وماوقفن من الزغاريت ، شيء عجيب ، ورهيب ، و بدأ الجرتق و هدى عربي ما قصرت بذات الإبتسامة الجميلة والرقصة المشهورة بيها ..
إفتتحت غناها ب:-

حلوين هديل شايلين معانا الريد ازاهر و سوسنا ...
شوفو العيون دايبات غرام دايبات حنان دايبات منى ...
ي حبيب هي الريدة ايه لو ما كده..
أيام عمرنا نعيشها جنة مفرهدا...
انا و الحبيب زي الورود حافيها الندى...
ياا هوااء خليني جنب هذا الحبيب اللي صار أقرب قريب..
م اخترت غيرو يكون سمح دايما معاي دايما دايما سوا...
ي دنيا ده الريد والغرااام....

بت دخرينا حتتو معاها حت قرض ، وجرتقنا تم بفرحة كبيرة ، وبتلك الصورة الجميلة ، والنفوس كانت منشرحة ، الناس إنبسطت وهججت ، ورفقاء بت الدخري عاشوا أحلى أيام عمرهن ، رفهن وإنطربن ، فرفشن ، وإنتعشن ، وبت الدخري مسكتن بعد نهاية الحفلة واحدة واحدة عافتن ، ودموع فرحتها ملت أكتافهن ، طلبت منهن العفو والسماح للسانها السليط معاهن ، وعلى أي تعامل شين حصل منها إنها كانت مابتقصد ، وأنحنا كمان كمتابعين فرفشنا معاهم وعشنا أيامنا مع بت الدخري تلك المرأة التى تحمل فى قلبها الطيبة و العفوية والنية الصافية والسليمة ، وزي ما بقولوا الفى قلبها على لسانها ....

كانت أيام جميلة ضحكنا فيها مع سامية (بت الدخري ) ، وصلت رسائل غير مباشرة للناس ، وناقشت بعض القضايا وعالجتها ، بفرح سامح ختمنا جمال تلك النفوس الطيبة ، و العيشة الهنية فى الحلة ، والريف وحياتها البسيطة ، وبت دخرينا جملت أيامنا زرعت جوانا البسمة فى زمنا الصعب ..

كنتم معى عبر هذه السلسلة ، المترابطة من قصة بت دخري الزين ، بعض الأخطاء تلازمني ، وكثير من الكلمات قد تكون جرحت بعض الأشخاص ومست قلوبهم ، وهى غير مقصودة منى ، كان هدفى ترفيها وترويحآ للنفس ، ومناقشة بعض القضايا بطريقة درامية ، طالبآ الآن منكم السماح والعفو إن أخطأت فى حق أحد ...

وفى الختام تقبلوا تحياتى وإحترامي ..
كل الود
حسن مامون خضر

_خلاص بطلى الكلام وجيبي يدك ..
بت الدخري البشرى نزلها وإنتظروا سامح وسحر قدام باب الصالة ، سامح نزل من العربية وفتح لسحر الباب وسحر كانت أية من الجمال ، البشرى وبت الدخري قربوا من ولدهم وسامح قبل رأسهم ويدينهم ، بت الدخري وقفتو ركبت ليهو هلال الدهب فى جيب البدلة ، وكبت ليهو فى جيبو كمون من العين ، وسامح بعدها مسك سحر من يدها وبهناك ليهم كانن صاحبات سحر ومن خلفهم الأمهات سارة وسامية والأبهات البشرى ومحمد ودخلوا الصالة والزفة إشتغلت ..
هنا بت الدخري دمعاتها جرن وحست بطعم السعادة ، وزفت ولدها بدموع الفرحة ، لحدى مالبشرى سكتها وإحتواها ، كانت لحظات مليانة بالمشاعر الفياضة والعواطف الجياشة ، لحظات عنوانها الفرح ، ولمة الناس حوالين بت الدخري زادت الموقف بهجة وسرور ، دخلوا مع الزفات الجميلة ، والعريس اصحابوا إتلموا فيهو شالوه على الأكتاف ، والصالة عجت بالزغاريد والرقيص والابتسامات الجميلة الطالعة من جوه الجوف ، واحد من أصحاب العريس مشى على الفنان وهمس ليهو فى أضانو قال ليهو :
يا أستاذ بالله عليك غنية سيرة كاااااربة شايف أعمامنا ديلك خليهم يعبروا عن مشاعرهم حبة ، غناء الشباب دا ماراكب ليهم فى رأسهم ، ومن حقهم يبتهجوا معانا وزينا ، هم أبهاتنا وأعمامنا ..
_ حاضر يا أخوي ، وليك منى الغنية الجاية دى حقتهم ، وإن شاء الله ينبسطوا ..
_تشكر يا أستاذ..

