https://globalinfo.az/zireddinden-azerbaycanla-bagli-sok-proqnoz-2025-de-bizi-ne-gozleyir/

Ümumiyyətlə Vanqanın proqnozlar kitabı yoxdur, heç bir video və yazılı mənbələr də yoxdur ki, kimsə sübut etsin ki, Vanqa bu sözləri deyib. Mən bunu dəfələrlə vurğulamışam. Rəhmətə grtmiş bu ali qadının adından istifadə etmək günahdır, eyibdir və insanlığa sığmaz.

Bir televiziya mənbə olmadan necə belə rahatlıqla Vanqanın demədiklərini göstərə bilər? Təbii ki, savadsız və avamlar inanacaqlar belə yalan-palan xəbərlərə. Ancaq biz sübutları, tarixləri və mənbələri sevən insanlarıq.Belə cəfəngiyyatlara sübutsuz, dəlilsiz inanan deyilik.

Vanqanın verdiyi proqnozları ən azından dərc olunan kitabda, qəzet və jurnallarda öz əksini tapmalıdır. Həm də bu xəbərlər Vanqanın yaşadığı dövrə, Yəni Sovetlər Birliyinin kütləvi informasiya vasitələrinə aid olmalıdır. Belə bir yazı və video materiallar mövcud deyil. Demək ki, saxtakarlar reklam xatirinə onun adından istifadə edirlər.

https://youtu.be/tVqvPqRI3Mc?si=maBswLHzhqPJ68UJ

Ukraynada SOKAR boykotu...

Bundan əvvəlki yazdığım "Amerika və NATO ilə "irəli" adlı məqaləmdə qeyd etmişdim ki, Ukraynaya hərbi-texniki yardımlar edən Amerika və NATO ölkələri Ermənistana hərbi-texniki yardımlar edir. Yəni bu o deməkdir ki, Ukrayna Rusiyaya "qalib" gəlsə NATO ölkəsi olacaq. Belə olduğu halda Ermənistanla Azərbaycan yenidən müharibə və ya hərbi qarşıdurma yaşasa bu o deməkdir ki, Ukrayna Ermənistana hərbi-texniki yardımlar edən Amerikanın yanında olacaq. Təbii ki, "tərəziyə qoyulsa belə" Ukrayna Amerika və NATO ölkələrini qoyub Azərbaycana dəstək olmayacaq. Dəstək olmaq istəsə belə "açarı qərbin əlində olan" olan Ukraynanın alternativ seçim imkanları olmayacaq. Belə olduqda isə Ukraynanı İrandan və ya Ermənistandan fərqləndirən bir amil varmı? Yoxsa düşünürük ki, Ukrayna Rusiyaya "qalib gələcək", NATO ölkəsi olacaq və Ermənistan-Azərbaycan seçimində Ukrayna Azərbaycanın yanında olacaq? Ukraynaya yardım edən Fransa, Almaniya bu gün Ermənistanı da eyni hərbi-texniki yardımlarla gücləndirir. Biz isə hələ Ukraynaya "bolet" edirik...

İndi isə keçək əsas məsələyə, Ukraynanın SOKAR'ı boykot etmə xəbərləri gündəm olub. Əslində isə bu qərar Ukraynanın qərarı olmadığı düşüncəsindəyəm. Putinin Azərbaycanda ehtiramla qarşılanması Ermənistana yardım edən Amerika və müttəfiqlərinin xoşuna gəlməyib və onun üçün dolayı yolla Azərbaycana kiçik bir "qulaq burması" xəbərdarlığı vermək istəyiblər.

Deyəsən çox danışdım, artıq fikrimi tamamlayım. Bəlkə Azərbaycanın bəzi "siyasətçiləri", Ukraynanı dəstəkləyən jurnalistləri qəflət yuxusundan oyanalar.

1) Ukraynanı Rusiya əlehinə silahlandıran Amerika və NATO dövlətləri Ermənistanı da əlehimizə silahlandırır,

2) Ermənistana ən çox yardım edən, dəstək verən Fransadır, o da NATO dövlətidir,

3) Amerika, NATO və ələxsus Fransa, Almaniya Hindistanla bərabər Ermənistanı hərbi-texniki yardımlarla dəstəkləyirlər,

4) Ukrayna NATO dövləti olarsa bu o deməkdir ki, Amerika, Almaniya, Fransa kimi o da Ermənistanı dəstəkləyəcək.

Mən Rusiya Dövlət Dumasının millət vəkili köməkçisiyəm, Rusiya İctimai Palatasının komissiya üzvü olaraq öz siyasi görüşlərimi Sizlərlə bölüşmək istədim. Çox təəssüf ki, öz içimizdə ermənipərəst qərb yönümlü "siyasət adamları" və "jurnalistlər" mövcuddurlar.

Ukrayna bölünsə və bir hissəsi Qərbin müttəfiqi olarsa əmin olun ki, onlar Ermənistan maraqlarında Amerika, Fransa və Almaniyanın yanında olacaqlar. İndi Ukraynanı dəstəkləyən Azərbaycanın bəzi "siyasətçiləri" və "jurnalistləri" harada olacaqlar onu mən bilmirəm...