الحن خاص خدام 🤍

مصيبة الشام

اخ الشام اشخله مصيبه
هاي ام عون اتسمه غريبه
بيها ســوالف ولله عجـــيبه ... شااام

بيهه التراجي وبيهه العمايم
بيهه الخرايب بيهه الشتايم
فوك الرماحِ ابن امي نايم ... شااام

الغربه . خلت زينب اوحيده
وعـــن حســــينهه ابعـــيده
تركض وبوصــط شـــمات
اخت الـــطايح اعــضيده

عين حسين : عينه عليه
تعمه العيـن : كالو سبيه
زينـب وين : هاي الخطيه

الشام اهواي تعبني ...
...............................
ميت اخوها ومات الكفلهه
احبال ابديهه محد يفلهه
موتو يوادم زينب لفتهه .... شاااام

واحد اجانه وراد الهديه
ولله خطيه عوفو رقيه
جا ماكفاكم جلمة سبيه .... شااام

شاااام هاي الشام شيبتنه
اطفال اتصـــيح عمـــتنه
اكبالي وتيــهت روحــي
من كـــد ما تخــــزينه

اه ياســـوك : لا تشترينه
هواي لناس : تباوع علينه
ابنـك كال : هاقد خزينه

الشام اهواي تعبني ...
..................................
ابنام يموت بلجمة عزازه
صاحو غريبه هاي الجنازه
اه ياوكفتك ياخويه عازه .... حسين

خلو عليه خويه حراسه
جابو خيول وجدامي داسه
كتله حسين وجابالي راسه .. حسين

ليش تسحكه وترعب الطفله
اطـــك الحرمه مو فـــشله
هاي الموتـــت زيـــنب
راسه عـــلى رمــح يعله

هواي الماي : بس ماشربته
كالو مات. : تباوعلي بته
باسمي صاح: بس نبجي سكته

الشام هواي تعبني ...

الاحن خاص خدام 🤍🩶

#رأس_الحسين_ع_يتكلم_مع_علي_الاكبر

مُت ياعلي هيَ زينباَ صعدت نياق

#الشاعر_ليث_الماجدي

مولاي الحسين يخاطب نفسه

انته واحد كلها طاحت ناسه
والتعوفه اخوانه هوسه ابراسه
يلي طاحو ربعك اعلا الهيمه
بين مات وبين حافر داسه

موت موت - انت المخلينه اخوته ابحاله
موت موت - يلي كسر اظلوع يدوي اباله
موت موت - يلاتفرهد كلبه عن احباله

حسين - حسين
==========+=========
يل امخلص كلك امخلينك
جروحك اتضمهن اتفضحك عينك
انته ربعك طايحين اكبالك
منين اجيباً وهب حتى يعينك

ابلا اعيون - يلاتراكضت ابوسطهم حافي
ابلا عيون - ايدوسك الحافر وتصرخ كافي
ابلا عيون - اتصيح وخرو التعب هد اجتافي

==================

انته واحد ابنه كاسر ضهره
واكف وكل ساع خيل اتهطره
يلماترد ضيفك اجت خياله
عازم الخيل على دوسة صدره

ليش هاي :: انته تعطش ولخيول تروه
ليش هاي :: طيح انت تكوم وترد كوه
ليش هاي :: الماخذ الخنصر تكله فدوه

...
جابك من لخيم حافر شالك
عاف صدرك ضل يحز بخيالك
انته جنت الجيش كله ترجفه
انته يل تركض كبال عيالك

هواي هاي:: ليش عشره تهد عليك واحد يكفيلك
هواي هاي::وين اخوك حزام ضهرك خليجي يتجيلك
هواي هاي:حيل جنت انت توزع هسه مايل
حيلك
....
الشاعر منتضر التميمي
الشاعر ليث الماجدي

السيده زينب ع تحاجي الامام الحسين تشكيله على الشمر اكله

اجيتك ولعده تولوني بحجار
ويكلولك اخيتك كوم ليهه

طلعت من الخيم اركض وشوف الخيل
ابجي من اشوف إكبار رجليهه

الشمر كلي يزينب شوفي لحسين
جيبيلي رقيه و خل ابجيهه

الهديه المنك البنتك راحت وين
بارض الشام جرو كل تراجيهه

المعاني الحلوه جانت عن رقيه تكول
من جاب ألطشت خربت معانيهه

إذا علكاع طاح الماي خير نكوول
ياخير اليسبب كل بواجيهه

من ابعيد أسمعت لمن وصل لحسين
صاح ابصوت طكو الجان حاميهه

اجاني وشايل الجربه التنكط ماي
هاج الجان ابو فاضل الشايلهه

وصلنه السوك طبينه بس شلون
صاح بصوت بيعوهه غراض ام عون

ليث الماجدي ?

