*?Балаҕан ыйын 23 күнүгэр Айсен Николаев биэс муниципальнай тэриллии саҥа талыллыбыт баһылыктарын кытта көрүстэ. Кини эҕэрдэлээн баран этиилэри иһиттэ уонна улуустары сайыннарыыга турар соруктары чопчулаата.*

Биир кэлим куоластааһын түмүгүнэн, саҥа болдьоххо кимнээх хаттаан талыллыбыттарын санатабыт: Өлүөхүмэ улууһугар – Николай Харбин, Аллайыахаҕа – Яков Елисеев, «Жатай» уокурукка – Евгения Исаева. Оттон улуус баһылыгынан бастакытын Аллараа Халымаҕа Ярослав Бандеров уонна Өймөкөөҥҥө Александр Оконешников талылыннылар.

Кэпсэтии сүрүннээн анал байыаннай дьайыы кыттыллаахтарын өйөөһүн, национальнай бырайыактары уонна тыын суолталаах ыйаахтары олоххо киллэрии туһунан барда. Маны сэргэ, социальнай уонна инфраструктурнай эбийиэктэри, ол иһигэр Жатайга 360 миэстэлээх оскуоланы, Чокурдаахха канализационнай-ыраастыыр ыстаансыйаны, Черскэйгэ ТЭЦ, Колымское уонна Андрюшкино сэлиэнньэлэргэ оскуолалары, Уус Ньараҕа сылааһы биэрэр систиэмэни тутуу боппуруостарын ырытыстылар.

https://t.me/kyymsakha

*⚖️Борокуратуура ирдэбилинэн үлэһиттэр хамнастара төлөннө
Дьокуускай к. борокуратууратын бэрэбиэркэтин кэннэ «Приоритет» ХЭТ 11 үлэһиккэ 7,5 мөл. солк. сууммалаах хамнаһы төлөөбөккө сылдьара биллибит. Онон, тэрилтэ генеральнай дириэктэригэр иэһин түргэнник төлүүрүгэр ирдэбил түһэрбиттэр.*
Маны сэргэ, тэрилтэ оросчуоттаһар счеттарын арыйан, хамнас төлөнөрүгэр усулуобуйа оҥорбуттар. Ол түмүгэр салайааччы үлэһиттэрин хамнаһын толору төлөөтө. Чопчулуур буоллахха, «Приоритет» ХЭТ үлэтин сүрүн хайысхатынан хамсаабат баай-дуол атыыта, ону таһынан тутуу буолар.

https://t.me/kyymsakha

*?Артыыс Алексей Павлов уоппускатын кэмигэр арбуз атыылыыр үһү. Сөп ээ, сокуонунан бобуллубат*☝️

Арбуз билигин элбэх, таларга уустук. Эһиги хантан уонна хайдаҕы ылаҕыт?

Хаартысканы итэҕэйбэт буоллаххытына, манна киирэн көрүҥ?https://vk.com/id484850085

*?*?ЫРА САНААҔЫТЫН ТОЛОРУҤ!

"Үҥкүүлүүргэ хаһан баҕарар үөрэниэххэ сөп" диэн Саха сиригэр бальнай үҥкүүнү төрүттээччи, култуура үтүөлээх үлэһитэ Михаил Сивцев бигэргэтэр.**

Онон, «МОЗАИКА» бальнай үҥкүү норуодунай кэлэктиибэ Гранд-сеньоры (50-тан аҕа саастаахтарга) бөлөххө баҕалаах дьону ыҥырар.

Уус-уран салайааччы Михаил Сивцев нүөмэрэ: +7 964 421-18-94 WhatsApp)

https://t.me/kyymsakha

*?Чомчоевтар чугас киһилэрэ, сүрүн туоһулара Марина Платонова-Хомпорууна суруйбут:*

Дьэ сүрдээхтик ньаҕайдаһар дьон буолан биэрдилэр.

Төһө даҕаны халыҥ харчылаахтарын иһин, бириэмэтигэр баара суоҕа БУРУЙ билинэн бырастыы кыннарыах оннугар кырдьаҕас киһи утары хас да дьыала тэрийтэрэн, чугаһа суох сиртэн төттөрү-таары таскайдаттылар.

Хата, Анатолий Игнатьевич мюон эҥин диэни сэргиир буолан, син аттыгар араҥаччылыыр Өбүгэлэрин көмөтүнэн охтон биэрбэккэ тулуктаһа сылдьар.

Бас баттах дьаабыланыах кэриэтин Ермолов тутатына өйдөөбүтэ буоллар, баҕар УДО-нан тахсыбыт буолуон сөбө.

Аматын даҕаны иһин, араас албаһынан быыһана-ааһына сатаабыттарын иһин, "маменькин сыночек" (арахсыбыттара быданнаабыт)
быраас төрөппүттэрэ тигинэччи үлэлии сылдьар эрээри, ыарыылара элбэҕин ааһан, өссө харалтаҕа наадыйалларын туһунан суукка хас да көрүҥ справка биэрбиттэрэ...

Оннук албын-түөкүн дьон оҕото, 100 тахса киилэлээх амбал үрдүгэр саба баттыы сыттаҕына, Анатолий Игнатьевич спец/прием туттаары, Ермоловы аралдьытан:
- тоҕо өлөрө сатаатыҥ?
диэн ыйытыыга:
- САХА-ҕын, ол иһин...
диэбитин сэбиэскэй иитиилээх полковник:
... - ханна, тоҕо кэпсии сылдьыахпыный? - диэннээх.

Киһи ӨЙ-үгэр баппат дьыала?

https://t.me/kyymsakha