(💔حيث تقابلوا ايتام الزهراء بالعويل💔**)

تگابلنه و بچينه وطحنه من الـ هَم
شعرفنه من العـمـر بـأولها نـتـيـتم
وعلي شوفتنه كلش تكسر الخاطر
يتامه و يم أبونه من الهضم نلتم

علي بويه الصبر... طال و عبر حده
و لـو هـد الـدمع... يا جـفـن اليـرده

مثل  لم الحمام اليلتـم أعلـه العـش
نلتم يم علي و ذيچ البواچي نطش
________

زغار و تونه نمشي مو وكت حسره
و مـمشـانـه يـفـرح خـاطر الـزهره
أسمالله اليعثر تگله و تگومه بساع
مدري منين اجتنه النار و العصره

لو لحظه الدهر ... يرجع مثل وضعه
و يــرد العشـگ ... ما مـنكسر ضلعه

ياريت أبـواچيـنه الـزمـان يــعود
تـلتـم سبحـة الزهره و ترد ردود

________

شما يجبل علينه المغرب بـضيمه
نطلع وي حزنه و حرگة الشيمه
و بوجه الصحاري نگابل  المعبود
و شوغات و بواچي نترس الهـيمـه 

يا رب الخـلـگ... يـا رافـع الـسبعه
بس انته أتعرف... شوغتنه بالدمعه

يا رب العشگ دفعو عشگ حيدر
و كل ذاك العمر يم عتبته اتطشر
________

مر كلش يتمنه و بي جرعنه الـ مر
و ايام الحسافه من السعاده تجر
هاي الدنيه عبره و آخرتها الموت
يا يوم الهنه البي نسعد و نـعـبر

مدفوع العدل ... من موضعه ودربه
لا راعــوا نـبــي ... لا راعـوا الـقـربـه

ضلينه ابدمعنه نگالب الليله
ابونه من المصيبه ما بقه بحيله
________

تعبنه من الجفه ومن ضيم المجافه
وابونه من الهضم هل هدلت چتافه
هذا الي ترس گاع الصحاري گبور
تاليها الهجر من حيدره استافه

حيدر ما يذل... بس هدلت متونه
من كثر البچي... ما راحم عيونه

اذا حـيـدر بـچه گـبال الـيتامه و حَــن
شلون احنه أبيتمنه و نگطع من الـ ون
________

ايتام_الزهراء
ابو_نوح_الكناني

الليالي الفاطمية 1446هجرية**

الليلة على بركة الله ينزل جزء من برنامج الليالي الفاطمية💔

**رديت خويه بضعني رديت مشتاگ رد ضعن العلاوي
وين الملاگه الحار يـ أحنان ياهو اليگابلنه بنعاوي
محد نشدني شصار بالشام يهلي چبيرات البلاوي

حسين گوم انشد ضعنكم وين ناوي الليله
اتفگد ابنيـات بيتك و أنـشد اعـله العليه
من السبي متعوب ضعنك خويه راكد حيله

༺༺༻༻༺༺༻༻

الكلفه الخذت عافيتي يحسين الزادت مصيبتها المصايب
بالشام خويه أبنيه بالشام ناحت وسط ليل الخرايب
جابو طشت بي حفنة اسنين و شبگت ابوها ام گلب ذايب

جتك ابنيتك رقيه و بيها حسره و لوعه
ماتنيه صدرك يضمها و تغفه فوگ ضلوعه
شافتك بس نحر دامي و ماتت المفجوعه

༺༺༻༻༺༺༻༻

خويه الدرب خلصته ونات ونه التذبني صوب ونه
لا يصلح ولا يرهم الصار والهضمه صار ابعضن اهلنه
بحبال مچتوفات بحبال ترضوها يا بيت المحنه

جيتك من الشام خويه هواي الك محتامه
جيتك و همي يخويه من الجدم للهامه
وين چفين ابو فاضل وين ذيج ايامه

༺༺༻༻༺༺༻༻

يحسين شحجيلك على الضيم ما ينحجي ضيم الليالي
غالي الضعن لجن يالحسين كل ليله افگد منه غالي
بين الحوافر راحت اطفال و يا خويه ضيعته دلالي

خويه كل ليله اموتن ضيم حسره وحيره
صعب يا ممشه الغرايب وسط ذيج الديره
ناس ما تعرگ گصصها و لا تعرف الغيره