الفنان ذو الصوت الشجي ، فنان الشباب الصاعد يحمل حنجرة ذهبية كان من إختيار أصدقاء سامح فى الخرطوم ، مسك المايك وقبل على المتواجدين فى الصالة وقال ليهم:
ياجماعة الغنية الجاية دي مهداء لأعمامنا الكبار ديل ، وظهرت إبتسامات رضاء من البشرى وحاج محمد وجماعتهم ، والشباب فضوا الساحة ، وإفتتح العازف عزفه بدقة السيرة المعهودة ، التى حركت شجون ناس حاج البشرى وحاج محمد ، وتلقائيآ رفعوا عكاكيزهم وقرجهم للعرضة السودانية الجميلة دلالة فرح وعز ، والفنان دخل طوالي في الغنية البتقول :
يسلم لي خال فاطنة ..... بلالى البدرج العاطلة
أب كريق في اللجج ... سدر حبس الفجج
عاشميق حبل الوجج ..... أنا ابوى مقلام الحجج
يا خريف الرتوع ....... أب شقة قمر السبوع
فوح بيتو بسند الجوع ..... يا قشاش الدموع

الغنية دى حركت مشاعر اعمامنا ورجعتهم لزمن الشباب ، عرضوا عرض جد ، والعريس فى اللحظة دى صاحبو هشام معروف فى الحلة بالضكرنة والجوعلة ، أداهو السوط وركز ليهو ركزة أسد في نص الصالة ، وإنجلد لما ضهرو كب الدم والسوط ظهر فى جسمو ، والنسوان تزغرت ، والحماس زاد ، ودخلوا كمية من الشباب دائرة الجلد إلا عمر وعادل كانوا خالطين ليهم إتنين من بنات الخرطوم ما فاضيين للجلد ده ، جاتهم الرضية قاطعة بجنبهم قالت ليهم :
الناس راكزة جوه ، أركزوا إنتو البره تكسرو في التلج ، راقدين دكوة ، يا حليل الجوعلة ..
عادل قال لعمر :
غايتو حلة كلها بتاعين تشغيلات ، اعمل رايح بس كأنك ما شايفهم ..
عملوا غمرانين وإستغلوا إنشغال بت الدخري بفرحة ولدها والسوط اللافي في نص الصالة ، ماف زول ركز معاهم ، أهل العروس كانوا متابعين الناس بتنجلد ، ختوا يدينهم فى قلبهم ، شغل زي دا ماشافوا إلا فى الأفلام ، النسوان شغالات سجمنا سجمنا ، لا كتلو ، والاولاد مندهشين من تلك الرجولة لاولاد الحلة ، ولحدى ما الغنية إنتهت السوط كان مدور وبعديها الفاصل إنتهى ، نبهوا الحاضرين للجرتق وفي اللحظات دي سامح مسك يد سحر و مشوا يقطعوا من التورتة والفرحة ملت المكان ، والمضيفين جابوا العشاء بالكوكتيلات ومعاه البارد والحلويات، بت الدخري و صحباتها اكلوا و شربوا لما شبعوا ، وبفرحة بت الدخري قالت ليهن بلسانها غير المعهودة بيهو :
أها يا نسوان رايكن شنو إن شاء الله الوضع عجبكن و انبسطن؟
والأكل إن شاءالله كفاكن إنتن ووليداتكن؟
ماف واحدة فيكن لما نرجع الحلة تكشف حالي ...
فطينه قالت ليها :
مافي كلام ، وعرس سامح تمااام ، بالعديل والزين وربنا يسعدهم ، وبت دخرينا رفعت راسنا ..

