان يساعد فيه يتواصل معايا او يكتب في التعليقات وانا هتواصل معاه ان شاء الله تعالي
وفي اوريدي ناس كلمتني فان شاء الله اللي مهتم يتواصل معايا نعمل جروب يجمعنا باذن الله تعالي ومتنسوش تجددوا النوايا الجميلة في الموضوع دا
اللي يتواصل معايا ياريت يقولي هو حابب يساهم بانهي مهارة

ان شاء الله هنبدا بعد شهر من دلوقتي باذن الله تعالي يكون خلصت الامتحانات اللي عليا

السلام عليكم ورحمه الله وبركاته
🎧الميتنج رقم (2) في سلسلة research made easy meeting series الجاي ان شاء الله مع الدكتور حازم غيث
⚫️دكتور حازم عنده 90+ publication مع أكتر من 200 اقتباس علمي citation، هو كمان محرر ومراجع في أكتر من مجلة علمية في تخصص المخ والأعصاب.
ممكن تعرف أكتر عن شغله من هنا.. لأن البوست ده مش هيكفي
🔴هتكلم معاه عن اهم المواضيع +الأسئلة اللي هتوصلني منكم* --ازاي ابدأ ف المجال
--ازاي ابقى productive في اقل وقت (من أين تؤكل الكتف )
--ازاي الاقي فرص كويسه في التخصص اللي مهتم بيه وانا حابه
--ازاي ممكن اشتغل freelance في المجال ده
--اي اللي ممكن اعمله عشان يبقي ليا فرص في Research positions بعد كده
--اتعلم كتير ولا اشتغل كتير ؟ ازاي اتعلم واشتغل مع بعض
--ازاي ممكن أبني علاقات وشبكة معارف عن طريق الريسيرش
⚪️لو عندك أيي سؤال تحب نتكلم فيه، ممكن تكتبه في الفورم ده او في التعليقات اللي علي البوست دا
الفورم هيبقي مفتوح ليوم 22 لاستقبال اي سؤال عشان يتم مناقشه باذن الله
Share and stay tuned**
https://t.me/RESEARCHwatawano/296

السلام عليكم ورحمه الله وبركاته
دا الميتنج اللي كان بيني وبين الدكتور نجيدة
دا ملف دراايف فيه الفديو تقريبا وقته ما يقارب6 ساعات
متقسم 4 فديوهات وكل فديو جمبه ملف الأسئلة اللي اتجاوب عليها بالترتيب وتوقيت كل سؤال واجابتهhttps://mega.nz/folder/pv0VhAoL#Rw3srTUESpC61UENrQR2ZA جزي الله خيرا الدكتور نجيدة والدكاترة اللي ساعدوني في الترتيب دا والتنظيم واللي عملو مونتاج للفديو لولا الله ثم الناس دي مكنش طلع بالشكل دا ابدا
الفديو مهم سواء لطالب بشري او اسنان او صيدلة
🌒وملخص الفديو في الصورة اللي من اهمهم الpaid research postion ومتطلباته وشوية مغالطات الناس فهماها غلط الدكتور نوهنا ليها وصححها + شغل الفريلانس والتكسب المالي عن طريق الريسيرش والجرين كارد وباقي الحجات في الصورة والتفاصيل بتاعها في ملف درايف
🌘الجروب الخاص للحصول علي خصم خمسين في الميةوتفاصيل التسجيل في كورس الدكتور نجيدةhttps://t.me/cjdidfrndjdjdj *🌒كل واحد فيكم يعرف حد من ليدر الدفعه بتاعته ممكن يبقي يبعتهولو ينزلو علي قناة الدفعه بتاعته او علي جروب الدفعه وابعتو لزمايلك سواء في بشري او اسنان او صيدلة*https://t.me/mansou_r