༺༺༻༻༺༺༻༻

تاكل بگلبي ونه الليل بسكته وبعيد من المسامع
لمن غفه ضعن المداليل گابلتك بذيج المواجع
شابع دليلي اجروح و اهات وراسك دمع ياخويه شابع

وهسه جسمك گابليته و سولفت مهضومه
گوم يا مضلوم اجتلك اختك المظلومه
لا ألي تعب الليالي ولا ألك هل نومه

༺༺༻༻༺༺༻༻

(رديت بضعني )
قصائد المشاية الاربعينة
١٧ /صفر /١٤٤٥ هجري
كتبت في شارع باب القبلة/ كربلاء المقدسة
ابو نوح الكناني**

**وا ويلي على المذبوح وا ويلي على المذبوح

اجيتك شابچه العشره
كل نگله جدم عثره
جرحك تارس الصحره
إذا ما تحجي بالنظره

ودعني يبعد الروح
وا ويلي على المذبوح

༺༺༻༻༺༺༻༻

وا ويلي لگيته شلون
من النزف مابي لون
وناديته بگلب محزون
طلعت ركض ليك ام عون

ما تعرف لوين تروح
وا ويلي على المذبوح

༺༺༻༻༺༺༻༻

يا وسفه خضاب ادموم
فوگك يا چبير الگوم
خياله عليك اتحوم
اتطعنك لو نويت تگوم

يل صافي بگايه اجروح
وا ويلي على المذبوح

༺༺༻༻༺༺༻༻

لگيتك جرحك بكبرك
سهم ضهرك وصل صدرك
إذا ما ميت اتحرك
امسح دم الـ بنحرك

ولو من النبل متلوح
وا ويلي على المذبوح

༺༺༻༻༺༺༻༻

سمعتك تشهگ من أبعيد
و بادن مني رجلي و أيد
يماي الروح ماي أتريد؟!
اجيب منين يا صنديد

اجيب منين مطرة نوح وا ويلي على المذبوح

༺༺༻༻༺༺༻༻

على جيدك بديك اتلوج
و راسك يا شهم مفلوج
اجنك عشره خويه و عوج
نزف والحر سموم ايموج

وتناجي بصوتك المبحوح
وا ويلي على المذبوح

༺༺༻༻༺༺༻༻

هد متني شثگل حزنك
سبعين ارحلو منك
ابن اخوك انكتل عد حضنك
قبل ساعه دفنت ابنك

شمتاني بطلاع الروح
وا ويلي على المذبوح

༺༺༻༻༺༺༻༻

وحيد وما الك نغار
دنو منك نبل وحجار
برماح المعسكر دار
كل باشط نزل بتار

اثنعش طبره الدمه مسفوح
وا ويلي على المذبوح

༺༺༻༻༺༺༻༻

ابو نوح الكناني**

**ما معقول ... يندل طريقه المذهول بين العساكر وخيول
لا والله ابد ما معقول
بهاي نحير.... وما نلگه نقطة تفسير سن الرمح من ايدير
صوب النسه بهاي نحير
شنهي تگول ...لو شفت عشگك مكتول خيل ونبل منه اتنول
ساعتها بس شنهي اتگول

دنگ واخذ حسرة بوسع
وانظر لاصابيعه التسع
ساعتها تعرف تنفجع
لحسينك
لم الضياع الـ بالخيم
من كل طفل جدمه انلجم
من كل نسب عالي انشتم
لحسينك
كتبنه سطور من ضيم المقاتل
ولگينه القلم شيب بحبره نازل
افهم كل حرف من كربله جاك
حسين هواي عايفلك رسايل

༺༺༻༻༺༺༻༻

شلون اتنام ... الواليها متروس اسهام وباچر يتانيها الشام
هاي المره شلون اتنام

هاي ايتام... و بگلب واله محتام تحسب حساب لجدام
باچر سبي و هاي ايتام

تسكته اشلون... الفاگد ابو وسط الكون اصعب مهمة اعله ام عون ... اليشتاگ ابو تسكته اشلون