_إن شااااااااء الله يا فطينة نردها ليك في الأفراح وعرس بتك ، وهسى دايرين لينا واحدة غنااية تعمل لينا الجرتق دا ، بثينة جات من بعيد لافحة ليها شمار جات تطاقش وتتجارى قالت ليهم :
يابت الدخري والله سماع أضاني وشوفة عيني دى ، سمعت أهل العروس قالوا الفنانة جاهزة للجرتق ، وإسمها هدى عربي البت البتجي في التلفزيون حق ناس ثريا ، وهسي العروس مشت تلبس التوب السوداني عاد يا بتو م قصرتي نورتي لينا عيونا ، وحاليآ ولدك سامح منتظرك بهناك عشان تلبسيهو وتكبي ليهو الضريرة وتكونى جنبو..

_اااي ماشة عليهو ، بت الدخري مشت لولدها جري ربطت ليهو الحريرة وكبت ليهو الضريرة ، ولبستو الهلالات والوشاحات ،وباستو بحب الأم النابع من صميم القلب ، وسلمتو سحر فى يدو ، شوية كده والصالة كلها ضلمت ما عدا محل الجرتق ، و سامح و سحر جوا لابسين اللبس البلدي و صاحبات العروس جن شايلات صينية الجرتق ، و البخور دخانو فووق ، والنسوان المع بت الدخري منبهرات ، ومندهشات

بت دخري الزين 💖
الحلقة ال 12 والأخيرة
بقلمى:- حسن مامون خضر

___
بت الدخري و أهلها و صحباتها وجيرانها ركبوا البص الأول ، أم دفسيبا ، وملنوا بالاغاني والهجيج ، والفرحة بقولوا لما تدخل قلبك بتقفل أبواب الحزن ، وإن شاء الله الحزن مايعتب على أبوابكم ، بثينة مسكت الدلوكة ومعاها ذات الصوت الشجي فنانة الحلة الشابة المعروفة ، نادية السني ، صوتها سنين وفيهو تطريب بثينة سخنت الدلوكة والشيالات ناس فطينة وثريا والرضية صفقاتن تعانق عنان السماء ، قالت كده نادية السني فتحت صوتها ومعاها الشيالات :

يا الجيناكم ، ارح ارح ارح ، و شلنا سحر وحيرناكم ، ارح ارح ارح..
ويا الجيتونا ارح ارح ارح و شلتو سامح ، وحيرتونا ارح ارح ارح ..
بتو متكيفة ومبسوطة تزغرت ليهن بقدر ما ربنا أداها من صوت وشغالة فيهن رفع معنويات شديدة وكل ما يبردن تكورك ليهن :
يلا اها يلا ها فوق فوق فوق الصفقة مالا تعبانة..
يلا يا نسوان هججن لعرس ولدي الوحيد يا الطاعمات يا الظريفات ، أملن الخرطوم بالفرح ، والكل يعرف بالعرس دا ..
الدلوكة مدورة والزغاريت فوق ، وسيد البص النسوان جوه مكيفاتنو ، وبوريهو أصلو ماوقف ، خاجيها معاهم خج شديد ، شايلاه الهاشمية سواقة بمزاااج ، ما زي البص التاني الفيهو اهل العروس وبعيدآ عن ضجيج الأفراح صوتهن كان واطى ، والحس حدو باب البص ، والأغانى مافيها هجيج زى أغاني الحقيبة ماسكة ليهم الدلوكة واحدة إسمها سوزان تهبش فى الدلوكة بطرف أصابعيها وفنانة البص إسمها شاهندا ماسكة ليها أغنية كبيرة عليها وبتغنى فيها :

ليه ياحب بدق على بابى
حرام ياحب ضيعت شبابي
انا من يوم فى دربك سرت
ياما بكيت وياما إتعذبت

