Оғир ролик бўлибди. Болаларимизни асрайлик! (#)

Uyda ustalar. Kechki ovqatdan keyin idishlarni yuv, yig’ishtir. 3 ta bola, hammasi cho’milishi kerak, ertaga kiyadigan kiyimlarini hal qilish kerak. Uchinchisi etakka yopishgani yopishgan, ko’chaga opchiq deydi, qornimni to’ydir deydi va yana ko’p istaklari.

Ustiga ustak, qishki kiyimlarni yig’ishtiraman deb butun shkaflarni yoyib olganman. Oxiriga yetgani yo’q. Maktabda ertangi darslarim uchun testlar tuzish kerak.

Hammasidan yurakni siqayotgani - buyurtma ish olganman: ertagacha loyiha matnini yozib tugatish kerak. Ertaga yana podkastga boraman deb qo’yganman, unga tayyorlanish kerak.

Asabiylashaverasan, ulgurmayotganingni o’ylab.
Shu payt “Sen kuchlisan” guruhidan “kanalingizga qo’yib bering” degan xabar keladi: onkologiya bilan og’riyotgan bolalar selfi-marafon o’tkazayotgan ekan, bolalarni xursand qilish uchun bor-yo’g’i rasmlarini layklab chiqish kerak ekan.

Kirib, rasmlarning har biriga 3 talab layk bosib chiqdimu noliyotgan muammolarimdan uyalib ketdim.

Soppa-sog, faqat bolacha xarxashalari bilan yelkamga osilayotgan bolamni bag’rimga bosib, “Xudoga shukr” dedim.

Layklab chiqing siz ham. Ichimizdagi shukrni uyg’otish uchun. Bolalar xursand bo’lsin. Ilohim, barchalariga shifo bersin.

https://t.me/senkuchlisanm

Telegram

💪👶Sen kuchlisan👧💪

Bolalarga kuchli ekanliklarini, ular zaif emasliklarini, ularni yaxshi ko'rishimzni bildirishimiz kerak***💪******🥰*** Admin ***👇*** @Nur\_1993

Бугун Конституциямизнинг туғилган куни десак бўлади.
Сендан кўп нарса кутаман, сенга кўп нарса тилайман, Конституция!

Аввало, номи бор, кучи йўқ китоб бўлма. Сендан ёмон йўлда фойдаланишларига йўл қўйма. Салобатинг боссин, сенга даҳл қилишдан ҳайиқсинлар.

Елкангда катта масъулият бор. Фақат ўзингни эмас, бизни ҳам ҳимоя қилишинг керак. Қатъиятли, бир сўзли бўл. Сени четлаб ўтишларига йўл қўйма.

Доимо адл тур. Кучли бўл. Сени эслаганда қайсар, гапидан қайтмас қари донишманд бўлиб гавдалан.

Кўнгли бўш, мослашувчан бўлма. Сен билан ҳисоблашиб, сенга мослашсин бошқалар. Охирги гапни ҳар доим сен айт.

Мукаммал бўл. Сендан камчилик тополмайлик.

Бизга яқин бўл. Ҳар куни борлигингни ҳис қилайлик.
Бардам-бақувват бўл, сенга суянганимизда нураб кетма.

@dilroz_abrayeva

Бир жудда ёмон воқеа ҳақида мурожаат бўлди. Мурожаатчи ўзим шахсан танийдиган аёл, университетда дарс беради, хорижий тиллар бўйича PhD қилмоқчи, олима. Ёлғиз она, ўғлини ўзи катта қиляпти. Ўғли ҳали гўдак.

Шу пайшанба — 16 ноябрдан 17 чига ўтар кечаси тоби қочган, тезёрдам чақирган. Ёлғиз ўзи ёш боласи билан яшагани ва кечқурун бўлгани учун иложи бўлса аел шифокор сўраган. Лекин икки соатда ҳам аёл шифокор топилмагани учун тунги соат 00:15 да эркак шифокор бир ўзи кириб келган. Учта шприцда укол қилган. Охиргисини қилаётган пайтдаёқ аёл ўзини ғалати ҳис қила бошлаган. “Миям бирдан маст одамникидай гаранг бўлиб қолди, осмонга учаётгандек бўлдим. Эс-ҳушим жойида, лекин оёқ-қўлим бўшашиб ўзимга бўйсунмай қолди” деди.

Хуллас, тезёрдам шифокори аёлнинг ожизлигидан фойдаланиб унга ножўя қилиқлар қилган, қўли билан жинсий зўрлаган. Яна кўпроқ ишлар қилмоқчи бўлгану, аёл ҳоли борича қаршилик қилавергач, ниҳоят кетган.