اعظم وصف الها الصمت
للحيره باوع والتفت
كل كربله بعهدة اخت
لحسينك

بين الذبيح وذابحه
وبين الحزن والمستحه
هاي المواقف جارحه
لحسينك

وين الزادت الهضمه بخيامه
وين التحرگ گلوب اليتامه
اصفن بيها هاي بسكتة الليل
وشوف ال ما رغد لحظه بمنامه

༺༺༻༻༺༺༻༻

وين تروح الكافلها بالبر مذبوح ما ينعرف كله جروح
حاچيني چا وين تروح

نار اخيام وجَتها ملة ظّلآم بين انسحگ بين الـ هام
ركضوا وسط نار خيام

تلبد وين الما طاح ظلها بصف بعين وينشاف البظهر حسين
آخ الهظم تلبد وين

منها وحزن هاشم بده
هذا اعظم الصار وسده
من طلعت ابين العده
لحسينك
طلعت عَدِي أبين الخيم
بذاك العفاف المحتشم
حيره وحيه تجر الجدم
لحسينك

چبيره السالفه وكلش ثگيله
أبين الخيل ما تطلع عقيله
تدور عن اخوها بين الجيوش
ميت لَچن راحت تشتكيله

༺༺༻༻༺༺༻༻

راد الماي.. بالگوه طلعت بهداي گلهم خمد حيل أعضاي
بآخر نفس راد الماي

بروحه يلوج.. والراس دامي ومفلوج گربن عليه عشره وعوج
چان الولي بروحه يلوج

دار العين... وياريته ما دار حسين الـ شافه أشد من البين
ياريت ما دار العين

شاف اللهب وسط الخيم
وطلعو ركض بيت الشيم
يا وسفه ما باقي علم
لحسينك

طلعن ربيبات الخدر
وملگاهن خيول وجمر
هذا الركض ذابح عمر
لحسينك

گصيره الخطوه وخيامه بعيده
من الشوگ صارت روحه بيده
لا گلهن ارجعن، بالخيم نار !
ولا گلهن تعالن وسط بيده !

༺༺༻༻༺༺༻༻

شاف اعيال... و يركض وراهم خيال يعثر اليركض بأرمال
ذاك بفرس ذولة عيال !؟

ركض الخيل .... مو مثل المخلص حيل من الصبح حد الليل
خلصت بچي و ركضة خيل

جدم ازغير... و سحگت جمر شنهو ايصير؟... تچوي اعله گد التفكير .. مو مال يسحگها ازغير

تخيل طفل داس الجمر
يتباچه وعيونه حمر
يشكي كوابيس اليسر
لحسينك

ما ينوصف هم كربله
بين الابو وأبنه صله
بس الحوافر فاصله
لحسينك

اتخيل انت اجيت بيوم عاشر
ابوك گبالك اتدوسه الحوافر
يل مگيدين اديك شحالك بهاي
تظل لا ميت ولا حي تناظر

༺༺༻༻༺༺༻༻

قصيدة فاجعة( ضهر العاشر)

قصائد محرم الحرام ١٤٤٦ هجرية

ابو نوح الكناني**

نص مفتوح ليلة الوحشة?**

غروب عاشر ... غروب عاشر كلشي سكته غروب عاشر
بيها صوت الدمعه يدوي و حتى ناگوط المناحر
گطره گطره تهزنه برحي و نرتخي و نرجع نكابر
و نسمع الماي ايتشمت و ع الجرف يحچي و يفاخر
انا بضعون الرساله يتمت كل طاري باچر
ماي يا كاسر گفه حسين اعله اخيه انت كافر
وانت هم دست أعله گلبه و هو ما عايز تدوسه
ضال بس عطر امنه منه والبگايه اعله الحوافر
و مو غريبه مو غريبه هو هذا غروب عاشر

رمشة الثچله اعله ابنها عيون تلطم
حسين مات و كلشي عگب حسين يهظم

گمنه عل دخان نتوچه و نميل
كلها معلوله صفت مو بس عليل
نبچي سكته وسكته يكتلنه العويل

ماكو شي بالطف بقه بوضعه و صحيح
والعدل يلبد وره متون الذبيح
نگوم مثل اليحبي بس نرجع نطيح
رمله طاحت... سكنه طاحت... ليله طاحت
خرزه خرزه السبحه لو رادت تطيح

نگوم وحده تعين الاخره حتى لا بالبر نضيع
نمشي بالحومه اعله هيده بالهدو يمشي الفجيع
بالدرب كل خطوه طيحه يعني نوصل يم صريع
كلمن و كتاله سيفه بيا سبب مات الرضيع

والنفس شهگاته فشله و الهوه اليعبر غريم
گبل ساعات شحلانه والحچي ماهو قديم
لچن هيه الركضه تتعب وكلفه بالبر لو تهيم

يلا خنكمل دربنه يلا گولن يا علي
ثلث جثث لو فوگ منهن ونوصل لصدر الولي
و ما وصلنه .... ما وصلنه ....

