"Прокуратура органларида маънавий-маърифий ишларни ташкил этиш" концепцияси доирасида Бош прокуратура ходимлари Тошкент шаҳар "Фотосуратлар уйи" кўргазма марказига ташриф буюришди.

Маълумот ўрнида, жорий йил 4 ноябрь куни мазкур марказда Санкт-Петербургдаги Кунсткамера музейида сақланаётган Ўрта Осиёнинг машҳур фотографларидан бири Виктор Орденга тегишли фотосуратлардан ташкил топган кўргазманинг очилиш тадбири бўлиб ўтган.

Фотограф В.Орден томонидан тасвирга олинган ва илк маротаба чоп этилган бу ноёб суратлар тўплами Ўрта Осиё туркий халқлари маданиятини намоён қилади. Шунингдек, суратларда Ўзбекистоннинг XIX-асрдаги маданий мероси, ижтимоий ва кундалик ҳаёти, урф-одат ва анъаналари, оилалар турмуш тарзи, юқори ва қуйи табақа вакиллари суратлари, қишлоқ ва шаҳарлар манзаралари, миллий либослар ҳамда деҳқонлар ва ҳунармандларнинг фаолияти кенг очиб берилган.

Кўргазмага ташриф буюрган ходимлар "Юз йилда Ўзбекистон", "XIX асрда Ўзбекистон" номли китоб билан ҳам танишишди. Китобда 114 та сурат ўрин олган бўлиб, ўзбек, турк ва инглиз тилларида чоп этилган.

Ташриф сўнгида ходимлар кўргазма бўйича ўзларини қизиқтирган саволларга жавоб олишиб, марказ ходимларига ўз миннатдорчилигини билдиришди.

*🌐 Бош прокуратуранинг ижтимоий тармоқлардаги саҳифаларига аъзо бўлинг!*Sayt |Telegram | Instagram | YouTube | Facebook

Прокуратура органлари тизимида фаолият олиб борувчи ходимларни етук кадр бўлиб шаклланиши, мамлакатимизда ва дунёда содир бўлаётган аҳамиятли ислоҳот ва ўзгаришларни уларга ўз вақтида етказиш ҳамда маънавий-маърифий ва тарбиявий ишлар самарадорлигини ошириш мақсадида ҳар ҳафтанинг жума куни “Маънавият куни” этиб белгиланган.Бугун Бош прокуратурада прокуратура органларида мурожаатларни кўриб чиқиш бўйича яратилган электрон дастурдан фойдаланиш масалаларига бағишланган семинар ўтказилди.

Тадбирда Бош прокуратура бошқармаларининг масъуллари томонидан прокуратура органларида мурожаатларни кўриб чиқиш бўйича яратилган электрон дастурдан фойдаланиш масалалари тўғрисида маъруза қилинди.

Мазкур электрон дастур соҳага рақамли технологияларни жорий этиш бўйича навбатдаги лойиҳа бўлиб, бу ўз навбатида, мурожаатларни тез ва сифатли кўрилиб чиқилишига ва ходимлар иш фаолияти самарадорлигини оширишга хизмат қилади.

*🌐 Бош прокуратуранинг ижтимоий тармоқлардаги саҳифаларига аъзо бўлинг!*Telegram | Instagram | YouTube | Facebook | Veb-sayt