Аёл эртаси кечгача хаёли ўзида бўлмаган, кечга бориб нима бўлганини англаб бонг ура бошлаган. Лекин 102 га қўнғироқ қилингач етиб келган участка нозири етарли тезкорлик кўрсатмаган, аёлга “барибир исботлашингиз қийин” деб мурожаатидан воз кечишга ундаган. Аёл қатъият кўрсатгач, судмедэкспертизага йўлланма берган. Бу жума кечқурунги гап.

Аёл судмедэкспертизага борган, иш куни тугаб қолгани учун иши битмаган. Эртаси шанба ҳам шу аҳвол. Судмедэкспертиза, наркологияга бориб вақти зое кетган (қизиқ, улар ҳафтада 5 кун соат 4 гача ишласа, бошқа вақтларда қилинган жиноят излари душанбагача кутииб ўтирадими?) Участковой эса ҳамон “барибир исботлай олмайсиз” позициясида шекилли, етарли ҳаракат қилмай, аксинча, аризани қайтариб олиш ҳақида гап очяпти нуқул. Тезёрдам қолдириб кетган шприцлардаги модда қолдиқларини ҳам ҳеч ким эътиборга олмаяпти. Порталга қилинган қўнғироқлар, мурожаатлар охиригача эшитилмай қўйиб қўйиляпти. Аёл ишонмаяпти адолатга, лекин уни топмоқчи, шундан жуда жонсарак.

Аёлнинг аҳволи жуда ёмон, ҳам ўша “шифокор”нинг ифлос ишидан хўрланган, ҳам бу сусткашлик ва эшикма эшик тўпдек тепилишлардан чарчаган.

Ўзи жинсий жиноятлар кўпда очилмай қолиши ва давом этаверишининг сабаби ҳам шуки, қурбонга жуда қийин бўлади ниманидир исботлаш ва айни пайтда бу хўрлик ва сарсонликларга чидаш.

Ҳурматли Ички ишлар вазирлиги масъуллари. Бу ишни шундай қолдириб бўлмайди. У аёл эс-ҳуши жойида, зиёли оиланинг фарзанди, ўзича воқеалар ўйлаб топишдан манфаати йўқ. Бу ишга жиддий қарашингизни сўрайман. Ўша “шифокор” жазосиз қолишига ишониб ифлос ишни қиляпти экан, демак сизлардан ҳеч ким қўрқмай қўйган, жазо муқаррарлигига ишонмай қўйган. Агар юзта, ҳатто мингта ёлғон мурожаатга битта рости тўғри келса ҳам, у етарлича ва тезкор ўрганилиши керакмасми? Аввал бошданоқ ходимларингиз “ҳеч нимани исботлай олмайсиз” деб ўтирса, зўравонлар арқони баттар ечилмайдими?

Ҳурматли соғлиқни сақлаш вазири Амрилло Иноятов. 103 да қўнғироқларни қабул қилганингизни кўрдик. Одамлар жонидан ўтганидан шифокор чақиришади, биласиз. Тизимдаги ўн, юз минглаб одамларни миясига кириб чиқиш ва ахлоқига жавоб бериш қийин бўлса ҳам, бунга мажбурсиз. Ҳеч бўлмаса, шундай рискларнинг олдини олиш учун беморнинг уйига шифокорларингиз ёлғиз кирмаслигини таъминлаш мумкин-ку.

Шифокор чақирсанг ёрдам сўраб, у зўрласа. Ички ишларга айтсанг, у “барибир бефойда” деб ўтирса. Нима қилсин одамлар, беморлар? Дори ичиришга қўрқиб қолдик, энди тезёрдам ҳам чақирмайликми? Индамай ўлиб берақолайлик!

Узр. Жуда жаҳлим чиқяпти, алам қиляпти, бечора ҳимоясиз у аёл учун ачиняпман. Қаердадир бир палид юрибди шифокор оқ халатига доғ тушириб. Бу қачонгача давом этади???

@shahnozxon

Талабалар ижодидан.

Талабаларга ишониш, имкон бериш ва қўллаш керак.

Telegram

Javohir_Azizovich

#ijtimoiy\_rolik "Ayol emas, jamiyat jinoyatchi aslida..." Bugungi kunda xotin va qizlar tomonidan sodir etilayotgan jinoyatlarni oldini olish mavzusiga qaratilgan Rolik Oʻzbekiston jurnalistika va ommaviy kommunikatsiyalar universiteti 2-bosqich talabalari…