گالو ام جسام طاحت گلنه يم جاسم وصلنه
يلا يحبيبات هاشم طلعن لجسام حنه
جهزن العريس لأمه و هالله الـ هالله بأبنه

و كملينه بشوگ حسره و احنه نتخطه اعله اهلنه

هنا يتعبي ... هنا يحزني .... هنانه يبني
ليله صاحت صووب الاكبر ....
خدك الزاهي توذر
الله اكبر الله اكبر
انت جنت بعيني ديره ليش من الخيل تزغر
يا مُحمد يا مُحمد عشگك مطشرينه بالبر
الله اكبر الله اكبر

و احنه كملنه بدربنه و العدد ضل مو چبير
يعني اذا اولنه طايح يعثر بجسمه الاخير
نمشي سبحه و الخرز كلهن سبايه
من نحلنه چنها بالريح العبايه

(ضج بالعويل اذا وصلت هنا)
واحنه نمشي و فز گلبنه !.... وانهظمنه
و انهدمنه .... والهوه يدرفع جدمنه
ها يهلنه .... ها يهلنه چنه هذا حسين يمنه

حسين ذاك حسين ذاك حسين ذاك
گوه ميزناك عنهم وين صدرك من گفاگ

ها وصلنه ... اي وصلنه .... اي وصلنه
هنا حسين حسين وينه گوه گوه شايفينه
شكثر ويلي ساحگينه

حسين يا بعد الخيم والطايفه
انت ما تقبل بناتك خايفه
ذني اجنك گوه يمشن ع الجمر
جرح فگدك ماكو چف الرايفه

حسين هذا و ماكو شي ما جارحه
الگاعـد ويـانه شـحلاته البـارحـه
بوجهه چنه نمسي چنه نصابحه
حاچي زينب بالمحاچي المالحه
هــسه يمك لچن باچـر رايحـه
أجبر گليب الرباب الطايحه
گلها عبدالله ذبحني الذابحه
على جروحك عين خدرك شابحه

يلا گومن يلا خويه هسه موعدنه النهر
ما يتيه ذاك هوه و ياهو اليضيع الگمر

خويه يا عباس اجينه .. نمشي وعيونك علينه
مستحه لمن وصلنه .. اعله النهر ضمينه ادينه

يا حنين .... فز تلگانه ضعن هاشم وصل
فز تلگانه ولو صايـر وصل

انت ما تگدر تسلم ع الضعن
واحنه نسوان من اديهن يستحن

عوف ادينك ... سَلّم بعينك لچن لا تعتذر
بله عينك ... الله لا ينطي السهم صاب الخدر
لا تسلم طايحه و چنك حچيت
انته وي گلوبنه هم راعي بيت