والمعاها جوه البص يتلولحن يمين وشمال نظام بريستيج وعايشات مع الغنية ومندمجات ، السواق قرب ينوم ، كان حاسي بالملل ، لكن لما قربوا لبص ناس بت الدخري كلهن سكتن ، وإندهشن بالإندياح والإرتياح والفرحة المالية جو المكان بالطرب البسيط ،وبالعزة بتاعتهن ، والعز أهل ، وإتمنن فى اللحظة دى لو كانن راكبات معاهن ..
بت الدخري طلعت رأسها بالشباك وتشيل وتشاغل فى ناس البص التانى قالت ليهن :
يا العسولات ، يا الملكات ، يا الخرطوميات ، مالكن ما ليكن حس ، ولا صوت المرأة عورة ..
فطينة ميتة تضحك من طعمية بت الدخري الحامضة ، وواصلت مشاغلتها ..

أسمعنى يا خرطوميات صوت البدق ليكن دي مالا حيلها ميت زي المياكلة عوير ، طيب كدى النجدع ليكن فطينة دي بالشباك تحرروا ليكن..
فطينة حمرت ليها وقالت ليها :
يعنى عشان انا ضعيفة حقارتك فينى انا بس ماتجدعى ليهم ثريا ديك ..
_سجمى يافطينة الفيل ده انا مابقدر عليهو ما ناقصة فلايت ...
ثريا سمعت إسمها فى الجوطة دي لكن ماسمعت باقي الكلام قالت ليهن :
جايبات إسمى مالكن؟
_عاد ياثريا انحنا بنقدر نقول فوقك كلام ، إنت الكل وغيمة الضل ، وقلنا فيك كل خير ..
بت الدخري حبت تهدي التور الموجود معاهن (ثريا) وادتها زغروتة كعربون محبة وبعدها مشت على السواق قالت ليهو : اها يا ولدي ما قربنا حسنا دا إنقرش؟
_أي يا خالتو قربنا اتجهزوا للنزول بعد ده...
بت الدخري قبلت علي النسوان قالت ليهن :
هي يا نسوان خلاص وصلنا بعد دا ،، اعدلن تيابكن ومشيتكن ، ولموا شفعكن ديل ، وصمن خشمكن ، العندها لبانة في خشمها تجدعها ، لانو أكلكن شين ، سمن وأنزلن والبهرجة الفى خشم الصالة دى ماتخلعكن ، يلا أرحكن على بركة الله ..
بثينة لكزت بت الدخري من كتفها قالت ليها بعفوية :
اها يا بتو مش نحنا مفترض نغني بدلوكتنا قدام باب الصالة دي لحدي ما يجوا يدخلونا؟
_هوي يا بثينة شايفاك علقتي في دلوكتك دي يعلقوك من كرعينك ، تقومن تفضحني اصبرن ننتظر بص ناس العروس بعد يدخلن نمشي بوراهن ..
فطينة متابعة الحديث قالت ليها:
هوي يا بتو نحنا مالنا بسوقونا زي الغنم ، ماتقللي من قيمتنا ، لينا مكانتنا برضو ، والله الفرح فرحنا والصالة حقتنا ، مش ولدك الدافع حقها ؟
والله ندخل قبليهن ونقعد قداااام...
_إنت يا فطينة لو دخلتن قدامهن بتشترنها ، جوة فى معازيم من طبقات عليا ، ناس دهبهم يكشكش وحلاتهم توشوش وتيبان ترقش ...
السواق نزل الركب الكريم من البص ، والنسوان دخلن الصالة مع أهل العروس وبت الدخري وفطينة لسه مانزلن بتناقشن ، من بعيد البشرى شافن راكبات لسه ومانزلن مع النسوان جاء عليهن قال لبت الدخري:
اااا ولية منتظرة شنو م تنزلي ، راجية المولد ولا شنو؟
_أجي أجي يالبشرررى ترجى المسيح إنت ، أقصد ترجى ولدك العريس ، تعال جاي تعال جاي يا حبيب قساي الننتكل فيك باقي لابسة لي كعب عالي..
_هسي يا مره كان وقعتي و انكسرتي ..
_بري مالك علي والله الليلة كان الكلمة دى تتفها من خشمك يا البشرى ، انا لسه شباب ، قايلنى زيك ..

