_مساء الخير يا بطل ??

خليك سند ودافع لي نفسك، ما تنتظر فلان يقول ليك قوم اقرا ولا علان يرسل ليك الساعة كذا علشان يذكرك بانو مستقبلك أهم من البتعمل فيه،
ذكر نفسك بنفسك،
وادعم نفسك بنفسك،
وصحصح نفسك بنفسك،
علشان لم تصل ما يكون الفضل لي غيرك بعد الله في تحقيق هدفك وحلمك،
اسعى وعافر وما تنتظر غيرك.

#خليك_بتعافـر

_من اكتر الجُمل الي أثرت في نفسي وزادت ثقتي بالله أكتر
بتقول: " إنّ الله إستجاب من أول مرةٍ دعوتَهُ فيها، ولكنه يُهيئ الأمر "
جملة من روعتها بتدخل جوه قلبك وتطبطب على الهم الي منزوي من روحك شمال دا، وبقول ليه شايف ربنا رحيم بعباده ازاي؟!
يعني ياا إنسان يا جميل، مجرد ما ربنا ألهمك الدعاء والتضرع إليه معناه يُريد أن يعطييييك،
ومجرد ما صدقت قلبك مع ربنا فـ أعرف انه سيرحمك،
والرحمة ليست محصورة على استجابة دعائك بالمعنى الحرفي، وإنما أبواب رحمته واسعه، فـ اما استجاب دعوتك في زمنها أو بعد مدّة إلى أن يرى صنيعك، وقوة ايمانك وثقتك به،
أو بتحقق ما هو أحسن من دعائك،
أو كمان جعله لك حاجزاً بينك وبين شيء يوم القيامة وبقيَّ كـ أجرٍ وثواب،
والله أعلم منك ما هو خير لك،

فـ في كل الأحوال ادعي ربنا سبحانه وتعالى ولا تمل لأنه لا يَمل حتى تمل منه أنت،
يعني مع معافرتك وسعيك استعين بالله في كل دقيقة وثانية وكل نفس انت بتتنفسه

واعرف ماف شيء صعب على ربنا أبداً بس انت اتوكل!

#خليك_بتعافـر

_نتفق انو تحقيق هدف أو أمنية أو حلم كان في مخيلتنا من ونحن صغار أبداً ما بالشيء الساهل، دي أول معلومة مفترض تترسخ في اذهانا علشان شنو؟!
علشان لم نصل لي نص الطريق ونلقاه كلو مصاعب ما نقعد نتجرس ونتبكى واصلا دا طبيعة الحال!!
علشان نكون كلنا طاقة ولم نشوف المصاعب دي تسهل في نظرنا ونقول نحن قدها وكلو فداء تحقيق أحلامنا ?.

ونكون عارفين انو الدنيا دي أصلا ما بتديك الراحة بالساهل مالم تتعب وتُدمى أعينك ورجولك ويتكسر ضهرك من وجع القعدة والقراية، واعرف تاني وتالت انو طريق النجاح أبداً ما ساهل ولا الوصلوا ديل وصلوا عادي،
وصلوا بعد تعب وجهد ومثابرة منهم
وانت حلمك منتظر منك التعب دا عشان يظهر لييك
فـ ح تتعب متين يا رفيق؟!

ونقول تاني انو طريق النجاااح ما ساهل.!

#خليك_بتعافـر

الدايرو بتسوي،
انت الداايرو بتسووي،
ركز فالجملة دي واتمعّن فيها كويس،
ماف شيء كتير عليك وماف شيء صعب على ربنا أبداً، بس انت كييف تخت النية وتصْدُقها مع ربك،
وتسعى بطريقة لا نهائية إلى أن تُقَرَ عينُك بتحقيق أمنيتك وتشوفها زي فلق الصبح وتعيش احساسها،
بس أنت اسعى واتوكل على ربنا واتذكر
" ماف شيء كتير عليك وماف شيء صعب على ربنا "

#خليك_بتعافـر

لا تأخذك الانشغالات عن حظّك من قيام الليل ولو بركعاتٍ يسيرة؛ فالخلوة بالله تُزيل حجب الغفلة عن القلب وتقوّي فيه ركائز الثّبات.

_الوتر ?

هوا ممكن؟! (-_-;

ما نفسك تبدأ تعَزز من مقومات نفسك؟! ???.

#خليك_بتعافـر

بقولوا المنّاي لقّاي = والفال تحت اللسان،
بمقياس الفال الحسّن والجميل
اتمنى وحا تلقى يا رفيق،
وحسُن الظن بالله من أجمل وأسرع المؤثرات الإيجابية على حياتنا، فـ انت كل ما زرعت افكار جميلة صدقني حا تحصدها بذاتها أو بمقدار أكبر
وطبعاً كلو بإذن الله وإرادته

#ترتيل_عبدالله
#خليك_بتعافـر

واصل وانت تعبان، ما تبطل شغل على حلمك لمجرد شعور سيء أو أفكار سوداوية المنطق.

فالاخر وصولك للنهاية إصلاح وتعافي لي روحك ولكل نواحي حياتك،
بس انت استمر.

#خليك_بتعافـر

أكثر وقت ممكن يرتاح فيه بالك وينتج انتاج مثمر هو الفجر :)،
نسَائِم لطيفة، بال رايق، أفكار خالية من التعاسة، كل همُومك في وضع الصَامت، تفكِير حسُن، نظرة ثاقبة لمسّتقبل جميل ومُرضي نفسياً، إجتهاد للسّعي وعدم التوقف، تجديد للشغف، مُحاولات هادفة لتغيير روتين مُمل وقاتل، إستعانة بالله، استشعار التَوكل عليه، رِضا بما قسمه لك،
ثم البَدء من جَديد وبـ طاقةٍ أقوى ?.

#خليك_بتعافـر