يا ابو بيت گلوبنه لجرحك ننوح
وين ما ندري لچن باچر نروح

نشوفكم بلــخـير ما عــادت تـصير
حسين مات الدنيه ماضل بيها خير

༺༺༻༻༺༺༻༻

(غروب عاشر) ليلة الوحشة

قصائد محرم الحرام ١٤٤٦ هجري

ابو نوح الكناني**

**((ٱلَّذِينَ إِذَآ أَصَٰبَتۡهُم مُّصِيبَةٞ قَالُوٓاْ إِنَّا لِلَّهِ وَإِنَّآ إِلَيۡهِ رَٰجِعُونَ ))

ولما ضعف عن القتال وقف يستريح ، فرماه لعين بحجر على جبهته ، فسال الدم على وجهه ، فأخذ الثوب ليمسح الدم عن عينه رماه آخر بسهم محدد له ثلاث شعب وقع في صدره وقيل على قلبه فقال : بسم الله وبالله وعلى ملة رسول الله . ورفع رأسه الى السماء وقال : إلهي أنك تعلم أنهم يقتلون رجلاً ليس على وجه الأرض إبن بنت نبي غيره !!!! ثم  أخرج السهم من قفاه ، وأنبعث الدم كالميزاب ، فوضع يده تحت الجرح ، فلما إمتلأت رمى به نحو السماء وقال : هوّن علي ما نزل بي أنه بعين الله ، فلم يسقط من ذلك الدم قطرة الى الأرض !!!! ثم وضعها ثانياً فلما إمتلأت لطّخ به رأسه ووجهه ولحيته وقال : هكذا أكون حتى ألقى الله وجدي رسول الله وأنا مخضوب بدمي وأقول : ياجد قتلني فلان وفلان . وأعياه نزف الدم ، فجلس على الأرض ينوء برقبته ، فإنتهى إليه في هذا الحال مالك بن النسر فشتمه ، ثم ضربه بالسيف على رأسه ، وكان عليه برنس فمتلأ البرنس دماً . فقال الحسين عليه السلام : لا أكلت بيمينك ولا شربت وحشرك الله مع الظالمين ، ثم ألقى البرنس ، وأعتم على القلنسوة

قال هاني بن ثبت الحضرمي : أني لواقف عاشر عشرة لما صرع الحسين ، إذ نظرت الى غلام من آل الحسين ، عليه إزار وقميص وفي أذنيه درتان ، وبيده عمود من تلك الأبنية ، وهو مذعور يتلفت يميناً وشمالاً فأقبل رجل يركض حتى إذا دنا منه مال عن فرسه وعلاه بالسيف فقطعه وذلك الغلام هو محمد بي أبي سعيد بن عقيل بن أبي طالب وكلنت أمه تنظر إليه وهي مدهوشة . ثم إنهم لبثوا هنيئة وعادوا الى الحسين وأحاطوا به وهو جالس على الأرض لا يستطيع النهوض

فنظر عبد الله بن الحسن السبط وله إحدى عشر سنة الى عمه ، وقد أحدق به القوم فأقبل يشتد نحو عمه وأرادت زينب حبسه ، فأفلت منها ، وجاء الى عمه ، وأهوى بحر بن كعب بالسيف ليضرب الحسين فصاح الغلام : يا إبن الخبيثة أتضرب عمي الحسين ؟ فغضب اللعين من كلامه ، فضرب الغلام بسيفه فاتقى الضربه بيده فأطنها الى الجلد فإذا هي معلقة فصاح الغلام : يا عمّاه لقد قطعوا يدي ، ونظر الى أمه في باب الخيمة فنادى : يا أمّاه لقد قطعوا يميني فضمّه الحسين اليه فقال : يا إبن أخي أصبر على مانزل بك ، وأحتسب في ذلك الخير ، فإن الله تعالى يلحقك بآبائك الصالحين . ورفع يده قائلاً : اللهم إن متعتهم الى حين ، ففرّقهم تفريقا ، وأجعلهم طرائق قددا ، ولا ترضِ الولاة عنهم أبدا ، فإنهم دعونا لينصرونا ، ثم عدوا علينا يقاتلوننا ورمى الغلام حرملة بن كاهل بسهم فذبحه وهو في حجر عمه ، وبقي الحسين مطروحاً على الأرض ملياً ولو شاؤوا أن يقتلوه لفعلوا ، إلا أن كل قبيلة تتكل على غيرها وتكره الإقدام.

فصاح الشمر ما وقوفكم ، وما تنتظرون بالرجل وقد أثخنته السهام والرماح ، إحملوا عليه ، فضربه زرعــــة بن شريـــك على كتفه الأيسر !!!! ورمــــاه الحصــــين في حلقه !!!! وضربه آخر على عاتقه !!!! وطعنه سنان بن أنس في ترقوته ، ثم في بواني صدره ، ثم رماه بسهم في نحره ، وطعنه صالح بن وهب في جبينه

قال هلال بن نافع : كنت واقفاً نحو الحسين فرأيته يجود بنفسه ، فوالله ما رأيت قتيلاً قط مضمخاً بدمه ، أحسن منه ولا أنور وجهاً !!!! وقد شغلني نور وجهه عن الفكره في قتله !!!! فأستسقى في هذا الحال ماءاً فأبوا أن يسقوه !!!! وقال له رجل : لا تذوق الماء حتى ترد الحامية فتشرب من حميمها.