#محرم_الحرام_1446ه‍
#اليله_الثالثه_مولاتي_العليله_ ع

بويه وياك أنا أمشي
اصعد خلني بل ناكه
مريضه ومن اروح وياك
اشفه بصوت الملاكه

صعدني ....... فك حزني ...... ارد اروح

من سولفت
وين رقيه سولفت لمن بجت
وتحيرت
باقه بل خيمه يتيمه وصيحت
من ناشغت
متت من صعدن علاوي هنا شفت

ياهو ليروح لبوي ويكله ابنيتك
ويخواتي ارد اروحن يبوي دخليك
اصعد النوك وخرابه يبويه ابجيلك

اااااه مو عليله
....................
شفت النوك منحنيه
وخواتي صعدن عليه
صعدن ولبنات تكول
بويه لا تخليه

متحيره ........ ومتغيره ........ بس تنوح

لمن اجو
مو عليله ومن اروح هناك اطيب
وتوادعو
حسين كاتلته العليله وبس نحيب
لمن مشو
حسين ماكو بحضنه بنته شكد غريب

بويه بنتك خطيه تريد بس أملاكه
ماتعبك ببويه تنام فوك النـــاكه
حضرت هدوم يبويه ولدوه بعلاكه

ااااااه موعليله
.....................
اخ شلون بويه ام عون
من تمشي الضهر للشام
من تتعب اصير اجتاف
وليليه اصير اخيام

اخ شلون ...... عمه ام عون ........ كليله

محد رجع
حسين لمن راح شفته هنا بجه
حسين انوجع
العبره ماخذته ابوي أو ما حجه
كلبي انشلع
عاد خليلي عبد بس ما اجه

بابا اشرب ماي عيني خاف تعطش بأجر
خلي اروح وياك بويه نشيلك من الحافر
ماي مامنطينك انته شوف بيك اشصاير

اااااه مو عليله
........................
تطلع تركض بهيمه
اريد اوياهم أنا انطك

ليث الماجدي

#محرم_الحرام_1446ه‍
#اليله_الثانيه_مولاي_صاحب_الزمان_عج

يمتى نسمع كل تفاصيل الضهور
نشعل شمع ببيوتنه نشعل بخور

يمتى تضهر مولاي .... ورد اشبكنه هواي
.......................

تمر كل جمعه يا ابو عيون غركانـــــه
أتانـــي ابابنه كل جمـــــعه مولانـــــه
خايف أنا من منضـــر نــــزول الطـــف
ليمت تضهر النه تكــــول هـــــذا انـــــه

اسمك يشح منه الماي...... ورد اشبكنه هواي

العجل يامولاي ..... العجل يامولاي
.........................
خايف لا يجيني الموت وماشايف تفاصيلك
ولا مره اجه ابالي بــــخرابه تنـــام لو بيتك
اجه ابالـــي ســــ وال شلــــون عــــينه تنام
اتخيل لو هلك ميتين ونته تشاهد ابعينك

يجري دموعه بهداي............. ورد اشبكنه اهواي

العجل يامولاي ........... العجل يامولاي
.... ..................
أخــذني العالمــــك ماريد عام اوهــــــام
إذا غافرلي يامولاي فدوه حسيني علخدام
ادري ذنوبي يامولاي جاي اتبعده من عندي
لو غافرلي يامولاي جا رازقني روحه الشام

يتارس بيتنه افياي ............ ورد اشبكنه هواي

العجل يامولاي................. العجل يامولاي
........................
أنا بيتنه مرتاح ونتـــــه بالــك علــــى الصـــار
تبجي ادموم مو بس ماي من هجمت عليكم نار
انته بكل مصيبه تروح همك بس ستر ليهم
من هجمت عليكم نار محد كال يا ستار

يمتى تضهر مولاي.........ورد اشبكنه اهواي

العجل يامولاي.............. العجل يامولاي

ليث الماجدي