https://vt.tiktok.com/ZSMRPh1n9/

رسالة الى وزير التربية والتعليم من طالبة سادس ضاع حلمها

مرحبا استاذ ، اني اهنيك ع منصبك العالي وبعض قراراتك الجميلة الي نفعتني من جنت طالبة ويلي تنفع الطلاب بهل وكت
استاذ اني من جنت طالبة من الابتدائي لحد هسه واني اريد اطلع طبيه مو لان بيها راتب ولا لان بيها تعيين لكن ، جنت اتمنى اعالج الناس واشوف بسمة الناس ع وجوهها وهي تتعالج من بين ايدي جنت اتمنى ارعى الناس طبيا والبس الصدرية البيضة وافرح اهلي واساعدهم وامشي فتاة عظيمة بالمجتمع لكن الطب ميقبل طالب الا بمعدل 99 واعلى ؟ زين ليش
الجواب اجاني اذا هاي المواد السهله ما كدر يحقق بيها الطالب الدرجة الكاملة شون راح يكون طبيب ناجح بالمستقبل
وهل قانون صارله سنين وسنين وكومة ناس حققت حلمها وكومة ناس انتحرت واذت نفسها واكو من تخطى حلمه وحقق شي ادنى وضحى بحلمه لان معدله ميسمح بالنهايه الكل يكول هذا قدرك وهذا استحقاقك والحلم مجرد حلم. .. لا هذا مو عدل !!: ولا استحقاق ولا حلم
الحلم هو شي كان بامكانه تحقيقه بس انتوا دفنتوه . .  هسه تكول شلون
احنا حلمنة وتعبنه بس ما وصلنا لل99 بسبب ظروف هواي مو بسبب احنا مو اذكياء او مميزين زين ليش يلي والده شهيد اله درجات ويلي عندهم حالات خاصة الهم تسهيلات واحنا الطبيعين ما النا تسهيل ؟ شنو فرقنه عنهم همه عدهم حلم واحنا عدنه حلم ؟ يمكن هو مو ذكي ولا يريد طب وانطيته درجات وطلع طب وصار دكتور فاشل. ....واحنا يلي كلشي متوفر و يأهلنا نكون اطباء الا الظروف منعتنه من هذا وانتوا ما سندتونه ... هسه ممكن اعرف وين التربية ؟ يلي خلتنا منفكر بالاخرين ولا بظروفهم ولا نعذرهم ووين التعليم يلي علمنا تفضيل الاقرباء والواسطات ع الناس العادية ؟ هل تعتبرون هذا عدل. .. زين ليش الاجانب مرتاحين وناجحين بعملهم ؟ لان هم يختارون القسم والمهنه المستقبلية بعيدا عن المعدل الدراسي لان ممكن اني شاطرة عمليا واعرف المادة الدراسية لكن ما احب امتحنها ؟ مثل ما انتوا عندكم القابلية تساعدون الطلاب بس متحبون تساعدوهم ؟ ليش هذا الظلم ؟! وما اريد واحد يكول لان يلي يطلع الطب ذكي والي ميطلع مو ذكي لان فرقنه عن الاطباء يلي دخلوا اهليات وموازي وهسه هم دكاترة هي الفلوس وهذا دليل ع انو التربية والتعليم دتحث ع التعامل بالفلوس والرشاوي  والواسطات بعيدا عن العلم يلي شرعة رب العالمين واني بكل اسى وحزن اكتب هل رسالة لان حلمي تحطم بسبب هل منطق واتمنى مو بس اني اوكف ضد هذه القوانين وانما كل الشعب حتى نمنع تحطم ناس اكثر الموضوع ميقتصر ع الطبيه بس وانما اكثر من هذا واعتقد فهمتوا قصدي. ..... وهذا اكبر سبب جعل اكثر البنات ميكملون دراسة بسبب الظروف وقساوة الامتحانات وعدم قدرتهن ع اكمال المسيرة واعادتها اكثر من مرة

*?*?
?

اللهم القوة لكل حدا #رح يقضي العيد بدون #أم .
القوة لكل حدا #رح يقضي العيد بدون #أب .
القوة لأم كل شهيد، القوةﻷب كل شهيد؛
القوة لكل رجل/أنثى معاقين ..مو قادرين يتحركووا ولا حتى حركة صغيرة بأيام العيد .

القوة لكل طالب/طالبة، رح يقضوا هالعيد بين الدراسة والورق
القوة لكل عسكري ..رح يقضي العيد بعيد عن أبوا.. امو..اخواتو. مرتوا وولادوا.

القوة لكل شخص يتيم رح يقضي العيد لحالووو بين رفقاتو الايتام
القوة لكل ام / أب ساكنين بدار العجزة وولادهن عم يحتفلوا ببيوتن بأيام العيد

القوة ياالله لكل حدا رح يقضي العيد وهو موجوع،خسران،غاصص،حاسس بالفقد#القوة...??

?اللهــم صــــل وسلــــم
علـــى نبينـــا محمــــدﷺ?
?
??**