Сустракацца з вамі ў прыгожых месцах на ўтульных акустычных канцэртах – ужо добрая традыцыя! Таму запрашаем вас 23 жніўня ў дворык Беларускага моладзевага хаба (Dożynkowa 6A, Warszawa) на летнюю акустыку ў горадзе В.

Зайграем для вас поўным складам свае лепшыя і зусім новыя песні ў акустычным варыянце.

Толькі 50 квіткоў у продажы!
У кожны квіток, таксама ўжо па традыцыі, уваходзяць welcome drink ды смачныя пачастункі.

23 жніўня
Беларускі моладзевы хаб (Dożynkowa 6A, Warszawa)
Пачатак - 20:00
Квіткі тут

Да сустрэчы ❤️

P.S. І таксама чакаем вас 2 лістапада ў клубе Stodola на канцэрце, дзе разам будзем святкаваць наша 25-годдзе! Будзе горача!?
Квіткі на вялікі канцэрт тут

Сябры, мы так чакалі гэты момант...

Запрашаем вас на наш вялікі святочны канцэрт у Варшаве, прымеркаваны да 25-годдзя гурта!

?2 лістапада 2024
?Klub Stodola

Квіткі ўжо ў продажы

Гэта будзе адзіны вялікі электрычны канцэрт у гэтым годзе. Абавязкова будуць найлепшыя песні, новыя песні, цікавыя госці і прыемныя неспадзяванкі.

Першая партыя квіткоў па спецыяльным кошце - 99 zł

Чакаем вас і абаяцяем, што гэта будзе асаблівы вечар!

З ❤️ JM

Сення найважнейшай падзеяй з'яўляецца дзень народзінаў нашага даражэнькага Ўладзіміра Пугача!

Мы табой ганарымся і натхняемся кожны дзень! Няхай увесь твой жыццёвы досвед фарміруецца ў словы, а пачуцці ў музыку. Толькі наперад!

Любім і заўседы побач! ❤️ Твая сям'я і каманда JM

P.S. А самым галоўным падарункам для Валодзі, мы ведаем, будзе ваш фідбэк да новай песні "Зброя" ?

Наша новая песня "ЗБРОЯ" ўжо на ўсіх пляцоўках!

СЛУХАЦЬ

"Зброя" – гэта песня-напамін. Як бы ні было цяжка, якія б перашкоды ні сустракаліся на шляху, якім бы змрочным часам ні здавалася жыццё – трымайся, усміхайся, ідзі наперад разам з такімі ж, як ты. Спрабуй змяняць сябе, пакрысе мяняючы свет вакол. Гэта і ёсць наша зброя…

Для вас. Дзякуй, што з намі ❤️

Вашы JM

2004 —> 2024. Сення 20 год альбому «Montevideo»!

Нават трохі цяжка ў гэта паверыць. Такія цеплыя ўспаміны ❤️

Якая ў вас любімая песня з гэтага альбому? Пішыце ў каментарах??

З Днем Роднай Мовы, даражэнькія!❤️

А яшчэ сябры сення нагадалі пра вось такі наш праект: "Адлегласць: падарожжа па Беларусі".

Каму цікава, то вось спасылка на паглядзець.

Вы прасілі і пыталі "ці будзе?", а мы зрабілі ўсе магчымае, каб гэта атрымалася.

Таму, так, анлайн-трансляцыя нашага канцэрта 14 лютага - будзе!

Квіткі ўжо можна набыць тут (вы самі вырашаеце, колькі заплаціць за квіточак).

І нават калі ў вас не атрымліваецца паглядзець канцэрт 14 лютага, ен будзе даступны для вас яшчэ 3 дні пасля гэтага.

З ❤️ JM