=بس أنا كده مرتاح..الكهرباء قاطعه والجو ظابط ومرتي في حضني..البطلعني شنو !!

_يا يوسف ياخ.

=والله ما قادر..بكرة نمشي الشغل ونتمشى زي ما عايزة

_ما تتكلم معاي

=إيناس

_ما أسمي

=فٌلة

_ما أسمي برضو

=حبيبتي طيب

_ما بفصل

قمت من جنبه ورجعت سريري.

=ده زعل بجد ده

جاا وعايز يرقد جنبي

_ارقد في سريرك يا استاذ

=عاوز ارقد هنا يا زولة

_ح أقوم أخش جوه

=بلحقكك برضو

_الله

=خلاص قومي

_ح نتمشى بجد !؟

=أي ما ح تخليي اليوم يعدي عارف أنا

قمت وحضنته..كنت ح أزح بس ضماني أكتر♡

=ح نتزاعل أنا عارف ويمكن نتشاكل..بس عاوز الضمة دي دايماً تكون نهاية أي زعل وأي خلاف...ما نطول في الزعل ولا نسمح ليهو ياخد مساحه بينا..ممكن !!

_ممكن ممكن...وممكن تفكني عشان نمشي !؟

=ولو أبيت !!

_يُوسف يعمل العايزهُ♥️

♡♡♡♡♡♡♡♡♡♡♡♡♡♡

"أودُ أن أكون الحبيبة قبل الأخيرة
فالأولى بلا شك أُمك والأخيرة إبنتُك
شارِكني أكثر اللحظات قسوة وأقلهن سعادة
شاهد معي إكتمال القمر بدراً
وراقصني على دندنات الهواء
الطلق
لا تُحب الصيف أنا أعلم
ولا أفلام الرعب ولا حتى الركض صباحاً
لا تتنازل ولا أتنازل
دعنا نحيكُ ثوب جديد لقصتنا
لم يرتديهِ أحدُ من قبل

أكملني فقط
أحمِلُ نصف روحك معي
وتحمل قلبي كاملاً
حبيبي قبل الميلاد والتاريخ♥️!
#ننس_تمدين
النهـــــــــــــــــــ❤ـــــاية

#عانِق_يداي《16》
#الاخيـــــــــــــــــــــــــــــرة
#بقلم_ايناس_ادم(ننس_تمدين)
ــہہہـ٨ـــ٨ــــــہہـ٨ــــہہہـ٨ـــ٨ــــــہہـ٨ــ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
"البيت الكبير♡"

تفاصيل البيت الكبير مٌختلفة عن تفاصيل أي بيت..بيت حبوبة وجدو..بيت اللمة والونسة..بيت النقاشات والإقتراحات..بيت الحِنية والأمان..شغب الأطفال وضِحك الكٌبار..قعدة جدو وحبوبة وبينهم أهلنا..ريحة البن والشاي..المشاكل والخلافات..كل حاجه ليها طعم مختلف♡

لمة العيلة وحكاويهم وقصصهم..بنفس الحب ونفس الطباع..الحياة بتتغير ويمكن كمان النفوس تتغير..بس نتمنى تصفى بسرعة والبينا يكون عامر بالمحبة دايماً♡.

"بعد مرور عدة اشهر"

بيت صغير أول الحي..قدامهٌ شجرتين ظليلات..مدخل عبارة عن أصايص وصباح الخير قصادهُ عباد الشمس..صوت العصافير مالي الحوش اللي فيهٌ سريرين مفرشات في ضلُ العصر ومعاهم طقم كراسي بلاستيك..أرضية رملية مرشوشة بموية..راديو شغال بصوت هاديء بنقل الأخبار المسائية..غمام مالي السماء وراحة نفسية مالياني♡.