السلام عليكم ورحمه الله وبركاته
طامة كبري والله 😢
مهم وارجوك لا تتجاهل
بمناسبة الموضوع دا ممكن كل واحد يبعت مثلا تجربته مع حفظ القران وتثبيته واي الحجات اللي كانت بتحفزه للحفظ او يبعت فديوهات طيبة للتحفيز لدا
أو واحد ناوي يحفظ ويقول العقبات اللي دايما بتوقفه للحفظ وممكن يلاقي ليها حل عند إخوته
ممكن واحد من اللي بيقرأها يتشجع لحاجة زي كدا وأنا أولهم ويبدأ يثبت أو يحفظ
( وتعاونوا علي البر والتقوى )
ممكن يسجل ريكورد أو كتابة
ولو خايف من موضوع الرياء فجدد النية في الكتابة انك بتعمل كدا لغرض التشجيع والاقتداء بك وأكثر من وصية النبي صلى الله عليه وسلم لأبي بكر حين قال له( قال النبي صلى الله عليه وسلم: [والذي نفسي بيده للشرك أخفى من دبيب النمل ألا أدلك على شيء إذا قلته ذهب عنك قليله وكثيره قال قل اللهم إني أعوذ بك أن أشرك بك وأنا أعلم وأستغفرك لما لا أعلم] ومن انواع الشرك ( الشرك الخفي) وهو الرياء والعلاج نصيحه النبي صلى الله عليه وسلم
ولو لم تأمن علي قلبك ممكن تبعتهالي علي اليوزر نيم @mansou_r بأي اكونت وانا هنزلها هنا عادي

إنا لله وإنا إليه راجعون

اخونا د عبدالرحمن صبحي بالفرقة الثالثة ازهر توفاه الله النهارده ولسه مخلص امتحانات من أسبوع .

الناس كلها كانت بتشهد له بحسن الخلق والمحافظة على الصلاة في جماعة

ربنا يرحمه ويجعل حفظه للقرآن في ميزان حسناته ؛ وربنا يرحمنا جميعا ويغفرلنا ويرزقنا حسن الخاتمه

السلام عليكم ورحمه الله وبركاتهنافعحقيقي مفتقدين تجديد النية في كل التعب اللي بنتعبه
بالتالي كل منفعتك من التعب دا كله بينتهي بدخولك القبر لذلك اهم شيء النية حتي تؤجر عليه في دنياك واخرتك ودا اول شيء اخي نوهني عليه عن بداية هذا الطريق لذلك اول كلام في الفهرس عن المعني دا اسيبك تقرا البوست ( من قناه نافع **انصح بها جدا قناه في غاية النفع )
قبل متقرأالبوست اسأل نفسك انا لي بتعب في مذاكرة المعادلة والطريق الطويل دا والصعب او لي بتعب في تعلم اي مهارة ؟؟؟؟؟
لو مكانتش الاجابة هي الغاية الاساسية وهي رضا الله تعالي وتحقيق غاية العبودية فانت في خسران

لما تقرأ سورة الكهف الليلة أو بكرة، حاول تركز في قصة ذو القرنين مع أهل السد، هتلاقي آية كدا ممكن تبقى سبب في تغيير حياتك وصبرك على كل مجاهدة وتعب وإرهاق ونصب في طلبك للعلم الشرعي أو تفوقك الدراسي:
(قَالَ هَذَا رَحْمَةٌ مِنْ رَبِّي)
التفسير: قال ذو القرنين: هذا الذي بنيته حاجزًا عن فساد يأجوج ومأجوج رحمة من ربي بالناس

كل جهدك وتعبك وسهرك وحرصك الشديد على التفوق في دراستك ممكن يجعلك في نفس موقف ذو القرنين: كل اللي بتعمله دا رحمة من ربك بالناس، وتكون أنت سبب الرحمة دي..

🔹 تفوقك في تخصصك الطبي أو العلمي أو الأدبي والتربوي ورغبتك في الزيادة في العلم وكثرة اطلاعك وسماعك للدورات والدروس = كل دا لما يخرج من دائرة (التنافس الأعمى على الشهادات والإنجازات) ويدخل دائرة (أطلب كل هذا ديانة لله عز وجل ورحمة من ربي بالمسلمين): نظرتك للمذاكرة هتختلف وجهدك وتعبك هيكون لهم طعم ومحاولاتك لن تنتهي لأنها في الأصل بقت "عبادة"..

تخيل فيه كم واحد من المسلمين يفتقد "الرحمة" في المعاملات وبيتضحك عليه سواء في تجارة أو زراعة أو صناعة أو مجالات طبية وبيدفع دم قلبه نفقات وفلوس لمجرد أن فيه قدامه واحد نصاب بيستغله وفيه مسلم تاني كسل عن الزيادة في طلب العلم والحرص عليه أنه يكون (رحمة من ربي) وينقذ المسلمين ويحفظهم من مغبة النصب المعنوي والمادي..

- عرفت ليه أن المسألة مش مجرد إزاي تحفظ صح وإزاي تتخلص من التسويف وكل الأسئلة الشائعة بين الطلبة؟

- عرفت ليه النية بتفرق جداً جداً في أنها تصبرك على كل مشقة وتعب وإرهاق؟

ذو القرنين: رحمة من ربي للمسلمين ودفعاً لصائل المعتدين.**