قال : أأنا أرد الحامية ؟؟!!!! وإنما أرد على جدي رسول الله ، وأسكن معه في داره ، في مقعد صدق عند مليك مقتدر ، وأشكوا إليه ما أرتكبتم مني ، وما فعلتم بي فغضبوا بأجمعهم حتى كأن الله لم يجعل في قلب أحدهم من الرحمة شيئا

وأقبل فرس الحسين يدور حوله ويلطخ ناصيته بدمه !!!! فصاح إبن سعد : دونكم الفرس فإنه من جياد خيل رسول الله . فأحاطت به الخيل فجعل يرمح برجله ، حتى قتل جماعة ، فقال إبن سعد : دعوه لننظر مايصنع فلما أمن الجواد الطلب ، أقبل نحو الحسين يمرّغ ناصيته لدمه ويشمه ويصهل صهيلاً عالياً

قال أبو جعفر الباقر كان يقول : الظليمة الظليمة ، من أمة قتلت إبن بنت نبيها وتوجه نحو المخيّم بذلك الصهيل فلما نظرن النساء الى الجواد مخزيّا !!!! والسرج عليه ملوياً!!!! خرجن من الخدور !!!! على الخدود لاطمات !!!! وبالعويل داعيات !!!! وبعد العز مذللات !!!! والى مصرع الحسين مبادرات..

شهل صباح ويلي يربي?**

**بخمسيني و شيبي و تعبي و تغريبي
جيتك من التله كـل عثـره أصيح
بهيده يا ذباح اجت اخت الذبيح
بخمسيني و شيبي

༺༺༻༻༺༺༻༻

مو مضيف سيوف صدرك ولا درب حافر يصير
بــشوف عيني ما المك شلون المك بالحصير
يا چبير ابكــلـهن انته حتـى بجروحك چبير
روحه رده الدوس يلچم وانـته بعيونك تدير

الــمـن تــباوع خـَـيـم مــاكو بعد
و ذني اليركـضن غـريبـات الـبلد
رحمه المخـيم ذره عـيون الزغار
و لا تشوف الحافر لصدرك صعد

جيتك و كل طبره من الگاع اطيح
بهيده يا ذباح اجت اخت الذبيح

༺༺༻༻༺༺༻༻

خويه مو كل السوالف تنحچي بَنص الكلام
بكربله كلشي تغير حته منطوق السلام
السهام اعليك أگلك وعَلي نـار الخـيـام
لا تشوف شلون نركض غمض وحاول تنام

لا تتعب عينك بدرب الخيم
هنه طاحن من وگع ذاك العلم
بس خلص نزفك يبو جروح الزلال
الله گل للدنيه صبي لجرحه دم

كلها مجروحه لجرح هذا الجريح
بهيده يا ذباح اجت اخت الذبيح

༺༺༻༻༺༺༻༻

ركضة الخايف ثگيله والعطش وحده ثگيل
انا من هول المصايب بالهوه اليعبر اميل
انت دربك كله عسكر وانا بت حامي الدخيل
المصايب مو قليله و گتله اخذ ربي القليل

جرحك من الخيمه لحدود النهر
چم الف داس وعلى جسمك عبر
نعمة الله الدايسك مو بن حلال
لچمه لچمه وهل جرح صدرك كبر

بگد شذر محبس و لا ضل شي صحيح
بهيـده يا ذبـاح اجـت اخـت الذبيـح

༺༺༻༻༺༺༻༻

انا ماني بنيتي اعاتب والعتب مو للصريع
بس توازيت بـعـتابـي من شفت بعدك اضـيع
بيش يرحم خدر اهلنه الما رحم حال الرضيع
يا بعد عتبي و دلالي ملگه مفجوعه وفجيع

انا مـا اگــدر بـعـد اگـرب شــبـر
خاف اجيك ويعرض لطولي الشمر
يا كـسـر گـلبـي اليمـوت ابلا جـبـر

أسمع اشتايم بعد ذاك المـديـح
بهيده يا ذباح اجت اخت الذبيح

༺༺༻༻༺༺༻༻

الله خلد كربلائك وطفك اوحد محتواه
چي يحبك گلك ارجع و النـذر بـالغ مـنـاه
بس گلت يا ربي راضي (وارتضى الربُ رضاه)
واخذ ميثاقه و توكل لحد ما دمه خذاه