"وأنا يا حبيبي أغمض عيناي لأراك في الأحلام♥️"

كنت بقرا في الشِعر ده لما يوسف فتح الباب..ختيت الكتاب جنبي وأنا بعاين ليوسف اللي جاا راجع من صلاة المغرب.

_كإنك إتأخرتَ !!

=لا أنتي بس أشتقتي لي♡

_تشرب قهوة !؟

=وأقرا شِعر معاكِ !!

_أفكر

_ح تجني قريب

=ما قادرة أوصف ليك الإحساس

_ده بشلتك إحساس شنو يا فاتن !!

قمتَ ومشيت قعدت جنبهُ وشلت يدهُ ختيتها في بطني

=حاول تحس بالرفسات دي إحساس..ما بس ملمس يد

_هو بتحرك كتير كده ليه !!؟

كنت مبسوطة وبعاين لإياد

=حسيت !؟

_فاتن قومي بالله..قومي

=أخس عليك لا إحساس لا ضمير..ماشة لحبوبة يلا

_ح تكوني خدمتيني..عشان أحضر الكورة بمزااااج

لويت ليهو خشمي..طلع لي لسانهٌ?

=أنا كيف مستنية منك تبقى أب مسؤول !؟

_يعني لو طلعت لساني معناها ما مسؤول..يا فاتن قومي ياخ

=يا زول أبيت

ختيت راسي في رجولهٌ..كان بعاين لي مرة ومرة يعاين للتلفزيون.

قلبي كان واجعني وأنا شايفة حالات سامي..خطب من أسبوع بعد ما جاا راجع من سفرتهُ ديك...خطب واحدة كانت معاهو في الجامعه...حبي لشِهاب حاساهٌ خلص..بقى بينا ماف كلام..ماف تفاصيل..مجرد إتنين مخطوبين وح يتزوجوا..كنت حاسة بعدم إرتياح ونفسي أوقف الموضوع ده..خصوصاً بعد نتيجتي اللي جات زي الزفت وبابا زِعل مني..ح أعيد تالتة تاني والله أعلم اتمها من بيتنا ولا بيتي.. !!

كنت في غرفتي بتراسل مع هِبة حبيبتي وخطيبتي..هِبة ظهرت في وقت أنا ما طايق فيهُ نفسي..شافتني في أسوأ حالاتي..ولقيت معاها نفسي الفقدتها♡

_عاوز أقول ليك شيء

=قول لي♡

_ح أفضل طول عمري أشكر ربنا عليك

=جيت في الوقت الصح..صح؟؟

_وماف حاجه صح غيرك يا هِبة♡

_خلوني أبيت بس ما ماشة

=تاج أمرقي أرح

حبوبة قالت:-

_ها يا محمد ولدي خليها..ما ياهو البيت جنب البيت

جدو=أي خليها تبيت..بكرة الصباح تجي عليكم

_مدام أنتو قلتو كده خلاص..تصبحوا عافية.

عمو محمد طلع مع زوجته وخلوا تاج مع حبوبة وجدو...فرشوا الحوش ولصقوا السراير جنب بعض

_الجو الليلة بالحيل سمح

=خلاص قومي فوري لينا اللبن قبل البنية دي تنوم

_سمح يا حاج يوسف

=أعملي حسابك ما تقعي..قطعوا الكهرباء الشياطين ديل

_اديني الفانوس الجنبك ده

تاج قالت:-

_أمشي معاها يا جدو عشان ما تقع..

=قلتي كدي !؟
جدو شال الفانوس ومشى مع حبوبة يعملوا شاي بلبن♡.

_بيموتوا موت لو ما قطعوا الكهرباء دي

=معليش معليش..عاوزة بيها شنو أنتِ..الجو ما محتاج تكييف ولا غيرو

_ما عشان التكييف..تلفوني ما شاحن

جراني من يدي وقعدني جنبهُ

=وعاوزة بتلفونك شنو برضو !؟

_عاوز تصل لشنو أنت !؟

شبك أصابعهُ مع أصابعي

=ولا شيء..

