"Уч нуқта" жамоасидан навбатдаги ҳаёт ҳақиқати...

@adolat_kuychisi

Ўзбекистондаги юридик ва жисмоний шахсларнинг умумий қарздорлиги 2024-йил 1 октябрь ҳолатига 40,1 млрд АҚШ долларидан ошмоқда экан.

Жамиятнинг молиявий саводхонлик даражаси пастлиги ва ўзини кўз-кўз қилиш учун кераксиз ҳою ҳавасларнинг ортидан қувиш мана шундай йирик рақамларни шакллантирмоқда.

Афсуски, одамлар кўра-била туриб ўзини оловга ташламоқда. Энг ёмони умуман эҳтиёжи бўлмаса ҳам, қурби етмайдиган нокерак қимматларни олиб, ўзини бой қилиб кўрсатишга уриниш бутун бир оилаларни ҳолдан тойдириб ташлаяпти. Бунақалар боласи яхши еб-ичиб, яхши таълим олмаса ҳам Жентрада юриши керак ёки Тошкентдан уй олди деган сохта обрў билан яшаши керак.

Афсус, одамларимиз ҳали ҳамон нимага пул тикиш кераклигини билмаяпти. Таълим олиш масаласини эса айтмай қўяверай...

Ойига 3-4 млн таълим олиш учун ажратиш қиммат, лекин машина учун кредит тўлаш арзон... Ўзингиз айтинг, шунақа фикрловчи одамлар билан юксалиб бўладими!?

✅ Telegram | ? Instagram | ? Youtube

Самарқанд вилояти ҳокими Эркинжон Турдимов соғлиги ёмонлашганлиги сабабли ишдан кетиб, унинг ўрнига амалдаги Ҳисоб палатасининг раиси Адиз Бобоев келиши ҳақидаги хабарлар тармоқларга сиздириляпти.

Миш-мишларда андек жон борга ўхшайди. Чунки, бундан бир ойча аввал Президентнинг Навоийга ташрифи чоғида ҳам Турдимов Навоийга ҳоким бўлиши ҳақидаги гап-сўзларни эшитган эдим.

Турдимов ўз аҳолиси ораси ҳурматга сазовор бўлган кам сонли ҳокимлардан. Айни пайтда у билан қандай режалар кўзланганлиги бизга қоронғу. Кейинги сиёсий жараёнларнинг шаклланишига қараб, бошқа хулосаларимизни қилиб оламиз. Ҳозирча эса воқеалар ривожини кузатиб борамиз...

@adolat_kuychisi

Шу кунларда Хитой билан визасиз режим йўлга қўйилиши ҳақидаги хабарлар айланиб юрибди. Ҳозирча расмий манбалардан бунақа хабарга кўзим тушади.

Бироқ, бу ўта нозик масала. Бир тарихий ҳақиқатни унутмаслик керакки, хитойлар кирган еридан чиқиб кетмайди. Албатта, ҳукумат Хитойнинг агрессив сиёсатини ва радикал миллий қарашларини ҳисобга олиши шарт.

Аслида Хитой бутун дунё учун катта хавф солиши мумкин бўлган давлат. Бугунча у ўз агрессив қарашларини дунё ҳамжжамиятига у қадар кўрсатмаяпти. Шарқий Туркистондаги уйғурларнинг қандай геноцид қилинаётганлиги бизга сабоқ бўлиши керак.

@adolat_kuychisi

Ватанни қачон мустақил деса бўлади?

Қачонки ўз тилингда бемалол сўзлаша олсанг, ўз эътиқодингга ҳеч бир чекловларсиз риоя қила олсанг, халқингни амалдорлар талаб, шоҳона қасрлар қурдирмаса, ўз фикрингни ҳеч қандай таҳдидларсиз бемалол ифода эта олсанг, терговларда одамлар ўлиб кетмаса, судялар адолатга хизмат қилса...

Мана шундай ватанга мустақиллик муборак!

@adolat_kuychisi

Президент фармони билан мустақиллик байрами муносабати билан бир қатор ҳуқуқни муҳофаза қилувчи идора ходимлари тақдирланибди.

Ҳаммага унвонлар муборак бўўлсин!

Лекин, бир воқеа ҳамон менга алам қилади. Ўтган йил бир хизматдош дўстим Сурхондарё вилояти божхона бошқармасида жуда катта қийматадаги (тахминан 10 млрд сўм) ва миқдордаги гиёҳванд моддалар контрабандасини аниқлаб, чек қўйган эди. Бироқ, ҳалигача бирор медаль ёки орден билан тақдирланганича йўқ.

Албатта, ватанга хизмат битта темир парчаси билан ўлчанмайди, лекин ҳалол хизмат эътироф этилиши шарт деб ҳисоблайман. Тўғриси, бундан кичкина ҳолатлар учун "Жасорат" олганларини кўрдим. Менимча, ҳаммага адолат бўлиши керак.

Ушбу ёзганларимни Президент маслаҳатчиси Қодиров Дониёр Бахтиёрович тузилмасидан кимдир ўқиб қолса, эътиборсиз қолдирмайди деган умиддаман!
P.S.: Ушбу постни ўз хоҳишим ва ташаббусим билан ёздим. Хизматдош дўстимнинг илтимоси бўлгани йўқ! Ҳатто, унинг бундан хабари ҳам йўқ!

✅ Telegram | ? Instagram | ? Youtube