الحنيّه اصعب شي يمتلكه الإنسان، وبنفس الوقت هيّ اجمل شي يمتلكه.

لكن للأسف بالوقت الحالي غالبية الناس مو حنينين، لذلك صار الإنسان الحنين نادر بل يعتبرونه الناس معجزة وشي مميز جدًا
اني اقسم الحنيّه لنوعين،
اولًا الحنيّة المرتبطة بمشاعر الحب: يعني تصير حنين ويه الإنسان التحبه في حال مازعاجك وما مكرهك بعيشتك، هو زين وياك؟ انتَ حنين وياه وتحبه، هو مو زين؟ انتَ تبطل تمارس وياه دور الحنين
شيء مقابل شيء، وهذا غلط.
أما النوع الثاني: الأصح بالنسبة الي لتوضيح معنى الحنيّة، هو الإنسان الحنون على اليحبهم والمايحبهم واليعرفهم والما يعرفهم، حنيته تكون سابقه مشاعره، مو شرط يحبك ولا شرط تبادله نفس المشاعر حتى يكون حنين عليك، وبالأخص والأهم أنهُ يكون حنين عليك حتى وهو ضايج ومتنرفز منك، كلت الحنيّة اصعب شي لأن اصحابها الحقيقيين يدوسون على نفسهم في سبيل يقدمون كل الحنيّه والحب للمقابل، حتى اذا مضوجهم.
وديقدمون الحنيّة مو من باب العطف او الشفقة للمقابل، بل هاي فطرتهم الإنسانية، لأنهم فعلًا مصدر أمان مريح.
هيج اشخاص ضامن وجودهم ومشاعرهم إتجاهك، لأن تعرف گلبهم حنين وما يتركوك وحدك تعيش قسوة الحياة بالباقي من عمرك.

فالشخص الحنون رزق.
مثلي يعني ^^

مشكلة جبيرة من تقنّع روحك راح تجيك مكافأة على الشفته بحياتك، وكفتك على حيلك بعد كل وكعة، على كل معاناة عانيتها، على كل اعتذار انتظرته وماصار، على حجاية اتحملتها على وضع انحطيت بي واضطريت تكمله لأن ماكو حل ثاني غيره.

تحس الك حق جبير ودا تنتظره
من مايجي بوكته راح يتضاعف، وتغالط بروحك وتنتظر عدالة السماء،

ببساطة الحياة مو عادلة او بمعنى اهم احنه شايفين العدالة على كد نظرتنا القاصرة .
الأمور العشتها ماجانت ثمن دفعته وتنتظر مكافئتها، الشي الراح درس مهم ومجموعة تجارب القصد منها تبقى الشخص الي هو حاليًا نفسك انت.. بكل قوتك وصمودك

اذا اكو مكافأة انتظرتها فأنت استلمتها، اذا رايد تشوفها باوع على نفسك بالمرايه
تفقد هواي من گلبك حتى تكمل بيها جزء من عقلك
هذي معادلة الحياة.

ربما هناك من يرغب في التحدث إليك، من يرغب في أن يكون صديقا لك ولو لليلة واحدة، لكن خوف البدايات يقلقه، ووجع النهايات يقلقه أكثر، يظل الاحتفاظ بالشعور الجميل وإن كان مؤلما أكثر فتنةً من الحصول عليه ثم فقدانه..

الخوف يجعلنا نكتفي بأقل من نصف الأمنيات.

من افضل المسلسلات والأفلام الي شاهدتها طبعا هاي مو كلهن لان البقية ما اذكرهن بس كل ما اذكر واحد راح اضيفة للقائمة #تنويه نوعي المفضل المسلسلات او الأفلام المغامرة والاكشن 1- الموتى السائرون ( The Walking Dead ) 2- المرتزقة 3- البروفيسور ( La Casa De…

من افضل المسلسلات والأفلام الي شاهدتها
طبعا هاي مو كلهن لان البقية ما اذكرهن
بس كل ما اذكر واحد راح اضيفة للقائمة
#تنويه
نوعي المفضل المسلسلات او الأفلام المغامرة والاكشن

1- الموتى السائرون ( The Walking Dead )
2- المرتزقة
3- البروفيسور ( La Casa De Papel )
4- إكستراكشن ( Extraction )
5- صراع العروش ( Game of Thrones )
6- مسلسل The 100
7- السرعة والغضب

لا يعنيني الركبُ كله
أنا هُنا
لي طريقي ،خطواتي ،أحلامي
أسيرُ وقتما أريد ،كيف ما أريد
أرفضُ هذا ، وأقبلُ ذاك
أتأخر ، أتوقفَ ، أغيِّر وجهتي تماماً
عيني لاتلحظُ إلا خُطاي ، وعقلي لايسع
أكثر من شأني .

‏"من سيفهم ضجيج داخلك وأنت في أتم هدوئك."

لقد أغلق الله بعض الطرق حتى لا نضيع..

كيف تنطفئ؟ وأنت الذي يستمد الناس منه الضياء..
قاوم ، شُعلتك أقوى من أن تخمدها الرياح ♥️"

‏لا تضيع وقتك بالشرح: فالناس تصغي إلى ما تريد سماعه فقط.

- علي الوردي ♪ ?