_عارف لما تمسك أصابعي كده..بحس بشنو !؟

=بشنو !!

_كأنك بتحضنهم♡

=وأنا عشان كده بحب أمسكهم♡تعالي

رقدني في كتفهٌ ولسه أصابعنا متشابكة♡

_يدينك فيهم دفىء

=بتحبي دفاءهم !؟

_لا بحبك أنتَ

=أنتي حبيبتي♡

_يوسف

=عيونهُ

_لا عيونهٌ بتجهجهني

بقى يضحك ضِحك

=روحهٌ طيب..عاوزة حاجه !؟

_ارح نتمشى

=أسي !؟؟

_على فكرة من السُنة يعني..خلينا نلف شوية ونرجع

_ما اهو انت بتسرح زي وأسوأ

=لا ماف زول بلحقكك

_شاركني طيب

=شنو !

_سرحان في شنو !!

=ح أحكي ليك عشان تفتشي حلول يعني !؟

_لا..عشان أسمعك بس♡

"نهاية أسبوع_خطوبة شِهاب ومِنة"

حوش ناس عمو محمد..مٌزين ومظبط بطريقة حلوة..إضاءة عالية وصوت موسيقى هادئة..معازيم كتار بالطبع..الاجواء على العموم رايقة..بس موضوع شغل يوسف لسه مٌعكر الجو بين أفراد الأسرة..عاملين عشاء خفيف وعصاير وشوية بلديات..العروسين إتبادلوا الخواتم وسط زغاريد وتباشير من أولاد وبنات الأعمام♡♡..شهاب واضحة عليه البهجه..عكس مِنة اللي كانت شوية باهته...إتصل علي سامي وسط الجوطه دي..طلعت برة ورديت عليهُ.

_سامي

=كيفك يا بتنا

_كويسة..انت طمني عليك !؟

=ما علي عوجه..كنت عاوز شهاب أبارك ليهو

_جادي !؟

=اديني ليهو سرعة ما عندي ليك رصيد

دخلت جوه وقصدت أقول أسم سامي عشان اشوف ردة فعل مِنة..إرتبكت والكرسي بقى ليها ضيق...شِهاب أتكلم مع سامي مسافة ومد التلفون لمِنة..ما ردت ولا بشيء..عيونها اتملت دموع...شلت منها التلفون لقيت سامي قفل.

"عزائي للمشاعر التي تسربت إلى وجهةٍ خاطئة..."

ما كملت باقي حفلة الخطوبة..طلعت ورجعتَ البيت..كنت حاسس وجودي ما مُرحب بيهو شديد..أبوي وأعمامي وجدي زعلانين من تصرفي الأخير..وعليه التعامل بقى بينا أكتر من عادي...لقيت نفسي مٌرسل لفُلة.

_بتتزوجي في أي وقت ولا عندك تاريخ مُعين !!

قرت الرسالة وما ردت علي..

_لو ما عندك تاريخ..أنا شايف الشهر الجاي مُناسب

=يوسف انت بتقول في شنو !!

_بقول نتزوج♥️

جميعُهم يشهدون لي هويتي ، تاريخ ميلادي ، وعلاماتي المميزة
" بأنّني أحبّك ".

"مُقتبس"
--------------------------------------
---------------------
☆يتبــــــــــــــــــــــــــــــــــــــــــــع☆☆

-وتحياتي لك ام عظيمة بتحاول انها تربي أولادها بي طريقة سليمة، واقدر تعبهم واحترمهم جدا
وتحياتي
وبعتذر لاني ما اهتميت بشخصية يوسف قدر المستطاع، بس حيست في جوانب كتيرة في القصة مفترض اركز عليها.
-مهما حصل في حياتك ربنا يعوضك خير، وخلو املكم في ربنا كبير
ومررو لي الاخطاء ولو نسيت حاجة
ما تبخلو على بي رأيكم عن الرواية واشكركم للمتابعة
وواكتر شخصية حبيتها منو!
#النهاية
#ايثار_كمال