يا عجيب الماكو من عنده عجب
العرب ذبحت ابن شيخ العرب
رغم يدرون بمقامك والحسب

و كل گلب عاشگ بنه لحزنك ضريح
بهيده يا ذباح اجـت اخـت الذبـيح

༺༺༻༻༺༺༻༻

بخمسيني و شيبي

قصائد محرم الحرام١٤٤٦
ابو نوح الكناني**

**ليلة عاشر محرم /نص(٦)/ ليلة المصائب أجمع

جرحي الـ بالعظم بَيّن ما هان وكلت هَيّن
كلشي يهون لأجل الله ولو لاچمني عبدالله
صعبه الوالده التشتاگ لمناغات الحنَيَّن

چنت بَكل صُبح يَمَه أفك عَيني عله عَيونه
واگلله صباح الخير و أيفك فرگة جفونه
شلونچ گَلي بالنضرات و أنا أتنشد أشلونه

نتگابل دمع و ايتام ما نعرُف نَـمّـل و أننام
أبني أترف طفل مخلوق يشبه دمعة المحتام

༺༺༻༻༺༺༻༻

أصبر والصبر سلوه لل ما حَصلّ المنوه
گلبي أيسابج الحافر شسوه بحالي العاشر
خَيّر ريته كون الموت واطلب للولد عطوه

من گلبي لخصر جيده لگيت ايامه منثوره
لميّته شضه امرايات وشيّلم الگمر نوره
من قرآن أبُوه حسين عبدلله وگع سوره

خده احمر شموس غروب شلون عيوني منه أتوب
وسف مالة لسان أيگول انا أبيا ذنب مطلوب

༺༺༻༻༺༺༻༻

صوتي من الخيم يعله مسرع سابگ النبله
ركضة صوتي والنشاب يتوسطهة ريح الهاب
يا نبله أبعدي اشواي الموت أعل أبني ما يحله

صوتي مغاوث اليحلم ماكو كل نفع منه
ما غَيّر درب نبله الموت اعله ابني يتعنه
چن دمعه فرح عمره طاح أبلا ثگلّ وَنه

ما يدري الهجر چتال شال البيته وسط البال
الله يَساعد العينين لطمنّ لَطمة ألشلال

༺༺༻༻༺༺༻༻

اسمع دمه من گَطرّ وصوت النبله بالمنحر
شما يبعد يضل بيه اسمعهن محجاچيه
گَلي أشگد وجع بالموت بس الشوگ الچ أكبر

أَنهَ الينباگ أعرفنه مو يم النظر و العين
بس عبدالله من باگوه چان بَحضن أبوه حسين
اول مره هاي يروح أبني و ما أعرفه لَوين

أسَمع يـ أم عبد ونّي عبد بدمومه متحَني
ويلي شَماله راي الموت عافاني و ركض لـ أبني

༺༺༻༻༺༺༻༻

مات وليدي بس انه ما بَطلّت المتانه
اصفگ راحي وأتحسر مات التوه من خَضَّر
چا ليش بَخريف الموت ورده روحي ذبلانه

راح و گلي أشرب ماي ما گايلي أتأخر
وانا آكل بگايه الروح و أتباوعله اتنطر
چان ابيض مثل گلبي شسوه گماطه هيج أحمر

جرحه عيون أله الكون ما تعرف تَغَمض شَلون
دفنوه أو صَحت چا ليش من يمته الورد مدفون

༺༺༻༻༺༺༻༻

قصيدة (لاچمني عبدالله)

قصائد محرم الحرام ١٤٤٦ هجري

ابو نوح الكناني**

#هوسات#بناء_البقيع_حق **شنو عذره التخاذل ؟ لا فشگ لا طگ !
هنه حچايتــين ... و لله بيــهن حَـــگ
(مطلبنا البقيع) و ما يموت الصوت
لَحد مآ تسمع أبـ ساس البناء أندگ

ها...(الچف اللطمت تبني، گبور شيوخ الكون)

حملة المطالبة ببناء بقيع الغرقد١٤٤٥ هجري

ابو نوح الكناني**